ساكتون روسيه ... خربت ( رصاصتها ماتطير ) ؟؟

[أبو فيصل نت]

السلام عليكم شباب مكشات

من العايدين

والله انى مستحي أسععععأأأأأأأأأألكم ...

واحد يقول خاشوفه والثانى شوزن والثالث ار بي جي :D

وانا جاي بسكتوني هالمخكرعه

عموما بنسدح القصه :

هذي سكتون هوائيه طولها يادوب 35 سم ... صغيرونه

حقت علب ببسي مو صيد طيور ظنتى .. :D

المهم شريتها من الحجاج الروس ويركب لها رصاص عن طريق الكسر
وعادي نكسر ونركب الرصاصه
ويوم تضغط زنادها يطلع صوت الرمي المعروف
ولكن الرصاصه مكانها ماتطلع...

بينى وبينكم ... انا من النوعيه اللي تموووت بالتفكفك والتصليح

فكيتها ...وماشفت شئ مو طبيعي ..وللمعلومية خبرتى في تصليح السلاح وتفكيكه صفر بالميه :confused:

ننتظر فزعة النشاما

وسلامتكم .......

[قناص شقراء]

ابو فيصل حياك ربك ولا تستحي ولا شي انت بين ربعك واخوانك واعضاء المنتدى رجال شرواك والرجال مراجله في افعاله وانا اخوك مهوب بنوع سلاحه

عموماُ مشكلة الهوائيه الي عندك لاتخلو من احدى الحالتين التاليتين 1/الربله التي على مدخل السبطانه تكون تالفه او مفقوده تماماُ وهو الأقرب لحال وصفك للمشكلة ( مكانها لا تطلع )

2/ السسته داخل بطن البندق مرتخيه / او مكسورة

عموماُ هذه الأنواع ليس لها وكيل وطالما انت تحب الفكفكة والتربيط حاول ترهم لها قطع غيار من الرميح او الرماية او الهدف او انطلها وخذ وحدة جديدة ماركه والله يخلف عليك