يوسف الخليفة1
30/07/2011, 09:59 PM
بسم الله الرحمن الرحيم
السلام عليكم ورحمة الله وبركاته
الذيخ يشبع من طواريف حاره=والذيب يقنب من عنا الجوع طاوي
حتى البساسه تلقا مثل الجعاره=واشوف سرحان بمقاصيه ذاوي
يلهم رميم جلود حول المغاره=واليا ضواه الليل بالرجم عاوي
تصوعه الصكات صوع الحجاره=ما دنق المنخر كما الكلب واوي
يبلج بعين العز مثل الشراره=ما لان لو يلويه بالضيم لاوي
عايش على ضيق الخلا والعساره=شجاعته يبقا عليها متساوي
صيده سمان الحيل ما صاد فاره=تلقا مقيله حول وكر النداوي
لكنها الدنيا عليها استداره=شاخ بزمنها عاكف الذيل غاوي
تغيرت وامسا الثعل في زباره=والذيب مقصي بالملاذ العلاوي
اليا ادبرت دنيا الفتا بالقشاره=فهي تقيم خيام فيها العناوي
واليا اقبلت يتلا سعدها دماره=كما الغرينه صيف عقب الملاوي
الطين فوق الما تهاوا جداره=لو ان ساسه قد يبس بالقساوي
وانسان ما به دين يجني خساره=لو كان علمه في بحور الغطاوي
علمن بغير اعمال زال اعتباره=كان استحل ابليس عرش النحاوي
يا حامل الاسلام راس الاناره=اياك عن درب الحرام الغثاوي
والواجب الانسان حسب اقتداره=هذا صحيح القول باسناد راوي
حذرا مدانيق الريا والدعاره=تمسي على بيت الظليمه جلاوي
وابعد عن ستار الضريح ومزاره=تفوح باحسوسك ضروب المكاوي
تعامل بحسن الادب والعباره=لا ترخي لسانك لبعض الدعاوي
حذراك عن شبهه تثاور غباره=عجاجها قايم بقاعن قصاوي
لا تلحق ظنون السراب وشعاره=حتى ولو فيها مذاقن حلاوي
سم العسل خداع بالكبد ناره=اليا لجا يتلف جميع الحشاوي
ما كل منطوقن مواري بشاره=بعض الثعالب متقنين الحكاوي
لا تفتح لباب الذرايع مساره=تطيح في لهوة طحين الرحاوي
ترا سعير النار يبدا بشراره=لما تزيد ضرومها باللضاوي
واغنم زمانك لا يفوتك قطاره=دامك سليم وصاحي الفكر قاوي
كم صيرمي قبره تحول خفاره=حدر الثرا عقب المساريح ثاوي
يوسف الخليفة ( أبو عبد الله )
السلام عليكم ورحمة الله وبركاته
الذيخ يشبع من طواريف حاره=والذيب يقنب من عنا الجوع طاوي
حتى البساسه تلقا مثل الجعاره=واشوف سرحان بمقاصيه ذاوي
يلهم رميم جلود حول المغاره=واليا ضواه الليل بالرجم عاوي
تصوعه الصكات صوع الحجاره=ما دنق المنخر كما الكلب واوي
يبلج بعين العز مثل الشراره=ما لان لو يلويه بالضيم لاوي
عايش على ضيق الخلا والعساره=شجاعته يبقا عليها متساوي
صيده سمان الحيل ما صاد فاره=تلقا مقيله حول وكر النداوي
لكنها الدنيا عليها استداره=شاخ بزمنها عاكف الذيل غاوي
تغيرت وامسا الثعل في زباره=والذيب مقصي بالملاذ العلاوي
اليا ادبرت دنيا الفتا بالقشاره=فهي تقيم خيام فيها العناوي
واليا اقبلت يتلا سعدها دماره=كما الغرينه صيف عقب الملاوي
الطين فوق الما تهاوا جداره=لو ان ساسه قد يبس بالقساوي
وانسان ما به دين يجني خساره=لو كان علمه في بحور الغطاوي
علمن بغير اعمال زال اعتباره=كان استحل ابليس عرش النحاوي
يا حامل الاسلام راس الاناره=اياك عن درب الحرام الغثاوي
والواجب الانسان حسب اقتداره=هذا صحيح القول باسناد راوي
حذرا مدانيق الريا والدعاره=تمسي على بيت الظليمه جلاوي
وابعد عن ستار الضريح ومزاره=تفوح باحسوسك ضروب المكاوي
تعامل بحسن الادب والعباره=لا ترخي لسانك لبعض الدعاوي
حذراك عن شبهه تثاور غباره=عجاجها قايم بقاعن قصاوي
لا تلحق ظنون السراب وشعاره=حتى ولو فيها مذاقن حلاوي
سم العسل خداع بالكبد ناره=اليا لجا يتلف جميع الحشاوي
ما كل منطوقن مواري بشاره=بعض الثعالب متقنين الحكاوي
لا تفتح لباب الذرايع مساره=تطيح في لهوة طحين الرحاوي
ترا سعير النار يبدا بشراره=لما تزيد ضرومها باللضاوي
واغنم زمانك لا يفوتك قطاره=دامك سليم وصاحي الفكر قاوي
كم صيرمي قبره تحول خفاره=حدر الثرا عقب المساريح ثاوي
يوسف الخليفة ( أبو عبد الله )