بخصوص خزانات الوطني

[فيصل التميمي]

السلام عليكم ورحمة الله وبركاتة

حياكم الله ياشباب استفسار بسيط عن خزانات الوطني المخصصة للسيارات هل يتغيير طعم الماء او يكون فية ريحة وهل الخزان عملي ويتحمل العفش خاصة اني ابي احطة في الصندوق ويتعرض لاشعة الشمس بودي احد يفيدنا من واقع تجربة
ولكم جزيل الشكر

[ابوٍ تركي]

عليكم السلام والرحمه

ثلاثه من الشباب رموها ما استخدموها ولا شهر معي بالأستراحه وتقبل مروري

[قناص*07]

يتحمل 200 كج على حسب كلام المُصنِع ولا يتاثر ولا يتغير طعمه

استخدمته شخصيا ولمة سنه ولم يتغير طعم الماء به

[شقير]

استعمله من 6 شهور وتماااااااااااااام

[6ariq]

عندي خزان الوادي له تقريبا سنتين

ماشاءالله روووووعه ولا طعم ولا ريحه

لكن ماعبيه ماء الا اذا كنت بطلع للبر
وبعدها افضيه لان صوته بالسياره مزعج اذا كان فيه شوي ماء

يمكن لو طالت مدة بقاء الماء فيه يكتسب طعم الفيبر (يمكن ماجربتها)

[البرحه]

له معي يمكن سنه

اول مرتين عبيته طلع طعم خفيف

ثم راح الطعم

والى يومك ممتاز لا طعم ولاشي وهو مايفضى كل مافضى عبيته

أنصحك به

[الوافي 22]

افضل شي الوادي
لا طعم ولا رائحة
ومضمون
مجرب مع كذا واحد من الزملاء

[FORD1969]

جربت الوادي كويس

مركبه في الصندوق وغير ثابت ميه ميه وكشته القاه يمين والثانيه يسار ويخابط في الموتر ورى وماعليه ولا ضره

[فيصل التميمي]

اشكركم على الافادة لاني نويت اشترية وقالي واحد من الشباب انة يطلع فية طعم في الماء

[6ariq]

شوف وانا اخوك ومن واقع تجربه

لاتتعدى خزان الوادي (انا ماجربت الوطني)

لكن كضمان عزالله انهم عند كلمتهم

اول ماشتريت التانكي اذا عبيته فل يندي خفيف مع الجنب
اهملته تقريبا سنه وبعدها قررت اتصل عليهم واودي لهم التانكي
رغم اني مامعي فاتوره ولا شي
اتصلت عليهم ورد علي واحد سعودي وقلت له المشكله قال مومشكله وصف لنا البيت
وفعلا جاني سواق مصري لحد البيت واخذ التانكي وقالي بنسوي له اختبار لمدة يوم او يومين
اذا كان يتصلح والا اجيب لك واحد جديد
وبعد ثلاث ايام اتصل علي المصري وقال الخزان معي اجيبه للبيت
قلت انا حاليا بالاستراحه بحي السلي
قال اجيبه لك بالمكان اللي انت فيه اذا يناسبك
وفعلا جاء لحد باب الاستراحه
والتانكي مضبوط ع الاخر

للامانه تعاملهم جدا راقي
بالتوفيق,,,

[moad3]

بصراحه انا جربته لمدة 3 اشهر ماشفت منه شي ولغرض اني بعت السيارة حبيت ابيع التانكي

75 لتر

وللبيع

شاريه من محل مكشاتي (بعنيزة)
مع التلبيسه

http://www.mekshat.com/pix/upload05/images222/mk41681_201107171998.jpg

[العاااازف]

اخوي توكل على الله واشترة واذا شريته اغسله بماء وملح اول مرررة
وبأذن ماتشوف منه الا كل خير وعافيه واذا لم يعجبك اعتبرني شراي له
معاي احلى من العسل وسعره جميل مقارنه بـ الوادي وسعره النار وكلهم
نفس المصنع ولعلمك الوطني اكبر مصنع بالسعودية من حيث الخزانات
توكل على الله وحدة واشترة

[ابوفهد225]

عليكم السلام والرحمه

ثلاثه من الشباب رموها ما استخدموها ولا شهر معي بالأستراحه وتقبل مروري

وش السبب رموها !!!!!!!

لو فيها عيب مصنعي كان رجعوها للمصنع :good2:

http://www.mekshat.com/vb/showthread.php?t=364906

[ابوٍ تركي]

وش السبب رموها !!!!!!!

لو فيها عيب مصنعي كان رجعوها للمصنع :good2:

http://www.mekshat.com/vb/showthread.php?t=364906


يابو فهد والله العظيم هذا حلف وانا صايم انهم ولا واحد يستخدمه منهم الثلاث اشخاص اللي ذكرت اذكر واحد من الشباب راح ورجعه استبدله ويومين وطلع فيه طعم ونكهه انا ذايقهم كلهم

ما قالو المثل عبث الرخيس مخيس صدقني

[باشا]

اذا تبي المضمون لا تعدى
خزان الوادي ( العجيب ) ( من مصنع الزامل )
ضمان خمس سنوات ضد تغير الطعم والرائحة واللون والتسرب والتشقق
هذا ما ذكره لي وكيلهم بالقصيم المرباع للرحلات..

[الحزين]

وعليكم السلام صراحة جربت الخزان وماشي معي تمااااااام لا طعم ولا رائحة ممتاااااااااااااز جداً

[جيبي جايزلي]

له معي تقريبا سنه ممتاز جدا لا ريحه ولا طعم و يتحمل اوزان مقاسه 80 لتر

بس ما ادري هل هو يتغير من اشعه الشمس مباشره ولا لا لانه عندي داخل السياره ولا شفت الا العافيه

[gx-low]

على فكرة خزان الوادي وخزان الوطني كله وارد الزامل

يعني بالعربي الواديلاقينا بلفه يبيعه من اول بـ 600 ونفسه يبيعه الوطني بـ200

انا بنفسي رحت للزامل المركز الرئيسي في الشرقية وقلت له ابي خزان للسيارة قال حق السيارات كان موزعنا الوادي والحين الموزع هو الوطني

[سحابة قبله]

انا مشتريه من من مصنع الوطني وماله علاقه بالزامل لانه مصنع مستقل ومصنعهم بدائري بريده معرضهم بجمب عروق الشمال شمال بريده

والصراحه ماشاء الله تعاملهم ممتاز وضمان سنتين

واخذت منهم 105 لتر مسدوح باليوكن وماشاء الله له شهرين ما يفضى وقالو ان الدفعه الاولى ما كان فيه قواطع الجديد فيه قواطع ومحسن والصوت خفيف ما اسمع صوت قوي ما ادري لاني مفصل عليه تنزاني

ولا شفت فيه طعم ولا شي

وسعره صراحه ممتاز ب 280 ريال

[فيصل التميمي]

بيض الله وجيههكم على النصيحة والرد على الموضوع

والظاهر اني ابي امرهم وخذا لي واحد

[رسيس نجد]

خذ الوطني تراه ممتاز
ان استخدم حجمين منها
بدون مشاكل

[هاوي موتري96]

السلام عليكم ورحمة الله وبركاته

اخوي نصيحه خذه وانت مغمض انا اخذته واول ماجربته طلع فيه طعم وضاق صدري قلت ابرجعه

شار علي واحد من الشباب الله يجزاه خير قالي غير اللي الى لي الغاز

والله من ركبت لي الغاز وانا ماشتكيت منه ولا عمره فضى

وفي المكاشيت مخصصه للشرب اعبيه من الوايتات العتش والهياثم

واهم شي لاتعبيه من لي البيت لانه يكون مشمس


واول ماتفتح لي التانكي خل المويه تصب شوي علشان المويه الي باللي تطلع واشرب وادع على من ظلمك

هههههههه


جرب ومش حتقدر تغمض عينيك

[فيصل التميمي]

اشكركم على الافادة

[زايد بن بدران]

معلومات مفيده بيض الله وجيهكم

[عبدالاله 123]

لاتعدى الوطني

[شمالي طي]

السلام عليكم يالغالي لاتتعدي التانكي الالمنيوم صح غالي بس يرتاح راسك من الطعم والريحه وحفظ الماء يعني مايتغير اللون ..

[شلفا تبوك]

عندي خزان الواادي 145 لتر
استخدمته ولا ريحه ولا طعم
انصحك به

[ابوفهد225]

يابو فهد والله العظيم هذا حلف وانا صايم انهم ولا واحد يستخدمه منهم الثلاث اشخاص اللي ذكرت اذكر واحد من الشباب راح ورجعه استبدله ويومين وطلع فيه طعم ونكهه انا ذايقهم كلهم

ما قالو المثل عبث الرخيس مخيس صدقني

ابو تركي اخوي بدون حلف مصدق ..

لكن انت رديت وقلت انهم رموها ولا ذكرت السبب !

هذا كان تساؤلي ..

لأن مشكلة الطعم كل الخزانات الجديدة لابد يكون فيها طعم

والحلول كثيرة في غسيل الخزانات ..

تقبل عذري يابو تركي والله ماكان قصدي تكذيبك ..

[زايد بن بدران]

لللللللللللللللللللللرفع للفايده

[moad3]

توي مشتري 95 لتر بـ 220 ريال
طبعاً عند الوكيل بــ 200 ريال
لكن في عنيزة مافيه الا المحلات :)
والله يكتب الرزق للجميع
لاني جربته قبل ولا شفت منه شي

مثل هذا

http://www.mekshat.com/pix/upload04/images193/mk192355_7.jpg

[ابونايف العطو]

لاكن يا اخوان انا شريت واحد من شهر و اول الامر كان طعمة شين كانة مواد كيماوية و كل تعبية يخف الطعم
هل فيه طريقة غسل بمادة تقطع الطعم ونرتاح والله اني مخلية للغسيل من اول ما شريته

[Rain-exam]

جرب تغسله بماء وملح . . وفيه طريقه تخلط ماء عادي مع ماء ورد . . وتخليه يوم او يومين . .وتفرغه

[ابونايف العطو]

جزاك الله خير

[الخلوه]

فائده للجميع



ياشباب معلومه فقط للفائده


1- خزان الوادي
2- خزان الوطني


جميع الخزانات ( التوانك ) مصنوعه من مادة واحده وهي مادة


( البولي ايثلين ) وهي ماده صحيه لايتغير لون ولا طعم مايحفظ بداخلها



3- خزان الوادي يصنع في مصنع الزامل والقالب لشخص اخر غير المصنع
يعني ( شخص مفصل القالب عندهم وهم يصنعونه له فقط )


4- خزان الوطني قالبه للمصنع الوطني اي ملك للشركه


_________________________


لنتحرى الدقه في معلوماتنا


*كيف يكون هناك فرق بين الخزانين وهما من نفس الماده ؟ كيف


* من يرجح الغسيل بالماء والملح هذه الطريقه لخزانات الفايبر قلاس وهي لاتنفع ايضاء .


تاريخ الخزانات :


1- خزان الوادي هو الاقدم والاسبق بالفكره .
2- خزان الوطني حديث الانتاج لكن بعدة مقاسات وعدة انواع للعدد كثير من السيارات .


قبل يومين تكلمت مع المصنع الوطني وشاهدة انواع جديده سوف تطرح لعدد من السيارات وباحجام متنوعه كبيره وصغيره



* لاتنسو
( جميع الخزانين من ماده واحده وهي البولي ايثلين )


ماده صحيه


بالعربي زي خزان البيت
للي عنده خزان بولي ايثلين
ومن نفس الماده


ومن اراد الاثبات على مصداقيه كلامي


رساله على الخاص
وماله الا طيب الخاطر



___________________



اللي جربته شخصيا من الخزانات


75 الوطني مركب الان على لاند كروزر
85الوطني مركب الان على باترول 2008
120 مركبين اثنين جنب بعض مركب الان على فورد حوض
115 نركبه مره على جمس حوض ومره على شاص


جميع هذه المقاسات مركبه معي ومع الشباب في الاستراحه


للفائده ايضا الخزان اللي في الاند كروزر يوم 3/9 افطرنا بالبر وجانا والماء بارد سالناه
قالنا معبي من براده قبل ساعتين ونصف ( التانكي ملبس بعازل وقماش )

لااحد يقول وشلون........... جرب وشوف



اعيب على خزان الوادي حجمه فقط


الزامل يصنع خزان الوادي فقط
الزامل والوطني مصنعين مختلفين لكنهما من اكبر مصنعين في الشرق الاوسط .


تقبلو تحياتي

[فيصل التميمي]

بيض الله وجهك على الافادة

[زايد بن بدران]

فائده للجميع




ياشباب معلومه فقط للفائده


1- خزان الوادي
2- خزان الوطني


جميع الخزانات ( التوانك ) مصنوعه من مادة واحده وهي مادة


( البولي ايثلين ) وهي ماده صحيه لايتغير لون ولا طعم مايحفظ بداخلها



3- خزان الوادي يصنع في مصنع الزامل والقالب لشخص اخر غير المصنع
يعني ( شخص مفصل القالب عندهم وهم يصنعونه له فقط )


4- خزان الوطني قالبه للمصنع الوطني اي ملك للشركه


_________________________


لنتحرى الدقه في معلوماتنا


*كيف يكون هناك فرق بين الخزانين وهما من نفس الماده ؟ كيف


* من يرجح الغسيل بالماء والملح هذه الطريقه لخزانات الفايبر قلاس وهي لاتنفع ايضاء .


تاريخ الخزانات :


1- خزان الوادي هو الاقدم والاسبق بالفكره .
2- خزان الوطني حديث الانتاج لكن بعدة مقاسات وعدة انواع للعدد كثير من السيارات .


قبل يومين تكلمت مع المصنع الوطني وشاهدة انواع جديده سوف تطرح لعدد من السيارات وباحجام متنوعه كبيره وصغيره



* لاتنسو
( جميع الخزانين من ماده واحده وهي البولي ايثلين )


ماده صحيه


بالعربي زي خزان البيت
للي عنده خزان بولي ايثلين
ومن نفس الماده


ومن اراد الاثبات على مصداقيه كلامي


رساله على الخاص
وماله الا طيب الخاطر



___________________



اللي جربته شخصيا من الخزانات


75 الوطني مركب الان على لاند كروزر
85الوطني مركب الان على باترول 2008
120 مركبين اثنين جنب بعض مركب الان على فورد حوض
115 نركبه مره على جمس حوض ومره على شاص


جميع هذه المقاسات مركبه معي ومع الشباب في الاستراحه


للفائده ايضا الخزان اللي في الاند كروزر يوم 3/9 افطرنا بالبر وجانا والماء بارد سالناه
قالنا معبي من براده قبل ساعتين ونصف ( التانكي ملبس بعازل وقماش )


لااحد يقول وشلون........... جرب وشوف



اعيب على خزان الوادي حجمه فقط


الزامل يصنع خزان الوادي فقط
الزامل والوطني مصنعين مختلفين لكنهما من اكبر مصنعين في الشرق الاوسط .



تقبلو تحياتي

طيب وش افضل شي عشان تنظف التانكي اذا صار جديد مويه ورمل ولا مويه وملح ؟؟؟؟
بيض الله وجهك على المعلومات المفيده

[فتاح الجواد]

الله يرزقنا واياكم من واسع فضله
الله يعطيكم العافية

[زايد بن بدران]

لللللللللللللللللللللرفع للفائده

[فيصل التميمي]

اشكركم جميعا على المرور الرائع

[أبوصالح9]

خزان الوطني له معي اكثر من 9شهور 115 لتر ولاعمري شكيت من تغير الطعم واللي يقول احط فيه رمل عشان يروح الطعم انتبه لاتحوسه

[الخلوه]

ياجماعة الخير افضل طريقه لغسيل التانكي هي ان تغسله بالماء حتى ينظف فقط ولا يحتاج ماء وملح ولا مويه وتراب

كله كلام فاضي اغسله بالماء جديا وتوكل على الله وشف

[سطمطم]

لاتعبيه الا اذا نويت تطلع البر
واذا رجعت فضه عشان مايمسك طعه الفيبر

[فيصل التميمي]

بيض الله وجيههكم على الافادة والردود وارجو ان يستفيد الجميع من الموضوع

[فيصل التميمي]

للرفع للفائدة

[Rain-exam]

ياجماعة الخير افضل طريقه لغسيل التانكي هي ان تغسله بالماء حتى ينظف فقط ولا يحتاج ماء وملح ولا مويه وتراب

كله كلام فاضي اغسله بالماء جديا وتوكل على الله وشف

بصرآآآآحه تعبت من كثر مااغسله بالماء والطعم نفس الطعم
والآن كل يومين غسيل وخيشة ملح !!
ونشووووف النتيجه

[دلبوح]

بصرآآآآحه تعبت من كثر مااغسله بالماء والطعم نفس الطعم
والآن كل يومين غسيل وخيشة ملح !!
ونشووووف النتيجه


تأكد من لي المويه اللي ركبته غالبا تكون الريحة طالعه منه

[سعد القاسم]

بسم الله الرحمن الرحيم

اخوي الله يعافيك
انا شاري الخزان من سنه و7 شهور ولله الحمد ماشفت منه شي والحمدلله

وحاطه بداخل الموتر بالنسبه لك على قولتك تبي تخلية مكشوف الزم ماعليك تلبسه فقط .. وان شاء الله يمشي معك

وميزته اني ماثبته في الموتر انزله باي وقت بغيت ...