ذراع الذيب
30/07/2011, 11:52 PM
السلام عليكم ورحمة الله وبركاته,,
مسيتم/وصبحتم بالخير جميعاً زوار واعضاء ومشرفين منتديات مكشات..
كيف حالكم عساكم طيبين كلن بأسمه..
"بارك الله لكم في شعبان وبلغكم رمضان"
هذي قصيدة جديده لشاعرنا بدر الحويفي الحربي (ابوسلمان)وسبق ان انزلتها في موضوع خاص..
وشكر شاعرنا بدر مقدماً بمضمون القصيده لكل من يجاري قصيدته..
وماقصرو اخوانا شعار مكشات كفو ووفو وجمعت كل قصايدهم الجزله في هذا الموضوع..
وكتب شاعرنا بدر في قصيدته نصائح لصقاقير الجيل الحالي..
لعدم التعني في البحث عن الحباري والصيد..
لشحها في هذا الزمان وانه لايوجد في البحث عنها الا العناء والتعب..
"وهناك من وافقه في رأيه وهناك من خالفه"
ويقول ابو سلمان في قصيدته
عزي لكم يامدورين الحباري=بارض لواهيب الشموس احرقتها
على الجيوب تقصقصون الاثاري=والارض غبرا والغنم حايستها
مهما تجاوزتوا فجوج الصحاري=رحلاتكم يالربع وش فايدتها
خلوا ولعنا بالحمام الخضاري=ونفرح إلى من الطيور لحقتها
نرقد ضحا ونهد وقت العصاري=خلو مواترنا تطير غبرتها
لون بالسرعه علينا خطاري=الطير يطرد والمواتر تحتها
ومشكور ياللي للقصيده تجاري=علق عليها تنتشر سالفتها
واللي على قولي من الناس زاري=الناس دايم تختلف معرفتها
وجاراه مشرفنا وشاعرنا القدير يوسف الخليفه بأبيات رائعه
ويقول فيها
قافك عزيز سواة زهر المذاري=العشب طايل والمزن رشقتها
تشكي دنوق الحال قل الحباري=واتقول شان البر بامدوبرتها
هذا الخلا بين الرخا والعساري=سنين رابح والتوالي محتها
يكفينا لو شوفة فروخ الصباري=فوق السلم بالقايله صوفرتها
بعد الضحى زاد النشو بانتشاري=وانياق ذودن باديه عوشرتها
من حولها الفحل المقيد يباري=قعدانها دون المسا لاحقتها
والدلة الصفرا عليها البهاري=والنار من سمر الحجاز لهبتا
من كف ابو سلمان للطيب ضاري=يشتالها بالبيز من موخرتها
يدير فنجال السخا ما يحاري=طليق حجان اعتدل باعوجتها
ما حاسته بالمقصيات الذواري=شيهانته حدر الشجر روبجتها
والبال رايق في فجوج الصحاري=والنفس ما عوج الخلا كدرتها
هذا جوابي يا سليل الحراري=والعفو رد الشكر في خاتمتهاوجاراه العضو والشاعر المبدع راعي جالود بأبيات رائعه..
ويقول فيها
ما دام جا ل الشعر والبدع طاري =هليتها وأذن البعيد أسمعتها
حيّ الندا ياللي بغيت المجاري =قريحتي صارت معك ملهمتها
العمر مرّه وأخر العمر ساري =هوايتي وأنا قنعت بركتها
راع الولع والطير ماهوب داري =خسايره نفسه ماهي حاسبتها
برق الدواغر لا اعبرت للمحاري =غرنا عليها والمواتر حدتها
أما يطيّرها حنين البواري =ولا يداوسها وهي فشجرتها
وإن كان شح الصيد هات استشاري =كل الديار أتحملّك طايرتها
ديارن بكر واجد وفيها حباري =سج القدم ما دام نفسك بغتها
وجاراه العضو والشاعر والمبدع رقاب الضرابين (ابوعبدالله العنزي) بأبيات رائعه
ويقول فيها..
جيت بهـــواي وما حداني جــــباري = من ارض الحباري طيورنا ما قضتها
خضر شجرها وبطرف القشع ذاري=قفر(ن)ومــــــا قـــط الغنم دوجــــتها
غــــــــــير الارانب والثعل له اثاري= والريم صـــلفات الشوازن رمــــــتها
كـــــم ربدتةٍ طارت عــــلينا جهاري=مــــــن قبل سلمت والحرار طـــــردتها
سلمت من الي كاشف اللون عاري=ثلاث طيور(ن)مـــــطلبه جــــــافيتها
وهديت سودا من غمارة ســــفاري= بحـــريةٍ وســـــــط السما حــــــولتها
الطـــــير بين سرعـــــته بالمواري=مـــــن سرعـــــها يابدر مـــــــارددتها
وتقديراً للعضو حامد الحنيني ومشاركته للشاعر المحبوب والقدير
فهد ذعار البدراني
سبحان من يرسل هبوب الذواري=ذعذاعها ماهو مثل عاصفتها
يالله لاتجعل ولعنا عزاري=بارض لدايجها زرعت بركتها
رايك يابوسلمان وانت استشاري=رحلة عمر معناك من تجربتها
احيان تشكي ضلها والغواري=واحيان تشكي قل في ذاهبتها
واهل الولع كثرو بكل المحاري=ودنياك شانت والوحوش حشرتها
واسلوب هد الطير هذا حضاري=لاجل الحباري لالقوا شاردتها
راع الولع في موتره مايداري=علامة الجوده وحي قرقعتها
عزي لطراد الولع بالبراري=كان الصقاره غيرت ماركتها
وجاراه العضو والشاعر المبدع الهاجري ج (ابومبارك) بأبيات رائعه..
ويقول فيها
يامرحبا ما لاح برق الغداري=تكاشف بروقه ونسبر جهتها
بالشاعر اللي قال قولٍ وزاري=بدر الحويفي في قصيده سمتها
حي القصيد وحي من به يماري=ياحي ابو سلمان يومه نحتها
فاض الشعيب وطم كل الكباري=حتى المواتر فيه جاها وسحتها
قولٍ صحيح ولا يبي له مواري=مافيه سبه ماذكرها وفختها
من اولٍ نفرح بوقت الصفاري=يزين نقل الطير ومداهلتها
لابكر الوسمي وشفنا الخباري=يرتاح بال اللي همومه كمتها
واليوم مابه غير جرت سواري=نشفق على الجره مانبغى مرقتها
ماعاد نسمع كود بعض الطواري=ماعاد تذكر والملقف محتها
وجاراه العضو والشاعر المبدع اخو عيد بأبيات رائعه..
ويقول فيها..
ياشاعرن في بدع الألحان ضاري= قصايده كل العرب خابرتها
تبغا نجاري ثم جينا نجاري=والله يقدرنا علي قافيتها
يالشايب اللي طاريتلك طواري=قصيدتك بانت لنا سالفتها
عقب العمر قفا وذيك المساري=اصبحت تنقد للعوارف جهتها
لابالله الا الصيد يابدر جاري=والنفس ماردت علي شاكلتها
نقنص ونبعد مع بعيد المحاري=ربعن لحاياها علي منزلتها
ماهم كما اللي في حضون الذواري=نفسه امضميها قبل خاتمتها
أقصي طموحه بين كاتب وقاري=سحايب أيامه علومه جلتها
من لا تغانم فرصة العمر عاري=نفسه من الأيام وش حاصلتها
ان كان منته عن هل الصيد داري=لابد رجليك الليالي بلتها
وختامها مسك(ن) علي النت ساري=نفسك عساها دايمه عافيتها
وجاراه العضو والشاعر المبدع دايركت(احمد العازمي) بأبيات رائعه
ويقول فيها..
الجاش هاض وجيت شبه انتحاري=والنفس قيفان الحويفي حدتها
كله سبب مقناصنا للحباري=خساير الدعوه دبل فايدتها
اي والله اني يوم ادوج الصحاري=اما حما ولا البلد شبكتها
واخر خبر من يقنص الخرب ساري=احدث مقانيص العرب واخرتها
واللي يشوف الخرب شيكن تجاري=يبيعها لاشافها بشجرتها
كم واحدن قد قالي منت داري=شف كم سيتها وعد حسنتها
اتعبت نفسك فوق كشن السفاري=ولا فيه قاع الا رجولك وطتها
وانا بنفسي صاملن في قراري=وهوايتي رفيعتن منزلتها
ابكيك ياللي للصقاقير زاري=ناسن مجاليس البلد والفتها
ماشاقها جبرن من الريش عاري=هجرن صراويله كفوفه خفتها
او فرخ شيهانن علي الطرد ضاري=لا شحتها للخارمات اطلبتها
ولا داج في روضن سيوله خباري=من كل شكل ازهارها حاوطتها
صحيح ماهو عن هوى النفس داري=ولا عرف وش دنيته واخرتها
لاصار مجلاسه ببيته اجباري=ياقرد حظه والمره يا بختها
وصح لسان شعار مكشات وبيض الله وجيهكم جميع..
واشكركم جميع وشكر خاص لابو سلمان الحويفي الحربي
على طيب تواضعه..
وطلبه من الشعار مجاراة قصيدته والله يمد عمره بالصحه والعافيه ومن يقرى..
تحياتي لكم,,
واللي على قولي من الناس زاريhttp://www.mekshat.com/vb/clear.gif..http://www.mekshat.com/vb/clear.gifالناس دايم تختلف معرفتها
مسيتم/وصبحتم بالخير جميعاً زوار واعضاء ومشرفين منتديات مكشات..
كيف حالكم عساكم طيبين كلن بأسمه..
"بارك الله لكم في شعبان وبلغكم رمضان"
هذي قصيدة جديده لشاعرنا بدر الحويفي الحربي (ابوسلمان)وسبق ان انزلتها في موضوع خاص..
وشكر شاعرنا بدر مقدماً بمضمون القصيده لكل من يجاري قصيدته..
وماقصرو اخوانا شعار مكشات كفو ووفو وجمعت كل قصايدهم الجزله في هذا الموضوع..
وكتب شاعرنا بدر في قصيدته نصائح لصقاقير الجيل الحالي..
لعدم التعني في البحث عن الحباري والصيد..
لشحها في هذا الزمان وانه لايوجد في البحث عنها الا العناء والتعب..
"وهناك من وافقه في رأيه وهناك من خالفه"
ويقول ابو سلمان في قصيدته
عزي لكم يامدورين الحباري=بارض لواهيب الشموس احرقتها
على الجيوب تقصقصون الاثاري=والارض غبرا والغنم حايستها
مهما تجاوزتوا فجوج الصحاري=رحلاتكم يالربع وش فايدتها
خلوا ولعنا بالحمام الخضاري=ونفرح إلى من الطيور لحقتها
نرقد ضحا ونهد وقت العصاري=خلو مواترنا تطير غبرتها
لون بالسرعه علينا خطاري=الطير يطرد والمواتر تحتها
ومشكور ياللي للقصيده تجاري=علق عليها تنتشر سالفتها
واللي على قولي من الناس زاري=الناس دايم تختلف معرفتها
وجاراه مشرفنا وشاعرنا القدير يوسف الخليفه بأبيات رائعه
ويقول فيها
قافك عزيز سواة زهر المذاري=العشب طايل والمزن رشقتها
تشكي دنوق الحال قل الحباري=واتقول شان البر بامدوبرتها
هذا الخلا بين الرخا والعساري=سنين رابح والتوالي محتها
يكفينا لو شوفة فروخ الصباري=فوق السلم بالقايله صوفرتها
بعد الضحى زاد النشو بانتشاري=وانياق ذودن باديه عوشرتها
من حولها الفحل المقيد يباري=قعدانها دون المسا لاحقتها
والدلة الصفرا عليها البهاري=والنار من سمر الحجاز لهبتا
من كف ابو سلمان للطيب ضاري=يشتالها بالبيز من موخرتها
يدير فنجال السخا ما يحاري=طليق حجان اعتدل باعوجتها
ما حاسته بالمقصيات الذواري=شيهانته حدر الشجر روبجتها
والبال رايق في فجوج الصحاري=والنفس ما عوج الخلا كدرتها
هذا جوابي يا سليل الحراري=والعفو رد الشكر في خاتمتهاوجاراه العضو والشاعر المبدع راعي جالود بأبيات رائعه..
ويقول فيها
ما دام جا ل الشعر والبدع طاري =هليتها وأذن البعيد أسمعتها
حيّ الندا ياللي بغيت المجاري =قريحتي صارت معك ملهمتها
العمر مرّه وأخر العمر ساري =هوايتي وأنا قنعت بركتها
راع الولع والطير ماهوب داري =خسايره نفسه ماهي حاسبتها
برق الدواغر لا اعبرت للمحاري =غرنا عليها والمواتر حدتها
أما يطيّرها حنين البواري =ولا يداوسها وهي فشجرتها
وإن كان شح الصيد هات استشاري =كل الديار أتحملّك طايرتها
ديارن بكر واجد وفيها حباري =سج القدم ما دام نفسك بغتها
وجاراه العضو والشاعر والمبدع رقاب الضرابين (ابوعبدالله العنزي) بأبيات رائعه
ويقول فيها..
جيت بهـــواي وما حداني جــــباري = من ارض الحباري طيورنا ما قضتها
خضر شجرها وبطرف القشع ذاري=قفر(ن)ومــــــا قـــط الغنم دوجــــتها
غــــــــــير الارانب والثعل له اثاري= والريم صـــلفات الشوازن رمــــــتها
كـــــم ربدتةٍ طارت عــــلينا جهاري=مــــــن قبل سلمت والحرار طـــــردتها
سلمت من الي كاشف اللون عاري=ثلاث طيور(ن)مـــــطلبه جــــــافيتها
وهديت سودا من غمارة ســــفاري= بحـــريةٍ وســـــــط السما حــــــولتها
الطـــــير بين سرعـــــته بالمواري=مـــــن سرعـــــها يابدر مـــــــارددتها
وتقديراً للعضو حامد الحنيني ومشاركته للشاعر المحبوب والقدير
فهد ذعار البدراني
سبحان من يرسل هبوب الذواري=ذعذاعها ماهو مثل عاصفتها
يالله لاتجعل ولعنا عزاري=بارض لدايجها زرعت بركتها
رايك يابوسلمان وانت استشاري=رحلة عمر معناك من تجربتها
احيان تشكي ضلها والغواري=واحيان تشكي قل في ذاهبتها
واهل الولع كثرو بكل المحاري=ودنياك شانت والوحوش حشرتها
واسلوب هد الطير هذا حضاري=لاجل الحباري لالقوا شاردتها
راع الولع في موتره مايداري=علامة الجوده وحي قرقعتها
عزي لطراد الولع بالبراري=كان الصقاره غيرت ماركتها
وجاراه العضو والشاعر المبدع الهاجري ج (ابومبارك) بأبيات رائعه..
ويقول فيها
يامرحبا ما لاح برق الغداري=تكاشف بروقه ونسبر جهتها
بالشاعر اللي قال قولٍ وزاري=بدر الحويفي في قصيده سمتها
حي القصيد وحي من به يماري=ياحي ابو سلمان يومه نحتها
فاض الشعيب وطم كل الكباري=حتى المواتر فيه جاها وسحتها
قولٍ صحيح ولا يبي له مواري=مافيه سبه ماذكرها وفختها
من اولٍ نفرح بوقت الصفاري=يزين نقل الطير ومداهلتها
لابكر الوسمي وشفنا الخباري=يرتاح بال اللي همومه كمتها
واليوم مابه غير جرت سواري=نشفق على الجره مانبغى مرقتها
ماعاد نسمع كود بعض الطواري=ماعاد تذكر والملقف محتها
وجاراه العضو والشاعر المبدع اخو عيد بأبيات رائعه..
ويقول فيها..
ياشاعرن في بدع الألحان ضاري= قصايده كل العرب خابرتها
تبغا نجاري ثم جينا نجاري=والله يقدرنا علي قافيتها
يالشايب اللي طاريتلك طواري=قصيدتك بانت لنا سالفتها
عقب العمر قفا وذيك المساري=اصبحت تنقد للعوارف جهتها
لابالله الا الصيد يابدر جاري=والنفس ماردت علي شاكلتها
نقنص ونبعد مع بعيد المحاري=ربعن لحاياها علي منزلتها
ماهم كما اللي في حضون الذواري=نفسه امضميها قبل خاتمتها
أقصي طموحه بين كاتب وقاري=سحايب أيامه علومه جلتها
من لا تغانم فرصة العمر عاري=نفسه من الأيام وش حاصلتها
ان كان منته عن هل الصيد داري=لابد رجليك الليالي بلتها
وختامها مسك(ن) علي النت ساري=نفسك عساها دايمه عافيتها
وجاراه العضو والشاعر المبدع دايركت(احمد العازمي) بأبيات رائعه
ويقول فيها..
الجاش هاض وجيت شبه انتحاري=والنفس قيفان الحويفي حدتها
كله سبب مقناصنا للحباري=خساير الدعوه دبل فايدتها
اي والله اني يوم ادوج الصحاري=اما حما ولا البلد شبكتها
واخر خبر من يقنص الخرب ساري=احدث مقانيص العرب واخرتها
واللي يشوف الخرب شيكن تجاري=يبيعها لاشافها بشجرتها
كم واحدن قد قالي منت داري=شف كم سيتها وعد حسنتها
اتعبت نفسك فوق كشن السفاري=ولا فيه قاع الا رجولك وطتها
وانا بنفسي صاملن في قراري=وهوايتي رفيعتن منزلتها
ابكيك ياللي للصقاقير زاري=ناسن مجاليس البلد والفتها
ماشاقها جبرن من الريش عاري=هجرن صراويله كفوفه خفتها
او فرخ شيهانن علي الطرد ضاري=لا شحتها للخارمات اطلبتها
ولا داج في روضن سيوله خباري=من كل شكل ازهارها حاوطتها
صحيح ماهو عن هوى النفس داري=ولا عرف وش دنيته واخرتها
لاصار مجلاسه ببيته اجباري=ياقرد حظه والمره يا بختها
وصح لسان شعار مكشات وبيض الله وجيهكم جميع..
واشكركم جميع وشكر خاص لابو سلمان الحويفي الحربي
على طيب تواضعه..
وطلبه من الشعار مجاراة قصيدته والله يمد عمره بالصحه والعافيه ومن يقرى..
تحياتي لكم,,
واللي على قولي من الناس زاريhttp://www.mekshat.com/vb/clear.gif..http://www.mekshat.com/vb/clear.gifالناس دايم تختلف معرفتها