من منكم انفجر عليه الإطار أثناء قيادة السيارة ..؟؟

[ناصح]

بسم الله الرحمن الرحيم



أحبتي الكرام في منتدى مكشات


السلام عليكم ورحمة الله وبركاته



....


(( الإطارات ومواقفنا وتجاربنا معها ..))




تكاد تكون الإطارات هي أكثر المواضيع حساسية وأهمية في المركبات ( السيارات )
http://news.hspn.com/content_images/2006/old/Bridgestone_turanza_sebring.jpg
بل هي نقطة التقاء السيارة بالأرض


وعليها معول كبير في السلامة


فكل المركبات سواء الصغيرة أو الدفع الرباعي أو الحافلات والشاحنات


لا بد أن يكون هناك اهتمام شديد بالإطارات


وسبق أن طرح في مكشات الكثير من المواضيع حول ذلك


لكن الذي أريده هنا


http://home.earthlink.net/~w0dfi/red_arrow_animated.gif


أن يطرح كل منا تجربته الشخصية في انفجار أو انسلاخ إطار السيارة أثناء القيادة سواء على الأسفلت أو البر


المهم أن يكون تجربة شخصية
سواء تقود السيارة أو راكب
وليس قصة منقوله من شخص أخر





نريد تجربتك بالتفصيل قدر المستطاع وأن يشمل النقاط التالية :


ماذا حصل وكيف حصل ..؟؟؟


ماهو نوع السيارة وكيف كانت الحمولة وطريقة توزيعها ..؟؟



كم كانت السرعة وقتها ....؟؟؟



ما نوع الإطار ...؟؟


وهل هو جديد أم قديم ...؟؟


كم كان ضغط الهواء في الإطارات ..؟؟

كم درجة الحرارة الخارجية التقريبية " صيف أو شتاء "..؟؟


هل الإطار مطابق للمواصفات ..؟؟


هل كان إطار مناسب للسفر والاسفلت أم رملي أو حجري..؟؟



ماهو العامل الذي تعتقد أنه كان السبب في تلف الإطار ..؟؟


...........


(( المقصد من الموضوع هو الاستفادة من تجارب وخبرات بعضنا البعض))


خاصة أن المنتدى فيه الجديد في قيادة السيارة وفيه الخبير الذي مر عليه الكثير من التجارب


لذا الرجاء عدم المشاركة إلا بشكل جدي
والبعد عن كلمات المديح والشكر التي تزيد من حجم الموضوع دون فائدة تذكر





وسوف ابدأ بالمواقف التي حصلت لي


متمنيا للجميع السلامة


محبكم ناصح

[ناصح]

الموقف الأول



ماذا حصل وكيف حصل ..؟؟؟



في رمضان عام 1431 هـ


خرجت من مكة المكرمة مرورا بالطائف متجها للرياض



وكنت أنا الذي أقود السيارة وأتذكر أني مررت في الطائف على محطة
لتعبئة الوقود وفحص الإطارات وكانت حالتها ممتازة من جميع النواحي .




وبعد تجاوز قرابة 300 كلم من الطائف توقفت للإفطار



وكانت كل الأمور على ما يرام وبعد ساعة انطلقت مرة آخرى



وكانت السرعة التي أسير بها قرابة 125 كلم بالساعة



وتقريبا بعد نصف ساعة من هذا المسير سمعت صوت خفيف لمدة ثانيتين فقط
ثم ضرب الإطار الخلفي الأيسر مما سبب اختلال في توازن السيارة



لكن ولله الحمد رفعت قدمي فورا عن دواسة الوقود



ولم اتعرض للمكابح نهائيا



وركزت جهدي على التحكم في المقود خوفا من انقلاب السيارة أو إنحرافها بالتجاه المسارات الآخرى .




ثم نزلت ووجدت ما تشاهدون في الصور



http://www.mekshat.com/pix/upload04/images176/mk1937_dfg.jpg



تهتك شديد للإطار رغم أني لم أسمع صوت انفجار ..!!




http://www.mekshat.com/pix/upload04/images176/mk1937_dfg%20(1).jpg



سرت على الجنط مسافة كبيرة بسرعة عالية ( لأني لم استخدم المكابح ) حتى تمكنت ولله الحمد من الخروج من الخط السريع بعيدا عن الشاحنات ....





ماهو نوع السيارة وكيف كانت الحمولة وطريقة توزيعها ..؟؟
السيارة جيب لاندكرزر 2002
الحمولة كبيرة نوعا ما لكن في الحدود الطبيعية لنوع السيارة وهوي
أربعة أشخاص مع تانكي ماء 90 لتر وعفش البر ولا يوجد شيء على السلة أو سحب أو معلق على خلفية السيارة
كم كانت السرعة وقتها ....؟؟؟
125 كلم


ما نوع الإطار ...؟؟
ميشلان فرنسي الصنع



هل هو جديد أم قديم ...؟؟
شبه جديد


كم كان ضغط الهواء في الإطارات ..؟؟
كان ضغط الهواء مناسب للحمولة والسرعة حيث كان في حدود 45 والإطار يتحمل 51


كم درجة الحرارة الخارجية التقريبية " صيف أو شتاء "..؟؟
كان بعز الصيف لكن في المساء أتوقع أن الحرارة قرابة 35




هل الإطار مطابق للمواصفات ..؟؟
نعم حرارة A والتماسك A


هل كان إطار مناسب للسفر والاسفلت أم رملي ..؟؟
مناسب جدا من حيث المقاس وهو ليس رملي بل مخصص للاستخدام العام



ماهو العامل الذي تعتقد أنه كان السبب في تلف الإطار ..؟؟


السبب المتوقع في رأيي أن الإطار تعرض لضرر ما عند دخول البر فترة الإفطار وسرت عليه حتى انهار تماما
والله أعلم




...................................
................
.........


الموقف الثاني



ماذا حصل وكيف حصل ..؟؟؟





كنت راكب في حافلة حملة عمرة في رمضان


وكان وقت العودة للرياض قرابة نهاية العصر


المهم بعد ما تجاوزنا الطائف على الخط السريع المتوجه للرياض
وكان صاحب الحافة مسرع جدا بشكل جنوني وابن صاحب الحملة بجانبه في المقعد الأمامي وكان معي جواله وأنا في المقاعد الأخيرة .


المهم نظرا لصعوبة الانتقال للأمام ومقابلة المسؤول عن الحملة وتحذيره من السرعة ,,
اتصلت بالجوال ونبهته بشده على خطورة الوضع وأن هذا تهور لا مبرر له


وبعد العتاب الشديد قام بدوره بتنبيه قائد الحافلة


والذي استجاب تحت هذه الضغوط


وبعدها بقرابة ربع ساعة انفجر الإطار الأمامي الأيمن للحافلة


وكان لطف الله سبحانه وتعالى أن الحافلة ماجت يمينا وشمالا لكن لم تنقلب


وخرجنا تدريجيا خارج الخط السريع


وحمدنا الله سبحانه وتعالى على السلامة





ماهو نوع السيارة وكيف كانت الحمولة وطريقة توزيعها ..؟؟
السيارة حافلة كبيرة مليئة بالركاب والعفش لكن في حدود الطبيعي




كم كانت السرعة وقتها ....؟؟؟
لا أعرف لكن أتوقع 130




ما نوع الإطار ...؟؟
لا أعلم



هل هو جديد أم قديم ...؟؟


لا أعلم




كم كان ضغط الهواء في الإطارات ..؟؟
لا أعلم

كم درجة الحرارة الخارجية التقريبية " صيف أو شتاء "..؟؟
كان الجو معتدل أتوقع أن الحرارة قرابة 30



هل الإطار مطابق للمواصفات ..؟؟
لا أعلم



هل كان إطار مناسب للسفر والاسفلت أم رملي ..؟؟
إطارات خاصة بالحافلات




ماهو العامل الذي تعتقد أنه كان السبب في تلف الإطار ..؟؟
لا أعلم


.......


شكرا لكم

[ابو صقر 111]

وعليكم السلام ورحمة الله وبركاته 00الموضوع يثير الشجون ويبعث ذكريات بغض النظر عن وقعها وهو مفيد لتلافي الخطر وهو ما ذكرته انت من عدم ربط الفرامل لأن استخدام الفرامل يشكل خطرا كبيرا00ابدأ بما حصل لي باختصار00 كان معي نيسان م75 260c في نفس السنه 75م وكانت الطرق المزدوجه معدومه والمهم بنشر كفر قدام الايسر وراغت السياره لسيد القادم رغم محاولتي الامساك بالدكسون بكل قوه ولكن الله ستر بعدم وجود سيارات قادمه ولم اضغط المكابح مطلقا حتى خفت السرعه ومسكت طريقي وخرجت للرصيف الترابي 0وأظن ان الكفر بريجستون والسرعه 100كم في الساعه 00 الثانيه الكفر الأمامي الايمن في كابرس موديل 79 ولم اعلم بالبنشر ولكن صاحب السياره القادم امامي يؤشر بشده ولما قرب مني بدأيؤشر بيده وأنا لااعلم حتى بدأت قطع الكفر تضرب بالحديد والسياره ماشاء الله لم تهتز وانا امشي 110كم فصار عندي قناعة ان السيارات الامريكيه اكثر امانا 00 اما الكفرات الخلفيه فقد بنشرت معي مرارا ولكنها اقل خطرا بكثير من الاماميه 00 وفقك الله والزملاء الكرام وشكرا

[ابورايف]

الحمد لله على سلامتك
طبعاً العمر الأفتراضي للكفر سنتين
والمواقف كثيرة لأنفجار الأطارات
سو جديدة أوغير جديدة وتعتمد على نوعية الأطار وجودتة.
ومن أصعب المواقف التي تواجة قائد المركبة والمتهور تحديداً بالقيادة هو عدم تدارك الموقف في الحال
لأن القائد وهو على سرعة عالية لا يمكنة السيطرة على المركبة وهذا مما يسبب لة أنقلاب أو أنحراف مفاجى
وفي هذة الحالة عرض نفسة والأخرين للخطر
ولكن الذي يجب فعلة في هذة الحالة عدم لمس المكابح أطلاقاً والتركيز على التحكم بالمركبة وأيقافها في مكان آمن
ومن تلك المواقف,,
أذكر قبل ثلاث سنوات أنفجر الأطار وأنا على سرعة تقريباً (90)وداخل المدينة السيارة كانت واقفة في الظل وداخل المنزل ولفترة طويلة
والسبب أن الكفرات تعرضت لحرارة الشمس والأرض
مع العلم أن الكفرات شبة جديدة والأيوجد بها أي أثار تمزق أو تحبيل
وهذا ما أدى الأنفجار الأطار,,
مع تمنياتي بسلامة الجميع

[المنيعي1]

حصل معي بنشر مرتين والحمدلله خلفي وسلامات
الأول/على باترول ربع 99 في عام 22 بنشر معي الكفر الخلفي على سرعة 160 وكان الكفر برجستون مشتريه مستعمل وزرعه زين بس الظاهر محترق ولكن الموتر ولله الحمد ماتحرك حتى توقف بسلام الأضرار مخش البدي والكفر عريض.
الثاني على باث فندر 2004 في عام 29 برضو برجستون وكنت مركب طقم ثلاث كفرات والرابع ركبت الأستبنه وبعد أستعمال سنه كاملة أنفجرت معي هي الأستبنه على سرعة 175 والحمد لله السيارة بدون حمولة رجعته بنمرة حتى التوقف وكذلك شالة النسافه معة ولكن بدون زحف أو أختلال ولله الحمد.

[ذيب اللابه]

هذي السالفه صارت للوالد والشيبان معه
كانوا اظن مستاجرين صني 2002 وكانو مسافرين على مكه وهم ماشيين بالطريق ضرب عليهم الكفر
الخلي اليسار لكن الحمدالله السيارة لا راحت لا يمين ولا شمال لكن نزلوا من السيارة حصلوا صدام منكسر والرفرف منعوج وربك ستر
وصارت عام 2002 كذلك كان معنا جيب باثفندر 91 وضرب الكفر الخلفي الايمن بس اظن انه برجستون وحالته كانت اقل من نص العمر وعلى سرعة مابين 110 الى 130 والحمدلله عدت على خير

[6ariq]

الله يحمانا واياكم من شر الكفرات
وكل عام وانتم بخير
ومبارك عليكم الشهر

موقفي مع انفجار الاطارات عام 2000

كان معي ددسن غمارتين دفرنسين موديل 99 كفرات بيرجوستون لها تقريبا سنه
وانا في طريقي من الرياض الى القصيم توقفت في محطة الغاط لصلاة المغرب وكان وضع الاطارات تمام ومالاحظت عليها شي
بعد الصلاة مشيت قرابة الـ 20 او 25 كيلو (ماني متذكر بالضبط لكن في منتصف المسافه بين الغاط وام سدره)
كنت امشي على سرعة 120 وفجأه انفجر الكفر الامامي الايسر
ومثل ماهو معروف جودت الدركسون وتركت السياره تسير بدون فرامل لحد مانزلت السرعه عن 80 ثم لمست الفرامل لمس خفيف حتى توقفت السياره
الكفر تضرر وتقطع بالكامل ولم يتبقى منه الا الاجزاء الداخليه الماسكه بالجنط
كذلك تقطع الربل المحيط بالرفرف بالاضافه الا النسافه وجزء من الباب والسمكه (وتمت السمكره)
اللي استغربته انفجار الكفر وهو توبليس ؟!!!



ماذا حصل وكيف حصل ..؟؟؟

مادري بس اللي اعرفه ان الكفر انفجر وقاعد اشوف اشياء تتطاير من فوق الرفرف :)




ماهو نوع السيارة وكيف كانت الحمولة وطريقة توزيعها ..؟؟

ددسن غمارتين دفرنسين
وماكان فيه حموله والصندوق فاضي




كم كانت السرعة وقتها ....؟؟؟

120
وبالقارمن 115





ما نوع الإطار ...؟؟

برجيستون



وهل هو جديد أم قديم ...؟؟

شبه جديد تقريبا 10 شهور استخدام



كم كان ضغط الهواء في الإطارات ..؟؟

تقريبا 33

كم درجة الحرارة الخارجية التقريبية " صيف أو شتاء "..؟؟

كان في الصيف
والجو حار



هل الإطار مطابق للمواصفات ..؟؟

نعم
الحراره A



هل كان إطار مناسب للسفر والاسفلت أم رملي أو حجري..؟؟

مادري صراحه
بس انا استعمله لكل شي والامور تمام




ماهو العامل الذي تعتقد أنه كان السبب في تلف الإطار ..؟؟

اعتقد والعلم عند الله انه بسبب المحطة اللي توقفت عنده
لان ارضيتها موب نظيفه وشكله مسمار علق بالكفر
والعالم الله

[ابوياسر1971]

بسم الله الرحمن الرحيم
الكلام هذا من خمس سنوات تقريبا ضرب علي كفر قدام يمين والسياره اللي معي هوانداي سوناتا 2002 وكانت معي الوالده الله يطول بعمرها وانا ماشي بسرعة 170 تقريبا بس ولله الحمد والمنه حصل تقطيع بالكفر من دون انفجار لاني كنت معبيه نيتروجين والحافظ الله سبحانه وتعالى .
نوع الكفر دنلوب ياباني .
نص عمر ومعروف دنلوب كد ومد .
ما كان معي حمل زياده .

[سلكي نت]

سجل عندك واحد .....
انفجر على كفر امامي بسيارتي الكابريس وانا بعمر 18 سنة اول ما اخذت الرخصة قلت اروح مكة
وانا محرم ومعي امي واخواني واخواتي قبل مكة بثمانين كيلو
المهم : طول عمرنا نسمع ان الكفر اذا انفجر لاحد يدعس فرامل ، والكل يوصينا انتبهو انتبهو من الفرامل وقت انفجار الكفر
واول ما سمعنا صوت الانفجار وكان قويا جدا جدا دعست فرامل انا واخواني كل واحد يصرخ ويقول امسك فرامل ويمدون رجولهم للفرامل ، حتى امي ساعدتنا وهي بالمقعد الخلفي
والحمد لله وقفنا لاني ماكنت مسرع
وبقى اخراج الكفر من مكانه وكان منصلخ وملتف حول المقص والاهم ان الوقت الساعة 1 ظهرا :f
المهم شغلة طويلة عريضة ما انقذنا فيها بعد الله سبحانه وتعالي غير باكستاني صاحب شاحنة ،، حن علينا وقطعنا قلبه واحرمتنا انصبغت اسود وماقصر جاب العدة والليورات والمواصير وفك الجنط وركبنا الاستبنه

اما المحزن فهو دوريات امن الطرق ... ولا فكرو يقفون ويقولون الحمد لله على السلامة
من يومها وانا :hot: عليهم
مع انهم مرو من جوارنا مرات عديدة وكثيرة ويشوفونا نعفس بالكفر ومحتاسين

الاطار هانكوك
السيارة كابريس 86
الكفر الامامي الايمن
ضغط الهواء بصراحة ناسي
حالة الاطار اعتقد ولست بجازم نص عمر
اعتقد الانفجار بسبب عيون القطط

والان لي سنة امشيء بسيارة للمدينة والمزرعة فقط فيها كفرات خلفيه احدها محبل ولاخر منصلخ وبعض الاحيان اتجاوز بها سرعة 100 كيلو في الدائري
والحافظ الله

[ساري 111]

السلام عليكم ورحمه الله



ماذا حصل وكيف حصل ..؟؟؟


قبل شهرين تقريباً كنت مسافر وبعد مامشيت بحدود الساعه والنصف ضرب الكفر الايمن الخلفي طبعاً الحمدلله الموتر كان ثابت ولم أعاني من انحراف او ارتجاج كبير
سوا الأصوت اللي تروع تقول خلاص طار جنب الموتر
اللي سويته انا مباشره فصلت المثبت من عصا الطاره و نزلت القير من الخامس الى الثالث مروراً بالرابع بشكل سريع الى نزلت السرعه عن الميه بديت المس الفرامل بقدر بسيط جداً الى ان وقف بالموتر بالسلامه والحمدلله
بعد مانزلت لايوجد هناك اضرار تذكر ولله الحمد سوا قطع بالنسافه واثر ضربه الكفر على البدي زالت مع غسيل السياره



ماهو نوع السيارة وكيف كانت الحمولة وطريقة توزيعها ..؟؟


السياره لاندكروزر 2007


وكان لايوجد حموله





كم كانت السرعة وقتها ....؟؟؟
السرعه كانت 160 بالضبط



ما نوع الإطار ...؟؟
هانكوك دعسه شاهين


وهل هو جديد أم قديم ...؟؟
الأطار يوم ينفجر كان له تقريباً سنه وشهرين بالكثير
وتاريخه نهايه 2009


كم كان ضغط الهواء في الإطارات ..؟؟
33



كم درجة الحرارة الخارجية التقريبية " صيف أو شتاء "..؟؟


طبعاً هالكلام صاير قبل شهرين يعني بالصيف بعد العصر وكانت الحراره ببحر الـ 40درجه


هل الإطار مطابق للمواصفات ..؟؟
نعم كان مطابق
السرعه s=180
ودرجه الحراره=A


هل كان إطار مناسب للسفر والاسفلت أم رملي أو حجري..؟؟
نعم مناسب وهو كفر متعدد الأستخدمات



ماهو العامل الذي تعتقد أنه كان السبب في تلف الإطار ..؟؟


الكفر فيه رقعه حراريه ورقعه ثانيه عاديه
وكان قريب من حراره الشكمان فأعتقد اجتمعت عليه هالامور وضرب



حفظنااا الله وإياااكم من كل مكروه

[900]

الحـــــــــــــمد لله على سلامة الجميع
وشهر مبارك علينا وعليكم

اول موقف صار لي

قبل حوالي 6 سنين كنت طالع من تبوك متجه لحايل اول العصر
وكنا برمضان والجو مايحتاج حر وكانت النية نفطر في تيماء

المهم بعد ماطلعت من تبوك بحوالي 100 كيلو احسست بهزة غريبه بالدركسون
وثواني قليله الا يضرب الكفر الامامي الايمن والحمد لله جت سليمه والسرعة تقريبا كانت 140
والسياره كامري 97
والله اني نزلت وانا طفشان
صايم وحر وتعب
وكنت جالس اركب الكفر ومخلي السيارة شغالة والمكيف شغال للعايلة
وكانت بنيتي لمى(( عسى الله يصلحها )) عمره حول السنه تشوفني وتضرب القزاز تحسبني العب
بس يوم اشوفها وانسى التعب
ووصلت تيماء بعد المغرب بنص ساعة وفطرنا وركبنا كفر جديد .

[ناصح]

اشكرك الجميع على المشاركة خاصة

الأخ

path019


و ساري 111

حيث تقيدوا بالطريقة المطلوبة في الموضوع

مما يسهل قرائته واستيعاب جوانبه

ولا زلنا ننتظر المزيد من تجاربكم

ونؤكد على أهمية أن يكون الموضوع تجربة شخصية سواء سائق أو راكب

مع التقيد بالنقاط التالية :



ماذا حصل وكيف حصل ..؟؟؟



ماهو نوع السيارة وكيف كانت الحمولة وطريقة توزيعها ..؟؟




كم كانت السرعة وقتها ....؟؟؟





ما نوع الإطار ...؟؟



وهل هو جديد أم قديم ...؟؟



كم كان ضغط الهواء في الإطارات ..؟؟

كم درجة الحرارة الخارجية التقريبية " صيف أو شتاء "..؟؟



هل الإطار مطابق للمواصفات ..؟؟



هل كان إطار مناسب للسفر والاسفلت أم رملي أو حجري..؟؟




ماهو العامل الذي تعتقد أنه كان السبب في تلف الإطار ..؟؟

[بدوي جنوبي]

ماذا حصل وكيف حصل ..؟؟؟
السالفه قديما تقريبا عام 1415
طريق الطائف الرياض أنفجرالكفر الامامى الايسر


ماهو نوع السيارة وكيف كانت الحمولة وطريقة توزيعها ..؟؟

كابريس موديل 84 لا يوجد حموله كلنا 3 اشخاص

كم كانت السرعة وقتها ....؟؟؟
160 كلم



ما نوع الإطار ...؟؟

يا برجستون او هانكوك مش متأكد
وهل هو جديد أم قديم ...؟؟

نص عمر تقريبا

كم كان ضغط الهواء في الإطارات ..؟؟
ممكن 35

كم درجة الحرارة الخارجية التقريبية " صيف أو شتاء "..؟؟
اتوقع 30 اعتقد وقت ربيع ،،،

هل الإطار مطابق للمواصفات ..؟؟
لا أذكر جديا

هل كان إطار مناسب للسفر والاسفلت أم رملي أو حجري..؟؟

لم يكن مناسب للسفر ،،، واعتقد خاص بالاسفلت

ماهو العامل الذي تعتقد أنه كان السبب في تلف الإطار ..؟؟

السرعه الزائدة

اول ما أنفجر الكفر لم أتعرض للفرامل والحمد لله
لكن والله يا أخوان بالقوة قدرت أسيطر على الطاره ( الدركسون)
وأصبح السياره تهتز وتتمايل للجهة اليمني تقريبا عند وصول السرعه 100 نزلت القير لرقم 2
مع ضغط خفيف على الفرامل
والحمد لله جت سليمه .

[نفود حائل]

ماذا حصل وكيف حصل ..؟؟؟


اذكر في عام 2003 كنت مسرعاً على طريق زراعي وأثناء عبوري لأحد
المنعطفات أنفجر الكفر الامامي الايسر والمنعطف جهة اليمين والحمد لله جت سليمة




ماهو نوع السيارة وكيف كانت الحمولة وطريقة توزيعها ..؟؟


السيارة شاص 2002 والحوض فاضي





كم كانت السرعة وقتها ....؟؟؟


تقريبا 160






ما نوع الإطار ...؟؟


كفر شاهين الياباني الاصلي




وهل هو جديد أم قديم ...؟؟


نصف عمر




كم كان ضغط الهواء في الإطارات ..؟؟


25


كم درجة الحرارة الخارجية التقريبية " صيف أو شتاء "..؟؟


في فصل الشتاء ودرجة الحرارة 15 تقريبا




هل الإطار مطابق للمواصفات ..؟؟


نعم على ما اعتقد




هل كان إطار مناسب للسفر والاسفلت أم رملي أو حجري..؟؟


يميل للرملي اكثر





ماهو العامل الذي تعتقد أنه كان السبب في تلف الإطار ..؟؟


اذكر ان الكفر توجد به رقعة تيوبلس أعتقد أنها وقعت لسبب ما مما تسبب بنزول ضغظ الهواء

[ناصح]

الحمد لله على السلامة يا مشرفنا بدوي جنوبي
والحمد لله على السلامة يا نفود حائل

ونشكر لكم المشاركة والتقيد بطريقة الموضوع مما سهل فهم ما حصل

تحيتي لكم

[V 8]

في صيف 1425هـ
كان معي فورد كراون فكتوريا 1997 وكنت خارج للدوام متأخر مسكت الدايري ومشيت الطبلون (200كلم) تقريبا


ثم حسيت ان السيارة تنحرف يسار جهة الصبات بشكل غير طبيعي


على طول مسكت الدركسون بإحكام ورفعت رجلي عن دواسة البنزين ولم اتعرض للمكابح أبدا
المهم على طول انسلخ الكفر وبتلت امشي حتى توقفت السيارة بنفسها بدون فرامل
(الاحساس بالانحراف ومسكة الدركسون والانسلاخ مرت خلال ثواني قليلة)


والحمد لله على ستره


الكفر كان الامامي يسار
نوعه قوديير
مستخدم لمدة شهر تقريبا
الهواء 35
طبعا انوه ان تاريخه قديم حيث انه اسبير الوكالة والموتر له ثمان سنين معي ما فكيت اسبيره بسبب تغييري الدائم للكفرات
واستخدمته جديد لمدة شهر
تاريخه 1997 واستخدمته 2004


الجو كان عز الصيف الساعة التاسعة والنصف صباحا تقريبا 38 وفوق


سبب الانفجار
قدم تاريخ الكفر رغم عدم استخدامه


السيارة كانت فاضية ما فيها الا انا


كفر سيارة صغيرة ومطابق للمواصفات (اسبير الوكالة)


والله يستر على كل مسلم

[ثعل البرد]

بارك الله بك مشرفنا الكريم ناصح
على إثارة هذا الموضوع الجميل والمفيد


ماذا حصل وكيف حصل ..؟؟؟

انفجار الإطار الخلفي يمين
وكنت أقود السيارة بنفسي
برفقة الوالدين والعائلة كلها
كنا في طريقنا من الرس إلى عنيزة
وذلك تقريبا عام 1417



ماهو نوع السيارة وكيف كانت الحمولة وطريقة توزيعها ..؟؟

جمس سوبربان موديل 82 م
والحمولة كانت خفيفة بالنسبة لسيارة عائلية



كم كانت السرعة وقتها ....؟؟؟


حوالي 110 كم / س



ما نوع الإطار ...؟؟

برجستون



وهل هو جديد أم قديم ...؟؟

قديم

كم كان ضغط الهواء في الإطارات ..؟؟

حوالي 40


كم درجة الحرارة الخارجية التقريبية " صيف أو شتاء "..؟؟

أجواء معتدلة .. بداية الشتاء


هل كان إطار مناسب للسفر والاسفلت أم رملي أو حجري..؟؟


مناسب للسفر


ماهو العامل الذي تعتقد أنه كان السبب في تلف الإطار ..؟؟


الإطارات قديمة

[بيق مان]

في صيف 1425هـ



كان معي فورد كراون فكتوريا 1997 وكنت خارج للدوام متأخر مسكت الدايري ومشيت الطبلون (200كلم) تقريبا


ثم حسيت ان السيارة تنحرف يسار جهة الصبات بشكل غير طبيعي


على طول مسكت الدركسون بإحكام ورفعت رجلي عن دواسة البنزين ولم اتعرض للمكابح أبدا
المهم على طول انسلخ الكفر وبتلت امشي حتى توقفت السيارة بنفسها بدون فرامل
(الاحساس بالانحراف ومسكة الدركسون والانسلاخ مرت خلال ثواني قليلة)


والحمد لله على ستره


الكفر كان الامامي يسار
نوعه قوديير
مستخدم لمدة شهر تقريبا
الهواء 35
طبعا انوه ان تاريخه قديم حيث انه اسبير الوكالة والموتر له ثمان سنين معي ما فكيت اسبيره بسبب تغييري الدائم للكفرات
واستخدمته جديد لمدة شهر
تاريخه 1997 واستخدمته 2004


الجو كان عز الصيف الساعة التاسعة والنصف صباحا تقريبا 38 وفوق


سبب الانفجار
قدم تاريخ الكفر رغم عدم استخدامه


السيارة كانت فاضية ما فيها الا انا


كفر سيارة صغيرة ومطابق للمواصفات (اسبير الوكالة)



والله يستر على كل مسلم

الحمد الله على السلامة
وللعلم الله يجزاك خير سبير الوكالة الصغير له سرعة محددة .. وما يتحمل سرعة 200 :eek:
علاوة على انه قديم .. هذا الحقيقة تهور منك.

[التعـ King ـديل]

ماذا حصل وكيف حصل ..؟؟؟

السالفه حصلت لي عام 2005 وكنت مسافر على طريق الشرقيه متجه الى الخبر وتقريبا قبل جوده بحوالي 40 كيلو انفجر علي الكفر الخلفي الايمن والحمدلله تماكنت السياره قبل تنحرف بس وانا اسايس السياره انفجر الاطار الخلفي الايسر وكان يوم عصيب بالنسبه لي لاني فكيت الكفرين الخلفيه وبدلتها بكفرين بالون كنت محملها ويوم وصلت لاقرب محطه كملت الطقم البالون على السياره ومن وقتها وكفري البالون صيف وشتاء اول كنت اركب كفرات عراض للصيف والبالون للشتاء ومن بعد هالموقف استمريت على البالون لحد لحظه كتابه هالرد



ماهو نوع السيارة وكيف كانت الحمولة وطريقة توزيعها ..؟؟

السياره باترول 98 سياحي والحموله راكب واحد وخمس جنوط استراليه بكفرات بالون كانت مصفوفه بشكل ساعدني على تهدئه السياره




كم كانت السرعة وقتها ....؟؟؟

تقريبا 170





ما نوع الإطار ...؟؟


كان برجستون



وهل هو جديد أم قديم ...؟؟


وسط لاقديم ولا جديد



كم كان ضغط الهواء في الإطارات ..؟؟

تقريبا 40

كم درجة الحرارة الخارجية التقريبية " صيف أو شتاء "..؟؟


كان عصر وتقريبا 43 درجه



هل الإطار مطابق للمواصفات ..؟؟


المفترض يكون مطابق للمواصفات لانه نفس كفر الوكاله



هل كان إطار مناسب للسفر والاسفلت أم رملي أو حجري..؟؟


بعد هالتجربه قررت وكان قرار ناجح اني اركب بالون وبس صيف وشتاء



ماهو العامل الذي تعتقد أنه كان السبب في تلف الإطار ..؟؟

الحراره او السرعه الله واعلم

[الجزوم]

السلام عليكم



ماذا حصل وكيف حصل ..؟؟؟
كان معي بليزر م 87 ورايح مع صديق نجيب تمر من الحساء وفي طريق العوده للرياض انفجر الكفر الخلفي يمين وعلى طول انحرفت السياره لليسار باتجاه الشبك الي بين الخطين وعند المحاوله لاستعادة السيطرة على السياره انحرفت لليمين وفي كل انحراف كانت تمشي بالعرض زي الي يفحطون وبعد معونة رب العالمين ولطفه تم السيطره على السياره وايقافها ...


ماهو نوع السيارة وكيف كانت الحمولة وطريقة توزيعها ..؟؟
السياره بليزر م 87 والحموله تمر ويعتبر ثقيل والتوزيع جيد ...



كم كانت السرعة وقتها ....؟؟؟

القصة قديمه لكن اتوقع بين 140 - 150



ما نوع الإطار ...؟؟
يوكوهاما


وهل هو جديد أم قديم ...؟؟
جديد ومن الوكيل حيث تم تركيبه قبل يوم واحد من السفر


كم كان ضغط الهواء في الإطارات ..؟؟
ما ادري بس التركيب عند الوكيل واكيد حط الظغط الانسب ومن مشاهدتي لشكل الاطار بعد التحميل ان الوضع طبيعي
كم درجة الحرارة الخارجية التقريبية " صيف أو شتاء "..؟؟
بعد الصرام يعني صيف والوقت بعد الظهر


هل الإطار مطابق للمواصفات ..؟؟
نعم M+S لجميع الاجواء


هل كان إطار مناسب للسفر والاسفلت أم رملي أو حجري..؟؟
كان مناسب ومطابق لمواصفات الصانع



ماهو العامل الذي تعتقد أنه كان السبب في تلف الإطار ..؟؟

لا اعلم ولكن لم اركب كفر يوكوهاما منذ ذلك الحين لعدم تعاون الوكيل والكفر لم يمر عليه الا ايام معدوده ولكن الاغلب ان يكون خلل مصنعي


وللجميع التحية

الجزوم

[Abu Msh3aL]

ماذا حصل وكيف حصل ..؟؟؟


كنت مع العائلة على جمس 83 صالون طـالعين من الرياض للمزاحمية وكان يسوق اخوي وانا هذيك الايام صغير ناطليني ورى :D .. المهم وحنى نازلين من الزديه انفجر الكفر الامامي يمين انا ما حسيت بالروعه الا يوم شفت وجه اخوي بالمرايه الوصطيه كيف واضح انه باذل مجهود في تثبيت السيارهـ و وشلون يده تنفظ وهو متيت الطارهـ ما تدري انت تهدي في الاوسط ولا تهدي يمين ووراك تريلات ولا اصلن وش لون تهدي وانت في نزله ويوم ينفقع الكفر وهو ما نزلنا الا ربعها .. المهم اخوي اظاهر الهمه الله على الجلنط لانه تحت عند دعسات الرجلين الله يعزكم .. وقام يضغطة شوي شوي لين بدى يهدي الموتر وكل ما هدى ظغط زيادة على الجلنط بس بشكل بطيئ يهدي من دوران الكفر ولا يظغط مره وحدهـ عشان ما تنحرف السياره طـبعا والحمد الله ربك ســتر :D


ماهو نوع السيارة وكيف كانت الحمولة وطريقة توزيعها ..؟؟



زي ما ذكرت جمس صالون 83 والحمولة ما شاء الله العائلة كلها وقراشيع طلعت استراحة :p


كم كانت السرعة وقتها ....؟؟؟




اظاهر انه يوم ينزل بين الـ 100 والـ 120 منيب متأكد ولا اذكر


ما نوع الإطار ...؟؟


اذا ما خاب ضني برجستون لاني تعلمت على ذاك الجمس عقبه واذكر انه برجستون


وهل هو جديد أم قديم ...؟؟


الكفر نص عمر


كم كان ضغط الهواء في الإطارات ..؟؟
ما اذكر
كم درجة الحرارة الخارجية التقريبية " صيف أو شتاء "..؟؟


ما اذكر بالظبط بس المارية اننا سابحين هذاك اليوم .. اظاهر انها صيف :D


هل الإطار مطابق للمواصفات ..؟؟


والله مـدري


هل كان إطار مناسب للسفر والاسفلت أم رملي أو حجري..؟؟



الغالب انه ازفلتي يميل للحجري شوي


ماهو العامل الذي تعتقد أنه كان السبب في تلف الإطار ..؟؟

اظاهر كثرت وقفت الموتر اثرت على الكفرات لانها كانت هذاك الوقت سيارة العائلة ولا هيب تتحرك واجد

[ناصح]

لا زلنا متابعين ومستفيدين من تجاربكم


نسأل الله أن يحفظ الجميع

[Abu Msh3aL]

الموقف الثاني

ماذا حصل وكيف حصل ..؟؟؟
الله يسلمكم هذاك اليوم الشباب طالعين حول الطوقي .. دقوا علي بحكم اني آخر واحد جاي في الخط قالوا ناقصنا اغراض وسردوها علي ولا بعـد ينفخون عليك كني انا اللي فاتح الدريشة ومنطل النواقص وعجل ولا تتأخر ومن هالكلام :mad:.. المهم خذت الاغراض ومشيت ثانية الا يدقون عجل غدانا احترق ما جبت النواقص ..

وانا اللي ازر الموتر .. وكان معي عربة قـلص ( مقطورة ) عليها دباب وجركل بنزين :f

ومعي باثفندر امشي حول الـ 160 تال العربة وراي .. سقطت على راعي باث وقام يكـبس قلت اييييه فاضي ذا محارش يبي يطارح وانا احتمال انفرش في الطوقي ..

بعـد ما مشيت مسافة عقبة بشـوي الا اطـالع المرايه يمين والقاء قطع سوداء تطـير في الهواء :D

صار قطع من كفر القلص الايمن منفقع ما دريت عنه ولا طقيت به خـبر

وارفع رجلي واصفط على جنب بدون فرامل << مقفل وش دخل القلص في الفرامل !! بس مدري من الروعه ذكرت انهم يقولون اذا انفقع الكفر لا تمسك فرامل :D

المهم وقفت على جنب واطالع الكفر يوم جتني نفظه الكـفر على جنط ما فيه الا خيوط الكفر بس اللي تجي بالعرض من شفة الجنط للشفه الثانية ..

واوقف الموتر وانزل الدباب وافلل التانكي حقه واحط الجركل داخل الغمارة واحط الاغراض اللي شريت على الدركسون وبعضها ربطة في دعامة الدباب واجيك مدرعم للعيال حول 20 كيلو عنهم << توصيل طلبات في هالبران في احسن من هالخدمات ؟ :p

واوصل واحط اغراض الغداء وعقب ما تغدينا رجعنا نجيب الموتر والقلص






ماهو نوع السيارة وكيف كانت الحمولة وطريقة توزيعها ..؟؟

السياره ( عربة سـحب ) :D


كم كانت السرعة وقتها ....؟؟؟
160 كم




ما نوع الإطار ...؟؟
هانكوك مستعمل شاريه من الغرابي بـ 50 :D


وهل هو جديد أم قديم ...؟؟
والله ياليت يوصل الكفر بخمسين جديد


كم كان ضغط الهواء في الإطارات ..؟؟
25
كم درجة الحرارة الخارجية التقريبية " صيف أو شتاء "..؟؟
شتاء اظاهر انها 20 وعليها


هل الإطار مطابق للمواصفات ..؟؟
كان مطابق قبل لا يصير بـ50


هل كان إطار مناسب للسفر والاسفلت أم رملي أو حجري..؟؟

والله مدري لاني استخدمته في جميع المجالات ما قال لا اظاهر انه ثلجي :good2:


ماهو العامل الذي تعتقد أنه كان السبب في تلف الإطار ..؟؟

هـالـ 50 ريال .. كنت حاقره مستخسر فيه جديد عشانه قلص .. بس لو منفقع علي وانا حول مكشات بعيد وش ينتل هاللقلص بين النفود وهو هالجنط بيتعب الموتر ويتعبني .. وعقبها لازم جديد مع استبنه بعـد :good2:

والحمد الله على كل حال

[NOYEB]

اشكرك اخي ناصح على هذا الموضوع المفيد
والحقيقه انني لله الحمد والمنه لم يحصل لي مثل هذا الموقف (انفجار إطار)...لاكن حبيت ان اشيد واثني على الموضوع.
شكرا لك مره أخرى

[King الصيد]

عليكم السلام .. هلابك اخوي

ماذا حصل وكيف حصل ..؟؟؟
امشي في خط ازفلت وفجاه!! زحف الموتر
ماهو نوع السيارة وكيف كانت الحمولة وطريقة توزيعها ..؟؟
السياره هايلوكس الحموله جراكل ماء كان وقت الضبان توزيعها ممتاز

كم كانت السرعة وقتها ....؟؟؟
170 كم


ما نوع الإطار ...؟؟
يوكوهما ياباني
وهل هو جديد أم قديم ...؟؟
2010 اخر اسبوع
كم كان ضغط الهواء في الإطارات ...؟؟
35
كم درجة الحرارة الخارجية التقريبية " صيف أو شتاء "..؟؟
38 الي 40 .. صيف
هل الإطار مطابق للمواصفات ..؟؟
؟؟؟؟؟
هل كان إطار مناسب للسفر والاسفلت أم رملي أو حجري..؟؟
ممتاز لكل الطرقات ولاكن لين

ماهو العامل الذي تعتقد أنه كان السبب في تلف الإطار ..؟؟

عيون القطط او حجر

[ناصح]

اشكرك اخي ناصح على هذا الموضوع المفيد
والحقيقه انني لله الحمد والمنه لم يحصل لي مثل هذا الموقف (انفجار إطار)...لاكن حبيت ان اشيد واثني على الموضوع.
شكرا لك مره أخرى

اشكر لك إطلالتك ونسأل الله لك مزيدا من السلامة في اسفارك

واشكرك البقية على المشاركة وطرح تجاربهم

[باترول 4500]

وعليكم السلام ورحمة الله وبركاته


سالفتي غير ما إنفجر علي كفر


ماذا حصل وكيف حصل ..؟؟؟

في أول رمضان يعني قبل إسبوعين كنا طالعين نفطر مع الأقارب
وكنت أمشي 130 وحسيت بهزه خفيفه مادريت إلا الكفر الخلفي يسار يمشي بجنبي
وتركت البنزين حتى يهدي الموتر مع سحب خفيف للجلنط
يوم نزلت من الموتر إلا وأحصل مسامير الجنط متقطمات مثل هذه الصوره
http://center.jeddahbikers.com/uploads/jb13017551941.jpg
والحمدلله الله ستر علينا

وسالفتي هذي بحثت عنه وحصلت أكثر من واحد هنا بمكشات حاصله له
http://mekshat.com/vb/showthread.php?t=396282



ماهو نوع السيارة وكيف كانت الحمولة وطريقة توزيعها ..؟؟


السيارة باترول

الحمولة كانت تانكي ماء 80 لتر مع أغراض البر


كم كانت السرعة وقتها ....؟؟؟
130 كلم



ما نوع الإطار ...؟؟


ماكسس لاكن المشكلة مب من الكفر



وهل هو جديد أم قديم ...؟؟

الكفرات بهن نص عمر



كم كان ضغط الهواء في الإطارات ..؟؟
30

كم درجة الحرارة الخارجية التقريبية " صيف أو شتاء "..؟؟

صيف



هل الإطار مطابق للمواصفات ..؟؟

نعم



هل كان إطار مناسب للسفر والاسفلت أم رملي أو حجري..؟؟

للسفر والاسفلت


ماهو العامل الذي تعتقد أنه كان السبب في تلف الإطار ..؟؟
الإطار سليم لاكن المشكلة كانت من مسامير الجنط متقطمات
وعلى كلام صاحب الورشه إن المسامير مب أصليات



الله يكفينا وإياكم من أخطار الكفرات

[ناصح]

الحمد لله على السلامة

يعني أنا مشيت على الجنط وحسيت أنها شيء رهيب

أنت مشيت على الهوب ....!!!


عموما اطلعت على الرابط وفيه نقاش طويل لعله من خلاله يتبين السبب


شكرا لك

[Vortech]

بسم الله الرحمن الرحيم









ماذا حصل وكيف حصل ..؟؟؟
كننا رايحين للحسآ انا وخويي وعقب قال لي خلنا نروح للبحرين وقلت له ما لنا حاجه وعقب قال الا بنروح.. ولزم... وأول ما نوينا نوجه للبحرين.. انصلخ التآير الامامي الايسر.. وأول ما انصلخ التآير قام خويي يصيح بطول صوته ويقول ( أستغفر الله... أستغفر الله )هههههههههههههههههههه...

ماهو نوع السيارة وكيف كانت الحمولة وطريقة توزيعها ..؟؟

الموتر نوعه كآن كيآ أوبتيما (6 سلندر )... وما معنا أي نوع من الحموله.. أنا وخويي

كم كانت السرعة وقتها ....؟؟؟
السرعه كآنت 210 ( قافله على الــ 210 )


ما نوع الإطار ...؟؟
بيريللي حجم 15... هذا اللي اذكره

وهل هو جديد أم قديم ...؟؟
يفدآك الكذب وأنا اخوك... ما أذكر

كم كان ضغط الهواء في الإطارات ..؟؟
من الــ35 الين 40

كم درجة الحرارة الخارجية التقريبية " صيف أو شتاء "..؟؟
لا والله الا قيظ... الله وكيلك حزة العصريه... الحراره أكيد فوق الــ40

هل الإطار مطابق للمواصفات ..؟؟
مالي خبره في الامور هذي...

هل كان إطار مناسب للسفر والاسفلت أم رملي أو حجري..؟؟
ما أذكر حآلة الاطآر بالضبط.... وكنا على خط قطر-الاحسآء


ماهو العامل الذي تعتقد أنه كان السبب في تلف الإطار ..؟؟
الحرآآآآآآره وأكيد التآير كآن تعبآن



لكــــــن الموتر كآن ثآبت... ورآسي وقت البنشر مع ان البنشر كآن من التآير الأمامي... لحد ما وقفنآ....

ولما وقفن .. الله وكيلك... شف أنواع الانذآرات والهرن شغال والمكيف يطفي ويشتغل والمسجل يبند والسي دي يطلع والليتات شغال ولما نزلنا .. حصلنا أسيام التآير طآلعه على كيب المكينه الرئيسي ( الظفيره ) ومقطعته وناشبه أسلاك الظفيره ومختلطه مع أسيآآآم التآآآير... حآله ما يعلم بها الا اللــه...... بدلنا التآآآير وحصلنا ابن حلال .. شروآكم وقلص الموتر لاقرب محطة بترول ورتبنا الظفيره بــ 200 ريآل... هههههههـ أنا قلت بيقول 2000 ريال... لان الوقت كان قريب المغرب ويوم الخميس... وقت حرج.... والحمدلله ... سآعتين زمن الا والسيآره خآآآآلصه... ورجعنا قطر على طوووووووووووووول ههههههههههه....

الحمدلله اللي ربك ستر... لكن والله كننا مسرعين سرعه جنونيه وأخطرنا على أنفسنا وعلى الناس.

في أمان الله

[V 8]

الحمد الله على السلامة
وللعلم الله يجزاك خير سبير الوكالة الصغير له سرعة محددة .. وما يتحمل سرعة 200 :eek:
علاوة على انه قديم .. هذا الحقيقة تهور منك.


مالك لوا
موتري وارد توكيلات الجزيرة والاسبير مقاسه نفس الكفرات الاصلية حتى جنطه خلية

[ذيب عتيبه]

السلام عليكم ورحمه الله وبركاته


أشكرك أخوي على هالموضوع والله يكفينا واياكم شر البناشر


الحقيقه صارلي أكثر من بنشر ** لكن أبذكر موقف الله لايعيده ويكفينا شره





ماذا حصل وكيف حصل ..؟؟؟



قبل تقريبا سنتين في الصيف أو تقريبا في عز الصيف **طالعين مقناص للرمله أنا ووآحد من أخوياي مع خط الجنوب طالعين من الخرج ** قبلها بيوم مريت الغرابي فالرياض وبدلت الجنوط والكفرات بجنوط وكفرات كانت عندي ماعليها كروم وكفرات ميشلان والله انها قديمه بالحيل وتواريخها قديمه هههه أجددها 2005 هههه الموتر شاص نيسان قديم محمل تانكي بنزين 1000 لتر وتوانك ما جوانب وعده وعفوش مالله به عليم هههه المهم يوم أقبلنا على الافلاج على حدود الساعه 2 الليل بيننا وبينه 10 ك ** أمشي حول 140 سمعنا صوت طقطقه من الكفر اللي قدام ورجه خفيفه ** تجاهلت الوضع وأنا اللي أحط رجلي أبي كان الصوت يروح والا يتبين لي شي ** الا والله اصوت يزيد وانا اللي أهدي الين وصلت لحول ال100 الصوت كل ماله يزيد والرجه كذلك بلمح بصر والله ياأخوان ماحسيت الا كأني طآيح في جرف الموتر طاح على وجهه كنت متكي بيدي على الباب ويدي الثانيه على الدركسون قسم بالله اني ماشوف الا الشرار ينوش يدي اللي على الباب من الهوب الايسر ** والمفآجأه خويي بجنبي يصيح ياولد ياولد كفرنا وجنطنا يسبقنا ههههه أبك تسييف والله ياريجيل ان الجنط منشلع بكفره يسبقنا على الخط يبارينا وتعدانا على خطه سيييده ههههه يمشي طبلون والموتر طاح على الهوب يحك فالزفلت ياولد عدل بدل ماجاكم الا الصحيح على 100 يحك الموتر على هوبه الامامي الايسر والشرر يطير من الهوب أثبت الطاره يالله اني أثبته وشوي شوي لين وقف بفضل الله ** ننزل لا والله المسامير سليمه والهوب نشوف جرته حاك فالزفلت ناحت الزفلت نحت




المهم كشفنا على الهوب سليم والمسامير سليمه ركبنا الأسبير وشيكنا على الجنوط أثرها كلها مرتخيه مساميرها الله لايوفق اليماني راعي الغرابي أثره ماربطها زين وهنا المشكله
ورحنا ندور كفرنا الدااشر هههه لين لقيناه ممسي يبعد عنا حول الكيلون فالبر يسار الخط والله اننا يالله شفناه بالدربيل


كملنا مقناصنا ورجعنا بالسلامه


سلمنا الله









ماهو نوع السيارة وكيف كانت الحمولة وطريقة توزيعها ..؟؟


شاص نيسان 88 صورته بالتوقيع الحموله هائله وتوزيعها ممتاز


هذه صوره للعفوش


http://www9.0zz0.com/2011/08/12/23/329859821.jpg (http://www.0zz0.com)







كم كانت السرعة وقتها ....؟؟؟


حول ال100 الى 120






ما نوع الإطار ...؟؟


ميشلان أصلي




وهل هو جديد أم قديم ...؟؟


لا بالله قديم بالحيل بعد




كم كان ضغط الهواء في الإطارات ..؟؟


حول الاربعين



كم درجة الحرارة الخارجية التقريبية " صيف أو شتاء "..؟؟


صيف تقريبا 35




هل الإطار مطابق للمواصفات ..؟؟


والله مدري عنه




هل كان إطار مناسب للسفر والاسفلت أم رملي أو حجري..؟؟


مناسب





ماهو العامل الذي تعتقد أنه كان السبب في تلف الإطار ..؟؟



الكفر سليم



وهذه صوره الضربه اللي خلفها انحلال الجنط باين ضربته على حافه الرفرف




http://www14.0zz0.com/2011/08/12/23/156158502.jpg (http://www.0zz0.com)

[ينبع3]

السلام عليكم
اول انفجار كفر صار معي على ونيت مازدا85 فاضي وكنت على سرعة 100 الكفر الامامي الايمن اول ماانفجر الكفرمالت السياره لليمين بقوه ولكني رفعت رجلي عن البنزين وهدت وتوقفت ولله الحمد

القصه الثانيه على كابرس صابونه 91 كنت جاي من جده لينبع عام 1997 وكنت ماشي بالضبط 170 وانفجر الكفر الامامي وحسيت فقط برجه في الدركسون ولم تتحرك السياره او تميل لاي جهه ورفعت رجلي عن البنزيت حتى توقفت السياره وبعدها باسبوع باسبوع انفجرالكفر على نفس السرعه ونفس مكان الكفر وماصار شي والحمد لله الكفرات لااذكر نوعها

القصه الثالثه سياره صني 92 انفجر الاطار الخلفي على سرعة100 وتمايلت السياره يمين ويسار ولكن سيطرت عليها الى حد ماتوقفت ولكن الحمد لله كنت متجاوز تريله اثناء الانفجار وعندما مالت لليمين كدت ان احتك بالشاحنه لكن الله سلم

[القناص-sniper]

ماذا حصل وكيف حصل ..؟؟؟
راجع من الدوام في الرياض الساعه 2.30 الظهر بعز الصيف واحس بالسيارة رجه وانا عارف انه الكفر الخلفي الايمن لأنه كان محبل فيه ورمه من الجنب واضحه وصارت الرجه واضحه اول ما نزلت من الخدمه مقابل الفحص ابي طريق الشيخ جابر ترج رج السيارة وقفت يمين ونزلت اشوف الا والله يوم اشوف الورمه الصغيره قامت تكبر تكبر تكبر وبعدها دوي انفجار صمخ اذاني هههههههههه
ماهو نوع السيارة وكيف كانت الحمولة وطريقة توزيعها ..؟؟
اكسنت 2002 سيارة صغيره ومافيها حموله
كم كانت السرعة وقتها ....؟؟؟
والله كنت مسرع لكن يوم حسيت بالرجه خففت السرعه لين وقفت اول ما خشيت على الخدمه
ما نوع الإطار ...؟؟
دنلوب
وهل هو جديد أم قديم ...؟؟
له سنتين تقريباً
كم كان ضغط الهواء في الإطارات ..؟؟
35
كم درجة الحرارة الخارجية التقريبية " صيف أو شتاء "..؟؟
صيف والارض تطبخ
هل الإطار مطابق للمواصفات ..؟؟
أكيد
هل كان إطار مناسب للسفر والاسفلت أم رملي أو حجري..؟؟
كان مناسب
ماهو العامل الذي تعتقد أنه كان السبب في تلف الإطار ..؟؟
قديم وعدم اهتمام (سيارة بلد دوام وبيت ومشاوير داخل المدينه بسِ )

[kmk9999]

انا صار لي موقفين

الأول كنت ماأخذ سيارة أخوي هايلكس 2008م غماره بوقته وكفراته منتهية وكان به رجه
وكنت أقول لأخوي تراه محبل أحد الكفر والله العالم المهم أخذت سيارة أخوي وسافرة عليها
على طريق سيد واحد وكنت ماشي 170كم تقريبا المهم فجأة ضرب الكفر الأمامي الأيسروالحمد لله إن السيارة
ما شاء الله عليها ما روغت لا يمين ولا يسار على مساره إلين ما توقفت وغيرت الكفر اللي ضرب
وركبت الإستبنة يوم ركبتها راحت الرجة فتذكرت كلامي لأخوي يوم إني قلت له ترى كفرك محبل
وكان نوع الكفر صيني والجنوط اللي به جنوط هوندا اكورد مبرزات

والموقف الثاني
معي جيب لاند كروزر جي اكس ار 99م المهم كنت شاري جنوط وكفر من التشليح حقات هدد 2010م
المهم كنت مسافر على نفس الطريق اللي مشيت به على الهايلكس وعلى سرعة 160كم وضرب معي الكفر الأمامي الأيمن
وما شاء الله عليه كان راسي ولا طلع عن الخط وكفراته كان نوعها دونلوب حجري 17إنش بس كانن منتهيات


وكل المواقف اللي صار لي بعز الصيف

وفيه موقف صار لي قبل على ددسن 97م
كنت محمل تمر من المزرعه جايبهم من حائل الى الرياض
وضرب على الكفر الخلفي وروغت السيارة بس ربي ستر وعدلت الموتر
وكان الوالد يمشي قدامي
المهم الكفر كنت توني مركبهم ومشيت من حايل الى أن تعديت القصيم ولا به اي شي
ليش ضرب الكفر نوعها هانكوك
المهم ربي ستر حولت من السيارة ورجليني وأنتم بكرامة ما قدرت اقف عليها

[ابوفيصل1]

ماذا حصل وكيف حصل ..؟؟؟
كنت مسافر من الشرف الى حقل الواقعة في مدينة تبوك وعند بداية النزول لمنحدرات حقل ضرب كفر خلفي ايمن والله ماقد ركبت الصحن الدوار ولا ركبت قطار الموت ولا لعبة المقص لكن كنت اتفرج على الناس الى يركبون واموت ضحك عليهم
المهم ان هل اليوم شفت المقص والصحن الدوار
ياالربع كنة واحد حطني في علبة حليب نيدوا وقام يلعب بالعلبة كورة
يالله سترك شي عجيب ضرب الكفر فجئة وكان صوتة قوي ومن يوم ماضرب نزل الموتر من جهة الكفر الخلفي كنة مدعوس بتريلة من وري المهم حاص الموتر وسلاسل وتنطيل لين ضرب في جيب ابو شنب وهو خارج السفلت ردنا هل الجيب من هوية يمكن خمس عشر متر ورجع الموتر على الزفلت واعترض ووقف يوم نزلنا من الموتر والعالم واقفين يتفرجون يحسبون الشغلة تفحيط طبعن السيارة خذة مسافة ومدة طويلة لين وقفت



ماهو نوع السيارة وكيف كانت الحمولة وطريقة توزيعها ..؟؟


جركن ماء عشرين لتر وثلاث اشخاص وسواق بس اشهد انة سواق من بعد قدرة الله وسترة علينا ثم سواقنا كان رحنا قطع لحم
السيارة تسعاوي.. يجرح ويداوي
انا اشهد انة فصخ عقلي قال راسي وهوا اخرطي






كم كانت السرعة وقتها ....؟؟؟
العداد يلعب بين المية والسبعين والثمانين بس عيا يتعدها لكن الدعسة للصاجة
وانا اصيح زي المهبول على السواق الكفرات ممسوحة ياخبل هدي يالكلب يالفيك مايخطيك وهواش وسب فية لين ضرب الكفر





ما نوع الإطار ...؟؟
قوادير



وهل هو جديد أم قديم ...؟؟
قديم وتعبان



كم كان ضغط الهواء في الإطارات ..؟؟
40
كم درجة الحرارة الخارجية التقريبية " صيف أو شتاء "..؟؟
وقت الصيف



هل الإطار مطابق للمواصفات ..؟؟
؟؟؟؟؟؟؟؟؟؟؟؟؟؟؟؟؟



هل كان إطار مناسب للسفر والاسفلت أم رملي أو حجري..؟؟
قوادير للخطوط




ماهو العامل الذي تعتقد أنه كان السبب في تلف الإطار ..؟؟
السرعةالجنونية وقدم الكفر وعدم كفائة
والثقةالزائدة في رساوت السيارة
تسعاوي يولد لاتخاف ومن هل كلام

[بركاني حربي]

مشكور أخوي ناصح على الموضوع المهم


ماذا حصل وكيف حصل ..؟؟؟

كان معي جمس 84 قبل 14 سنة و كنت مسرع على الدائري فجأة سمعنا صوت و بعدها على طول ضرب الكفر الأيمن الخلفي و انسلخ


ماهو نوع السيارة وكيف كانت الحمولة وطريقة توزيعها ..؟؟

جمس لا توجد حمولة تذكر



كم كانت السرعة وقتها ....؟؟؟

110 ممكن




ما نوع الإطار ...؟؟
برجستون



وهل هو جديد أم قديم ...؟؟

قديم


كم كان ضغط الهواء في الإطارات ..؟؟
35
كم درجة الحرارة الخارجية التقريبية " صيف أو شتاء "..؟؟
صيف حول 40



هل الإطار مطابق للمواصفات ..؟؟
نعم

هل كان إطار مناسب للسفر والاسفلت أم رملي أو حجري..؟؟

لا لإنه قديم



ماهو العامل الذي تعتقد أنه كان السبب في تلف الإطار ..؟؟

إن الكفر قديم و السرعة الزايدة

[بركاني حربي]

و صار لي موقف ثاني مع أحد الزملاء و كانت سيارة جديدة أوبل و كنا مسافرين لينبع و كنا مسرعين و ضرب الكفر الخلفي الأيمن و لكن ما شاء الله تبارك الله الموتر ثابت و ما تزحزح و رغم إن الموتر جديد و لكن أنسلخ الكفر و الرفرف و أعتقد سبب ضرب الكفر هو الخط مكسر و الحمولة الزائدة الوقت صيف

[ناصح]

بسم الله الرحمن الرحيم




ماذا حصل وكيف حصل ..؟؟؟
كننا رايحين للحسآ انا وخويي وعقب قال لي خلنا نروح للبحرين وقلت له ما لنا حاجه وعقب قال الا بنروح.. ولزم... وأول ما نوينا نوجه للبحرين.. انصلخ التآير الامامي الايسر.. وأول ما انصلخ التآير قام خويي يصيح بطول صوته ويقول ( أستغفر الله... أستغفر الله )هههههههههههههههههههه...

ماهو نوع السيارة وكيف كانت الحمولة وطريقة توزيعها ..؟؟

الموتر نوعه كآن كيآ أوبتيما (6 سلندر )... وما معنا أي نوع من الحموله.. أنا وخويي

كم كانت السرعة وقتها ....؟؟؟
السرعه كآنت 210 ( قافله على الــ 210 )


ما نوع الإطار ...؟؟
بيريللي حجم 15... هذا اللي اذكره

وهل هو جديد أم قديم ...؟؟
يفدآك الكذب وأنا اخوك... ما أذكر

كم كان ضغط الهواء في الإطارات ..؟؟
من الــ35 الين 40

كم درجة الحرارة الخارجية التقريبية " صيف أو شتاء "..؟؟
لا والله الا قيظ... الله وكيلك حزة العصريه... الحراره أكيد فوق الــ40

هل الإطار مطابق للمواصفات ..؟؟
مالي خبره في الامور هذي...

هل كان إطار مناسب للسفر والاسفلت أم رملي أو حجري..؟؟
ما أذكر حآلة الاطآر بالضبط.... وكنا على خط قطر-الاحسآء


ماهو العامل الذي تعتقد أنه كان السبب في تلف الإطار ..؟؟
الحرآآآآآآره وأكيد التآير كآن تعبآن
لكــــــن الموتر كآن ثآبت... ورآسي وقت البنشر مع ان البنشر كآن من التآير الأمامي... لحد ما وقفنآ....

ولما وقفن .. الله وكيلك... شف أنواع الانذآرات والهرن شغال والمكيف يطفي ويشتغل والمسجل يبند والسي دي يطلع والليتات شغال ولما نزلنا .. حصلنا أسيام التآير طآلعه على كيب المكينه الرئيسي ( الظفيره ) ومقطعته وناشبه أسلاك الظفيره ومختلطه مع أسيآآآم التآآآير... حآله ما يعلم بها الا اللــه...... بدلنا التآآآير وحصلنا ابن حلال .. شروآكم وقلص الموتر لاقرب محطة بترول ورتبنا الظفيره بــ 200 ريآل... هههههههـ أنا قلت بيقول 2000 ريال... لان الوقت كان قريب المغرب ويوم الخميس... وقت حرج.... والحمدلله ... سآعتين زمن الا والسيآره خآآآآلصه... ورجعنا قطر على طوووووووووووووول ههههههههههه....

الحمدلله اللي ربك ستر... لكن والله كننا مسرعين سرعه جنونيه وأخطرنا على أنفسنا وعلى الناس.

في أمان الله





السلام عليكم ورحمه الله وبركاته



أشكرك أخوي على هالموضوع والله يكفينا واياكم شر البناشر


الحقيقه صارلي أكثر من بنشر ** لكن أبذكر موقف الله لايعيده ويكفينا شره





ماذا حصل وكيف حصل ..؟؟؟



قبل تقريبا سنتين في الصيف أو تقريبا في عز الصيف **طالعين مقناص للرمله أنا ووآحد من أخوياي مع خط الجنوب طالعين من الخرج ** قبلها بيوم مريت الغرابي فالرياض وبدلت الجنوط والكفرات بجنوط وكفرات كانت عندي ماعليها كروم وكفرات ميشلان والله انها قديمه بالحيل وتواريخها قديمه هههه أجددها 2005 هههه الموتر شاص نيسان قديم محمل تانكي بنزين 1000 لتر وتوانك ما جوانب وعده وعفوش مالله به عليم هههه المهم يوم أقبلنا على الافلاج على حدود الساعه 2 الليل بيننا وبينه 10 ك ** أمشي حول 140 سمعنا صوت طقطقه من الكفر اللي قدام ورجه خفيفه ** تجاهلت الوضع وأنا اللي أحط رجلي أبي كان الصوت يروح والا يتبين لي شي ** الا والله اصوت يزيد وانا اللي أهدي الين وصلت لحول ال100 الصوت كل ماله يزيد والرجه كذلك بلمح بصر والله ياأخوان ماحسيت الا كأني طآيح في جرف الموتر طاح على وجهه كنت متكي بيدي على الباب ويدي الثانيه على الدركسون قسم بالله اني ماشوف الا الشرار ينوش يدي اللي على الباب من الهوب الايسر ** والمفآجأه خويي بجنبي يصيح ياولد ياولد كفرنا وجنطنا يسبقنا ههههه أبك تسييف والله ياريجيل ان الجنط منشلع بكفره يسبقنا على الخط يبارينا وتعدانا على خطه سيييده ههههه يمشي طبلون والموتر طاح على الهوب يحك فالزفلت ياولد عدل بدل ماجاكم الا الصحيح على 100 يحك الموتر على هوبه الامامي الايسر والشرر يطير من الهوب أثبت الطاره يالله اني أثبته وشوي شوي لين وقف بفضل الله ** ننزل لا والله المسامير سليمه والهوب نشوف جرته حاك فالزفلت ناحت الزفلت نحت




المهم كشفنا على الهوب سليم والمسامير سليمه ركبنا الأسبير وشيكنا على الجنوط أثرها كلها مرتخيه مساميرها الله لايوفق اليماني راعي الغرابي أثره ماربطها زين وهنا المشكله
ورحنا ندور كفرنا الدااشر هههه لين لقيناه ممسي يبعد عنا حول الكيلون فالبر يسار الخط والله اننا يالله شفناه بالدربيل


كملنا مقناصنا ورجعنا بالسلامه


سلمنا الله









ماهو نوع السيارة وكيف كانت الحمولة وطريقة توزيعها ..؟؟


شاص نيسان 88 صورته بالتوقيع الحموله هائله وتوزيعها ممتاز


هذه صوره للعفوش


http://www9.0zz0.com/2011/08/12/23/329859821.jpg (http://www.0zz0.com)







كم كانت السرعة وقتها ....؟؟؟


حول ال100 الى 120






ما نوع الإطار ...؟؟


ميشلان أصلي




وهل هو جديد أم قديم ...؟؟


لا بالله قديم بالحيل بعد




كم كان ضغط الهواء في الإطارات ..؟؟


حول الاربعين



كم درجة الحرارة الخارجية التقريبية " صيف أو شتاء "..؟؟


صيف تقريبا 35




هل الإطار مطابق للمواصفات ..؟؟


والله مدري عنه




هل كان إطار مناسب للسفر والاسفلت أم رملي أو حجري..؟؟


مناسب





ماهو العامل الذي تعتقد أنه كان السبب في تلف الإطار ..؟؟



الكفر سليم



وهذه صوره الضربه اللي خلفها انحلال الجنط باين ضربته على حافه الرفرف





http://www14.0zz0.com/2011/08/12/23/156158502.jpg (http://www.0zz0.com)





الحمد لله على سلامتكم


ومن هذه التجارب يستفيد الجميع

شكرا لكم

[شااامي]

السلام عليكم
يا اخواني انا فجر معي الكفر مرتين
الاولى كان معي بي ام دبليو موديل ال 95 الخلفي
لكن ماشاااااء الله ما حسيت الا برجه خفيفه وتوقفت فورا وما هزت السياره وكنت ماشي 170 والله
ع الدايري الغربي
لكن !!!!!!!!!!!!!!!
فجر كفر معي في سياره كراون فكتوريا موديل 98 وكفراتها يوكوهاما والكفر نص عمر
والكفر امامي يمين ع خط القصيم كان ممشاي 160 لكن قسماااااااا بالله لولا لطف الله كنت من عداد الموتى
الموتر راح يمين وشمااااااال وضرب بالاسمنت اللي بنصف الطريق لاني كنت ماشي ع اليسار
والموتر راح وما توقف مررررررره وما ضربت فرامل واتبعت الخطوات كامله لكن الفورد والله
يخطف بسرعه وما تلحق تسوي شي
موتري راح تشليح والله وما هدى الا في اقصى اليمين في الحاجز ع يمين الطريق
انا اقول ان الفورد خفيف وما يصلح لسرعه
وللي مجنني ان كل العالم ما قدر يحل هذي المشكله يعني ما فيه اختراع او شي او حل ارجو الافاده
لكم وشكرااااا

[- النشمي -]

السلام عليكم
يا اخواني انا فجر معي الكفر مرتين
الاولى كان معي بي ام دبليو موديل ال 95 الخلفي
لكن ماشاااااء الله ما حسيت الا برجه خفيفه وتوقفت فورا وما هزت السياره وكنت ماشي 170 والله
ع الدايري الغربي
لكن !!!!!!!!!!!!!!!
فجر كفر معي في سياره كراون فكتوريا موديل 98 وكفراتها يوكوهاما والكفر نص عمر
والكفر امامي يمين ع خط القصيم كان ممشاي 160 لكن قسماااااااا بالله لولا لطف الله كنت من عداد الموتى
الموتر راح يمين وشمااااااال وضرب بالاسمنت اللي بنصف الطريق لاني كنت ماشي ع اليسار
والموتر راح وما توقف مررررررره وما ضربت فرامل واتبعت الخطوات كامله لكن الفورد والله
يخطف بسرعه وما تلحق تسوي شي
موتري راح تشليح والله وما هدى الا في اقصى اليمين في الحاجز ع يمين الطريق
انا اقول ان الفورد خفيف وما يصلح لسرعه
وللي مجنني ان كل العالم ما قدر يحل هذي المشكله يعني ما فيه اختراع او شي او حل ارجو الافاده
لكم وشكرااااا

الالماني معروف انه ارسى موتر وانظمة السلامه فيه عاليه جدا


صارت لي قصه ممثاله على مرسيدس بنز كنت ماشي فوق الميتين تقريبا 240 وانا جاي من الحجاز انا واخوي بعد ما اخذنا عمره

المهم كان يقول خلنا نجرب طبلونه قلت له ماطلبت شي وكان طبلون الموتر 260 وانا ادوس يوم وصل 240 والا اسمع صوت طقطقه خفيفه احسبها عيون القطط مادري ان الكفر انفقع وتقطع

لما حسيت ان الصوت ماراح وقفت الموتر والا الكفر على الجنط ومتقطع كله

وماشاء الله تبارك الله الموتر ولا اهتز ولا كانه مبنشر ولو اني ماوقفت كان تميت على ممشاي وهو مبنشر ولا دريت عنه

الحمد لله على السلامه


واهم شي ياخوان ذكر الله والتوكل عليه وذكر دعاء الركوب



تحياتي

[بو شوق]

بسم الله الرحمن الرحيم




أحبتي الكرام في منتدى مكشات


السلام عليكم ورحمة الله وبركاته



....


(( الإطارات ومواقفنا وتجاربنا معها ..))




تكاد تكون الإطارات هي أكثر المواضيع حساسية وأهمية في المركبات ( السيارات )
http://news.hspn.com/content_images/2006/old/Bridgestone_turanza_sebring.jpg
بل هي نقطة التقاء السيارة بالأرض


وعليها معول كبير في السلامة


فكل المركبات سواء الصغيرة أو الدفع الرباعي أو الحافلات والشاحنات


لا بد أن يكون هناك اهتمام شديد بالإطارات


وسبق أن طرح في مكشات الكثير من المواضيع حول ذلك


لكن الذي أريده هنا


http://home.earthlink.net/~w0dfi/red_arrow_animated.gif


أن يطرح كل منا تجربته الشخصية في انفجار أو انسلاخ إطار السيارة أثناء القيادة سواء على الأسفلت أو البر


المهم أن يكون تجربة شخصية
سواء تقود السيارة أو راكب
وليس قصة منقوله من شخص أخر





نريد تجربتك بالتفصيل قدر المستطاع وأن يشمل النقاط التالية :


ماذا حصل وكيف حصل ..؟؟؟
أنفجار أطار السيارة الي قدام بجانب الراكب وطار الكفر بعد ثانيتين بقيت على الجنط , رفعت رجلي عن دعسة البنزين وثبت الدركسون . والحمد لله وكل هذا بفضل الأذكار .


ماهو نوع السيارة وكيف كانت الحمولة وطريقة توزيعها ..؟؟
فورد فكتوريا 2004 م الحمولة متوسطة



كم كانت السرعة وقتها ....؟؟؟
140-135



ما نوع الإطار ...؟؟
ميشلان اسباني


وهل هو جديد أم قديم ...؟؟
ماكمل سنة


كم كان ضغط الهواء في الإطارات ..؟؟
35


كم درجة الحرارة الخارجية التقريبية " صيف أو شتاء "..؟؟
39


هل الإطار مطابق للمواصفات ..؟؟
نعم A&A


هل كان إطار مناسب للسفر والاسفلت أم رملي أو حجري..؟؟
مناسب للسفر



ماهو العامل الذي تعتقد أنه كان السبب في تلف الإطار ..؟؟
الله أعلم


...........


(( المقصد من الموضوع هو الاستفادة من تجارب وخبرات بعضنا البعض))


خاصة أن المنتدى فيه الجديد في قيادة السيارة وفيه الخبير الذي مر عليه الكثير من التجارب


لذا الرجاء عدم المشاركة إلا بشكل جدي
والبعد عن كلمات المديح والشكر التي تزيد من حجم الموضوع دون فائدة تذكر





وسوف ابدأ بالمواقف التي حصلت لي


متمنيا للجميع السلامة



محبكم ناصح


وهذه تجربتي أتمنى أنكم تستفيدون منها

[noor4noor]

ماذا حصل وكيف حصل ..؟؟؟
ضرب الكفر الخلفي الايمن وانا نازل من نزلة الجدية متوجة للتمشيةفي وادي نساح وضرب الكفر بعد ماتعديت نقطة التفتيش وفي بداية النزلة ولا وقفت الا في اخرها عام 2002 تقريبا

ماهو نوع السيارة وكيف كانت الحمولة وطريقة توزيعها ..؟؟

لاندكروزر جي اكس موديل 91 الحمولة 12 نفس على راسهم الوالدة الله يطول عمرها زايد كبسة رز + جركلين موية+ فرشة
التوزيع السيارة فل

كم كانت السرعة وقتها ....؟؟؟

سبعين


ما نوع الإطار ...؟؟

يكوهاما
وهل هو جديد أم قديم ...؟؟
شبة جديد

كم كان ضغط الهواء في الإطارات ..؟؟
35 تقريباً
كم درجة الحرارة الخارجية التقريبية " صيف أو شتاء "..؟؟
25 تقريباً ربيع

هل الإطار مطابق للمواصفات ..؟؟
نعم

هل كان إطار مناسب للسفر والاسفلت أم رملي أو حجري..؟؟
مناسب لكل الضروف


ماهو العامل الذي تعتقد أنه كان السبب في تلف الإطار ..؟؟
اتوقع حمولة زايدة بس اكثرهم اطفال والجو ممتاز

التصرف اول ماسمعت الانفجار مامسكت فرامل نزلت النمرة من الخامس الي الرابع ثم الثالث وثبت الدركسون سرعة السيارة صارت تزيد الين دق الجرس وصلت 130 ولا مسكت فرامل ضغط المكينة وصل الاحمر ستة تقريباً حسيت بتنفجر الين نزلت السيارة اخر نزلة الجدية وانزل اشوف الكفر الا وهو مصلع منسلخ القشرة الخارجية بس مابنشر الكفر وكل هذا بلطف الله وحفضة لانة لو بنشر ماعتقد كان صيطرت على السيارة وهي في منحدر شديد من بعدها صرت اكرة الجيوب موقف مانساة ابداً
واتمنا السلامة للجميع من كل قلبي

[المنطلدز]

ماذا حصل وكيف حصل ..؟؟؟


برمضان اللي راح كنا طالعين نصور الموتر ورا المذنب ودخلنا رمل المهم اول مادخلت الرمل بدا ينسم الكفر
وانفخ الكفر الى 45 وينسم وصورنا الموتر يوم طلعنا للمذنب وقفت عند بنشري ابيه يزين التنسيم قال يبيله رقعه داخلي ويطهبل ماله حيل ابو يمن با الظهر يرقع الموتر وصايم قلت عطن رقعه وانا ازينه قال ماعندي
المهم اتكلت على الله واعبي الكفر هوا زيادة وامسك الخط متجه لديرتي عنـــيزة وانا عارف ان الكفر ينسم على خفيف امشي 100 باالظبط وصايمين وذابحنا العطش لأننا با النفود ونصور وبنشر وعبيناه هوا فاميتين نبي عنيزة المهم اول ماطلعت من المذنب ماسك الخط لعنيزة حسيت ان الموتر جنح يسار بقة وانا ارفع رجلي عن البنزين واجود الدركسون يالله يالله مسكته ويوقف الموتر على جانب الخط وانزل العفريته والاغراض يوم ناضرت ولا الموتر مابه عصا عفريته طويل عشان ارفع العفريته ويجين تكاااك والله اني اناظر الزفلت انه تقل نار يطلع سراب من الحرارة وصايم وحالتي حاله ومعي واحد بس المهم وادق على ربعنلي معنا با الطريق جايين من المذنب مصورين وياقف ويعطين عصاه حق شاص 11 ونركب السبير والقط الموتر لعنـيزة يقطع الموتر على 200 واقرب فراش نوم الساعه 11 ظهر مامن سهر تافلن العافيه عقب اللي شفته با الحر

ماهو نوع السيارة وكيف كانت الحمولة وطريقة توزيعها ..؟؟
باترول فتـــك 2006 الحمولة لايوجد بس انا ورديف يعني شخصين با السيارة


كم كانت السرعة وقتها ....؟؟؟
100 لأني حاس انه يبي ينفجر



ما نوع الإطار ...؟؟
يوكوهاما

وهل هو جديد أم قديم ...؟؟
قديم محبل موديلة 2007 او 2006

كم كان ضغط الهواء في الإطارات ..؟؟
20 او 15
كم درجة الحرارة الخارجية التقريبية " صيف أو شتاء "..؟؟
فوق الـ45

هل الإطار مطابق للمواصفات ..؟؟
ايه

هل كان إطار مناسب للسفر والاسفلت أم رملي أو حجري..؟؟
حق وكالته


ماهو العامل الذي تعتقد أنه كان السبب في تلف الإطار ..؟؟
القدم والحرارة وان كان ينسم

...........

[الذواديm]

ماذا حصل وكيف حصل ..؟؟؟

طالعين من قطرعلى طريق الاحساء رايحين البحرين حق اهلنا
تقطع الكفر الخلفي يسار والصدام الخلفي تاثر



ماهو نوع السيارة وكيف كانت الحمولة وطريقة توزيعها ..؟؟

اكورد 2003 الحموله 4 اشخاص وعفشفنا ملابس فقط

كم كانت السرعة وقتها ....؟؟؟
110 تقريبا لان امي كانت تكلم اخوي وهو مهدي عشان ماتسمع صوت الجرس



ما نوع الإطار ...؟؟
تويو

وهل هو جديد أم قديم ...؟؟
3كفرات فيهم نص عمر والكفر الي ضرب حالته جيده

كم كان ضغط الهواء في الإطارات ..؟؟
لا اعلم
كم درجة الحرارة الخارجية التقريبية " صيف أو شتاء "..؟؟
صيف

هل الإطار مطابق للمواصفات ..؟؟
ايه

هل كان إطار مناسب للسفر والاسفلت أم رملي أو حجري..؟؟
دايم نركب كفرات تويو ونشوفها كويسه حق الخطوط


ماهو العامل الذي تعتقد أنه كان السبب في تلف الإطار ..؟؟

عمر الكفر والوزن اضن+الخط محفر ومكسر

بس السبب الرئيسي هو عمر الكفر

[أبو هشام راشد]

المواقف كثيرة سواء حصلت لي أو لغيري ولكن للفائدة اذكر بعض التفاصيل :
* جمس وانيت أمامي على سرعة 100 سمعت صوت انفجار قوي واتفاع للسيارة بسبب انفجار الإطار .
* كنا نبدل بين السواقين :) في الطرق الطويلة وعند الوقوف صادف إن الإطار وطى له حديدة فقال هذا مكاني ;)
* إطار دنلوب على سيارة صغيرة ضغط الهواء معتدل واللي حصل اختلال في السير بسبب التحبيل والسبب ردائة المنتج .
* ارتطام بسيط بجزء بارز على الطريق ( غرفة تفتيش ) بطريق الملك عبد الله أدى إلى تلف الإطار .
* زجاجة مشروب غاري سليمة بعد سير السيارة عليها شقت قاعدتها الإطار فقال هذا يومي

حمى الله الجميع من شر الحوادث

[امجد2012]

بسم الله الر رحمن الرحيم

كنت ماشي ونا وابوي على طريق جدة الرياض وشوي سمعت صوت طقطقه على الرفرف طبعاا اسغربت وقلنا بس الكفر تقطع حاولت اثبت الطاره حاولت اغير العصا من Dالى N الى 3 وهديت السيارة ولله الحمد وبدت تنخفض سرعتها طبعا السياة كانت مكسيما 2002والكفر برجسون الاصلي الى يجي طبقات الحمد لله قدرت اسيطر على الموتر لماوقف ظغط الكفرات والله ماذكر والله العامل الذي تسبب في تلف الاطار انا الكفر دام مدة عمر وخلص يومة جاء قدر لاكن الحمد لله تسلخ مانفجر تقبلو مروري

[كبسولة2]

عام 1420

متجه من الرياض إلى الرويضة

الساعة 10 ليلاً وكان الجو ماطراً والطريق مبتل

وعندما تعديت الجسر حق القويعية الجسر الكبير بجانب

مجسم البندق الكبيرة واستوى الخط ضرب الكفر الأمامي اليمين

والحمد لله الذي هداني لأحكام الدركسون والتمكن منه بدوووون فرامل

وقمت بتعشيق القير من الـ D إلى رقم 3 بسرعة وخفت سرعة السيارة

حتى توقفت تماماً فوجدت الكفر قد تعرض للتلف وامشي على الجنط



ماهو نوع السيارة وكيف كانت الحمولة وطريقة توزيعها ..؟؟
السيارة كابرس صابونة 92
فاضية





كم كانت السرعة وقتها ....؟؟؟
تقريباً 160




ما نوع الإطار ...؟؟
تويو ياباني





هل هو جديد أم قديم ...؟؟


شبه جديد





كم كان ضغط الهواء في الإطارات ..؟؟
35 دائماً

كم درجة الحرارة الخارجية التقريبية " صيف أو شتاء "..؟؟
كان الجو معتدل أتوقع أن الحرارة قرابة 27



هل الإطار مطابق للمواصفات ..؟؟
نعم a a




هل كان إطار مناسب للسفر والاسفلت أم رملي ..؟؟

إطارات خاصة بالاسقلت




ماهو العامل الذي تعتقد أنه كان السبب في تلف الإطار ..؟؟
زوائد الجسر الحديدية التي مريت فوقها

[بلحارث]

حصلت معي مرتين الاولى في مدينة تبوك عام 1403 كنت ماشي بسيارة مازدا بوكس 929 وتقريبا السرعة 120 وضرب الكفر الامامي وسمعت الصوت العالي وبعدها رجه شديدة بالدركسون ولم اضغط الفرامل حتى هدات السيارة
الثانية السنة الماضية في سيارة صني على الطريق الدائري الجنوبي في الرياض والسرعة تقريبا 120 وكان الوقت صيف بس في الليل وضغط الاطارات جيد ونفس الوضع رجه شديده في الدركسون وهدت السيارة حتى توقفت على جانب الطريق
ونوع الكفر هنا هنكوك نص عمر
المهم هنا ياخوان انني تذكرت انني اخذت مطب شديد جدا قبل يوم واحد من ضرب الكفر والمطب كان عبارة عن حفرة في الشارع وليست مطب مرتفع المهم اخذته وسمعت صوت شديد جاء على الجنط ويبدو انه اثر في الكفر وانا مانتبهت

[ابو شكاع]

موضوع جميل استاذي ناصح
ولا أخفيك بأنني قرأت كل التجارب هنا
منها ماهو مضحك مثل سالفة الكفر اللي يمشي بجانب السيارة
ومنها ماهو مؤثر مثل العضو واعتذر لعدم تذكري لمعرفه ، والذي كانت بنته تطق دريشة السيارة وعمرهاسنة تحسبه يلعب
ممكن عشان بنتي الان قريبة من هالعمر أثرت بي
سأعود بموقفين بإذن الله
ولكن حبيت وبما ان الحديث عن البناشر أذكر ملاحظة على موتري السابق يوكون ٢٠٠٢
جلس معي ١٠ سنوات
٩٩ ٪ من حالات البنشر كانت للكفر الخلفي الايمن
ما ادري ليش
حتى اني ربطتها بقرب الكفر من الشكمان
شكرا

[ابو شكاع]

عدنا لكم من جديد
من أسوأ الأمور انك تكتب مشاركة عن طريق الأيباد ..وهذا ماحصل في ردي السابق
ياملح اللابتوب زينااااااااااااه
بالمناسبة لاحظت من خلال المواقف اللي قريت من الأعضاء اللي قبلي ان الإهمال كان له دور كبير فيما حصل


ماذا حصل وكيف حصل ..؟؟؟
قبل نحرك من الشوكي كنت ملاحظ ان ضغط هوى الكفر قليل
يعني الكفر منسم شوي ...بس ما اهتميت وكان الكفر الخلفي يمين ...حركنا من مكشاتنا راجعين للقصيم ..كنت أمشي بسرعة تقريبا 120 كم/ س وارتج الموتر بشكل غريب وتمسكت بالطارة ولا دعست فرامل " مع اني ما أدري هل الدعس على الفرامل في هالحالة فعلا مضر أو لا " وهديت لحد ماوقف الموتر ..نزل خويي قبلي قال لا بسيطة الحمد لله .. يوم نزلت وأثر الكفر تالاف قطعة والموتر على الجنط :D


ماهو نوع السيارة وكيف كانت الحمولة وطريقة توزيعها ..؟؟

السيارة يوكون 2002
الحمولة بسيطة ..عزب بر وفرش وتوزيعها ملائم



كم كانت السرعة وقتها ....؟؟؟

120 كم / س


ما نوع الإطار ...؟؟
ميشلان فرنسي


وهل هو جديد أم قديم ...؟؟
كان وسط لاهو قديم ولاجديد

كم كان ضغط الهواء في الإطارات ..؟؟


أعتقد انه كان 25 وحوله


كم درجة الحرارة الخارجية التقريبية " صيف أو شتاء "..؟؟
في بحر الـ 25 م

هل الإطار مطابق للمواصفات ..؟؟
نعم تماما

هل كان إطار مناسب للسفر والاسفلت أم رملي أو حجري..؟؟
مناسب للسفر ولأسفلت وللرمل وغير مناسب للحجر حسب علمي


ماهو العامل الذي تعتقد أنه كان السبب في تلف الإطار ..؟؟
كان بالأساس الكفر منسم ومشيت عليه وأكيد ارتفعت حرارته ولا كان معنا فيفادول .. وضرب :D
شكرا الناصح

[ناصح]

يا هلا بأخي الغالي أبو شكاع منور الموضوع بكفراتك هههههههه

في مشاركتك الأولى اتفق معك أن بعض السيارات يتأثر كفر معين أكثر من الأخر وهو كما تفضلت بسبب عوامل معينة منها قربه من الشكمان أو إذا كان الكفر يتعرض للشمس أكثر من غيره إذا كان السيارة لها موقف معين داخل كراج..

بالنسبة للموقف الثاني نقول الحمد لله على السلامة

وفعلا المفروض عند ملاحظة أي خلل أن نوخى الحذر

شكرا لك مرة أخرى

[س.س.التميمي]

الحمد لله علي. سلامة الجميع

[أطلال نجد]

وعليكم السلام ورحمة الله وبركاته



نبدأ بالإجابة على بركة الله ...



ماذا حصل وكيف حصل ..؟؟؟


في البداية أحسست برجه خفيفة في مؤخرة السيارة جهة الركن الأيسر ( الإطار المعطوب ) ولكني لم أدرك أن سبب هذه الرجه هو الإطار!


حصل الإنفجار بعد تقريباً 20 دقيقة، وأثناء إنفجار الإطار كادت أن تنحرف السيارة ويقع اصطدام لولا لطف الله عز وجل .


ماهو نوع السيارة وكيف كانت الحمولة وطريقة توزيعها ..؟؟


السيارة جي أم سي سوبربان 1993 والحمولة كانت عالية وطريقة التوزيع أيضاً كانت خاطئة حقيقة .


كم كانت السرعة وقتها ....؟؟؟


130 ك.س140 ك.س لا أتذكر بالضبط عام 1420هـ طريق الرياض مكة السريع .


ما نوع الإطار ...؟؟


إطارات كوبر الأمريكية

وبعدها بيوم واحد ذهبت لوكيل إطارات كوبر وتم استبداله بجديد ومنها على الغرابي وبعتها بنصف ثمنها أو أقل وركبت نوعية أخرى صناعة فرنسية عالية الجودة.


وهل هو جديد أم قديم ...؟؟


شبه جديد، استخدام 6 أشهر تقريباً من تاريخ الشراء .


كم كان ضغط الهواء في الإطارات ..؟؟


ضغط هواء الإطار مناسب تقريباً 35 وقياس الإطار 15


كم درجة الحرارة الخارجية التقريبية " صيف أو شتاء "..؟؟


كان في بداية دخول فصل الصيف وكانت درجة الحرارة حينها 38 الساعة 02:00 الظهر .


هل الإطار مطابق للمواصفات ..؟؟


غير مطابق للمواصفات !


حتى أن قياس عرض وإرتفاع الإطار غير مطابق لقياس إطارات السيارة الموصى بها .


هل كان إطار مناسب للسفر والاسفلت أم رملي أو حجري..؟؟


إطار مناسب للسفر والقيادة على الإسفلت لكن ليس في دول حاره مثل السعودية ودول الخليج !


ماهو العامل الذي تعتقد أنه كان السبب في تلف الإطار ..؟؟


غير مطابق للمواصفات من أهم الأسباب ، الحمولة الزائدة ، توزيع الحمولة الخاطئ ، قياس الإطار غير مطابق للسيارة ، زد على ذلك نوعية الإطار رديئة.


موضوع قيم


أشكرك أخي واستاذي الفاضل ناصح

[أبو هشام راشد]

ماذا حصل وكيف حصل ..؟؟؟
ضرب الكفر الخلفي الايمن وانا نازل من نزلة الجدية متوجة للتمشيةفي وادي نساح وضرب الكفر بعد ماتعديت نقطة التفتيش وفي بداية النزلة ولا وقفت الا في اخرها عام 2002 تقريبا

ماهو نوع السيارة وكيف كانت الحمولة وطريقة توزيعها ..؟؟

لاندكروزر جي اكس موديل 91 الحمولة 12 نفس على راسهم الوالدة الله يطول عمرها زايد كبسة رز + جركلين موية+ فرشة
التوزيع السيارة فل

كم كانت السرعة وقتها ....؟؟؟

سبعين


ما نوع الإطار ...؟؟

يكوهاما
وهل هو جديد أم قديم ...؟؟
شبة جديد

كم كان ضغط الهواء في الإطارات ..؟؟
35 تقريباً
كم درجة الحرارة الخارجية التقريبية " صيف أو شتاء "..؟؟
25 تقريباً ربيع

هل الإطار مطابق للمواصفات ..؟؟
نعم

هل كان إطار مناسب للسفر والاسفلت أم رملي أو حجري..؟؟
مناسب لكل الضروف


ماهو العامل الذي تعتقد أنه كان السبب في تلف الإطار ..؟؟
اتوقع حمولة زايدة بس اكثرهم اطفال والجو ممتاز

التصرف اول ماسمعت الانفجار مامسكت فرامل نزلت النمرة من الخامس الي الرابع ثم الثالث وثبت الدركسون سرعة السيارة صارت تزيد الين دق الجرس وصلت 130 ولا مسكت فرامل ضغط المكينة وصل الاحمر ستة تقريباً حسيت بتنفجر الين نزلت السيارة اخر نزلة الجدية وانزل اشوف الكفر الا وهو مصلع منسلخ القشرة الخارجية بس مابنشر الكفر وكل هذا بلطف الله وحفضة لانة لو بنشر ماعتقد كان صيطرت على السيارة وهي في منحدر شديد من بعدها صرت اكرة الجيوب موقف مانساة ابداً
واتمنا السلامة للجميع من كل قلبي


خطر نزولك والحمد لله على سلامتك

[أبو هشام راشد]

موضوع جميل استاذي ناصح
ولا أخفيك بأنني قرأت كل التجارب هنا
منها ماهو مضحك مثل سالفة الكفر اللي يمشي بجانب السيارة
ومنها ماهو مؤثر مثل العضو واعتذر لعدم تذكري لمعرفه ، والذي كانت بنته تطق دريشة السيارة وعمرهاسنة تحسبه يلعب
ممكن عشان بنتي الان قريبة من هالعمر أثرت بي
سأعود بموقفين بإذن الله
ولكن حبيت وبما ان الحديث عن البناشر أذكر ملاحظة على موتري السابق يوكون 2002
جلس معي 10 سنوات
99 ٪ من حالات البنشر كانت للكفر الخلفي الايمن
ما ادري ليش
حتى اني ربطتها بقرب الكفر من الشكمان
شكرا

ربي يحماك وكل مسلم

يمكن الإطار هذا يضرب دايم على الرصيف عند الانعطاف

[gmc 454]

ماذا حصل وكيف حصل ..؟؟؟

في عام 1431 كنت جاي من الرس لعنيزة قبل عنيزة ب5 تقريبا وانا امشي انفجر علي الكفر الخلفي الايمن ارتكبت شوي بس الحمد لله مالمست الفرامل ابد بس ثبت الدركسون لين وقفت على جنب الخط وكان فيه بنشري قدامي فامشيت على الجنط لين وصلت البنشري...وعلى طول رحت لمحل الكفرات واشتريت طقم كفرات فاير ستون اذكر كانت الوحدة ب480 اذا مانسيت..؟

ماهو نوع السيارة وكيف كانت الحمولة وطريقة توزيعها ..؟؟
جمس موديل 89؟
اما الحمولة مافيه اي حمولة كنت لحالي ؟



كم كانت السرعة وقتها ....؟؟؟
اتوقع 120؟




ما نوع الإطار ...؟؟
تويو؟


وهل هو جديد أم قديم ...؟؟
قديم؟


كم كان ضغط الهواء في الإطارات ..؟؟
35
كم درجة الحرارة الخارجية التقريبية " صيف أو شتاء "..؟؟
مادري بالضبط كم الحرارة بس بالصيف الساعة 8 بالليل؟


هل الإطار مطابق للمواصفات ..؟؟
على مااعتقد نعم؟


هل كان إطار مناسب للسفر والاسفلت أم رملي أو حجري..؟؟
نعم كان مناسب للسفر؟



ماهو العامل الذي تعتقد أنه كان السبب في تلف الإطار ..؟؟
العامل الاساسي اني كنت مستعجل جدا فارحت ادور لي محل كفرات وكانت جميع المحلات مقفلة كان الكلام هذا الساعة 2 الظهر فا ماكان في يدي الا اني ركبت الكفر في البيت..والكفر له لمدة في الحوش والشمس كانت حارة على الكفر اعتقد ان الكفر كان متهالك...؟

...........

[ابو ناصر2011]

لا اللهم لك الحمد

[المهاجر انا]

انفقع علي سنة 1408 والممشى 120 تقريبا ووقفت بفضل الله بسلام

[ناصح]

ماذا حصل وكيف حصل ..؟؟؟

في عام 1431 كنت جاي من الرس لعنيزة قبل عنيزة ب5 تقريبا وانا امشي انفجر علي الكفر الخلفي الايمن ارتكبت شوي بس الحمد لله مالمست الفرامل ابد بس ثبت الدركسون لين وقفت على جنب الخط وكان فيه بنشري قدامي فامشيت على الجنط لين وصلت البنشري...وعلى طول رحت لمحل الكفرات واشتريت طقم كفرات فاير ستون اذكر كانت الوحدة ب480 اذا مانسيت..؟

ماهو نوع السيارة وكيف كانت الحمولة وطريقة توزيعها ..؟؟
جمس موديل 89؟
اما الحمولة مافيه اي حمولة كنت لحالي ؟



كم كانت السرعة وقتها ....؟؟؟
اتوقع 120؟




ما نوع الإطار ...؟؟
تويو؟


وهل هو جديد أم قديم ...؟؟
قديم؟


كم كان ضغط الهواء في الإطارات ..؟؟
35
كم درجة الحرارة الخارجية التقريبية " صيف أو شتاء "..؟؟
مادري بالضبط كم الحرارة بس بالصيف الساعة 8 بالليل؟


هل الإطار مطابق للمواصفات ..؟؟
على مااعتقد نعم؟


هل كان إطار مناسب للسفر والاسفلت أم رملي أو حجري..؟؟
نعم كان مناسب للسفر؟



ماهو العامل الذي تعتقد أنه كان السبب في تلف الإطار ..؟؟
العامل الاساسي اني كنت مستعجل جدا فارحت ادور لي محل كفرات وكانت جميع المحلات مقفلة كان الكلام هذا الساعة 2 الظهر فا ماكان في يدي الا اني ركبت الكفر في البيت..والكفر له لمدة في الحوش والشمس كانت حارة على الكفر اعتقد ان الكفر كان متهالك...؟

...........






فعلا الشمس المباشرة على الكفرات لمدة طويلة يتلفها

اشكرك على المشاركة

[تميم2222]

ايو الله يالغالي .. من غلت الكفرات ... وانا امشي عليه لين ..ينتهي مره... وش نسوي .. نبي نحللها ^^ ..... ونعم مرتين بنشر علي الكفر وانا امشي 140 والثانيه وانا بالبر كنت على رادميه وهو اخطر من الاسفلت الله يستر على اخواناا المسلمين

[abu danh]

اول شي السلام عليكم ويسعدكم ربي

ماذا حصل وكيف حصل ..؟؟؟


كنت مسافر من مدينة الدمام الى مدينة خميس مشيط في اجازة الحج قبل عامين ومع خروجي من وادي الدواسر مع سرعة 180 للأسف وانا نادم على تهوري انفجر علي الكفر الخلفي الأيمن وحاولت السياره تنحرف عن الخط ولكن ولله الحمد وبفضله تداركت الموضوع ورفعت رجلي من البنزين وتركت السياره تهدي لوحدها بدون فرامل ولكن حصل شي جميل عجبني ( القير تعشق تلقائياً على الفاضي وما لاحظت الا بعد ما وقفت السياره )

المهم ان الغطاء الداخلي بين الرفرف والكفر انكسر وجزء من الرفرف وستر الله علينا


ماهو نوع السيارة وكيف كانت الحمولة وطريقة توزيعها ..؟؟

سيارة نوع تريل بليزر 2007 والحموله بسيطه جدا



كم كانت السرعة وقتها ....؟؟؟


180 للأسف :(



ما نوع الإطار ...؟؟


دانلوب


وهل هو جديد أم قديم ...؟؟


نصف عمر


كم كان ضغط الهواء في الإطارات ..؟؟

35

كم درجة الحرارة الخارجية التقريبية " صيف أو شتاء "..؟؟


شتاء ولكن وقت الظهيره


هل الإطار مطابق للمواصفات ..؟؟

نعم




هل كان إطار مناسب للسفر والاسفلت أم رملي أو حجري..؟؟


حق وكالته عام


ماهو العامل الذي تعتقد أنه كان السبب في تلف الإطار ..؟؟

السبب والله العالم مريت من حادث في الرياض ومشيت من فوق زجاج مكسر وقطعة حديد دست عليها من اثر الحادث


والله يحفظ الجميع

[AL HARBE]

السلام عليكم
موضوع مميز
عندي استفسار
كيف تتصرف اذا سمعت دوي انفجار الاطار
ربما الجميع يعرف ان استخدام المكابح ربما يؤدي الى اختلال
توازن السياره
لكن ماذا يسبب الحوادث مع ان الجميع يعرفون هذه المعلومه
الارتباك هو السبب الرئيس
ومثبت السرعه يسوي بلاوي
لكن اريد ان اضيف معلومه اخرى
ترك دواسة البنزين بسرعه مع انفجار الاطار يزيد الطين بله
يجب ان تبقى ثابت في الغالب لن تتاثر السياره
قبل مده طاردنا مهرب اطلقنا النار اصبنا الكفر الخلفي
بقينا نطارده تعرفون ماشي حدود160 مع طريق ترابي
مشينا وراه اكثر من 50 كيلو ماوقف لكن من سؤ حضه
الطلقه اصابت تانكي البنزين توقف بعد انتهاء البنزين
السيارة من نوع GMC
الله يستر على الجميع:heart:

[غر777يب]

السلام عليكم ورحمة الله وبركاته
مبروك عليكم الشهر الفضيل شهر رمضان المبارك
شكراً مشرفنا العزيز / ناصح على هذا الموضوع المميز المفيد جزاك الله كل خير
حصل معاي موقفين وبسيارتين مختلفتين .... الأول :
ماذا حصل وكيف حصل ..؟؟؟
كنت مسافر من تبوك إلى جدة عن طريق الساحل وكان موقعي بين محافظة ضباء والوجه وقبل الوجه بـ 80 كيلو حسيت بإهتزاز بسيط جداً بالدركسيون وهديت السرعة حتى وصلت لأول محطة بنزين وكانت المفاجأة أنه جميع الكفرين الأمامية كأنك جايب سكين وقاطعهم !!! الكفر اليمين فيه شوية هواء واليسار كنت أمشي على الجنط!!!! حتى اليماني صاحب البنشر قعد يمسك رأسه ويقول ياخي يا سيارتك أمينة أو كفراتك ممتازة ؟؟؟؟وشريت بدالهم وكملت الطريق والحمد لله :good2:


ماهو نوع السيارة وكيف كانت الحمولة وطريقة توزيعها ..؟؟
سيارتي كانت نوع مازدا زووم 3 موديل 2005 ولا كان معاي حمولة
كم كانت السرعة وقتها ....؟؟؟
140 كم بالساعة
ما نوع الإطار ...؟؟
برجستون نوع تورانزاTURANZA
وهل هو جديد أم قديم ...؟؟
مر عليه تقريبا وهو راكب أكثر من ثلاث سنوات مع العلم إنه كفر وكالة والله ما انسلخ ولا شي وكان باقي على شكله في مكانه بالجنط :good2:
كم كان ضغط الهواء في الإطارات ..؟؟
أذكر إنه 30 تقريباً
كم درجة الحرارة الخارجية التقريبية " صيف أو شتاء "..؟؟
40 أو أكثر وكان الوقت عصراً في فصل الصيف حر ورطوبة
هل الإطار مطابق للمواصفات ..؟؟
نعم نوع A
هل كان إطار مناسب للسفر والاسفلت أم رملي أو حجري..؟؟
وكالة مناسب جميع الطرقات:good2:
ماهو العامل الذي تعتقد أنه كان السبب في تلف الإطار ..؟؟
عيون القطط وكانت بالطريق متواجدة وبكثرة خاصة قبل ما تاصل ضباء من جهة تبوك بـ 40 كيلو وكنت أمشي عليها لوقت طويل ظهراً
الموقف الثاني :
ماذا حصل وكيف حصل ..؟؟؟
كنت راجع من كشتة بمنطقة الزيتة شمال مدينة تبوك ومعاي واحد من الجماعة ونسولف أنا وياه ...إلا ونسمع صوت إنفجار قوي وبدأ الموتر يهتز بقوة ومسكت الدركسون بقوة والموتر يرج حتى وقف جنب الخط وصراحة خفنا أنا والرجال وتحمدنا الله على السلامة :(
ماهو نوع السيارة وكيف كانت الحمولة وطريقة توزيعها ..؟؟
لا تضحكون :D الموتر جيب تويوتا عشة موديل 83 وفيه عزبتي كاملة وتانكي ماء 40 لتر :good2:
كم كانت السرعة وقتها ....؟؟؟
تقريباً بين ال 90 وال 100
ما نوع الإطار ...؟؟
برجستون حق الجيوب جنط عريض:good2:
وهل هو جديد أم قديم ...؟؟
قديم له تقريبا راكب 6 سنوات بس كان فيه الكفر اللي ضرب ضربة قوية مع الجنب بسبة حادث قديم :D وكانت عبارة عن قطع
كم كان ضغط الهواء في الإطارات ..؟؟
25 لزوم البر عشان ما أقعد أنسم كل شوي :D
كم درجة الحرارة الخارجية التقريبية " صيف أو شتاء "..؟؟
آخر الشتاء يمكن الحرارة كانت 15 ماني متأكد
هل الإطار مطابق للمواصفات ..؟؟
نعم وهو الإطار المشهور في عالم الجيوب :good2:
هل كان إطار مناسب للسفر والاسفلت أم رملي أو حجري..؟؟
مناسب جداً جداً اسفلت رمل حجر:good2:
ماهو العامل الذي تعتقد أنه كان السبب في تلف الإطار ..؟؟
الضربة اللي موجودة بالكفر وأيضاً كثرة الوقوف الدائم بالشمس حيث أن الموتر أكثر وقته موقفه بالبيت خاصة بالصيف:good2:
حفظ الله الجميع من كل مكروه

[ناصح]

اشكر الجميع على التفاعل الهادف مع الموضوع

ونستقبل مزيد من المشاركات

شكرا لكم

[ناصح]

نريد المزيد من تجاربكم الشخصية
سواء تقود السيارة أو راكب
وليس قصة منقوله من شخص أخر





نريد تجربتك بالتفصيل قدر المستطاع وأن يشمل النقاط التالية :


ماذا حصل وكيف حصل ..؟؟؟


ماهو نوع السيارة وكيف كانت الحمولة وطريقة توزيعها ..؟؟



كم كانت السرعة وقتها ....؟؟؟




ما نوع الإطار ...؟؟


وهل هو جديد أم قديم ...؟؟


كم كان ضغط الهواء في الإطارات ..؟؟

كم درجة الحرارة الخارجية التقريبية " صيف أو شتاء "..؟؟


هل الإطار مطابق للمواصفات ..؟؟


هل كان إطار مناسب للسفر والاسفلت أم رملي أو حجري..؟؟



ماهو العامل الذي تعتقد أنه كان السبب في تلف الإطار ..؟؟


...........

[صدى الاطلال]

الموقف الأول



ماذا حصل وكيف حصل ..؟؟؟



في رمضان عام 1431 هـ


خرجت من مكة المكرمة مرورا بالطائف متجها للرياض



وكنت أنا الذي أقود السيارة وأتذكر أني مررت في الطائف على محطة
لتعبئة الوقود وفحص الإطارات وكانت حالتها ممتازة من جميع النواحي .




وبعد تجاوز قرابة 300 كلم من الطائف توقفت للإفطار



وكانت كل الأمور على ما يرام وبعد ساعة انطلقت مرة آخرى



وكانت السرعة التي أسير بها قرابة 125 كلم بالساعة



وتقريبا بعد نصف ساعة من هذا المسير سمعت صوت خفيف لمدة ثانيتين فقط
ثم ضرب الإطار الخلفي الأيسر مما سبب اختلال في توازن السيارة



لكن ولله الحمد رفعت قدمي فورا عن دواسة الوقود



ولم اتعرض للمكابح نهائيا



وركزت جهدي على التحكم في المقود خوفا من انقلاب السيارة أو إنحرافها بالتجاه المسارات الآخرى .




ثم نزلت ووجدت ما تشاهدون في الصور



http://www.mekshat.com/pix/upload04/images176/mk1937_dfg.jpg



تهتك شديد للإطار رغم أني لم أسمع صوت انفجار ..!!




http://www.mekshat.com/pix/upload04/images176/mk1937_dfg%20(1).jpg



سرت على الجنط مسافة كبيرة بسرعة عالية ( لأني لم استخدم المكابح ) حتى تمكنت ولله الحمد من الخروج من الخط السريع بعيدا عن الشاحنات ....





ماهو نوع السيارة وكيف كانت الحمولة وطريقة توزيعها ..؟؟
السيارة جيب لاندكرزر 2002
الحمولة كبيرة نوعا ما لكن في الحدود الطبيعية لنوع السيارة وهوي
أربعة أشخاص مع تانكي ماء 90 لتر وعفش البر ولا يوجد شيء على السلة أو سحب أو معلق على خلفية السيارة
كم كانت السرعة وقتها ....؟؟؟
125 كلم


ما نوع الإطار ...؟؟
ميشلان فرنسي الصنع



هل هو جديد أم قديم ...؟؟
شبه جديد


كم كان ضغط الهواء في الإطارات ..؟؟
كان ضغط الهواء مناسب للحمولة والسرعة حيث كان في حدود 45 والإطار يتحمل 51


كم درجة الحرارة الخارجية التقريبية " صيف أو شتاء "..؟؟
كان بعز الصيف لكن في المساء أتوقع أن الحرارة قرابة 35




هل الإطار مطابق للمواصفات ..؟؟
نعم حرارة A والتماسك A


هل كان إطار مناسب للسفر والاسفلت أم رملي ..؟؟
مناسب جدا من حيث المقاس وهو ليس رملي بل مخصص للاستخدام العام



ماهو العامل الذي تعتقد أنه كان السبب في تلف الإطار ..؟؟


السبب المتوقع في رأيي أن الإطار تعرض لضرر ما عند دخول البر فترة الإفطار وسرت عليه حتى انهار تماما
والله أعلم




...................................
................
.........


الموقف الثاني



ماذا حصل وكيف حصل ..؟؟؟





كنت راكب في حافلة حملة عمرة في رمضان


وكان وقت العودة للرياض قرابة نهاية العصر


المهم بعد ما تجاوزنا الطائف على الخط السريع المتوجه للرياض
وكان صاحب الحافة مسرع جدا بشكل جنوني وابن صاحب الحملة بجانبه في المقعد الأمامي وكان معي جواله وأنا في المقاعد الأخيرة .


المهم نظرا لصعوبة الانتقال للأمام ومقابلة المسؤول عن الحملة وتحذيره من السرعة ,,
اتصلت بالجوال ونبهته بشده على خطورة الوضع وأن هذا تهور لا مبرر له


وبعد العتاب الشديد قام بدوره بتنبيه قائد الحافلة


والذي استجاب تحت هذه الضغوط


وبعدها بقرابة ربع ساعة انفجر الإطار الأمامي الأيمن للحافلة


وكان لطف الله سبحانه وتعالى أن الحافلة ماجت يمينا وشمالا لكن لم تنقلب


وخرجنا تدريجيا خارج الخط السريع


وحمدنا الله سبحانه وتعالى على السلامة





ماهو نوع السيارة وكيف كانت الحمولة وطريقة توزيعها ..؟؟
السيارة حافلة كبيرة مليئة بالركاب والعفش لكن في حدود الطبيعي




كم كانت السرعة وقتها ....؟؟؟
لا أعرف لكن أتوقع 130




ما نوع الإطار ...؟؟
لا أعلم



هل هو جديد أم قديم ...؟؟


لا أعلم




كم كان ضغط الهواء في الإطارات ..؟؟
لا أعلم

كم درجة الحرارة الخارجية التقريبية " صيف أو شتاء "..؟؟
كان الجو معتدل أتوقع أن الحرارة قرابة 30



هل الإطار مطابق للمواصفات ..؟؟
لا أعلم



هل كان إطار مناسب للسفر والاسفلت أم رملي ..؟؟
إطارات خاصة بالحافلات




ماهو العامل الذي تعتقد أنه كان السبب في تلف الإطار ..؟؟
لا أعلم


.......


شكرا لكم


حمدا لله على سلامتكم
حبيت اصحح
بناء على الصورة فالكفر هو الخلفي الايمن وليس الايسر

[hani 66]

الحمد لله على سلامة الجميع

والحمد لله انها لم تحدث معي قط ابداا

دائما اراعي تاريخ التصنيع للكفرات
وعمر الكفرات منذ بدايه الاستخدام
وضغط الهواء
واذا كان التاير ضرب بنشر من قبل وتم تصليحه او لا
وايضا اتفحص التواير واشوف علامات التهالك ان كان يوجد تشققات و او تاكل

واحط كل هالامور بالحسبان وبعدين اقرر كم السرعه الي مفروض مااتجاوزها

والحمد لله لم اواجه اي مشاكل

[ناصح]

الحمد لله على سلامة الجميع

والحمد لله انها لم تحدث معي قط ابداا

دائما اراعي تاريخ التصنيع للكفرات
وعمر الكفرات منذ بدايه الاستخدام
وضغط الهواء
واذا كان التاير ضرب بنشر من قبل وتم تصليحه او لا
وايضا اتفحص التواير واشوف علامات التهالك ان كان يوجد تشققات و او تاكل

واحط كل هالامور بالحسبان وبعدين اقرر كم السرعه الي مفروض مااتجاوزها

والحمد لله لم اواجه اي مشاكل

الحمد لله

ونسأل الله أن يستمر سلامتك من انفجار الإطارات

شكرا لمشاركتك

[تميم2222]

انفجر علي بالون قبل 5سنوات بسرعه 140 السياره نيسان 99 والحمد الله ستر الله

[صريح المقال]

السلام عليكم ورحمة الله وبركاته :)

.

.

ماذا حصل وكيف حصل ..؟؟؟

ج/ كنا 3 أشخاص ذاهبين للبر على طريق مزدوج قديم نوعاً ما والوقت بعد الظهر مباشرة ومعنا أغراض الغداء ونبي نلحق نصلحها في البر عند الحلال :)

الي حصل هو انسلاخ للكفر الأمامي الأيمن على سرعة عالية نسبياً بحكم ان الموتر حوض مهوب صغيرة والحمد لله تمسكت بالدركسون وجلست أرجع بالنمر بالترتيب 5 - 4 - 3 - 2 حتى خرجت عن الطريق وتوقفت تماماً.

لم يحصل انحراف قوي أو تمايل وكنت منتبه للقيادة وأرفض الالتفات على الركاب وهذي أهم قاعدة عندي :)

وجدنا الكفر منسلخ وتأثيرة داخلي الحمد لله بحيث ضرب حديدة تمتد من الصدام للشاص وكسرها وتأثيرات أخرى لا تذكر والكفر نفسه راح وتقطع منه كثير وكانت تتطاير من بداية الإنسلاخ والجنط ما تأثر لأني ما مشيت عليه كثير والحمد لله على كل حال .

المشكلة فيما بعد تمثلت في كوني لم أكن أحمل عصا عفريته ! :D

أو بمعنى أصح !

الموتر توني مستلمه من اسبوعين ولا توقعت ان العدة ناقصه وما شيكت عليها والحمد لله على كل حال تيسرت وفزع لنا ولد حلال حتى ان موتره ما فيه العدة المناسبة لموتري وراح لمحطة تبعد عنا 5 كيلو تقريباً وخذ منهم عصا العفريته ورجعناها لهم والله يجزاه عنا كل خير .



ماهو نوع السيارة وكيف كانت الحمولة وطريقة توزيعها ..؟؟

ج/ داتسون موديل 1990 غمارة خط (يعني عايدي بدون مكيف)

الحمولة 3 أشخاص ودجاجتين وقطمة رز !! :D

طريقة التوزيع مرصوصين بالغمارة ..



كم كانت السرعة وقتها ....؟؟؟

ج/ احتمال كبير انها فوق 140 أخاف أقول أكثر وتنقدون علي :D

بس هالكلام مبطي على وقته يمكن عمر الموتر خمس سنين أو ست ..





ما نوع الإطار ...؟؟

ج/ بالضبط لا أدري بس ما أركب إلا أصلي وبالسابق ما كان فيه إلا أصلي بالغالب وأسعار مناسبة ودايم أركب كفر خط !

اما انه يوكوهاما أو هانكوك ..

وما أركب إلا كفر عريض وأبحث عن أرفع وأعرض كفر بالعادة خاصة للددسن (الداتسون) والحمد لله يكون راسي ومريح بر وديره.



وهل هو جديد أم قديم ...؟؟

ج/ إذا ما خاب ظني توني مركبهن يعني كفرات جديدة مالهن مدة من ركبتهن .



كم كان ضغط الهواء في الإطارات ..؟؟

ج/من 30 إلى 38 وبحكم انه بالصيف والكفر جديد فالغالب انه 38 إلى 40 بحيث أعبي الكفر زيادة شوي وقت التركيب وأنسمه بعدين .

كم درجة الحرارة الخارجية التقريبية " صيف أو شتاء "..؟؟

ج/بداية دخول الصيف وكنا الظهر والدرجة بالضبط لا تحضرني ولكن أكيد مرتفعه .



هل الإطار مطابق للمواصفات ..؟؟

ج/نعم بس مهوب مطابق لكفرات البلد لأني أبحث عن أكبر وأعرض بس من ناحية الحرارة والسرعة نعم مطابق حسب ما أذكر .



هل كان إطار مناسب للسفر والاسفلت أم رملي أو حجري..؟؟

ج/ مناسب للاسفلت والبر لكن مهوب حجري يعني لين وكنت أحرص على الكفر اللين .




ماهو العامل الذي تعتقد أنه كان السبب في تلف الإطار ..؟؟

ج/ لا أدري صراحةً ولكن أعتقد انه عيب بالتصنيع بحكم ان الكفر جديد وقد يكون الكفر لقط له مسمار أو شي أدى لنزول الهواء فيه وارتفاع حرارته مما أدى لإنسلاخه ..

.

.


يوجد حادثة أخرى سأذكرها بإذن الله في مشاركةٍ مستقلة .

.

.




هذا ما لدي فإن أصبت فمن الله وحده، وإن أخطأت فمن نفسي والشيطان .



.

.



والسلام عليكم ورحمة الله .

[faisal 506]

موضوع مفيد جدا وشيق
حقيقة المواقف كثيره
لكن فيه موقف مانسيته

ماذا حصل وكيف حصل ..؟؟؟
السيارة اكسنت 2006 ايجار لان سيارتي بالورشه
كنت امشي 110 وفجاء انفجر الكفر الامامي يسار
وكل شوي يطير شي مره قطع الكفر ومره الشمعات
ومره الرفرف الايسر طبعاً كل هذا يرافقه شرار كبير
طالع مدري من وين لحظتها ثم طفت السياره علي
وفقدت السيطره عليها وزحفت يمين بقوه لدرجه اشوف قدام
والسياره تزحف على ورى ومن رحمة الله
كانت فيه براحه وخشيت بها لين هدا الموتر ووقف من نفسه
يوم نزلت لقيه الموتر رايح فيها وشرار يتطاير
طلعت الظفيره حقت الكهرب طالعه ومتقطعه ونصهالاف على الجنط
طبعا فصلت البطاريه ويوم فتحت الشنطه بشوف الكفر الاحتياطي
لقيته مصلووخ صلخ برضو
هنا انا بس ابي اشوف المصري الي مأجرني السياره
والله ودي اذبحه وقتها لو شفته
ماهو نوع السيارة وكيف كانت الحمولة وطريقة توزيعها ..؟؟
السياره اكسنت 2006
مستاجره طبعاً
انا لحالي


كم كانت السرعة وقتها ....؟؟؟
تقريبا 110



ما نوع الإطار ...؟؟
مدري حقيقه وشو

وهل هو جديد أم قديم ...؟؟
السياره تقريبا كانت مفوته موديل بوقتها
يعني كنا بنهايه موديل 2007

كم كان ضغط الهواء في الإطارات ..؟؟
مدري
كم درجة الحرارة الخارجية التقريبية " صيف أو شتاء "..؟؟
صيف
عصريات
ممكن 40

هل الإطار مطابق للمواصفات ..؟؟

ماتوقع ابد
هل كان إطار مناسب للسفر والاسفلت أم رملي أو حجري..؟؟
ماعندي خلفيه ابد عنه
لاني ماطلعت عليه ابداً


ماهو العامل الذي تعتقد أنه كان السبب في تلف الإطار ..؟؟
اتوقع السياره ملعووب فيها وبشده
لان الاستبنه مصلوخه
وكذلك الموتر وجدت هيكله به قطع خشب وكرتون
محطوطه ومرشووش عليها بويه لتحل محل البدي

[faisal 506]

وهذي مواقف لسيارات اخرى وتقريبا متشابهه
١- للسياره الاولي مكسيما
٢- للسياره الثانيه لومينا
ماذا حصل وكيف حصل ..؟؟؟
١- امشي بسرعه لاتتجاوز ١٤٠
وحسيت بصوت خفيف من الجهه اليسرى ثم ثقل بالسياره يعدها بشوي
يوم وقفت لقيه الكفر مبنشر
٢- امشي بسرعه ١٢٠ تقريبا وسمعت صوت تنسيم قوي شوي
ثم انفجر الكفر الخلفي يسار بعدها بتقريبا ١٥ ثانيه
ماهو نوع السيارة وكيف كانت الحمولة وطريقة توزيعها ..؟؟
١-السياره مكسيما ٩٨
خمس ركاب ثنين قدام وثلاثه ورى
٢- لومينا ٢٠٠٦
ثلاثه ثنين قدام
وواحد يسار مكان الكفر المنفقع

كم كانت السرعة وقتها ....؟؟؟

١-١٤٠
٢-١٢٠

ما نوع الإطار ...؟؟
١- تويو
٢- دنلوب
وهل هو جديد أم قديم ...؟؟
١- تقريبا له سنه وشهر
٢- له سنه ٦ اشهر
كم كان ضغط الهواء في الإطارات ..؟؟
١-٣٥
٢-٣٠
كم درجة الحرارة الخارجية التقريبية " صيف أو شتاء "..؟؟
١- صيف تقريبا ٣٠
٢- شتاء تقريبا ٢٥
هل الإطار مطابق للمواصفات ..؟؟
كلها مطابقه

هل كان إطار مناسب للسفر والاسفلت أم رملي أو حجري..؟؟
نوعا ما مناسب
وكنت على وشك تغييرها لجميع السيارات

ماهو العامل الذي تعتقد أنه كان السبب في تلف الإطار ..؟؟
التويو شاريه جديد بس اكتشفت انه كان مخزن مده طويله
والدنلووب كان به صعروور صغير

نصيحه لكم

في السفر عدم تجاوز سرعه ١٢٠ باي حال من الاحوال
عدم السفر بوقت الظهيره ان امكن
في حال شراء كفر التاكد من انه غير مخزن عند راعي المحل لفتره طويله
وان تكون طريقة تخزينه صحيحه والافضل تشريه من الوكيل
وتااكد انه جديد بتاريخه وليس قراطسيه وملصقاته
واخيرا التزم باذكارك والله يحفظك من كل شر

[صريح المقال]

السلام عليكم ورحمة الله وبركاته :)


.
.

.


ماذا حصل وكيف حصل ..؟؟؟

ج/ هالكلام عام 1999 أو 2000 م:

كنا طالعين من الرياض على طريق مكة أنا وأخي والوقت بين الظهر والعصر بالصيف والممشى حوالي 140 وكان الإزفلت حار جداً بعد الظهر وما يبرد إلى بالليل ..

بعد ما مشينا مسافة حوالي 150 كيلو تقريباً وكنت أنا السائق ومنتبه للموتر الحمد لله :good2:

لاحظت رجه بدت بسيطه وزادت وكانت ورا يمين وبفضل الله انتبهت لها وفوراً رفعت رجلي تدريجياً (ولاحظت الكثير يرفعون رجلهم فوراً وما أشوفها طريقة صحيحة) وكنت ماسك الأوسط على السريع فذهبت لأقصى اليمين لآخر مسار طبعا بشوي شوي وبعد ما دقيت إشارة تفيد الناس خلفي بتوجهاتي ..

وبعد ما انخفضت السرعة كثير الحمد لله وأصبح واضح اني بأنزل من الخط وأوقف التفت علي أخي وقال وش عندك ؟! :D

قلت الموتر مهوب مضبوط الظاهر ان الكفر بنشر :)

بعد ما وقفنا بفضل الله ومنته سالمين معافين ونزلنا نشوف الكفر .. انصدمنا الصراحة !! :eek:

الكفر كان منفجر مهوب مبنشر ولا منسم ولكن منفجر من الجنب بشكل كامل بحيث تشوف دعسة الكفر سليمه لكن جانب الكفر متقطع تماماً وبالكامل على طول الكفر يعني مهوب شق أو فتحه وحده ولكن انفجار كامل على الجنب والحمد لله رب العالمين على كل حال ..

الغريب انه من لطف الله بنا الموتر ما فقد توازنه ولا تغير الا علي عشاني أسوق بينما أخي ما حس بشي أبد !

الموتر طبعاً كان الشكل الجديد للداتسون وأول دفعة فكان حجمه أكبر من السابق ولكنهم ما غيرو الجنوط فكانت جنوطه 14 وكان لها دور كبير بعد الله سبحانه في ثبات الموتر وما كنت متوقع هالشي إلى أن قمت بتغييرها إلى جنط 15 وفقدت الثبات الي كانت عليه .



ماهو نوع السيارة وكيف كانت الحمولة وطريقة توزيعها ..؟؟

ج/ السيارة نيسان داتسون 1998 غمارتين GL

الحمولة شخصين فقط

التوزيع كلنا قدام :D




كم كانت السرعة وقتها ....؟؟؟

ج/ من 130 إلى 140 كلم في الساعة





ما نوع الإطار ...؟؟

ج/ أغلب الظن انه برجستون حق بلد لأني غيرت الجنوط والكفرات بعدها بفترة بسيطة وفقدت ثبات الموتر .



وهل هو جديد أم قديم ...؟؟

ج/ قديم على الأرجح



كم كان ضغط الهواء في الإطارات ..؟؟

ج/ لا أذكر صراحةً .

كم درجة الحرارة الخارجية التقريبية " صيف أو شتاء "..؟؟

ج/ صيف وحر قوي والوقت بعد الظهر .



هل الإطار مطابق للمواصفات ..؟؟

ج/ بالتأكيد ولكن قديم وهذا يعني انه غير مأمون العواقب :)



هل كان إطار مناسب للسفر والاسفلت أم رملي أو حجري..؟؟

ج/ للسفر أكثر لأنه صغير ولا ينفع بالبر ولا بالحجر.




ماهو العامل الذي تعتقد أنه كان السبب في تلف الإطار ..؟؟

ج/ أظنها عدة عوامل:

- الكفر قديم ومهمل وتوني مشتري الموتر مابعد توفرت الميزانية لتغيير الكفرات .

- الطريق كان حار جداً بحكم اننا بالصيف .

- لا أذكر قيامي بفحص هواء الإطارات قبل السفر .

.

.

كان بودي لو انك وضعت سؤال أخير عن الفائدة التي خرجت بها من تجربتك ؟!

يعني مثل الي يمشي بكفر ناقص هواه ويصلخ عليه أكيد بيتعلم انه يحرص على معايرة الهواء وعدم السرعة بكفر ناقص هواه .. وهكذا .. :)

.

.

بالنسبة لي استفدت الكثير وأهم شي والي كنت ولازلت بفضل الله مهتم فيه جداً جداً هو قراءة دعاء السفر فور ركوبي بالسيارة وخاصة عند نية السفر أو الذهاب لمكان بعيد وحتى عند الذهاب للدوام ..

.
.
إضافةً لذلك وبعد عدة تجارب مررنا فيها وتوهيقات مالها داعي !
أصبح عندي عدة خاصة بالكفر والبنشر تحتوي على الماطور كأهم قطعة ثم عدة رقعة كفر التيوبلس وأيضاً اشتريت رقعة كفر داخلية مثل الي عند البناشر (ألمانية الصنع) من شارع الريل بالرياض (قريب من شارع الغرابي) وبسعر ما توقعته أبد يعني كرتون صغير مليان بقيمة رقعتين تقريباً عند البنشري !!
وإبر إضافية مع عدة خاصة فيهن وجدتها في محل رحلات ..
إضافة إلى الحرص على الكفرات من الأساس والفحص بشكل دوري والمعايرة الدائمة عند نية السفر أو غيره وهذي أُمور تقلل وبشكل كبير من حالات البنشر بعد توفيق الله سبحانه وهي من مبدأ (اعقلها وتوكل)


.

.

هذا ما لدي فإن أصبت فمن الله وحده، وإن أخطأت فمن نفسي والشيطان .

والسلام عليكم ورحمة الله .

[ناصح]

اشكرك الجميع على التفاعل الرائع مع الموضوع

:good::good::good:

وفي الأخير الكل سيتفيد



بارك الله فيكم



وننتظر المزيد من المشاركات

[محمد آل حيدر]

ماذا حصل وكيف حصل ..؟؟؟

خروجي من ابقيق الى الدمام وذلك في وقت المغرب بعد انتهاء من العمل
الي حصل هو انفجار الكفر الخلفي الايمن
وادى ذلك إلى انطعاج الشكمان و انعدم الرفرف الخلفي



ماهو نوع السيارة وكيف كانت الحمولة وطريقة توزيعها ..؟؟

يوكون 2001 انا و عائلتي من 4 اشخاص
لا توجد حمولة


كم كانت السرعة وقتها ....؟؟؟

140




ما نوع الإطار ...؟؟

فالكون

وهل هو جديد أم قديم ...؟؟

نصف العمر

كم كان ضغط الهواء في الإطارات ..؟
35

كم درجة الحرارة الخارجية التقريبية " صيف أو شتاء "..؟؟

في عز الصيف

هل الإطار مطابق للمواصفات ..؟؟

نعم

هل كان إطار مناسب للسفر والاسفلت أم رملي أو حجري..؟؟

الاسفلت


ماهو العامل الذي تعتقد أنه كان السبب في تلف الإطار ..؟؟

الكفر محبل

...........
[/QUOTE]

[الحربي 591]

ماذا حصل وكيف حصل ..؟؟؟


هذا الله يسلمك صار لي في طريق سريع 50 كيلو عن المدينة
كنت ذهب للوالد كان ينتظرني في عز الشمس ويبعد عني 30 كيلو
انصلخ علي الكفر ولله الحمد ما قمت باي تصرف خطا
وبالإضافة إلى ثبات السياره ماشاء الله رغم السرعه العاليه و الكفر مصلوخ
طبعا قبل ما ينصلخ بحوالي 5 كيلو كنت اسمع شي يتطاير على الرفرف مثل يوم تدعس على القار وما اعطيتها اهتمام وفي نفس الوقت كنت منتبه :)


ماهو نوع السيارة وكيف كانت الحمولة وطريقة توزيعها ..؟؟


السياره تاهو 2008

كم كانت السرعة وقتها ....؟؟؟


والله مثل ما قلت كان ابوي واقف في الظهر و في الصيف
واسرعت لين 190


ما نوع الإطار ...؟؟


دونلوب
وهل هو جديد أم قديم ...؟؟


شبه جديد

كم كان ضغط الهواء في الإطارات ..؟؟


40
كم درجة الحرارة الخارجية التقريبية " صيف أو شتاء "..؟؟


صيف و الحراره 40
هل الإطار مطابق للمواصفات ..؟؟


المقاس فقط اخترت اعرض واصغر شوي

هل كان إطار مناسب للسفر والاسفلت أم رملي أو حجري..؟؟


نعم

ماهو العامل الذي تعتقد أنه كان السبب في تلف الإطار ..؟؟


اعتقد مسمار... مع انه انصلخ مع الجنب ماهو مع الدعسه لانها سليمه!
و استنتجت ان الكفر مضروب ومعاد تصنيعه اعتقد!!

[ناصح]

ماذا حصل وكيف حصل ..؟؟؟


هذا الله يسلمك صار لي في طريق سريع 50 كيلو عن المدينة
كنت ذهب للوالد كان ينتظرني في عز الشمس ويبعد عني 30 كيلو
انصلخ علي الكفر ولله الحمد ما قمت باي تصرف خطا
وبالإضافة إلى ثبات السياره ماشاء الله رغم السرعه العاليه و الكفر مصلوخ
طبعا قبل ما ينصلخ بحوالي 5 كيلو كنت اسمع شي يتطاير على الرفرف مثل يوم تدعس على القار وما اعطيتها اهتمام وفي نفس الوقت كنت منتبه :)


ماهو نوع السيارة وكيف كانت الحمولة وطريقة توزيعها ..؟؟


السياره تاهو 2008

كم كانت السرعة وقتها ....؟؟؟


والله مثل ما قلت كان ابوي واقف في الظهر و في الصيف
واسرعت لين 190


ما نوع الإطار ...؟؟


دونلوب
وهل هو جديد أم قديم ...؟؟


شبه جديد

كم كان ضغط الهواء في الإطارات ..؟؟


40
كم درجة الحرارة الخارجية التقريبية " صيف أو شتاء "..؟؟


صيف و الحراره 40
هل الإطار مطابق للمواصفات ..؟؟


المقاس فقط اخترت اعرض واصغر شوي

هل كان إطار مناسب للسفر والاسفلت أم رملي أو حجري..؟؟


نعم

ماهو العامل الذي تعتقد أنه كان السبب في تلف الإطار ..؟؟


اعتقد مسمار... مع انه انصلخ مع الجنب ماهو مع الدعسه لانها سليمه!
و استنتجت ان الكفر مضروب ومعاد تصنيعه اعتقد!!

الحمد لله على السلامة

ولا تسرع بارك الله فيك... تصل متأخير خير من أن لا تصل ..

[خالد الشمري20]

السلام عليكم ورحمة الله وبركاته




صحيح يا أخوان حصل لي في شتاء 1437




طالع كشته خفيفة على جيب شروكي 1994




على خط طريق واحد رايح جاي




الوكاد أمشي مشي عادي فجأه ينفجر علي الكفر الأمامي اليسار ويحذف الموتر يسار ويمسك طريق الجاي وبصعوبة الف الطاره حتى رجعته للخط الرايح


على شوي شوي وقفت يمين الخط الحمد لله جت سلامات لو الطريق الجاي فيه سيارات كان صار حادث وجه بوجه والعياذ بالله بس الرحيم سلم




وكل الغلط مني لأني ما غيرت إلى كفرات جديدة

والكفرات على الموتر وقت انفجارة لها أكثر من 4 سنين لكن بعدها أن شاء الله الكفرات القديمة ما تبقى





.

[ناصح]

السلام عليكم ورحمة الله وبركاته




صحيح يا أخوان حصل لي في شتاء 1437




طالع كشته خفيفة على جيب شروكي 1994




على خط طريق واحد رايح جاي




الوكاد أمشي مشي عادي فجأه ينفجر علي الكفر الأمامي اليسار ويحذف الموتر يسار ويمسك طريق الجاي وبصعوبة الف الطاره حتى رجعته للخط الرايح


على شوي شوي وقفت يمين الخط الحمد لله جت سلامات لو الطريق الجاي فيه سيارات كان صار حادث وجه بوجه والعياذ بالله بس الرحيم سلم




وكل الغلط مني لأني ما غيرت إلى كفرات جديدة

والكفرات على الموتر وقت انفجارة لها أكثر من 4 سنين لكن بعدها أن شاء الله الكفرات القديمة ما تبقى





.



الحمد
لله على السلامة

وفعلا لابد من عدم التساهل بالكفرات القديمة

شكرا لك

[سارق الكحل]

ماذا حصل وكيف حصل ..؟؟؟
طبعا السالفة قديمة نوعا ما يمكن قبل 14 سنة
انفجر الكفر الامامي يمين كنت امشي تقريبا بين 180- 190 وكنت ناوي اصفي الطبلون
والسبب طيش شباب تحدي انا وخوي انها ماتمشي ماتوصل الـ 220
الخط كان مزدوج السيارة الي خلفي انتبه لي وخفف مباشره
رجت السيارة بس ماراحت لايمين ولا يسار
لما هديت وجنبت بعد الخط الأصفر امسك فرامل مايمسك محجر خليته الين تقريبا سرعة 40 وسحبت جلنط :D
طبع وقفت على الجنط بس وصواميل تقول ماقد ركبت له كفر وحافر الزفلت الجنط





ماهو نوع السيارة وكيف كانت الحمولة وطريقة توزيعها ..؟؟
هوندا اكورد 91 - انا وخوي بس





كم كانت السرعة وقتها ....؟؟؟
180





ما نوع الإطار ...؟؟
صيني




وهل هو جديد أم قديم ...؟؟
جديد




كم كان ضغط الهواء في الإطارات ..؟؟
35

كم درجة الحرارة الخارجية التقريبية " صيف أو شتاء "..؟؟
صيف يمكن حول الـ 45




هل الإطار مطابق للمواصفات ..؟؟
مااتوقع لانه اول مانزل الصيني وكان رخيص مره الجديد يمكن بـ 120 ريال وقتها
جنط 14




هل كان إطار مناسب للسفر والاسفلت أم رملي أو حجري..؟؟
يمكن للي راكد



ماهو العامل الذي تعتقد أنه كان السبب في تلف الإطار ..؟؟
السرعة ونوع الاطار وارتفاع حرارة الجو

[زياد علي]

url=http://up.top4top.net/]http://b.top4top.net/s_312i3opi0.jpg[/url]

ضرب علي الكفر وهو كان فيه رجة وكنت مطنشها يعني كان محبل والكفر قديم تاريخ 2013 وكنت بسرعة 160كم تقريبا فاوقفت السيارة ولله الحمد ولكن لاسف لم يكن يوجد لدي مفتاح عجل فامشيت على الجنط مسافة 20كم تقريبا حتى وصلت اقرب بنشري والحمد لله على كل حال

[أبو صمصام]

ماذا حصل وكيف حصل ..؟؟؟
ما ادري ^_^


ماهو نوع السيارة وكيف كانت الحمولة وطريقة توزيعها ..؟؟
مرسيدس S500 ، مافيه حمولة

كم كانت السرعة وقتها ....؟؟؟
230



ما نوع الإطار ...؟؟
برجستون

وهل هو جديد أم قديم ...؟؟
قديم

كم كان ضغط الهواء في الإطارات ..؟؟
35

كم درجة الحرارة الخارجية التقريبية " صيف أو شتاء "..؟؟
35 تقريباً

هل الإطار مطابق للمواصفات ..؟؟
نعم

هل كان إطار مناسب للسفر والاسفلت أم رملي أو حجري..؟؟
مناسب للسفر

ماهو العامل الذي تعتقد أنه كان السبب في تلف الإطار ..؟؟
الكفرات كانت قديمة


كنت مثبت السرعة وحسيت بشي في الموتر ، ضغطت فرامل وهدت السيارة ، ادوس تمشي
ياولد السيارة وش فيها ^_^
وقفت الا والكفر ضارب معي
لكن بعد الله سبحانه ، المرسيدس فيه أمان والله يستر

طبعا مرة ضرب وأنا متجاوز الكتف أمشي 180 ولا تغير مساره