الركبة بالجي اكس وش الحل؟

[معلم ماستر]

السلام عليكم

معروف بالجيب التويوتا خراب الركب الاماميه

ياخوان وش الحل ؟

تغيير الركبة جديدة بقيمة 600 ريال

ركبتين 1200 ريال

هل فيه بديل ؟ عطوونا الحل ياخوان

الله يعطيكم العافية

[ابو عاذر]

اذا كان موديل سيارتك من 98 الى 2007 عندنا بالسعودية الركب الامامية تجي كاملة مع المقص ( مشكلة الوكيل يبغى يكسب ) في الكويت الامارات قطر تجي منفصلة وسعرها رخيص ،،،،، فيه ركب من النوع التجاري الاصلي ( مايز ) تجدها عند النهدي سعرها في حدود 60 ريال للركبة الواحدة ،،،،،،،،،، وكذلك عند العضيب ركب بس مدري عن سعرها ،،،،،،، ناس ركبوا ولا شكو منها ،،،،،،، وترى الركبة قطعة مهمة بالسيارة فركز دوماً على الاصلي
مع تحيات اخوك ابو عاذر

[معلم ماستر]

بيض الله وجهك على الرد

لكن اللي بالكويت اصليه وعمليه واين اجدهااا

العنوان بارك الله فيك

بالسعودية التجاري ماله امان

واالاصلي نارر

[مدمن مكاشيت]

احرص على القطعة الاصلية خصوصا في الاماكن اللي عليها ضغط في السيارة مثل الركب .
والله يكون في عونك

[التفق]

السلام عليكم اخوي كل اللي عليك تسويه انك تروح لميكانيكي صاحي هذا اولا ثانيا يشيكلك على الركبه اذا كانت الربله مقطوعه فيها شلخ وطالع الشحم الربله تغير لحالها واذا كان والله الركبه مدموره ومنتهيه الله يكون بعونك مقص جديد. طبعا اذا غيرت المقصات وان شاء الله ماتغيرهن يعني يصير الخراب من الربله المقطوعه انصحك توزن المقصات عند العضيب اللي بالميه ب150 صح غالي بس يرضيك. ارجوا اني افدتك:good2:

[ALBDRANE]

شلون سيارة للبر ومقصات وركب والله حاله أمس واحد عندنا بالحارة منفكة الركبه عنده ووجه الموتر على جهه وراميه عند بقالة ومنظر مؤسف ...... الله يعوضه خير.