المساعد الشخصي الرقمي

مشاهدة النسخة كاملة : قضية المشي ع البحر..؟؟ افتوني فيها..؟؟


Stranger MaN
01/08/2011, 05:47 AM
السلام عليكم...

اخواني انا احيانا اذا رحت البحر مع الربع والاخوان...

ادق الدبل...واتمشى واحيانا ادخل للبحر بموتري بالمستوى المحدد لي بالكتيب...او اقل...

المذكور بالكتيب العمق 70 سم...وانا امشي اقل....

المهم...ويمسكني واحد ويقول لا مجنون انت؟؟!! قلت ليه..اناظر كثير يدخلون عاادي...

قال لا ما يصلح للسيارة ,احس انه يضرها

المهم اني مركب حماية ضد الصدأ...بسعر وقدره....

والسيارة معروفه بكل المجالات رانجلر....موديل 2010......

افيدونا...

هل فيه مشكله...

رجاء رجاء....اتمنى معلومة مجربة او موثوقة...مو مجرد احساس وتوقعات...

وكل عام وانتم بخير...وتقبل الله الصيام والقيام
زمزم 100
01/08/2011, 05:58 AM
أخي .. نحن نملك جيت بوت و جيت سكي .
, فريق الصيانة ينصح بأن نغسل البوت و السكي بعد إخراجهما من البحر بالماء العذب , خوفاً من تأثير الصدأ الطويل الأمد .

تحياتي ..
Stranger MaN
01/08/2011, 06:20 AM
اها....يعني ماتنصح.....يالغالي والحماية ماتنفع؟؟...

علما اني ساكن بديرة مافيها بحر,,,لاكن والله ابي ازيد معلوماتي...والمرات الجايه استفيد....

ويعطيك العافية...
ساري 111
01/08/2011, 10:47 AM
نعم فيه مشكله وضرر على السياره حتى لو انت مركب حمايه لأن ماء البحر ماااااالح
ALBDRANE
01/08/2011, 01:54 PM
حركه ملها داعي بس شوفوني.... متى نكبر بعقولنا وليس فقط باجسامنا لا بد تعرف كيف تستمتع بالوقت وبالاشياء والمعطيات الي الله سخرها لنا وجعلها في متناول أيدينا لا تقولي شباب وعبارات ما تخش المخ المهم بدون زعل وبالنسبة لسؤلك نعم يضر السيارة ويضر البحر ويضر المشاهدين والمتواجدين بعدين ممكن تمشي على البحر برجيلاتك وتخلي سيارتك الرنجلر 2020 الجميلة المعروفه في كل المجلات بعيده عن البحر الله يخليها لك
ابونبيل
01/08/2011, 02:31 PM
ماء البحر ماااالح واقلها يصدي لك الهوب والجنوط ويمكن اجزاء من المكينه
ابونبيل
01/08/2011, 02:34 PM
والكفرات بعد تقطع من الملوحه
بدوي جنوبي
01/08/2011, 04:03 PM
الضرر يبين معك بعد فتره من الاستخدام
مثل ظهور صدأ .

مياه الامطار تعجل بتلف الرمانات والاذرعه والصليبات
والسلف والدينمو وغيرها الكثير من الاجزاء
فما بالك بماء مالح
الافضل الابتعاد عن مياه البحر قدر الامكان
عموما أهم شيئ تغسل السياره بعد الانتهاء ضرورى جدااا .
سلكي نت
01/08/2011, 05:03 PM
ماقصرو الاخوان في توضيح ضرر الماء المالح
Stranger MaN
01/08/2011, 05:38 PM
يعطيكم العافية....كل باسمه...


حركه ملها داعي بس شوفوني.... متى نكبر بعقولنا وليس فقط باجسامنا لا بد تعرف كيف تستمتع بالوقت وبالاشياء والمعطيات الي الله سخرها لنا وجعلها في متناول أيدينا لا تقولي شباب وعبارات ما تخش المخ المهم بدون زعل وبالنسبة لسؤلك نعم يضر السيارة ويضر البحر ويضر المشاهدين والمتواجدين بعدين ممكن تمشي على البحر برجيلاتك وتخلي سيارتك الرنجلر 2020 الجميلة المعروفه في كل المجلات بعيده عن البحر الله يخليها لك

الله والله حرقتنا الله يهديك...جاي مندفع....ثانيا انا ما رحت جنب المشاهدين...ووو..كل الامر..

ان الربع كشتوا في منطقه بعديه عن الناس....ولها طريق مختصر وهو تعبر جزء من البحر....وانا

دخلت فيه...بس...عتابك والله كانك اخوي الكبير...وانت كذلك يالغالي....

بس ملاحظة...مالها دخل بكبر العقول ووو...كل واحد وله هواية....انا ما اقول عن نفسي..

لانها توبه....لاكن اتكلم عن المبدأ...اذا هواية ماعجبتنا...نطلق ع اصحابها انهم يكبرون

باجسامهم لا عقولهم...يعني ع كلامك يشمل اصحاب الدرفت...والمطعسين والمراقي...

واكيد ماهو صحيح...

والله لا زعلان ولاحاجه يابعدي....بالعكس يكفي انك رديت وتبي الخير لي....

لاكن تقبل كلامي بصدر رحب...

وهذي اول واخر مره يابحر..

اما مياه الاودية والامطار...ماظن به خلاف...ولا ماكان بالكتيب حددوا نسبة لاجتياز الماء....

..ويعطيكم العافية...
قنوع
01/08/2011, 06:02 PM
أحييك على حلمك

وبخصوص ماء البحر فهو يلعب في السياره أكثر من مياه الأمطار

وكون انها مذكوره في الكتيب .............. فهي للتوضيح واخبارك بقدرات السياره

تحياتي
Stranger MaN
01/08/2011, 09:54 PM
الله يسلمك...وانت صادق...

يعني يا اخوان لو الربع ناوين يكشتون بمناطق بعيده...وخلال هالطريق فيه مياه نقول نص متر...

عادي اعبره...؟؟ مافي ضرر للسيارة؟؟

انا مو اقصد اني اتقصد اروح للماء...اسف طولتها....لاكن ابي اخذ فكره كاملة منكم
ALBDRANE
01/08/2011, 09:56 PM
ردك عقلاني وعلى الاقل ليستفيد الكثير وعلى فكرة دخولك للماء والهوبات والفحمات عالية الحرارة يسبب تلف لنظام الفرامل وتصدع للهوبات وهذي قد صارت معي ونا أقطع وادي بعدها لاحظت الفرق فحاول أنك ما تدخل الماء ألا في أسوى الظروف وتقبل أحترامي وحرصي .
Stranger MaN
01/08/2011, 10:24 PM
والله متقبل يالغالي....وخذت بالنصيحة.....

ويا مال العافية......

ع قولتهم ...وش لك بالبحر واهواله وارزاق الله ع السيف هههههه.....

ماقصرتوا والفكرة وضحت
محمد أبو حمد
01/08/2011, 10:41 PM
فيه أشياء أخرى قد لا تخطر لك على بال ..

سبق وشاهدت صاحب سيارة انجرفت سيارته

كن حذر يا أخي , وشكرا
baaasss
01/08/2011, 10:55 PM
أهنيك على حلمك ... الله يثبتك ويرزق اخونا المسلمين الحلم
هذا اكثر شي استفدته من الموضوع طبعا مع معلومات الماء المالح