استفسار عن نقلة الطير من الكويت الى السعودية

[AK-VTC]

السلام عليكم
مبارك عليكم الشهر كلن باسمه والله يتقبل الطاعات والله يجعله شهر خير علينا وعليكم
سؤالي اقدر ادخل الطير الى السعوديه عن طريق الحدود البرية اذا عندي اوراق السايتس؟؟
شلون الطريق؟
ارجو الافاده وشكرا

[alrshedi]

وعليكم السلام ورحمة الله وبركاته
ياخوي الغالي اذا طير تفريخ او معاه جواز يدخل عادي اما بس باوراق السايتس
مااعتقد انه يدخل
اما اذا وحش ماتقدر ادخله لا اذا عندك معرفه

[falcon 1]

وعليكم السلام ورحمة الله وبركاته

اخوي كلام اخوي خالد صحيح ..التفريخ عادي
اما بالنسبه للوحش ..انا سمعت انه تقدر توديه لهاشم الصليلي وتدفع مبلغ بصيط ..هو يطلع الطير لك وانت تستلمه فالسعوديه ...لكن ماني متاكد

ان شاء الله الاخوان ما يقصرون

تقبل تحياتي
اخوك
فالكن 1

[skeet]

وعليكم السلام ورحمة الله وبركاته
ياخوي الغالي اذا طير تفريخ او معاه جواز يدخل عادي اما بس باوراق السايتس
مااعتقد انه يدخل
اما اذا وحش ماتقدر ادخله لا اذا عندك معرفه


اخوي يانه تفيد الناس اذا عندك معلومه اكيده او فك نفسك وفك الناس منك اخوي لاتفريخها ولا اصليها يدش السعوديه الا عن طريق ناس معينين يانك تدفع رشوه والعياذ بالله او عندك رخصه من الامراء ام سالفة يدش عادي ماتمشي عليك عادي

[AK-VTC]

اخوي alrshedi و falcon 1 يعطيكم العافية ماقصرتو عالفزعة ان شاء الله بطلع له جواز الله يقدرنا واذا طلعت الجواز عادي محد يكلمني بالحدود!!

[الرّمااااي]

السلام عليكم
ماشاء الله فيه ناس يصرحون بدون علم ولا دليل
الاخوان الي قالو ان الطير يطلع من الحدود البريه عادي بشرط يكون تفريخ سؤال لو سمحتوا هل انتم طلعتوا طير تفريخ بجواز من الحدود البريه مثل الرقعي او الخفجي ارجو الرد سريعا
التفريخ بجواز يطلع من المطار بالطائره فقط اما الحدود البريه حتي الحمام ممنوع دخوله وخروجه بعد

[طير الهقاوي]

الله كريم ويسهل الامور ان شاء الله