المساعد الشخصي الرقمي

مشاهدة النسخة كاملة : استفسار عن قيمة سياره لا هنتو


بدر الشويلعي
02/08/2011, 01:20 AM
السلام عليكم ورحمة الله وبركاته

وكل عام وانتم بخير واهنيكم بشهر الرحمه والمغفره اعاده الله علينا بالخير والمسرات

انا عرض علي جيب vxr وارد عبداللطيف جميل موديل 2009

المواصفات

فتحه+ تشغيل عن بعد + قيرين + دي في دي + شاشه ملاحه+ خلفيه + مثبت سرعه+ دفلوك+ خلفيه لكزس+ حساسات اماميه وخلفيه+ نظام بصمه + كمرى خلفيه

اللون فضي وعلى كلام راعيه انه الدفعه الثانيه وبأسمه وكاله وماشي 140 الف

وقال انه كت < وش معنى هالكلمه لانه يقول مثل اللكزس

ودي اعرف سعره تكفون قبل اتوهق واشتريه

ومن استشارك دخل بذمتك

هذا السؤال وسلامتكم
بو شوق
02/08/2011, 01:25 AM
اشترى من الوكالة أفضل.
وريح راسك
بدر الشويلعي
02/08/2011, 01:32 AM
هلا ابو شوق

ادري ما مثل الجديد لاكن السعر ماهو قليل خبرك تجارنا كيف رافعين الاسعار

انا ودي اعرف الي بمثل مواصفات الي ذكرت كم يسوى عشان اشوف اشتري ولا اهون

واشكرك على المرور
برق الحماد
02/08/2011, 02:31 AM
اليوم عرض علي في اكس ار لؤلؤي 2009 فل الفل مراتب جلد
ماشي 91000كلم
والبدي والمحركات نظيفه وعلى الشرط
بـ 185000 ريال
وانا مثلك متردد

الله يوفقك اخوي
بدر الشويلعي
02/08/2011, 02:45 AM
الله يوفقك اخوي برق الحماد ماقصرت

بالنسبه لي انا معروض علي بـ 165 الف

مدري هالسعر زين او انه غالي بالنسبه للون الفضي
برق الحماد
02/08/2011, 03:13 AM
165000 ريال

سعر مناسب جداً

اذا البودي نظيف وخالي من الرش
فتوكل على الله وخذه
واللون الفضي تراه لون حلو

الله يوفقك ياخوي
بدر الشويلعي
02/08/2011, 05:05 AM
بيض الله وجهك والخيره في ما اختاره الله

ابي استخير والله يكتب الي فيه خير

والنيه شورك وهدايه الله

شكرا لك والله يجزاك خير
جي اكس ار2000
02/08/2011, 05:23 AM
واحد قبل شهر اشترى 2010 جي اكس ار لؤلؤي فتحه شاشه بدون ونش ماشي 50 تقريبا
اشتراه192000

الله يحفظكم