كاميرا 450دي وفلاش وعدستين كلها كانون وحامل مانفروتو (استعمال شخصي ونضييف . لاتفوتك)

[سلطان العتيق]

السلام عليكم

{ ولا تَبْخَسُوا النَّاسَ أَشْيَاءهُمْ }

يوجد عندي كاميرا كانون (450 دي ) الخطيييره اخت الجديده واتسعمالها استعمال حشمه وفيه فلاش كانون 430EX نضيييف بالحيل وعدستين 100 و 50 كلها كانون وحامل مانفروتو Manfrotto 190XDB للبيع ( رجاءً لا احد يسألني ليش ببيع بس تأكد اخوي اني ماني بايع عشان اغشك الكاميرا بين يديك وافحصها ولك مني لو حصلت فيها مشكله رجعها لي مثل ماهي وخذ فلوسك ، حلوين ؟؟ :good: )

يعني بلا لقافه :D:D


الكاميرا معاها العدسة الاصليه وبدون ذاكره وكرتونها موجود بس ترى الضمان منتهي وشنطه صغيره للكاميرا بس
http://media.the-digital-picture.com/Images/Other/Canon-EOS-Rebel-XSi-450D-Flash-Up.jpg

الفلاش Canon Speedlite 430EX II Flash
http://media.the-digital-picture.com/Images/Review/Canon-430EX-II-Speedlite-Flash.jpg

حامل الكاميرا
http://mediacdn.shopatron.com/media/mfg/2747/product_image/43af1500d7a890d9bca6c7d82b3ef781.jpg

راس الحامل
http://mediacdn.shopatron.com/media/mfg/2747/product_image/6631cfbc1d75d9150258908dd29aa105.jpg

عدسة Canon EF 100mm f/2.0 USM

http://media.the-digital-picture.com/Images/Review/Canon-EF-100mm-f-2.0-USM-Lens.jpg

عدسة Canon EF 50mm f/1.8 II
http://media.the-digital-picture.com/Images/Review/Canon-EF-50mm-f-1.8-II-Lens.jpg

من الصور اللي صورتها بنفس هالكميرا

http://img4.imageshack.us/img4/5033/13098641631.jpg (http://imageshack.us/photo/my-images/4/13098641631.jpg/)


للامانه الصور كلها من النت اللي يبي يتأكد من الكاميرا وباقي العده ومن نضافتها له مني معاينتها قبل الدفع او ارفع لكم صور للكاميرا على الموقع


طبعاً الكاميرا مشتريها سنه 2009 تقريبا بسعر 3800 ريال والعدسه 100 مشتريها سنه 2007 لكن استخدامي لهم فقط لتصوير المناسبات الخاصه جدا, يعني عدد الصور تقريبا 7000 صوره وهي عدد بسيط جدا اما باقي العده فهي جديده مشتراها من 5 شهور وضماناتها ساريه

للتواصل
0543441280

للجادين فقط
متواجد في مدينة بريده ( القصيم )

[حسن خليف]

العدسة 100 لحالها بكم ؟

[سلطان العتيق]

العدسة 100 لحالها بكم ؟

مالي حد فيها لكن خلك قريب كانك صامل لو مااحد سامها بحدها بسعر والله الرزاق.

وصلتني سومه عن طريق الجوال بس اعتقد راعيها غلطان بنوع العدسه لكن وضحت له وانا بتظار سوماتكم
:)

[سفير آلحب]

آخـوي آنـآ أسـووم العدة1200 وإعتبرهـآ بدآيـة سـووم

[حفراوي929]

1500

الكاميرا والعدسه االاصليه ,

[حفراوي929]

بدون العده الباقيه طبعاً ,



واذا مع العده اشوف حدك كم ؟



انتظرك

[Mr.SaMi]

هلا آخوي سلطآن
آسوم آلحآمل من الرآس بـ 250
وموقعي بريدة

[mjooode]

اخوووي بالنسبة للفلاش
سومتي له 500 ريال
علما ان سعر الجديد بـ 975

[سلطان العتيق]

1500

الكاميرا والعدسه االاصليه ,

سومتاً طيبه من وجهً طيب

وصلت سومت الكاميرا 1550 عن طريق الجوال

[سلطان العتيق]

العدسة 100mm سيمت ٥٠٠ ريال عن طريق الجوال

[سلطان العتيق]

هلا آخوي سلطآن
آسوم آلحآمل من الرآس بـ 250
وموقعي بريدة

اخوي سامي كن سومتك نازله بالحييل

سعر الجديد مع الراس بحدود 1000 ريال

الحامل ايطالي اصلييي

[Mr.SaMi]

المعذره يالغالي ع بالي انه نفس هذا
http://cam4sell.com/265,ar_manfrotto-190xdb-kit.html
والله يرزقك البيعه اللي بخآطرك

[وليد السودي]

أسوم الراس بحال ب150 ريال

[سلطان العتيق]

المعذره يالغالي ع بالي انه نفس هذا
http://cam4sell.com/265,ar_manfrotto-190xdb-kit.html
والله يرزقك البيعه اللي بخآطرك


اخوي سامي هذا نفسه
بس الراس يختلف لان الراس اللي حاطينه بالموقع كوري

هذا الراس ايطالي
يعني الحامل لحاله والراس لحاله كل واحد له سعر :D

يمكن اني بالغت بالسعر وقلت بحدود الالف لكن ابشوف لك الفاتوره وبرد لك

[المكشاتي2]

اسوم الكام 1600 ريال ...................0500500569

[سلطان العتيق]

اسوم الكام 1600 ريال ...................0500500569

سومتن طيبه
وتسلم

[mjooode]

اخوووي سلطان مارديت على سومتي للفلاش

[(الهدد)]

السلام عليكم ورحمة الله وبركاته
العدسه mm100 اسوم بــ 550 ريال
وانا من سكان الرياض والشحن علي
والله يكتب الي فيه الخير

[التميمي محمد]

اخوي سلطان انا رجال مبتدى هل تنصحني في 450

[حسن خليف]

بالنسبة للعدسة

هل تقصد

Canon EF 100mm f/2.0 USM

او

Canon EF 100mm f/2.8 USM


هل هي عدسة ماكرو وآلا. ؟؟
وكيف مشتراها ربي يحفظك

[سلطان العتيق]

بالنسبة للعدسة

هل تقصد
Canon EF 100mm f/2.0 USM

او

Canon EF 100mm f/2.8 USM


هل هي عدسة ماكرو وآلا. ؟؟
وكيف مشتراها ربي يحفظك


اخوي حسن
العدسه ماهي ماكرو وفتحت العدسه 2.0
ومشتراها طال عمرك : في امريكا الحين سعرها 1800 ريال
والعدسه نضيفه :)

[سلطان العتيق]

السلام عليكم ورحمة الله وبركاته
العدسه mm100 اسوم بــ 550 ريال
وانا من سكان الرياض والشحن علي
والله يكتب الي فيه الخير

آمين الله يكتب اللي فيه الخير

وتراي ماني بعيد:)

[سلطان العتيق]

اخوووي سلطان مارديت على سومتي للفلاش

سومتك على العين والراس
بس الفلاش جديييد مره وحده بس غيرت بطارياته

[omdano]

الله يوفقك في البيعه

[mjooode]

ارفع سومتي 550
والله يوفقك

[سلطان العتيق]

للرفع
:):):)

[mjooode]

يالله يا سلطان سومتي 630 ريال وما اقدر ازوود
فرقت عن الجديد حدود 300 ..
ان شاء الله يكون من نصيبي ..
واذا ما اعجبتك الله يوفقك

[سلطان العتيق]

يالله يا سلطان سومتي 630 ريال وما اقدر ازوود
فرقت عن الجديد حدود 300 ..
ان شاء الله يكون من نصيبي ..
واذا ما اعجبتك الله يوفقك

موقعك ياماجد

و 700 وش قلت ؟؟ :D

تاخذه اليوم كانك بالقصيم :good2:

وتراك وانا اخوك عد نفسك شاري فلاش جديد واذا شفته بيثبت لك كلامي

[كانون666]

اخوي كم حدك بلكام والعدسه الاصليه

[التميمي محمد]

كم حدك في العده كامله ياليت ترسلي حدك على الخاص ان جازلي حولتلك الفلوس

[سلطان العتيق]

كم حدك في العده كامله ياليت ترسلي حدك على الخاص ان جازلي حولتلك الفلوس

لك رساله على الخاص

[(الهدد)]

السلام عليكم ورحمة الله وبركاته
العدسه mm100 اسوم بــ 550 ريال
وانا من سكان الرياض والشحن علي
والله يكتب الي فيه الخير

اسحب سومتي اخوي
لاني شريت عدسه ثانيه
وبالتوفيق

[mjooode]

موقعي حايل اخووي ..
وعشانك 650 ما اقدر ادفع زيادة ..
وعاد نشوف احولك وترسلي الفلاش ولا انا يمكن لي طلعة للقصيم هاليومين ..

[أبو نـآيف]

عدسة Canon EF 50mm f/1.8 II

ابي ذي كم تبي فيها

[كانون666]

كم حدك بلكام والعدسه الاصليه ارسلي

[سلطان العتيق]

كم حدك بلكام والعدسه الاصليه ارسلي

حياك يالغالي

حدي به طال عمرك 1800 :)

[سلطان العتيق]

عدسة Canon EF 50mm f/1.8 II

ابي ذي كم تبي فيها



ابو نايف اليوم كلمني واحد يبي العدستين وكان بيرد لي البارح او اليوم

وانا حديته عليه بـ 200

لو جد جديد بقولك :) .... يمكن يهوّن

[هــبــص]

اخوي ابغى بكامل اغراضها بكم ؟ .. وجااد في الشراء والرد ضروري

[سلطان العتيق]

موقعي حايل اخووي ..
وعشانك 650 ما اقدر ادفع زيادة ..
وعاد نشوف احولك وترسلي الفلاش ولا انا يمكن لي طلعة للقصيم هاليومين ..

نفس الرجال اللي كلمني عن العدسات بالرد على ابو نايف
يبي بعد الفلاش وحديته عليه بـ 700

لو جد جديد بحط لك خبر وبسومتك :)

حلوين ؟؟

[هــبــص]

اخوي ابغى بكامل اغراضها بكم ؟ .. وجااد في الشراء والرد ضروري

[mjooode]

خلاص اخووي شف الرجال ورد لي انا انتظركـ ..
واذا لي نصيب فيه باخذه ان شاء الله

[سلطان العتيق]

خلاص اخووي شف الرجال ورد لي انا انتظركـ ..
واذا لي نصيب فيه باخذه ان شاء الله

اخوي ماجد

الرجال استخار وانتظر منك الرد :)

[al saloom7]

اخوي سلطان انا رجال مبتدى هل تنصحني في 450

أنصحك بكميرا كانون 1000 دي احترافيه وحجمها صغير شوي 14.5 ميجا بيكسل

وقيمتها جديده 1999 أنصحك بها أنا كنت مبتدئ وشريت هالكميراهذي شفت وتعلمت عليها وعرفت الاعدادات
كلها الحمد الله وانا اللحين جالس أدور كام أحترافيه أفضل منها مواصفات ....

وهذى مجرد رآيي أنا وكم واحد سألته يقول لا تشري كميرا غااااليه وانت ماتتعرف تصور
تعلم على النوع 1000 دي

ثم أشر كام غاليه مواصفات أكويسه مجرد رائي تقبل مروري ,,

[al saloom7]

انا اللي دقيت عليك بالليل وهذا رقم جوالي 0503022883

موعدنا أنشاء الله يوم السبت بنصف العصر باي ادق عليك أنشاء الله

[سلطان العتيق]

انا اللي دقيت عليك بالليل وهذا رقم جوالي 0503022883

موعدنا أنشاء الله يوم السبت بنصف العصر باي ادق عليك أنشاء الله

تم انشالله

[أبو نـآيف]

ابو نايف اليوم كلمني واحد يبي العدستين وكان بيرد لي البارح او اليوم

وانا حديته عليه بـ 200

لو جد جديد بقولك :) .... يمكن يهوّن


انتظرك وتراني شراي بحدكـ شرط انها على كلام كنظافه مع كامل الاغراض + الفاتوره :)

[ادليلة]

الكامرا كامله جميع العدد 1900 ريال

[mjooode]

خلاص اخووي سلطان انا راح اكلمك اليوم ..
وان شاء الله جازم على الفلاش

[Abdullah_888]

اسوم الترايبود والراس 400

[شمالي 30]

اخوي كم تبي ب العده كامله ؟

[سلطان العتيق]

انتظرك وتراني شراي بحدكـ شرط انها على كلام كنظافه مع كامل الاغراض + الفاتوره :)

تم انشاء الله

وانا بنتظار اتصالك :)

[سلطان العتيق]

اسوم الترايبود والراس 400

سومتن طيبه
وحدي موب بعيد

وتراه اخو الجديد وبكرتوونه

[سلطان العتيق]

اخوي كم تبي ب العده كامله ؟

حياك
ابي بالعده 3800 ريال لكن شوفت عينك الشباب ماشاء الله كلن يبي له قطعه لكن الى الحين ماانباع منها شي

اليوم بالليل بيكون فيه تحديث عن القطع الباقيه كانهم صملو :)

[Abdullah_888]

سومتن طيبه
وحدي موب بعيد

وتراه اخو الجديد وبكرتوونه

دامك منت بعيد اجل قل مبروك وتوكلنا على الله ....

[سلطان العتيق]

دامك منت بعيد اجل قل مبروك وتوكلنا على الله ....

مبروك على اللي موب بعيد ولا مبروك على الـ 400

كانها على الـ 400 فهي ماتوفي والله عارف ان الـ 100 ماتفرق بس مقارنه بالقيه الاجماليه تفرق طال عمرك

مبروك عليك بـ 500 وش قلت ؟

[سلطان العتيق]

للرفع


:) :)

[mr.asem]

أخوي الله يعافيك

الترايبود وش يجي معه

[Abdullah_888]

بغيت اسالك عن الراس فيه ٣ انواع كروي هذا ايهم
طبعا بالنسبه للسعر كم سعره جديد هل هو الصغير او الوسط او الكبير

[سلطان العتيق]

تم بيع الفلاش

وبالنسبه لمقاس الراس اعتقد انه متوسط

اما سعر الراس لحاله حدود ال ٢٠٠ ريال او زياده ( جديد )

[سلطان العتيق]

أخوي الله يعافيك

الترايبود وش يجي معه

ترايبود وراس فقط

[سلطان العتيق]

للرفع
:) :)

[rayan adel]

عزيزي انا عند سومتي ٥٥٠ ريال
لل ١٠٠ مم

[سلطان العتيق]

عزيزي انا عند سومتي 550 ريال
لل 100 مم

600 عطيتك

صفّها وقل تم

[سعيد الزبيدي]

كم رقم الموديل الخاص بالحامل الثلاثي !

[فهد بن مشبب العاصمي]

أخوي سلطان انا ابي ال100 بحدك 600 ريال وهذا رقمي 0506883430

[سلطان العتيق]

كم رقم الموديل الخاص بالحامل الثلاثي !


هذا موديله عزيزي :

Manfrotto 055XDB Tripod Legs

[سلطان العتيق]

أخوي سلطان انا ابي ال100 بحدك 600 ريال وهذا رقمي 0506883430

اتصلت عليك اخوي فهد ومارديت

ليتك تعيد الاتصال بي

:)

[عشقي رغبه]

السلام عليكم

اخوي ابي الكام مع عدت وكالتها مابي الحامل ولا شي كم وصل سومها؟ والبدي نظيف ماجاه ظربات شي لاسمح الله

انتظر ردك

[ابوفهوود]

مرحبا اخوي

انا شراي بحدكـ شرط انها على كلامك بنظافها مع كامل الاغراض الكرتون + الفاتوره :)

رقمي على الخاص
ولك تحياتي....

[سلطان العتيق]

مرحبا اخوي

انا شراي بحدكـ شرط انها على كلامك بنظافها مع كامل الاغراض الكرتون + الفاتوره :)

رقمي على الخاص
ولك تحياتي....

شراي وشو

وش اللي تبيه طال عمرك

[جيب ربع2011]

أخوي إذا فهد مو ماخذ 100mm أنا باخذها منك بنفس حدك بـ600

و هذا جوالي و أنا موجود الآن 0504984424

و كذلك ودي آخذ منك الـ 50mm معها و احتمال الستاند إذا ناسبني سعره ...

أهم شي النظافه يخوك

[سلطان العتيق]

آسف على التأخير بالرد

التحديثات :

الباقي من العده الكاميرا بس الباقي انباع ولله الحمد

الكاميرا انسامت ١٦٠٠ وحدي به ١٨٠٠

تحياتي..

[جيب ربع2011]

ماشاء الله عليك لا تتعب خلق الله دامك تحط موضوع و تبيع برى...

عموماً موفق..

[أبو نـآيف]

الدعوى سواليف ؟؟؟؟

تقول بعتك وانتظر اتصالك واخرته كذا !!

[سلطان العتيق]

ماشاء الله عليك لا تتعب خلق الله دامك تحط موضوع و تبيع برى...

عموماً موفق..

الله يجزاك خير على كلامك

بس ترى كل اللي اشتروه اعضاء المنتدى

وآخرها العدسات والحامل اشتراهم الاخ فهد مشبب العاصمي

الله يسامحك :)

[سلطان العتيق]

الدعوى سواليف ؟؟؟؟

تقول بعتك وانتظر اتصالك واخرته كذا !!

عزيزي ما اذكر اني بعتك شي وان كاني بايعك ونسيتك قللي وش اللي يرضيك وانا حاضر :)

واعذرني ان كاني غلطت وترى والله جاني الف اتصال وماقمت اجمع وهذا غير اللي سوى سوايا مايعلمها الا ربك

العذر والسموحه

[أبو نـآيف]

تم انشاء الله

وانا بنتظار اتصالك :)


هذي وشي ؟

والرسايل عل الخاص كلها ماشفتها ;)

الله يرزقك سلعتك وانت حر لكن لاتعلقنا

[LQS-]

موجود الفلاش ؟

[سلطان العتيق]

هذي وشي ؟

والرسايل عل الخاص كلها ماشفتها ;)

الله يرزقك سلعتك وانت حر لكن لاتعلقنا

والرسايل عل الخاص كلها ماشفتها ;) وش قصدك ؟؟!! ابتهرب يعني ؟؟

اخوي ابو نايف
لو اني مارجعت للرسايل الخاصه وقريتها كلها كان ماقلت كلامي اللي قلته لكن

ما اقول الا الله يجزاك خير على ماتقوله وان كان الواحد له حق فهو بياخذه (حي والا ميت)

ورجاء اذا تبي مني شي اتصل علي جوالي معاك


لان العده كلها انباعت والموضوع اتمنى من المشرفين اقفاله

وشكرا لكم اعضاء مكشات ( الصالح والطالح )

[أبو نـآيف]

بغض النظر عن عدتك

هاللحين تسوم سلعه وراعيها وافق واكتشفت انه باعها على غيرك ماخذ بسومتك !
وهو بايعك وشرايك . ؟
,,, انا اشوف انها عيب هالحركه وماهي من اصول البيع

وانا قلت لك على راحتك سلعتك وانت حر يعني مابي منك شي الله لايحوجنا لعباده

[ابوفهوود]

اذا العدسه 50 موجوده انا ابيها ورقمي موجود على الخاص عندك

[يَاحُبِي له]

اذا الموجود الفلأش يآلغالي انا شرآآي وجاهز ياليت تبلغنآ عبر هالموضوع او برسالة خاصة
الله لأيهينك

[نواف الشرقيه]

الكاميرا موجوده ؟؟؟ اذا موجوده الكامير بدون العده سوم 1650

[mgnasmissan]

ماشاء الله