خمسين الف تجيب سيارة زينة عائلية ولا لا؟؟؟؟؟ [الأرشيف]

مشاهدة النسخة كاملة : خمسين الف تجيب سيارة زينة عائلية ولا لا؟؟؟؟؟

dr_mal7os

02/08/2011, 02:25 PM

السلام عليكم
معاي 50000
وودي بموتر للعائلة لي انا وزوجتي حق سفر خطوط طويلة وبر وتماشي يعني مثلكم خابرين مادري تجيب موتر كويس مثل فورتشينر ولا صالون ولا يوكن او تاهو مستعمل ولا احطها مقدم بموتر جديد تاهو مثلا والبقية اقساط علما بان لدي قرض من البنك رايكم يهمنا ؟؟؟؟؟؟
والسلام عليكم

صقرحايل

02/08/2011, 02:48 PM

مرحبا اخوى
الوقت هذ ما اضاهر هذ وقت الجشع والطمع كلن زود با الاسعار
بس الراي انك تحطه دفعه مقدم لموتر جديد مثل جمس سبرمان دبل
والله يوفقك

عبادي 2011

02/08/2011, 04:21 PM

و الله و انا اخوك .... شوف المستعمل صحيح ارخص من الوكالة ولكن تخاف منه قد يكون فيه عيب ما انتبهت له فا بعدها تندم انك شريته لانه بيشغلك و يشغل جيبك .. لكن اذا انت فاهم و عارف او تعرف احد يصدقك في السيارة سواء صاحبها او مكانيكي صادق و امين و يشيك على السيارة كامله ماكينة و دفرنس و قير و كمبرسر و تهريب كهرب و يفضل ان ما تكون مرهمه بزوائد مثل زينون او كبوس او اي شي كهربائي لان الكهرب مشكله حتى لو كان تنجيد ... و الله احيانا تحصل موديل 2004 او اكثر او اقل و بالسعر هذا و نظيف لكن الطيب ناااااادر و القديم تخاف من انتهاء عمر القطع الاستهلاكيه ... هذي ايجابيات و سليبيات المستعمل ...

اما الجديد ... غالي و تكلف على نفسك ملا تطيق خاصه ان عليك قرض و راح تنكوي بالقصد كل شهر لين تخلص الاقساط ... صحيح انه نظيف الجديد و تحت الضمان لكن الحال ما تساعد و على فكرة تراها قسمه و نصيب و الله يافيه ناس اشترت جديد و تبهدل فيه مثل واحد العام اشتراه و كاله و طلع صوت في الدفرنس و واحد طلع صوت في الماكينة و واحد و واحد يعني حتى بعض الوكلاء فيهم غش او ما يساعدك اذا طلع عيب مصنعي يقول نصلحها و هي جديده و هذا ظلم .... و لعلمك خمسين دفعه لتاهو او يوكن ما يعطيك اقساط يعطيك تأجير منتهي بالتمليك و حرام ياشيخ تحط خمسين الف في تأجير و لو تأخرت شهر راح عليك كل شيء ... اقول لو انت مو مستعجل دور لك موديل 2006 او 2005 نظيف استخدام شايب ولا تاخذه من المعارض او الحراج و الله يا في بعضهم النصب و الاحتيال و لا يخافون من الله يحلف و يقسم و اخرتها على راسك مثلي اشتريت مره سيارة مستعمله طلع فيها خراب من اول يوم نقلتها بأسمي و يوم رجعت قال قسمه و نصيب و هذا سوق و انت شريت قدام عينك علما و الله اني فحصتها و رحت عليها كم مشوار قريب و سرعات عليه قبل النقل لكن سبحان الله فعلا قسمه و نصيب طلع الخراب بعد المبايعه بيوم قلت الشكوه لله وان كان لي حق عندك باخذه يوم العرض الاكبر على الله ....

فا انتبه لا تضيق على روحك بالاقساط و انتبه لا تشري شي مستعمل تندم عليه يعني احسبها صح مع ديونك للجديد او افحص مضبوط للمستعمل ...
ادري طولت عليك لكن من حر مابقلبي على الشريطيه .... و اخرها استخر قبل كل شريه سوا مستعمل او جديد ولا تستعجل و تقول الحين بتروح السيارة مني خلك هادي وقل ان كان لي نصيب باخذها و اذا اخذتها قل ادع بالبركه و لو سمح الله صار شيء قل قدر الله و ماشاء فعل خاصه اذا كنت مستخير معناه الي حصل خير لك لكن حنا نبي كل شي على الكيف ...
و اتمنى لك التوفيق يارب و ان الله يرزق سيارة نظيفه و مبروكه ولا تحتاج شيء ابد ,,,,

.. Anas ..

02/08/2011, 11:24 PM

وجهة نظري يا غالي
دور لك سيارة نظيفة مثل يوكن
أبرك لك من الأقساط والقروض وانت متزوج ويرزقك الله عيال ومصاريف

وجهة نظري

سيوووفي

03/08/2011, 12:50 AM

نصيحتين فقط !!!

أولا: إبتعد عن الدين

أ- إستعاذ منه الرسول صلى الله عليه و سلم. ب- مثل> الدين عمى عين. ج- أخوي راتبه أكثر من 15 ألف يتسلف منى وأنا عاطل بسبب الديون..... تبي أزيدك ولا يكفى.؟

ثانياً : خذلك باثفندر 2005-2006 يااااخي نظيف يخدمك ثلاث سنوات لمى تفتك من ديونك ثمن دق جيب لكزس جديد وأرجع للديون:D

ابوسامي 2011

03/08/2011, 01:28 AM

50000دفعه عطنيها واختر السياره التي بخاطرك والباقي كل شهر 1000 فقط

كسير الحظ

03/08/2011, 01:57 AM

وعليكم السلام

تحصل من موديلات الفين وسته و تحت
وممكن توسع خياراتك الى فورد اكسبلور او اكسبدشن

والسعر يعتمد على الموتر سعودي او خليجي او امريكي مستورد
وهل جاته صدوم او رشات او لا
وهل ممشاه واجد او قليل

وهل فيه دبل ومواصفاته كامله ( فل ابشن ) او لا

نصيحة اخيرة
اذا تبي النظيف و السعر المناسب
لا تستعجل وحاول انك تبحث عن الموتر المعروض عند راعيه افضل من انك تشريها من المعرض ( وجهة نظر )

موفق يارب

رااس القطاه

03/08/2011, 02:12 AM

الله يرزقك ومبرووك عليك الشهر

أميرالعشاق

03/08/2011, 02:24 AM

الله يوفقك ويرزقك...ونصيحتي/ابتعد ..ابتعد..ابتعد عن الأقساط ..
ان حصلت لك سيارة من 2006 وتحت ونظيفة ..فبإذن الله تخدم معك سنين .. وخصوصاً إذا حافظت عليها واهتميت بها ...والله يرزقك من واسع فضله وييسر امورك

2003 بوريان

03/08/2011, 03:43 AM

نصحيه ابتعد عن الاقساط ولا تركب نفسك ديووووون واقع تجربه

You Like Me

05/08/2011, 07:06 AM

وعليكم السلام ورحمه الله

والله مدام انك مرتبط بدين سابق لا تضيق على نفسك وانا اخوك
والمبلغ اللي معك فيه الخير لكن يبيلك تصبر شوي وتتشوف
على راحتك وما تستعجل .......
وبتحصل إن شاء الله يوكون او تاهو من مديلات 2004 , 2005
حتى لو إستخدام امريكي
وقبل هذا كله عليك بالإستخارة قبل اي شي
والله يكتب لنا ولك اللي فيه الخير

طيرشلوى 2

05/08/2011, 07:25 AM

جمس صالون موديل 2000

باسل نجد

07/08/2011, 02:44 AM

تبي نصيحتي وانا اخوك وخاصة ان عليك ديووووووووون

انحش عن الدين تسلم
ياخوي عيالك أولى وأحق بالاقساط اللي بياخذونها التجار من وراك
ايش الفايده من السيارة وانت مضيق على نفسك وعلى عيالك مادياً
ياخوي 50000ريال فيها برررررركه
باث فاندر أو جيب باترول اللي يقولون عنه سلقه أو يوكن أوتاهو بتلاقي موديل 2005أو 2006
بس اهم شي تحرص من الشريطية لايوقعونك في فخ وتبحث عن طريق معارفك وانشاء الله بتحصل
- ولاتستعجل-
بتستانس وتبقى فليساتك بمخباتك وتقدر تتمشى انت وعييلك ومالك ومال الديون

عسى الله ان يرزقك ويكفيك شر الشريطية ومكرهم

نديم الشمال

08/08/2011, 03:44 AM

باسل نجد

08/08/2011, 04:13 AM

الرجال يقول فلوسه 50 الف

ياخوي انا معي 50 لي ثلاث شهور ما حصلت سياره

اخر شي اشتريت هايلكس غمارتين 2006 وستغنيت الله عن الصوالين

هالايامالصوالين غاليه بلحيل ما تقدر حتى تجيب 2003 بالخمسين

انصحك نصيحة اخو اصبر لين عقب رمضان يمكن تهدا الاسعار شوي

انا رحت التويوتا ابي فورتشنر قالولي ب 150 الف مقدم خمسين الف

والله ما تسوا علينا

لا تشكيلي ابكيلك

خلك لين عقب رمضان تلقى ان شالله
والله وانا اخوك ان الهايلكس اللي انت شريتها ابرك لك من الديون اللي يقطعون بها ظهرك الشريطية ويتكسبون من وراك أو البنوك
صدقني لو على سيكل بس اهم شي تكون ماتضيق على نفسك وعلى عييلك ماديا
ومثل ما قلت بعد رمضان او بعد الحج ممكن تنزل الصوالين شوي وبتحصلون اللي تبون اهم شي لاتستعجلون
الله يرزقنا ويرزقكم اجمعين

محمد حمدان

31/08/2011, 08:03 PM

الأخ عبادي2011 كفا ووفا الله يوفقه

عبدالله 1984

31/08/2011, 08:10 PM

تبي نصيحتي اشتري اف جي 2007 امريكي

وان شاء الله مارح تخسر