يوسف الخليفة1
02/08/2011, 03:12 PM
بسم الله الرحمن الرحيم
السلام عليكم ورحمة الله وبركاته
يا زين برحيه على جال حابوط=رفيعتن فوق الجرايد نماها
شمروخها منضود ما هوب مفروط=جمارها ريان من سقي ماها
لون البلح يجذب مدا الشوف مربوط=بالبسره الصفرا تزايد حلاها
تشدي لمارس داخل التوفي مغطوط=والا كما شمع النحل في خلاها
والا كما السكر مع الدبس مخلوط=مسكوب بلقيمات لينه غطاها
يرويها دفق الساقي من غير ناقوط=من جمتن رب الخلايق ملاها
عسيبها يومي بالارياح كالسوط=والا كما ذيل الرمك بامغزاها
من بينها شمس الضحا ترسل خيوط=بالما رهيف الطيف يلحق مداها
ناعم سعفها كنه قماش مشروط=يلعب مع الشرقي وغربي هواها
كن الكرب في حنيته صاج معفوط=شبا عليها الليف لين اعتلاها
فرخ بها العصفور في عش مضبوط=له فتحتن من خيط خيشه بناها
والقوقسي غنا بها الصوت مشحوط=يهيض منها اللي توحا غناها
ذكرتني يالورق شوطن ورا شوط=في ماضيه راحت بقلبي غلاها
عصر الصبا له في رهيف الحشا نوط=ذكرا تدق اجراس للي نساها
تبني سياجن حاط حول الخفا حوط=بين الحنايا مستلجن صداها
غفيت بالذكرا مساحات واخطوط=سجات خاطر بالضماير عراها
شريطها في سالف الوقت مسفوط=يعيد لاجل الشارده مبتغاها
يوسف الخليفة ( أبو عبد الله )
السلام عليكم ورحمة الله وبركاته
يا زين برحيه على جال حابوط=رفيعتن فوق الجرايد نماها
شمروخها منضود ما هوب مفروط=جمارها ريان من سقي ماها
لون البلح يجذب مدا الشوف مربوط=بالبسره الصفرا تزايد حلاها
تشدي لمارس داخل التوفي مغطوط=والا كما شمع النحل في خلاها
والا كما السكر مع الدبس مخلوط=مسكوب بلقيمات لينه غطاها
يرويها دفق الساقي من غير ناقوط=من جمتن رب الخلايق ملاها
عسيبها يومي بالارياح كالسوط=والا كما ذيل الرمك بامغزاها
من بينها شمس الضحا ترسل خيوط=بالما رهيف الطيف يلحق مداها
ناعم سعفها كنه قماش مشروط=يلعب مع الشرقي وغربي هواها
كن الكرب في حنيته صاج معفوط=شبا عليها الليف لين اعتلاها
فرخ بها العصفور في عش مضبوط=له فتحتن من خيط خيشه بناها
والقوقسي غنا بها الصوت مشحوط=يهيض منها اللي توحا غناها
ذكرتني يالورق شوطن ورا شوط=في ماضيه راحت بقلبي غلاها
عصر الصبا له في رهيف الحشا نوط=ذكرا تدق اجراس للي نساها
تبني سياجن حاط حول الخفا حوط=بين الحنايا مستلجن صداها
غفيت بالذكرا مساحات واخطوط=سجات خاطر بالضماير عراها
شريطها في سالف الوقت مسفوط=يعيد لاجل الشارده مبتغاها
يوسف الخليفة ( أبو عبد الله )