أريد مرشد سياحي [الأرشيف]

السيل الهادر

13/01/2006, 08:10 AM

أنا ناوي أكشت هاليومين وأريد الأخوان يرشدوني لمكان زين أكشت فيه

تكفون لاتبخلون علينا ( نبغى العشب @ الغدران @ الذرا ) وجميع الظروف الزينة :good:

لاتأخرون علينا جعلكم تسلمون والله يثيبكم

رحال الخبر

13/01/2006, 10:28 AM

ياهلا بالسيل

وين ديرتك
ووين ودك وحدودك بالمسير
وكم انتم ووش ميزانيتكم
ووش نوع سياراتكم
وهل عزاب ولا عوايل
ووش يسر خاطركم النفود ولا الصمان ولا الشواطيء
وابشر باللي يسرك ويسعدك وحنا بمكشات كلنا لكم .

رحال الخبر

13/01/2006, 11:24 AM

الاخ العزيز لعل الوقت لايسعفني لسماع ردك ولذا اختصر واعطيك مالدي وعذرا فان كنت قريب للنت رددت عليك ولكن خذ مالدي وبقية الاخوة ان شاء الله مايقصرون

بالنسبة للاماكن حول الرياض والشرقية وسدير عليك بفياض المشهورة والمعرفة بكبر حجمها وتتسع لألاف الناس وهي روضة خريم على طريق رماح شرق الرياض بـ100 كيلومتر تقريبا وروضة التنهاة شمال الرياض على طريق الطوقي والصمّان وتبعد ايضا حول 120 كيلو تقريبا
وان كنت تبي مكان اهدأ وقليل الناس عليك بارتياد وسط الصمّان وفيضة ام صحن وخبرا العودة فهي اجمل ولكن ابعد فهي تبعد عن الرياض حول 300 كيلو وطريق وعر بعض الشيء خلاف الفياض السابقة فهي تمر عبر طريق مسفلت .
وفيضة ام صحن وخبرا العودة احداثيتهم التالية
27،27،640
046،10،550

27،30،1009
046.09،547

ويوجد فيضة جيدة الربيع شمال رماح وهي فيضة هجرية واحداثيتها التالي
26،41،480
047،26،530

وكذلك
فيضة المعترضة
26،38،798
047،30،200

او
أم المصران
26،36،540
047،34،170
وتقبل تحياتي اخي العزيز

ابوذيب

13/01/2006, 12:03 PM

ماقصر رحال الخبر وفى وكفى

عموما اذا تبي دليله خوي موجود اليوميه له 1000 الف ريال ولا احد يعترضه في الاوامر وان يعامل معاملة خمسة نجوم
وترسلون له مقدما 5000 الاف ريال وتذكرة طياره يجيكم باقرب مطار ،، والا تحولون على حسابه في بنك البلاد رقم صفر صفرين 3 اصفار زيرو

كل عام وانت بخير ،فيه موضوع مثبت باول الصفحه فيه كل ماتبي بس اقرأوا ايها الناس

السيل الهادر

13/01/2006, 06:28 PM

بيض الله وجهك يا رحال الخبر والله انك سنع وسنافي وتصلح خوي الله لايحرمنا من نصايحك

وانت يابو ذيب جزاك الله خير على هالمداخله اللي تفتح النفس وتشرح الصدر للبر :D

ولي رجعه مفصله

ابوذيب

14/01/2006, 01:15 AM

تسلم يالسيل الهادر والله يوفقك

رحال الخبر

21/01/2006, 10:50 AM

اخي السيل الهادر
تحياتي ورحلة ان شاء الله موفقة ونبي الصور اللي تشرح الصدر ومعافى ان شاء الله وتروحون وترجعون بالسلامة

Abo_Saeed

23/01/2006, 09:10 AM

أخي رحال الخبر

ابسألك عن اماكن تستحق الكشته فيها

سمعت من يمدح المناطق التي خلف النعيرية وانت على طريق الحفر ، لكن لم يسبق اني تعديت النعيرية ، لذلك احتاج لدليل ينورنا بالوصف والأحداثيات ان أمكن

مع العلم ان كلنا اثنين -انا وخويي- جهزنا حالنا ليومين آخر الأسبوع سنذهب وانجرب ونستكشف المنطقة

اقترح لنا من واقع خبرتك خط سير لهذه المده مع العلم اننا لا نريد ان نستقر في مكان واحد ، يعني انزل تقهوه والا تغدى وكمل التمشي

والسيارة رباعي الدفع ، و تانكي بنزين واحد ما ادري نحصل محطات بنزين في المناطقة النائية؟

اتوقع انك تسأل عن نقطة الإنطلاق من اين؟ اجعل نقطة الإنطلاق من بيتكم لأني ساكن حولكم !!!!!

وجزاك الله خير ...

Abo_Saeed

27/01/2006, 12:16 AM

وين الجماعة .......!!!