دخلنا عش الدبابير . . قصة قصيرة ومقاصد نبيلة . . ارجو الدخول

[its right]

الإخوة الأعزاء
السلام عليكم ورحمة الله وبركاته
الشهر عليكم مبارك وكل عام وانتم بخير
وأسال الله أن نكون من المقبولين في هذا الشهر الفضيل
إخواني الأعزاء كتبت قبل ثلاث سنوات وفي شهر رمضان تحديدا
موضوع على هذا الرابط
http://www.mekshat.com/vb/showthread.php?t=155235&page=2 (http://www.mekshat.com/vb/showthread.php?t=155235&page=2)
واليوم اكرر نفس الموضوع لعل وعسى أن ينفع الله به
بعد أن تفاقم الأمر إلى درجة يصعب علاجها إلا بالعقل الحصيف والتصرف الرشيد
إخواني نشاهد وتشاهدون الأسعار غير المنطقية لمنتجات بريموس تحديدا
هذه الشركة التي أنتجت فأجادت في بعض منتجاتها والحق يقال
ولكن هل يعقل أن تصل لهذه الأسعار الفلكية
الدبات وبعض المواقد وصلت أسعارها للألف والإلفين والثلاثة !!!!!!!
حتى المواقع الالكترونية ارتفعت فيها أسعار هذه السلع بسببنا
رحمتك يارب
الأولين يقولون ما هان تبارك ويقولون الغالي دواه الترك
كنا أول نطلع بالقز أبو ثلاث عيون اللي يجي زهر وبعدين تطورنا شوي لابو عينين اللي يتسفط
والى بكره اكشت به من 11 سنة مع الرفقة الطيبة تكمل الكشته
ياخواني اعلم أني بموضوعي هذا دخلت عش الدبابير فالموضوع شائك من الطرفين
البائع من طرف والمستخدم المتعصب من طرف اخر
ما يحصل الان نتيجة حتمية بدأت شرارتها قبل ثلاث سنوات وأكثر وستستمر . . .
ولكن إلى أين ؟
الله اعلم
يمكن يسأل واحد ويقول طيب أنت وش اللي مضايقك من الموضوع ؟
خل الناس تشتري وتبيع وترزق الله
والله لم اكتب حرفا واحدا حسدا لأحد
ولكن المال في أيدينا أمانة وسوف نسأل عنها
اللي أشعل الشرارة موضوع صار بيني وبين احد الزملاء كنت عنده في بيته ويوريني مواقد توه شاريها من كل مكان
وهذا بألف وسبع وهذا بتسع ميه وهذا وهذا وهذا
فقلت له كل هذي بتستخدمها يابو ابراهيم
اربعة مواقد بريموس ام عينين و11 دبة بريمس وحدث ولا حرج من العنكبوتيات
والمواقد الصغيرة وغيرها الكثير الكثير
ياخي خاف ربك وتفاجأ من ردة فعلي شوي والحقيقة تحسفت ولطفت الجو
وقلت له خلنا نتناقش بهدوووء وبعقلانية وبصراحة فسألته كم قيمة هالاغراض تقريبا فبحسبة بسيطة
طلعت حول 14 الف ريال تقريبا وبيته إيجار يقص الظهر وفي ضحية يشتكي من غلاء الأضاحي
ويضحي بـ 500 ريال تذبح في الخارج وعنده مصاريف وفواتير وطلبات عيال ما تنتهي زيهم زي غيرهم
ويتضايق من غلاء الاسعار ومقاضي رمضان
وملابس العيد وبعد العيد مقاضي المدارس وووو
يوم انتهى الحوار دمعت عيونه وتحسف على !!!
يا خواني هاجس كل رب أسرة شراء بيت لأسرته في ظل هذا الغلاء الفاحش والواحد جالس يضيع مدخراته
ويتسلف علشان يشتري موقد بالف وخمس
والسؤال هل بيتك ملك ؟ وهل سيارتك بدون اقساط ؟ وهل راتبك بدون اقساط ؟
اللي يقول انا مغنيني الله وابشتري اللي ابي نقوله ما نقصدك القصد غيرك ولا نبرر لك
والبديل ولله الحمد موجود والجودة موجودة لا تتعداها
ولاهي حكر على بريموس
ولنا في قصص الهالكين خير مثل
عندما كانو امنين مطمئنين ياتيهم رزقهم رغدا من كل مكان
شوفو هالمقطع الهللة وش تسوي
http://www.safeshare.tv/v/kQUU-sSxujA (http://www.safeshare.tv/v/kQUU-sSxujA)
وفيه ناس في الصومال وافريقيا وعندنا بس ما دورناهم ما يلقون اللي ياكلونه
وأنا مسئول عن هالكلام فيه ناس في الرياض تحديدا تحت خط الفقر
بس ما ندري عنهم لانا ما بحثنا عنهم يعني نستثمر مع الله في تجارة رابحة في هذا الشهر الفضيل
فقد لا ندركه العام القادم وقد لا نكمله هذا العام


هذا مجرد رأي شخصي كتبته بحرية مطلقة فان أصبت فمن الله وان أخطأت فمن نفسي والشيطان


تقبلو ما كتبت بصدر رحب
تقبل الله منا ومنكم صالح الاعمال

[لكزس_جيب]

صدقت والله .. وبارك الله فيك ..
الله لا يحرمك الأجر ..

[ابن مشيلح]

الله يجزاك خير المقطع مؤثر جدا
الله لايعذبنا باموالنا يوم القيامه

[ابوامال1]

اخي الكريم
بارك الله فيك وجعلها في موازين اعمال
وبيض الله وجهك
لقد ابدعت
الله يكثر من امثالك
ويجزاك ووالديك الجنه
هذا الكلام الي
يرد الروح ويجعلنا من اهل
الخير اللهم امين يارب العالمين

[الفارس 2004]

جزاك الله خير والله يوفقك دنيا واخره

[ابو عبدالاله]

كلامك سليم 100%

صار التاجر هو المستفيد

التاجر اللي يبيع أصلي
والتاجر اللي يبيع تجاري

كل يرفع على هواه يكسب 1000%

[النوبل]

عليكم السلام ورحمة الله وبركاته

مبارك عليك الشهر أخي الغالي

والله ثم والله إن كلامك في محله أجل موقد والا دافور توصل لأسعار أنتم خابرينها

وماأقول إلا كما قال ابو فراس الحمداني ( وللناس فيما يعشقون مذاهب )


واتوقع السبب راجع للهوايات فهناك من يهتم بالنادر وهناك من يهتم بالقديم

وهناك من يهتم بالجيد والأصلي

والبديل متوفر والحمد لله


وأنا أشره على الي وراه التزامات وعيال وأحواله متوسطه ويهتم في أشياء لديه ماهو أهم منها

عندك فلوس ماتدري وين توديها بد لآخرتك شي أولآ بعدين حط في المواقد والدبات ماهو معقول



والله يجزاكم خير ويرحم أموات المسلمين أجمعين

[التميمي محمد]

جعل تسلم ذا اليدين يا رب على ذا الموضوع الرائع

جد اشوف عندنا هبال و اسمحلولي لو اسميه هبال

اجل اروح اشري دبه برايموس لونها برتقالي معفنه لها الف سنه ما اضمنها لو اضغطها غاز تنفقع في وجهي ولا لا
باسعار فلكيه و الحجه انها نادره طيب نادره وش اسوي فيها وش دخل اهلي في ندرتها
اشتري الجديد الاصلي يقوم بلواجب و يعشيني و يعشي ربعي معي

والله يا اخوان اني على كثر طلعاتي ما عندي الى دافور واحد صح انه غالي بحول 300 لاكنه اصلي برايموس من النوعيات الجديده

و الحمد لله كاده كد
اصلح عليه شاهيي و قهوتي و اطبخ عليه و الحمد لله قايم بلواجب و زياده

و صراحه موب بس الدوافير الي فيها هبال

حتا السيارات
يذكرلي واحد من ربعي سالفة رجال يعرفه شاري جمس موديل 1979 احمر زي حق الجح الي مع المصاريه

يقول والله يا محمد انه دافع فيه 95 الف

يا جماعه تكفون هاذا مجنون ولا صاحي

جمس قرمبعه موديل 79 بدفع فيه 95 الف

هاذا اسمه جنون

موديله قديم والله ما اضمن امسك به خط القصيم و ارجع لاهلي
ولا اضمنه اطلع عليه لدهنا و ارجع ولا اضمنه اروح عليه لاي مكان الى و انا مخزن رقم راعي السطحه ولا لازم اشبكه عشان اذا صرت بعيد يجيني:D

يا جماعه 95 الف قيمت ونيت جمس جديد موديل 2010 z71 :good2:
مركب شيوخ و عزم و منضر ماشاء الله و موتر جديد شغل و امش ولا تفكر لا في اعطال ولا في خرابات

جد عندنا هبال حب اقتناء النادر

و اسمحولي لو قلت هبال لان هاذي موب هوايه

الهوايه الي يقنص بطير الي يقنص ببندق
الي يغطس في البحر و يصيد
الي يطلع للبر و يكشت و يتمشاء و يمبسط و يغير جو المدينه
هاذي الهوايات و الهوايات كثيره

لاكن التبذير و اللعب بلفلوس هاذا عمره ماصار هوايه
هاذا والله هبال


و في الاخير اشكر اخوي كاتب الموضوع لانه ضرب على الوتر الحساس و ياليت بعض الاخوان يعقلون ويراجعون انفسهم



(للبيع دبه برايموس من عهد فرعون كان يطبخ عليها شاهي العصر)
ههههههههههههههههههههههههههههههههههه

[عيشه قشرا]

والله كلامك سليم انا الى الحين ودي اعرف وش الفايدة من تجميع الدوافير القديمة على غير سنع والله الجديدة زيها واحسن منها يعني الناس هابة على بريموس مدري ليه ياخي عندك كولمن نفس الفعالية واسعاره مقبولة ويقوم بالواجب وزيادة أذكر واحد من الشباب كان يدرس في الخارج وكان من النوعية ذي الي تشتري الدوافير بالهبل ويرسلها لبيته بالرياض يقول كان ساكن مع عائلة وفي يوم من الايام طلع معهم رحلة تخييم ولقى من بين اعراضهم دافور بريموس الاصفر الي منتشر هاليومين بالمنتدى الزبدة ان الولد انجن وكان يبي يشريه منهم ومدري ايش شوي الا ضحكو عليه يوم علمهم انه يجمع الحاجات ذي ويدفع الغالي والنفيس قالو له هالدافور شارينه قبل كم سنة من واحد بيعزل من بيته وكان حاط كراج سيلز على قولتهم ولا يفكرون يشترون ثاني الين ما يخرب وحنا الله لايوريك مغير نشري ونقط بالمخزن والقبو وخساير دراهم على غير سنع

[موادع 1]

الله يجزاك خير اخي الفاضل
كلامك منطقي جدا واؤيده 100 %
فعلا المقطع مؤثر جدا الله لا يحرمك الاجر

[ابو عزيززز]

جزاك الله خير اخوي


كلامك صحيح ولاعليه اختلاف


بارك الله فيك






(للبيع دبه برايموس من عهد فرعون كان يطبخ عليها شاهي العصر)






ههههههه


انباعت وانتهى العرض


شراها سرهيد:)

[ولع صقار]

لله يجزاك خير وللافضل انشالله

[سرهيد]

السلام عليكم

بالرغم ان اختيارك للعنوان غير مناسب جدا وفيه تجريح للآخرين بوصفك لمن تريد التحدث عنهم بالدبابير ، إلا اني الزمت نفسي بالرد وتمنيت ان اختيارك للعنوان كان افضل مما اخترت .

نعم الموضوع كما تقول حساس كونه يمس الشريحتين على قولتك التاجر ، والمستخدم المغررررررررررم بدال كلمة المتعصب .

وانا الحقيقة ممن امتلأ بيته بمجموعة مواقد والحقيقة اني احيانا اراجع نفسي واقول الى متى وبعدين ، لكن اذا دخلت الغرفة تغير الامر ...

لكن ابي اوضح نقطة اشوفها مهمة وهي اني اولا ولله الحمد لم اقصر على اهل البيت والبيت ملك والحمد لله ميسورة ، ومع ذلك اقول احيانا هذا ليس مبرر ؟

لكن احيانا اشوف انه ماخذه وقتي وموسع صدري ، وفيه فرق بين ساعة صدر في مثل هالامور وسعة صدر قد تكلفك اموال وقد تكون حرام .

انا هنا لا ابرر للجميع بان ما يفعلون انه على حق فيه ولكني اقيس بماذا ساشغل نفسي ان لم تكن هذه الاشياء عندي ..

يعني شخصيا انا اتسلى بها واوسع صدري بها .

ولو احسب كم كلفة ما لدي وجدت انه لا تصل الى 30000 الف ريال بينما لو تشوف بعض المغرمين باشياء اخرى مثل التراثيات او مزايين الابل واللي الوحده قد تصل الى ملايين الريالات ، ولست ابرر لي ولغيري ولكني اعطيك االواقع .

والواقع مليء بمن تعلق بحب السيارات بآلاف الريالات ومنهم من تعلق بجمع الاغنام ومنهم من تعلق بكذا وكذا .... الخ .. وكل وحسب هوايته .

النقطة الثانية : هي من يتعلق بمثل هذه الاشياء وتكلفه اسبوعيا او شهريا مبالغ لو طلب اهل بيته منه شيء قام يقول وشهوله وما له لزوم ولا عنده بيت ملك وراتبه يالله يالله ، هنا اقول توقف وخل مثل هالتعلق بعدين ولا تبدي غير المهم على المهم .

والحقيقة اني قبل ان اكوّن المهم كنت تارك كل ما يشغلني عن الاهم حتى تحقق المهم وبعدها بدأت بالاهتمام بغير المهم ولا يؤثر ابدا على المهم .

وهذه نقطة يجب ان يعيها الجميع


نقطة اخيره وهي ان هذا التعلق تعلق باشياء ليس في حاجتها الجميع فمن ارادها فليشتريها ومن لم يردها فهو ليس بحاجتها لها ..

فهذه الاشياء ليس مواد غذاية قد يساهم من تعلق بها برفع سعرها انما هي هوايات ولا يأتي لها الا من احبها .

وتركها لا يؤثر على من تركها






جزاك الله خير اخوي








كلامك صحيح ولاعليه اختلاف


بارك الله فيك









ههههههه


انباعت وانتهى العرض



شراها سرهيد:)



هههههههههههههههه

اجل سرهيد

انا ابشرك عندما اريد شراء اي قطعة اذا تعلقت بها اجعل لي سعر ولا يمكن اتجاوزة بأي حال من الاحوال ...

بعدين يا الشايب ابو عزيز ما تبي اذكرك يوم انك تقول ان فيه واحد يبي يشتري الدبات اللي في توقيعك كامله :)

انا مع الموضوع قلبا وقالبا وقد ارسلت للمشرف من ايام بطرح موضوع كان هدفي منه ان نكبح هذا الجماح لمثل هذا الارتفاع في البيع ، الغريب انك لو تفتح موقع من المواقع التي يتم شراءه منه تجدها اسعار جدا في متناول الجميع وتجي عندنا هنا وتوصل ارقام يوجعك قلبك ..

يعني يشتريها واحد راعي مزاج وملي ما فيه مشكلة ، لكن تجد واحد تعلق قلبه بها وهو يالله يمشي حالة على الراتب والله مشكلة ...

انا ضد هذا الارتفاع الغير مبرر ويجب ان نجد له حل

وكونك طرحت الموضوع انت احب لي ان اطرحه انا لكي لا يفهم من طرحي شيء ثاني ...

والحمد لله ان من طرح الموضوع هو غير سرهيد لكي لا يفسر بتفسيرات شخصية .

نعم للبيع الذي فيه الربح المعقول ولا للاسعار المبالغ فيه لقطع تباع عند غيرنا باسعار بلالالالالالالالالالالالالالالالالالالاش .

وعندي روابط لبعض المواقع التي البيع فيها بتراب الفلوووووووووووووووس .

وانا اول المساندين لما تريدون تطبيقه لكبح جماح هذا الارتفاع غير المبرر

تقبل مودتي

[حسن ابو طالب]

كلامك في الصميم

وفقك الله ..

[سمراني]

بارك الله فيك أخي الكريم
فعلا يحتاج بعض الاخوة المغرمين بهذه الهواية لمراجعة أنفسهم وعدم الإنسياق بهذه التجارة الى أسعار خيالية نعم كل له هواية ولكن هذه الهواية يجب أن تكون في حدود المعقول وألا نأجر عقولنا لغيرنا ونجعل الآخرين ممن يتاجرون بهذه السلعة سواء( فلان أوعلان )بالتحكم بنا وإستغفالنا..!!

[الكاسر4]

اخي الكريم وجهة نظرك تحترم ولكن مسالة الهوايات هي مسالة اشباع لرغبات الانسان وطموحه وايضا يجب ان تحترم مادامت في حدود المباحات
للجميع خالص التقدير

[اكسجيين]

وقس على البريموس والمواقد .. البنادق والسيارات والتراثيات ووو الخ

انا من الناس والحمدلله الي احب اقتني واجمع كل ماهو مميز ونادر ..من بنادق وادوات رحلات .. المسئلة اقرب ماتكون حب امتلاك واشباع رغبات داخلية قد تكون اكثر عمقاَ مما نتصور ..وهي نزعة بشرية غريزية طبيعية .. فلا ارء ضيرِ من ذالك لانه مسئلة شخصية .. ومن حَكم ماله فما ظلم

يا كثر ما قالوا لي الناس مبلي ... وراعي الولع ماهو عن الناس نشاد

[ابو نجود]

الحمد لله رب العالمين..جزاك الله خيرا على هذا التنبيه..
والله انني استغرب من هذا الهوس المبالغ فيه بهذه المواقد!!
صحيح انني احب اقني الاشياء الجيدة والمجربة لكنني لايمكن ان ادفع مبلغ اكثرمما يستحقه في اية سلعة كانت..
والحراج موجود..

[صاحب وفى]

بارك الله فيك اخي الكريم

موضوع مهم جداً لمسايرة حياه المعيشه بالرغم ان لك شخص هوايه معينه لا يفهمها الا من يتتبع هذه الهوايه ولا ابرر هواية اي شخص بدفع مبالغ طائله تتخطى المعقول وتتسبب في ارتفاع لسلعه معينه بالرغم من وجود بديل ولكن امتلاك شي بالنفس ويهواه القلب وتتلذذ العين بمشاهدته بالقرب منها بس بحدود المعقول وحدود الاستخدام لا اري فيه اي شي

ولك شكر خاص على الموضوع وتقبل تحياتي

[بلحارث]

مشكور اخي على هذه الكلمات والتي هي عين العقل والدين النصيحة فبارك الله فيك ، وهذا اخي الكريم يسمى في علم النفس هوس وقد ينجم عن اكتئاب عميق لذا تجد الشخص من هذا النوع قد يجد في الشراء مايخلصه مؤقتا من الاكتئاب وبعد الشراء يعيش عقدة الذنب بسبب شراء شي لايحتاجه ومن ثم يظهر لديه القلق الذي يسبب الاكتئاب وبدورة يبحث عن الشراء مجددا للتخلص من الاكتئاب وهكذا يدور في حلقه مفرغه