العدسه وما ادراك مالعدسه ..!!

[منوخ الذيابه]

السلام عليكم ورحمة الله وبركاته ..

مساء الخير جميعا .. مبارك عليكم الشهر

حبايبي ..

حاب اغير العدسه الاصليه اللي تجي مع الكام

ابي عدسة تعطيني نتايج اقوى فالتكبير والوضوح والدقه والاحترافيه

ناس تنصحني بـ سيقما واتوقع لها عدة انواع .؟

ناس تنصحني بالمكرو واتوقع لها عدة انواع .؟

ناس تنصحني بـ تامرون واتوفع لها عدة انواع .؟

هذا الثلاث عدسات اللي تشرفت بمعرفتها لكن للحين اجهل الكثير عنها
وعن باقي العدسات اذا تبقى شى .؟

ابي فزعتكم الله يطول باعماركم

اللي عنده خلفيه ياليت يفيديني .. وله مني دعوه في ظهر الغيب

[منوخ الذيابه]

افا !

ولا رد للحين .؟

[أتمنى ..]

كل ما إنطرح سؤال عن العدسات


يجيك الرد المعتاد كالآتي :


عزيزي المصور حدد ميولك في التصوير قبل شراء العدسه


يعني فيه عدسات لتصوير اللاندسكيب (الطبيعه)


وعدسات لتصوير البورتريه (الأشخاص)


وعدسات لتصوير المكرو (الاشياء الدقيقه)

وغيرها


والعدسات نفسها تختلف بعضها ثابته وبعضها فيها زوم


وغير ميولك في التصوير بعد فيه ميزانيتك


وهذا اللي بيحدد لك العدسه الأنسب


وبالنسبه للي ذكرت


التامرون والسيقما هذي شركات مثل كانون ونيكون وتوكينا


أما المكرو هذا نوع من العدسات يستخدم في تصوير الاشياء الدقيقه والصغيره بشكل يوضح تفاصيلها


مثل الحشرات والأسماك والورود وغيرها يعني نبات وحيوان وحتى جماد


وأتمنى أكون أفدتك ورمضان كريم عليك :)