قصه (ماتخبيه الاقدار)

[فهد88]

السلام عليكم ورحمة الله وبركاته
قصه بس ماهي قديمه
تقول احداث القصه
فيه رجال تزوج وبعد زواج عاش عيشه هنيه مع زوجته
ومرت السنين وهم فيه هناء وفرح لاكن كان ينقصهم
المولود ماالله كتبلهم شي في السنين اللي راحت
قال الزوج لزوجته وشرايك نراجع المستشفى ونشوف
النتايج وش تصير عليه
ماكان عند الزوجه الا الموافقه
يوم جا من بكره والله وعلى المستشفى
يادكتور السالفه كذا وكذا
طلب الدكتور منهم التحاليل والفحوصات
الازمه وراجعونا بعد اسبوع
مشى الرجل وزوجته وكانو يحترون الاسبوع ينتهي
على احر من الجمر
يوم جا الموعد
ويدخلون على الدكتور
ها يادكتور بشر
وش صار في النتايج
طالع النتايج الدكتور
والرجال مفهى مع زوجته
ينتظرو الرد
وهم في خوف
خوف من الصدمه
خوف من اللي متوقعينه
ويجيك الرد من الدكتور
قال الدكتور
انا اول مره تجيني
الحاله هذي
يراجعوني
مرضى كثار
لاكن
مثل الحاله هذي
ماعمري شفت
وش فيه يادكتور
طيحت قلبي اهرج وش فيه
قالهم الدكتور
وعلمهم
علمهم بخبر
كانو اخر شي يتوقعونه
قالهم ان الزوجه حامل!!!
انصدم الزوج وزوجته من الخبر
دكتور انت مـتأكد
قالهم نعم والزوجه في الشهر الثـ
والله ويناقز الزوج من الفرحه
والحرمه وده تناقز بس خايفه على الطفل
(ماهي منحرجه من الدكتور)
والله ويبشرون اهلهم
ويسوون الحفله بهالمناسبه
وتمر الايام ويرزقهم الله بولد
وتزيد الفرحه فرحتين
لاكن الفرحه ماتدوم
الطفل مات
حزن الاب والام على ولدهم..
ومرت الايام وصار حزنهم يتلاشا
وبعد فتره مرضت الزوجه وتعبت حالتها
وصارت ماتاكل اولا تحب الطعام ابد
وصار وزنها ينزل وتغيرت ملامح وجهها
اخذها زوجها على المستشفى
وتحاليل وفحوصات والنتايج سليمه
وكل مستشفى يجيه يقوله حرمتك مافيها شي
راح مستشفيات كبار نفس الكلام
قاله احد اقاربه خذها للخارج هناك الطب غير
ومنهم من قاله رح الطب الشعبي يفيدك
راح الطب الشعبي وخسر فلوس والزوجه على حالها
مانفع شي الرجال صار يتحسر على زوجته
مايدري وش يسوي
قال مافيه الا اطلع للعلاج في الخارج هذا اخر حل
ورح المطار وحجز تذاكر والموعد بعد كم يوم
وهو راجع على البيت جتله فكره
قال خلني امر مطعم واجيب اكلات وحلويات
تحبها وهو عارف وش تحب زوجته
والله ويمر ويقشقش من هلنعام
ويمر حق الحلويات
وشل بسياره بس
اخذ اللي يبي وراح على البيت
وهو رايح على البيت جتله فكره ياخذ زوجته ويطلع
معها البر يمكن تفيد وتاكل من الماكولات اللي جايب
الرجال توكل على الله وخذ زوجته وطلع البر
والله ويفرش فرشته
ويجيب الاكل ها شلونك لا بيان عليك زينه اليوم
ها نسمي
الزوجه مالها نفس ابد
حاول بكل الطرق مانفع لو تاكل شوي ترجعه على طول
حزن الزوج على حالت زوجته
اخذها وشال حلته ورجع على البيت وهو منكسر خاطره
على زوجته
وهو في الطريق شاف بيت شعر
قال خلني امر هلبيت اعطيهم هلنعام اللي معي
يدور الاجر والله ويوقف على البيت
طالع مايشوف احد دق البوري
وطلعي هاك العجوز من البيت
يوم شافها قال لزوجته روحي لها وعطيها الاغراض هذي
نزلت الزوجه وخذت الاغرااض
وسلمت على العجوز وعطتها الاغراض
قالت العجوز لزوجه اشوف كأنك تعبانه يابنتي
خير ان شاء الله
اشوف وجهك تعبان مره وش فيك
قالت الزوج انا تعبانه لي اكثر من ثلاث شهور
ولا اكل ولا شي وكل مااجي مستشفى يقول مافيك شي
وبعد كم يوم بروح الخارج اتعالج
قالت العجوز تعالي معي ادخلي البيت
قالت لامستعجلين بس خوذي هلغراض
قالت العجوز ماني اخذه الين تجين معي
راحت الزوجه معها وقالت اجلسي هنا لين اجيك
راحت العجوز وبعد دقايق رجعت ومعها
جراوت كلب وقالت العجوز يابنتي خوذي
الجراوه هذي ورضعيهم من ثديك كل الاثنين
سوت الحرمه المطلوب وهي مستغربه من هلعجوز وبعد
دقايق خلص الحليب اللي في الزوجه
وقومي يالعجوز وخوذي الجراوه وطلعيهم برى
ورجعي ها وش لونك الحين يابنتي
قالت البنت والله توني ارتحت واحس اني ودي اكل
قامت العجوز وجابت لها الاكل والله وتبلع وبنهم بعد الين ماشبعت يوم خلصت سئلت العجوز وش فيني قالت
العجوز فيك حليب متلوث وجبت الجراوه تشربه
والحين الجراوه يمديهم ماتو
قامت البنت وبسرعه حبي راس العجوز وشكريها
وتوادعها وتدعيلها وتطلع لزوجها
يوم جته قالها وش فيك وشفيك تأخرتي وش تسوين من اليوم
قطعتي قلبي شوي الا اجيك ودخل عليكم
وبعدين وش تسوي هلعجوز في ا لجراوه
وهو يتكلم لاحظ على زوجته البسمه والوجه متغيير
وش فيه وش السالفه
قالت خلاص مافيه لاسفريه ولا شي انا الحين بحسن حال
وقالت له السالفه
وماصدق خبر وطار من الفرحه ونزل وشكر العجوز
ورجع لديرته وطابت الزوجه وحمدو ربهم وشكروه ورجعت والسعاده الاوله
على الزوج والزوج ومرت السنين ورزقهم الله بطفال .. ونتهت القصه
هذي القصه قاريها في كتاب قبل كم سنه
لاكن مضيع في احداث القصه
جبت لكم اللي اذكره
والمعذره على الطرح او النقص او الزود او..
_______________
هذي سالفه صارت علي انا قبل
عندي التهاب في الوزتين لي شهر ونا اعاني منها
واول مره تطول زي كذا بلعاده تاخذ اسبوع بلكثير
مع اني رحت الدكتور وخذت علاجات واجد بس مانفع شي
وامس كانو عندي عمال يشتغلون من الجنسيه البكستانيه
ونسولف قلت في نفسي خلني اسئل هلباكستاني
يمكن يعطين حل قل صديق وشو علاج لوز وشر على حلقي ابي يفهم
قالي هذا بسيط رح خذلك مويه حاره وحط معه ملح
قلت جربت مانفع قال طيب رح البقاله خذلك اثنين عسكريم وكله على طول
ولا رح خذلك زيت ودلك فيه حلقك من برى وانشاء الله على طول تطيب
كان عندي ولد عمي يسمع الكلام هذا
غسلت يدي منه وقلت بقلبي الله يخلف
بعد كم ساعه ولد عمي جاي من البقاله وجايب معه عسكريم
المهم قالي كله قلت طيب هات والله واكله لاني ابي اكل عسكريم مو عشان سالفت الباكستاني
واليوم يوم قمت والحمد الله طبت ونا اول لي شهر اعاني سبحان الله بس
تحياتي لكم

[رفيع المقآم]

الله يعطيك الف الف عافيه
وسرد اكثر من رائع
شف حكمة الله سبحانه وتعالى انه يجيب اكل عشان يطلع البر عشان يمر العجوز
سبحان الله
لكن ما اقول غير ضاقت فلما استحكمت حلقاتها فرجت

[قوافي ( أم نهار )]

حياك الله اخي الكريم
سبحان من سيرهم للعجوز وين كانت المسكينه من التعب همن
وش صارت عقب ما ارتاحت رحمت ربي فوق كل شي وحده عالم بالامور ومسير الخلق
مشكور اخوي سالفه فيها العبره بان لانياس من رحمة الله
تحياتي.اختك
..قوافي..

[محمد الظاهري]

سبحان الله سبحان الله
قصه مؤثره اخي فهد
والله سبحانه وتعالى ومادام العبد عايش لن ينساه ورزقه على الله
تتسابق الدمعات والاهات
ولكن الحمد لله
في الصدر كلام كثير
وفي الكتابه تتقاصر الحروف

تحيااتي

[Al3rands]

الله اكبر وعافاك الله اخوي

[النبهاني]

وعليكم السلام ورحمة الله وبركاته
حياك الله يا فهد
سبحان الله
قصه مؤثره وجميله بسردك الرائع
يعطيك الف عافيه

[فهد88]

منوتي الشاص -قوافي -محمد الظاهري-Al3rands-النبهاني
الله يعطيكم العافيه واشكركم على مروركم وعلى ردودكم
ولكم كل الود

[مكتشف الهوات]

يا سبحان الله شكل الحليب هو سبب موت الطفل

[انسانه؟]

سبحان الله الكبارعندهم خبره وهذي حكمة ربي ورحمته يسرها لهم,.
سردرائع وقصه جميله ..
يعطيك الف عافيه.

[جمس z71]

سبحان الله مقدر الله ان يكون شفاها على يد هالعجوز..
ماانزل الله من داء الا وله دواء
بس من يعرف الدواء ..

والقران دواء كل شي

ماقصرت على القصة الجميلة
وفي انتظار جديدك

[النمرالأليف]

شكراً لك أخي فهد على القصه
Thank you my brother Fahd on the story

[سليمان الربيعان]

بارك الله فيك واعانك الله على الخير