لغز الدوسرية ........... حله ( صاحب الذئب ) ... الحل ( المحاوره الشعريه بين شاعرين )

[الدوسرية]

بسم الله الرحمن الرحيم
انا هالمره بحاول اطرح الغاز مدفونه في مذكراتي من زمان واتمنى من الله انها تكون غير مطروحه بنجرب


وش بنت لها زوجين*** وغياب واحد ترى عابت
ملزوم ترى الاثنين*** عدوان في حالهم زانت


وسلامتكم

[ناصر العلي]

سلمت يالدوسرية
وصح لسانك
ويش قولك بـ
البطارية
موجب و سالب

[الدوسرية]

صح بدنك ومالك لوى ياخوي

[ناصر العلي]

نعاود الكرة
ونقول
ماتصير هالبنت
السيارة الأوتوماتيكية
وزوجينها
دعاسة البنزين و دعاسة الفرامل
أو
اللمبة
http://t0.gstatic.com/images?q=tbn:ANd9GcQe8qpbPDRpFPGcI4v14V59NJD7DPdEe Flm7kMQX-y44gM3V_B8
وزوجينه أسلاك الكهرباء موجب و سالب

[ابو ماجد 2]

هلا بك اختنا العزيزه
وصح لسانك
نظرت الى اللغز بدون مااشاهد المراميع
وكان مرماعي هو نفسه مرماع الدكتور
ولكن نحاول لعلنا نصيده
حلبة المصارعه والمصارعين

[ناصر العلي]

نرمع على رمعة الزعيم
ونقول
ماتصير البنت
الكورة
والزوجين....الفريقين المتنافسين
أو
لعبة البلياردو

[ابو اسامه 2]

صح لسانك وحياك الله اختي

وش رايك في

النظارة والعدستين

اذا عابت وحده ما عاد تنفع النظارة

او

الدربيل

تحياتي لك

[راعي العجراء]

صح السانك يالدوسريه
الفشقه والنادوس والقمع
او الفشقه والملح والبارود

[صاحب الذئب]

صح لسانك ياالدوسريه
واللغز حله البطاريه
اعتقد ان الحل عند ابو علي

[الدوسرية]

اسفه على التاخير وصحت ابدانكم جميعا والجميع مالكم لوى

[ابو ماجد 2]

طيب اختنا العزيزه
ماتكون الشيشه
والزوجين الجمر والماء ويقولون الماء والجمر عدوين
وبغيابهم لاتعمل

[الدوسرية]

مالك لوى ياخوي ابو ماجد

[الحناوي]

هلا باختي / الدوسرية،،،

صح لسانك مليون،،،

وش رايك بالأرجوحه؟
زوجينها الحبلين وتعيب بفقد واحد،،

دمتي بود،،،

[ناصر العلي]

طيب ويش رايك بـ
القداحة....الولاعة
http://www.fkr.cc/forum/imgcache/2011/3327fkr.png

[صاحب الذئب]

اختنا الدوسريه
اللغز هو
ياويش عذرا لها زوجين *** وغياب واحد ترى عابت
ملزوم لازم سوى الاثنين *** عدوان في حالهم زانت
واللغز حله عند ابو علي
البطاريه

[الدوسرية]

الجميع مالكم لوى

[الدوسرية]

اخوي صاحب الذئب وش بنت لها زوجين **** وغياب واحد ترى عابت
ملزوم ترى الاثنين**** عدوان في حالهم زانت
اللغز كما اوردته انا سابقا ولا فيه تحريف
ولاهب البطاريه والبطاريه شحناتها سالبه وموجبه مؤنثه وهذولا اثنين مذكر

[الحناوي]

اختي الدوسرية،،،

وش رايك بعلامة الضرب؟

دمتي بود،،

[صاحب الذئب]

حياك الله
ونرجع للرمع
الرحى

[وليد46]

طيب سالب وموجب مذكر وشلون صاروا مؤنث انااا مع رمعة البطاريييييه وبقوووه ولا له حل غير هالحل

[الدوسرية]

مالكم لوى
اخوي وليد له حل وان شاء الله يجبونه اهل المراميع

[الدوسرية]

انا قصدي عن الشحنات موجبه وسالبه ماتقدر تقول في البطاريه شحنات سالب وشحنات موجب

[ابو ماجد 2]

http://www.arabtron.com/images/page/7373.gif
ممكن الدائره الكهربائيه
وقطبيها الموجب والسالب

[الدوسرية]

اخوي ابو ماجد مالك لوى
وانتم بعيدين عنه اتركوا المصابيح والاقطاب والكهرباء

[صاحب الذئب]

بنغير الاتجاه
النظاره

[الدوسرية]

اخوي صاحب الذيب
مالك لوى
والله اني قلت اول ماطرحته بيجبونه من اول رمعه
بس مدري متى تجي وعلى لسان مين

[ابوسعود]

صح السانك
وشرايك بسلكين الكهرب حقات الدفايه

[الدوسرية]

ابو سعود صح بدنك ومالك لوى وابعدوا عن الكهرباء والاسلاك

[ناصر العلي]

نعاود المحاولة أخيه
ونقول
وثيقة الطلاق

[الدوسرية]

مالك لوى ياخوي

[ابو ماجد 2]

طيب اختنا العزيزه
نقول الهدنه
بين الطرفين المتخاصمين
ولو غاب احدهما عابت الهدنه

[الحناوي]

يسعد مساك يالسنافية،،،

وش رايك "بالشعلة"؟

[يوسف المطرفي1]

صح لسانك أختنا الدوسرية

القهوة

والزوجين الهيل والبن

[الدوسرية]

مالكم لوى وابو ماجد ياخوي قربت

[روق الشرقيه]

السلام عليكم ورحمة الله وبركاته
ومبروك عليكم الشهر الفضيل
عندي رمعه عساه تقربنا للحل,
البنت . هي القظيه عند القاظي
والزوجين. المدعي. والمدعي عليه
او العقد والشاهدين
وتقبلوا تحياتي

[الدوسرية]

روق الشرقيه الله يبارك فيك
ومالك لوى ياخوي
ابعدوا عن المحاكم والقضايا

[الحناوي]

وش رايك بالمعركة، وزوجينها الجيشين ، وماتستوي المعركة بلا جيشين!

تقبلي مروري،،،

[الدوسرية]

مرورك عطر ياخوي الحناوي
ومالك لوى المعركه ياخوي ماتزين بها الزوجين دمار وخراب اديار

[ابو ماجد 2]

طيب اختنا العزيزه
الصلح والبعض ينطقها الصلحه
بين الخصيمين

[الدوسرية]

مالك لوى ياخوي ابو ماجد

[ابو ماجد 2]

طيب القرعه بين كابتني الفريقين المتباريين

[الدوسرية]

لاو الله ماجبتها
انتظر الرمعه الذباحه

[الساهر2003]

ان شاءالله نجيبه
مكينة الخياطة والخيط العلوي والسفلي اذا فقد احدهم لم ينفع الاخر
واللغز خطير

[الدوسرية]

اخوي الساهر ان شاء الله تجيبها المره الثانية

[روق الشرقيه]

محاوله بعد السحور ههههه
الزقاره ..
والزوجين الآصبعين الي ماسكتها :good::good:
وشكرا

[ابو ماجد 2]

طيب
المرجيحه القديمه
حقتنا انا والهيل والشيخ مسكين


http://www.abuharon.com/hid3.gif

[الدوسرية]

روق لا والله وبعيده

[الدوسرية]

اخوي ابو ماجدمالك لوى ماهيhttp://www.abuharon.com/hid3.gifابعدت والله كنت حولها وحواليها بس بمعنى ثاني

[الحناوي]

ابو ماجد :D

الدوسرية

وش رايك بمعاهدة السلام!

[الدوسرية]

الحنااوي مالك لوى

[أبن روق]

ابي ارمع عمود الخيمه

لانه عمود الخيمه يجي موصل ببعض عمودين

[الحناوي]

الدوسرية،

ابو ماجد حولها وحواليها بالهدنة والا بالارجوحة؟؟

دخيل الله نبي نخلص!

[الساهر2003]

المنقاش لعله تصيب

[الدوسرية]

المرجيحه لا
هي مثل الهدنه بس الزوجين لازم يصيرون مع بعض ويتهاوشون وهي تزين بهالشيء مافيه اكثر من هالتوضيح

[الدوسرية]

ابن روق والساهر مالكم لوى

[ياعين ابوي]

دوسريه صح لسآآنك مليون ي الغلآ .. وين الغيبه .. شهر مبارك عليك

شرايك برمعتي ترى سريعه لا تشرهين توني متسحره :/

السحآبه والرعد والبرق :l ..

[الدوسرية]

هلا وغلا بختي كل عام وانتي بالف خير وسعاده
واقول مالك لوى يالغاليه

[ياعين ابوي]

طيب تكون الصلآة والاسلآم والوضوء أوالتكبير .. جت ببالي قبل أقوم أصلي :) .. تصبحون على خير .

[صاحب الذئب]

طيب نرجع ونقول
المحاوره الشعريه
والزوجين الشعااار والصفوف

[عابر الموج]

وش رايك بالسيفين والنخلة شعار المملكة تقبل تحياتي

[البيه بوه]

صح السانك

ممكن لعبة السطرنج

[الدوسرية]

ياعين ابوك ماااالك لوى يالغاليه وتصبحين على خير

[الدوسرية]

طيب نرجع ونقول
المحاوره الشعريه
والزوجين الشعااار والصفوف


صاحب االذئب :good2::good2::good2:هيااااااا

رمعة اصابة الهدف المحاوره الشعرية والزوجين الشاعرين

[صاحب الذئب]

صاحب االذئب :good2::good2::good2:هيااااااا




رمعة اصابة الهدف المحاوره الشعرية والزوجين الشاعرين

الحمدالله انناا طرحنااااااه
حفظك المولى واعزك

[الدوسرية]

عابر والبيه مالكم لوى والحل عند صاحب الذئب

[الحناوي]

صح لسانك، ولو ان لي تعقيب!

الشعار بالمحاورات ماهم اعداء بالعكس اكثرهم اصدقاء ويتناقشون مواضيع اكثرها هام!

احترم وجهة نظرك،،

دمتي بود،،

[الدوسرية]

صح بدنك ياخوي
قصدي ان الشعار في المحاورات يغلب على شعرهم السب والهجاء لبعضهم كالاعداء وانا اعرف ان بعض شعار المحاوره ابناء عم واحباب واكثر هذه وجهة نظري