هل الشيهانه الجبليه من الطيور الطيبه

[هاوي صيد1]

بسم الله الرحمن الرحيم

مبارك عليكم الشهر الفضيل

عندي استفسار عن الشيهانه الجبليه الايرانيه

هذي صورتها


http://www.mekshat.com/pix/upload05/images223/mk217634_phuppimagez (medium).jpg


عندي كم سؤال عنها

1- اذا كان مقاسها 13ونص في 13ونص تصيد الكراوين
2- هل هي من الطيور السبوقه
3- اذا شريت لي شيهانه وحش ودربتها على التلواح كم يوم ادعيها عشان تجهز للكراوين مع العلم انا في قطر والطيور من يوم يطرحونها تتطول على الشبه يمكن تكون لياقتها
لك عليها
4- وش مواصفات الشيهانه الطيبه الي تخلي الصقار يرغبها ويشتريها

[alrshedi]

وعليكم السلام ورحمة الله وبركاته
مبروك عليك الشهر الفضيل
اخوي الغالي المقاس ماهو كل شي
1::فيه طيور محقوره تفعل الهوايل نعم 13 ونص ف 13 ونص تصيد كل شي كاتبه لك رب العالمين فيه مقاسات اقل تصيد الكراوين وغيره والمقاس الي انت ذاكره طيب بالحيل
2:: الشاهين بشكل عام سبقه طيب والسرعه سهم خفي وانا خوك
فيه شغلات البعض يحط امله عليه مثل الثنادي تكون بارزه العرض يكون اكثر من الطول إلخ ..
لاكن السبق والفعل توافيق من رب العالمين
3:: تجهيز الشاهين مايخذ وقت يعني بين 15 يوم إلي 20 يوم اذا انت مو مستعجل عليه
4::: الموصفات من وجه نظري وكل صقار له ذوقه بالطير
الثنادي تكون بارزه ارضيت الطير طيبه تكون المنخر وسيع العرض اكثر من الطول
جنحانه لامه علي بعض من ضهرها او فيه شغلات واجد والكل له نظرته
والموضوع
كله توافيق من رب العالمين قبل لاتستعجل وتشتري طير استشير صقار والواحد ماطلع متعلم علي الدنيا والله يوفقك ان شاء الله
ملاحضه : الصوره الي انت حاطه ماعليه كلام مبروكه وجه السعد
واتمني اني اكون فدتك بالي عندي

[عبدالرحمن بن ذياب]

و عليكم السلام ورحمة الله
شواهين ايران طيبات بالحيل اخبر موضوع قديم هنا ب مكشات
بيعت شيهانه ايرانه 5500

[هاوي صيد1]

الله يعطيكم العافيه وماقصرتوا

[الذيب الشراني]

ماشاء الله شيهانه طيبه

[هاوي صيد1]

يا اخوان الشيهانه مب لي انا حاط الصوره للتوضيح

ونسمع باقي الاخوان

[عابر الموج]

الطير على فعلة والزمان الماضي كان طيورنا شاهين جبلي يفعل خاص بالارانب فعل طيب واذكر مع واحد من ربعنا شاهين جبلي شلخة موتها راس الخرب تعلقة بالنجوم ولازال ماكرها ينتج حتى هذا التاريخ وراعية مترس عندة بانواع الاسلحة عند الانتاج ههههههههههههههه وطيرتك ماشاءالله عليها تقبل تحياتي

[هاوي صيد1]

الله يعطيكم العافيه نسمع من باقي الاخوان

[جلاد الحباري]

في موسم الكروان الاخير بيعت جبليه 14.50 طول وعرض بكر ب8000 ريال في الدمام بس فيها مشكله وحده انك ماتقدر تتمتع بالهدد لانها صاروخ موجه وتعلق على طول ومايروح عليها شي ويجي نادر بالجبليات ويوصل الطول والعرض 15 وانشدوا اهل الاختصاص

[راعى شاهين]

من واقع تجربه الشيهانه الجبليه الفارسيه اذا كانت من 14 وفوق بشرط ان تكون مهو جذب عش تصيد الحبارى تطرب طرب بالطرد وهى تنافس الشهانه البحريه بالسبق على فكره شهانتك طيبه وسرتها