ثلاجه الطمره مشكله

[درجلان الشمال]

شهر مبارك عليكم
عندي ثلاجه طمره مقاس 40 وثاني مره تخرب نفس المشكله تشتغل نصف ساعه ولا احلى وبعدها تشتغل وتطفى المرة الاوله قالولي الصيانه كمبرسروصلحت والحين خربت و طلعت من الضمان وش السواه يالاجاويد تخبرون احد فلللته بالثلاجات الرياض القصيم

[سرهيد]

السلام عليكم

هلا بك

اولا هل لديك بطارية ثانية ؟

ثانيا - شبك للثلاجة مباشر للبطارية والا في الولاعة .

ثالثا - ركب سلك مباشر من الثلاجة للبطارية ولا يقل عن 5 ملي .

وجرب وعطنا العلم

تقبل احترامي

[راعي براوننق]

فيه واحد بالقصيم
يقاله ابوراكان يمدحونه
وهو اللي يشتغل بنفسه
وهذا رقمه للفائدة0554893323

[المصلحة]

السلام عليكم
اخوي درجلان الشمال
إذا بدت الثلاجة تفصل وتشبك شغل السيارة واذا اشتغلت على طول الحمد لله الثلاجة سليمة.
بعدها شوف أرشادات الأستاذ سرهيد الذي أحببته بالله ولم أراه
والسلام عليكم.

[نيسان2009]

اخي الكريم تاكد من الفيش الثابت بالثلاجة

انه مشبوك جيدا ولم ينفصل من الداخل

ايضا اذا شغلت السيارة ورجعت اشتغلت فالكمبرسور سليم

مشكلتك هي كهرب فقط

[راعي جملاء]

ما قصر ياسرهيد الله يعطيك العافيه ياخبيرنا والى الامام

[درجلان الشمال]

بيض الله وجيهكم وحرمها من النار ابا اجرب اسلكلها من البطاريه مباشره وسلك لايقل عن 5 مل مثل ماتفضل الخبير سرهيد يطول بعمره وياكم على الطاعه وارجع اعلمكم وش صار

ماعندي بطاريه ثانيه وشابكها على الولاعه

[قناص خلاوي]

ماقصروا الربع
اهم شي السلك يكون نحاس ناعم ماهوب سلك كهرب البيت
ولا يقل عن 6 مل وحاول ما تطوله اكثر من اللازم
من البطارية لين الثلاجة وتاخذ بحسابك طول سلك الثلاجة
ولا تنسى تحط فيوز بأول السلك عند البطارية للأمان
بالتوفيق اخوي

[وليد46]

اخوي الغالي انا عندي نفس مشكلك بالظبط ولا لقيت لها حل ابد مع العلم اني مركب بطارية اظافيه ومغير الاساسية قبل اسبوعين يعني كلهن جدد قبل ماكان عندي مشكله شغاله تمام التمام بس الحين مادري وراه مع العلم ان السلك اكثر من سته ملي وموصل بفيش ثلاثي لثلاجة وشغل تمام بس اذا السيارة شغاله ماتطفى ابد واول ماطفي السيارة تجلس عشر دقايق ثم تبدا تشتغل وتطفى على طول وتحتر من الداخل وشيكت على البطارية الاظافيه فل الشحن يعني ياصل شحن من الاساسية هذا الكلام قبل شهر ومليت مافيه شي ماسويته بس دامي شفت وجه الخير ابوو عبدالله سرهيد حسيت ان ثلاجتي تبي تزين ليش مادري بس ماقول الا الله يوسع خاطرك يابو عبدالله ويحماك من كل شررررر

[قناص خلاوي]

اخوي الغالي انا عندي نفس مشكلك بالظبط ولا لقيت لها حل ابد مع العلم اني مركب بطارية اظافيه ومغير الاساسية قبل اسبوعين يعني كلهن جدد قبل ماكان عندي مشكله شغاله تمام التمام بس الحين مادري وراه مع العلم ان السلك اكثر من سته ملي وموصل بفيش ثلاثي لثلاجة وشغل تمام بس اذا السيارة شغاله ماتطفى ابد واول ماطفي السيارة تجلس عشر دقايق ثم تبدا تشتغل وتطفى على طول وتحتر من الداخل وشيكت على البطارية الاظافيه فل الشحن يعني ياصل شحن من الاساسية هذا الكلام قبل شهر ومليت مافيه شي ماسويته بس دامي شفت وجه الخير ابوو عبدالله سرهيد حسيت ان ثلاجتي تبي تزين ليش مادري بس ماقول الا الله يوسع خاطرك يابو عبدالله ويحماك من كل شررررر




اخوي تأكد من نوع السلك يكون خاص بالسيارات نحاس ناعم
واذا شبك كمبروسر الثلاجة شيك على المروحة اللي تبرد عليه
اذا ضعيفة او طافية غيرها ولو تركب مروحة ثانية بالجهة المقابة لها يكون احسن بس خل اتجاه الهواء واحد لا يكون العكس وترهيم المروحة تسويه بيدك مايأخذ ربع ساعة والمروحة حقت كمبيوتر او اللي تركب على الكنود قيمتها 10 ريال بس
وانتبه لايكون مكان الثلاجة مكتوم بالسيارة او عليها تلبيسة كاتمتها
بالتوفيق

[ابوامال1]

اكيد الكمبريسر يحتر

[ابوسند9]

اخوي في اسفل الثلاجة زر يروح يمين يسار مكتوب عليه low وhi ضعه على low وجرب
اما بالنسبه لخونا وليد اذا كانت البطاريه عندك الكتروني فا اعتقد المشكله منها حتى لو كانت جديده
ويستحسن وضع الثلاجه دائما على وضع low

[وليد46]

اشكركم كلكم على مروركم لكن انا واضع له مروحة تسحب الهوا من برى وتدخله جوا الكمبروسر اما بالنسبه لكلاماخوي ابو سند 9 انا واضع المفتاح على لوو موب هاي اما من ناحية البطاريه فعلان البطاره اكترونيه ولا اقدر اركب تعبيه لان عندي بالجيب ماتركب الا اكترونيه الاضافيه لان مكانه ضيق وحجمه 60 امبير
بس فعلاا الثلاجه تحتر الكمبرسر نار هل هذا االسبب الي يخليها تطفى معقوله ؟ طيب ليش اذا شغلت السياره ماتطفى مع انه نفس الحراره موب معقوله ان الحرارة تخليه تطفى اما بالنسبه لسلك والله سلك حلو وناعم وأليافه كثيره والله محتار به بقوووه واتمنى تلقون لي حل واتمنى مرور ابو عبدالله سرهيد على هالموضوع
والله كل شي سويته ولا فاااد الغريبه اني اذا مسكت خط وشغلتها وثلجت على رقم سبعه ووصلت الديره الي ابي عقب مثلاا اربع ساعات اطفي وحطه على رقم واحد تبطي تجلس بالساعات تمام بس ماجربت اخليها يوم لاني احس انه تبي تطفى

[ابوسند9]

اخوي وليد شف الله يسلمك
اذا الثلاجة ما تطفي والسياره شغاله معناه ان المشكله من البطاريه حتى كما ذكرت ولو هي جديده
وجرب شغلها على البطاريه الاساسيه وشف
واذا البطاريه الاساسيه ضعيفه جرب اشبكها على سياره ثانيه
الشي الاخر بالنسبه لحراره الكمبروسر شي طبيعي الحراره ولا تقدر تلمس الكمبروسر بيدك
وثلاجة الطمره ثلاجة جباره وتشتغل حتى لو غطيتها يوم كامل بفراش نوم ولا تشيل هم للحراره وكله واحد لو تركب مروحه داخليه ما عنده مشكله ما شاء الله
اما من ناحيه مقاس البطاريه 60 امبير انا اذكر موجوده بالسوق وتجي تعبئه وانت اذا بالرياض مر على وكلة با قادر بالصناعيه وعنده مقاسات واشكال
واي خدمه حاضرين

[وليد46]

اقول الله لا يحرمك الاجر ولا يحرمنا من هالطله بس هذا الي اقوله

ابجرب اشبكه على البطارية الاساسية وشوف اما من ناحية البطاريه الي تقول عنه تعبيئه ماتركب عندي انا معي فتك والمكان ضيق مايركب الا بطاريه 60 امبير حقت الشروكي يعني فيه بعض البطاريات 60 امبير ولا تركب بالقاعدة الي انا حاط لان المكان ضيق بقوه ترد القاعدة مواصير واسلاك ولا ودي اغير وبدل ورهم وانا متاكد انه من البطارية لان على كلامك اخوي الغالي لو الثلاجة به بلا ماشتغلت والسيارة تشتغل وطفت اذا طفت السياره وبعدين اذا مشيت بخط وشحنت البطاريه تشتغل اكثر ثلاث ساعات بسسس لازم اشوف حل بالبطاريه وحجمه بس مادري وش اسوي

[وليد46]

ابشركم ياشباب تم حل المشكلة بتغير الفيوز بحجك اكبر والحين تمام التمام ماشاء الله الله يتمم عليها

[اعصار نجد]

تركب ثلاجه لازم بطاريه اضااااافيه مهم جدا
عشان الكهرب مايضعف ولايزود لاطفت السياره او شغلتها

[وليد46]

ايه انا مركب بطارية اضافيه قبل بس صار المشكلة عندي السلك والفيوز والحمدالله ماشاءالله غيرت السلك حطيت 6 ملي وفيوز مقاس 40 وكلش تمام

[AMERALNET]

ماشاء الله على الاخوان اثريتو الموضوع وقدمتم تجاربكم
جزاكم الله كل خير على النصائح..
انا عندي ثلاجة باركيو 30 لتر
ومشكلتها اذا كتمتها حراراة السياره وهي طافيه يطفى الكمبروسر
بعض الاخوان يقول غير السلك الى اعرض اذا كان سلك الثلاجة الاساسي جاي تقريبا 1.5 والثلاجة شغاله على طول على البطارية الاحتياطية هل هذا ياثر عليها ويكون سبب انها تطفى..؟

علما اني حاط وضعية التبريد على -30 وعلى الهاي اعلى شي.

طبعن عليها فيوز واحد رقم 15 هل اذا غيرته بمقاس 30 او 40 راح تنحل المشكله ..؟


والله يحفظكم ويرعاكم

[راعي المقرات]

خوي اذا مولف عليها مروحه افصلها وجرب ولا يهمك صخونه الكمبرسن انا صارت معي ولا زانت الا بعد مالغيت المروحه

[الكدن1]

السلام عليكم
الاخوان ماقصروا لكن حبيت اعرض تجربتي مع ثلاجه الطمره من سنوات كثيره
لابد تكون فوق مستوى سطح ارضيه السياره للتهويه

السلك يكون النحاس ناعم 6ملي 12فلت عكس حق الكهربا المنزلي
التاكد من البطاريه قد تعطي قياس خاطي او تكون الاصابع فيها املاح او مرتخيه فلا تشحن
البطاريه الاحتياطيه متعبه بالصيانه والافضل البطاريه الجافه ذات التاريخ الجديد وهذا مافعلت اخيرا
اشبك الثلاجه راسل بدون راس ولاعه
اذا كانت الثلاجه تعمل عند اشتغال السياره ثم تتوقف عند الاطفا فالثلاجه سليمه والخلل تاكد مماسبق في الاعلي

[عملاق سبيع]

ياأخوان تراه ثلاجة الطمره فيها مشكله ماتشتغل الا ببطاريه 85 أمبير×
اقل من كذا ماتشتغل

[سفير الجزيرة]

انا عندي ثلاجة الطمرة

ومثل ماقالوا الشباب
ثلاجة جبارة وقوية ولها معي من فترة طويلة وولله الحمد ما احلى منها


مشكلتها الوحيدة أنا كل بين فترة وفترة يصير لها نفس مشكلة صاحب الموضوع ( تولع وتطفي )

وإذا شغلت السيارة تشتغل ماعليها خلاف .

وجدنا الحلول في هذه الاختصارات

1- ضعف قوة الفيوز .
2- الفيش داخل السيارة يجي عليه كربون فيضعف الكهرباء .
3- السلك أقل من 6 ملم يسبب ضعف أيضاً .
4- السلك في البطارية يكون مكربن أيضاُ .
5- ضعف البطارية .

تقريباً هذه المشاكل اللي واجهتها وكانت هي السبب
وكل فترة يتغير السبب من بين تلك الأمور