وليد46
05/08/2011, 05:16 PM
السلام عليكم ورحمة الله وبركاته اماا بعد
سوف اتكلم لكم عن قصة مشهورة ومعروفة لدى كبار السن واتمنى ان تكون جديدة على مسامعكم وهذه القصة لها مايقارب ال 120 سنة او 100 سنه على اختلاف اقوال الرواة
كان هناك شاعر معروف ومشهور في شعره وفي كرمة هذا الرجل اسمه سليمان الطويل من الطولان من سكان شقراء
يقول هذا الشاعر جتنا سنة من السنين فقر لم نشاهد مثله ابدا على مدى حياتي وكما ذكرت لكم ان هذا الرجل كريم وشاعر يقول في يوم من الايام في هذه سنة الفقر هذه خرجت من بيتي وإذا رجلان عند باب البيت فلا مفر لي منهم. . . يقول رحبت بهم وهليت وطبعا لابد اني اقلطهم لانه كريم وضاري على الكرم يقول والله في ذاك الوقت لي اكثر من اربع سنوات ماطبخت اللحمة ابيتي من الفقر المهم يقول قلطتهم وشبيت على القهوة ودخلت للمرة وقلت يامرة سويلنا غدى عندنا ضيوف قالت المرة من وين اسوي لك غدى وانت تدري عن الحال وتدري ان اللحمة ماطبخت له فتره طويله ابيتنا انت صاحي ؟ ولا مجنون ؟ قال شبي على الماء وجهزي كل شي ابروح اجيب لحمة وجي صب فنجال لرجال وقال على اذنكم دقايق وجاي راح لم قصاب عندهم بشقراء القصاب هذا اسمه شبيب قال ياشبيب عطن وزنة الحمة لان اللحم منول بالوزنه ماهوب بالكيلو مثل الحين قال ابي وزنه لحمة قام شبيب وقطع له وزنة لحمة يوم مدة وجا يبي ياخذة سليمان الطويل ردة شبيب قال سليمان افا عسى ماشر ياشبيب قال انت عليك دين مسجل عندي اخذت من قبل ولا سددت قال والله ياشبيب عندي ضيوف بالبليت وابي الحمة لهم ماهوب لي ولا لعيال تكفى افزع لي قال ابد انت عليك دين ولا سددته سدد وخذ اللحمة لضيوف لزم سليمان الطويل على اللحمة وقال لشبيب بعد يومين بالظبط ارجع لك كل الفلوس الي علي ووافق شبيب المهم اخذ اللحمة وعطاه المرة وطبخت المره غدى لضيوف وتغدوا وقالوا اكرمك الله ومشوا بقا عاد فلوس اللحمة من وين يبي يجيب سليمان الطويل فلوس لشبيب وهو ماعنده شي شبيب طبعا انتضر يومين ولا جاه سليمان يعطيه الدين راح مع اليومين كثرهن وسليمان ماجاء شكى شبيب لواحد من اخوياه قصته هو وسليمان الطويل قاله خويه حل علشان يقدر ياخذ فلوسه من سليمان الحل يقول خوي شبيب لشبيب انت تعرف ان بعد بكرى الجمعة وسليمان رجال فيه خير ودين اناا من رايي انك تروح لمه بالمسجد يوم الجمعة وتصلي جنبه وتذكرة بالدين يمكن يخاف من ربه بالمسجد ويسدد الدين الي عليه شبيب اقتنع بالحل ويوم جاء يوم الجمعة كعادة سليمان الطويل يروح مبكر لصلاة ويجلس بالصف الاول يقراء قران قبل الخطبة دخل شبيب وشاف سليمان الطويل جالس يقراء استبشر خير قال اكيد اذا قلتله يبي يعطين دراهمي دامه يقراء قران المهم صف بجنبه وصلى ركعتين ويوم سلم من الصلاة سلم على سليمان الطويل وقاله بشر ياسليمان عساك جبت دراهمي قاله سليمان ايه ياشبيب هذاهن معي بالمخباة اول مانطلع من الصلاة خلك بالباب اعطيك اياهن ماودي قدام الناس طبعا سليمان مامعه شي بهالوقت هذا شبيب استانس وسمع الخطبة وهو مستانس وصلى وهو مستانس وبخشوع اما سليمان الطويل لاء عكس ذلك ماسمع الخطبة من الهواجيس ولا صلى الجمعة من التفكير وش يبي يسوي بشبيب المهم طلعوا من الصلاة ولا هذا شبيب عند الباب واقف يبي فلوسه سلم على سليمان قاله سليمان ياشبيب تبي فلوسك؟ ؟ ؟ قال شبيب ايه ابيهن قال متاكد ؟ ؟ قال ايه قال اجل اسسسممع عرف شبيب انه يبي يقول به قصيدة ومنول القصيد يبقى وخاصة الهجاء يبيقى معيارة على الواحد ويبقى مثل الوسم مايروح قال شبيب لا لا ياسليمان قصيدة تكفى لاتقول شي وتراي امسامحك وتعال خذ من عندي لحمة كل ماجوك ضيوف تراي هونت مابي فلوسي قال سليمان والله يالبيتين الي حاسن علي صلاة الجمعة والخطبة اني لاقولهن وكل الناس تغنيهن الحين وبعدين قال سليمان الطويل
صــليـت بالــمــســجــد وســبحـــت تســعــيــن وألــحــقــت لـي مع مثلهـن ابـتـهـلـيـله
وقــريــت عـــمـا والمــــدثـــر ويــاسـيـــــــن وزبــنـــت رب(ن)مـا يـفـاجـاء دخــيله
وقــريــت وردي عــــن جــمــيع الشيـاطـــن وشبــيـب مــاســوابــه الورد حـــيــــــله
وفعلن القصيدة هذي له اكثر من 100 سنة والا الان تردد مع الناس
اتمنى اني اكون قد وفقت في سرد القصه على الوجه المطلوب والي
يليق بالزوار الكرام وعذروني على التقصير والاخطاء ان وجدت
فإن اصبت فمن الله وإن اخطـأت فمن نفسي والشيطان
تبــبــيه اخــير هذي القصــة اخــذتهـا سـمـاعأ من الراوي ناصر عبدالله المسيميـري حفظه الله وأدام عليه الصـحة والعافـــية
سوف اتكلم لكم عن قصة مشهورة ومعروفة لدى كبار السن واتمنى ان تكون جديدة على مسامعكم وهذه القصة لها مايقارب ال 120 سنة او 100 سنه على اختلاف اقوال الرواة
كان هناك شاعر معروف ومشهور في شعره وفي كرمة هذا الرجل اسمه سليمان الطويل من الطولان من سكان شقراء
يقول هذا الشاعر جتنا سنة من السنين فقر لم نشاهد مثله ابدا على مدى حياتي وكما ذكرت لكم ان هذا الرجل كريم وشاعر يقول في يوم من الايام في هذه سنة الفقر هذه خرجت من بيتي وإذا رجلان عند باب البيت فلا مفر لي منهم. . . يقول رحبت بهم وهليت وطبعا لابد اني اقلطهم لانه كريم وضاري على الكرم يقول والله في ذاك الوقت لي اكثر من اربع سنوات ماطبخت اللحمة ابيتي من الفقر المهم يقول قلطتهم وشبيت على القهوة ودخلت للمرة وقلت يامرة سويلنا غدى عندنا ضيوف قالت المرة من وين اسوي لك غدى وانت تدري عن الحال وتدري ان اللحمة ماطبخت له فتره طويله ابيتنا انت صاحي ؟ ولا مجنون ؟ قال شبي على الماء وجهزي كل شي ابروح اجيب لحمة وجي صب فنجال لرجال وقال على اذنكم دقايق وجاي راح لم قصاب عندهم بشقراء القصاب هذا اسمه شبيب قال ياشبيب عطن وزنة الحمة لان اللحم منول بالوزنه ماهوب بالكيلو مثل الحين قال ابي وزنه لحمة قام شبيب وقطع له وزنة لحمة يوم مدة وجا يبي ياخذة سليمان الطويل ردة شبيب قال سليمان افا عسى ماشر ياشبيب قال انت عليك دين مسجل عندي اخذت من قبل ولا سددت قال والله ياشبيب عندي ضيوف بالبليت وابي الحمة لهم ماهوب لي ولا لعيال تكفى افزع لي قال ابد انت عليك دين ولا سددته سدد وخذ اللحمة لضيوف لزم سليمان الطويل على اللحمة وقال لشبيب بعد يومين بالظبط ارجع لك كل الفلوس الي علي ووافق شبيب المهم اخذ اللحمة وعطاه المرة وطبخت المره غدى لضيوف وتغدوا وقالوا اكرمك الله ومشوا بقا عاد فلوس اللحمة من وين يبي يجيب سليمان الطويل فلوس لشبيب وهو ماعنده شي شبيب طبعا انتضر يومين ولا جاه سليمان يعطيه الدين راح مع اليومين كثرهن وسليمان ماجاء شكى شبيب لواحد من اخوياه قصته هو وسليمان الطويل قاله خويه حل علشان يقدر ياخذ فلوسه من سليمان الحل يقول خوي شبيب لشبيب انت تعرف ان بعد بكرى الجمعة وسليمان رجال فيه خير ودين اناا من رايي انك تروح لمه بالمسجد يوم الجمعة وتصلي جنبه وتذكرة بالدين يمكن يخاف من ربه بالمسجد ويسدد الدين الي عليه شبيب اقتنع بالحل ويوم جاء يوم الجمعة كعادة سليمان الطويل يروح مبكر لصلاة ويجلس بالصف الاول يقراء قران قبل الخطبة دخل شبيب وشاف سليمان الطويل جالس يقراء استبشر خير قال اكيد اذا قلتله يبي يعطين دراهمي دامه يقراء قران المهم صف بجنبه وصلى ركعتين ويوم سلم من الصلاة سلم على سليمان الطويل وقاله بشر ياسليمان عساك جبت دراهمي قاله سليمان ايه ياشبيب هذاهن معي بالمخباة اول مانطلع من الصلاة خلك بالباب اعطيك اياهن ماودي قدام الناس طبعا سليمان مامعه شي بهالوقت هذا شبيب استانس وسمع الخطبة وهو مستانس وصلى وهو مستانس وبخشوع اما سليمان الطويل لاء عكس ذلك ماسمع الخطبة من الهواجيس ولا صلى الجمعة من التفكير وش يبي يسوي بشبيب المهم طلعوا من الصلاة ولا هذا شبيب عند الباب واقف يبي فلوسه سلم على سليمان قاله سليمان ياشبيب تبي فلوسك؟ ؟ ؟ قال شبيب ايه ابيهن قال متاكد ؟ ؟ قال ايه قال اجل اسسسممع عرف شبيب انه يبي يقول به قصيدة ومنول القصيد يبقى وخاصة الهجاء يبيقى معيارة على الواحد ويبقى مثل الوسم مايروح قال شبيب لا لا ياسليمان قصيدة تكفى لاتقول شي وتراي امسامحك وتعال خذ من عندي لحمة كل ماجوك ضيوف تراي هونت مابي فلوسي قال سليمان والله يالبيتين الي حاسن علي صلاة الجمعة والخطبة اني لاقولهن وكل الناس تغنيهن الحين وبعدين قال سليمان الطويل
صــليـت بالــمــســجــد وســبحـــت تســعــيــن وألــحــقــت لـي مع مثلهـن ابـتـهـلـيـله
وقــريــت عـــمـا والمــــدثـــر ويــاسـيـــــــن وزبــنـــت رب(ن)مـا يـفـاجـاء دخــيله
وقــريــت وردي عــــن جــمــيع الشيـاطـــن وشبــيـب مــاســوابــه الورد حـــيــــــله
وفعلن القصيدة هذي له اكثر من 100 سنة والا الان تردد مع الناس
اتمنى اني اكون قد وفقت في سرد القصه على الوجه المطلوب والي
يليق بالزوار الكرام وعذروني على التقصير والاخطاء ان وجدت
فإن اصبت فمن الله وإن اخطـأت فمن نفسي والشيطان
تبــبــيه اخــير هذي القصــة اخــذتهـا سـمـاعأ من الراوي ناصر عبدالله المسيميـري حفظه الله وأدام عليه الصـحة والعافـــية