المساعد الشخصي الرقمي

مشاهدة النسخة كاملة : ابشروا بالربيع الزين انشاء الله


محمد بن ناصر الثبيتي
14/01/2006, 11:41 PM
السلام عليكم ورحمة الله وبركاته


الحمدلله على الخير

ياخواني انا توي جاي العصر اليوم السبت الموافق 14/12/1426هـ من النعيريه والخفجي وابشركم بالخيركنت في النعيريه يوم الخميس في الليل وجانا الفجر مطر زين وديمت علينا ومشيت منها يوم الجمعه الساعه عشر ونصف والمطر مستمر حتى وصلت الخفجي واستمر المطر يوم الجمعه في الخفجي حتى منتصف الليل تقريباً ومشيت يوم السبت الصباح الساعه السابعه مع طريق الخفجي الحفر ولقيت الارض كلها ممطوره وتشوف الماء يمين الخط ويساره حتى وصلت محطة البطيحانيه ومن بعدها الى ام الجماجم الارض ممطوره وجايها خير وانشاء الله تبي تزين المكاشيت.. الارض جايها وسم خاصة ارض النعيريه والخفجي وتشوف الباذر على مد النظر والحمدلله.....

والله يرزق جميع ديارنا بالحياء

اخوكم ابوناصر
شقراء
14/12/1426هـ
الحادية عشر والنصف مساء

تحياتـــــــــــــــــــــــــــــــي
القصيعة
15/01/2006, 12:29 AM
الله يبشرك البخير يأخوي أبوناصر فعلاً كلمك صحيح ( ولايحتاج التصحيح ) ففي الوسم جاء المطر على الوسطى حائل والقصيم والشمال الشرقي والشرق كله وتزايد المطر في نهاية الوسم والمربعانية خاصة على الوسطى والشرقية وأن شاء الله أن ربيع السنة هذي ماينسى ونشوف الفقع الزين بأذن الله.


أبوعبدالله.
عنتر بن شداد
15/01/2006, 01:04 AM
الله يبشرك البخير يأخوي أبوناصر فعلاً كلمك صحيح ( ولايحتاج التصحيح ) ففي الوسم جاء المطر على الوسطى حائل والقصيم والشمال الشرقي والشرق كله وتزايد المطر في نهاية الوسم والمربعانية خاصة على الوسطى والشرقية وأن شاء الله أن ربيع السنة هذي ماينسى ونشوف الفقع الزين بأذن الله.


تحياتي

أخوك : عنتر بن شداد
ولـد الدوادمي
15/01/2006, 01:04 AM
لا وازودكم من الشعر بيت امس بالدوادمي يوم الجمعه جانا مطر والاثنين الي ثبله برضوه من الساعه 10 الى 12 باليل وصبح العيد برضوه جانا رش من الساعه 4 الفجر الى 5
الرقيبه
15/01/2006, 01:20 AM
الحمدالله

جعلها الله امطار خير وبركه........ز
مسافر1
15/01/2006, 06:11 AM
الله يبشرك بالخير أنا كنت في النعيرية يوم الخميس اليل ونمت هناك ونفس الطريق اللي سلكتوه هو نفس الطريق نعم الأمطار زينه والربيع مقبل ..
محمد بن ناصر الثبيتي
15/01/2006, 02:35 PM
اخوي/ القصيعه

اخوي/ عنتر بن شداد

اخوي/ ولد الدوادمي

اخوي/ الرقيبه

اخوي/ مسافر1

شكراً لمروركم والله يررزق جميع ديار المسلمين بالحيا وتزين المكاشيت للقريب والبعيد

اخوكم ابوناصر
النعيريه 2006
16/01/2006, 05:39 AM
السلام عليكم

وازيدكم من الشعر بيت حنا كنا كاشتين بالسعيره وعليها مطر من يوم الاربعاء لين فجر السبت المطر شمل قريه العليا والشيط والسعيره والنعيريه والخفجي اللهم لك الحمد اللهم اجعله صيبا نافعا يااااااااااارب
غيم
16/01/2006, 07:27 AM
اللهم اجعله صيبا نافعا يارب العالمين<!-- / message -->
جلمود1
18/01/2006, 01:58 PM
أجل خذو العلم الجيد كنت في بر ساموده الربيع يوسع الصدر والنفل مد النظر وجانا مطر من الساعه 2 صباحا يوم الجمعه حتى العاشر مساء تشد وترخي والغدران من تطلع من ساموده بتجاه أم عشر وكذلك اتجاه حفر الباطن يمينك ويسارك غدران وأحد الزملاء يقول لقيت في الحفر فقع بس حبات صغيره وجاب كم حبه تأكيد للخبر انشاء الله أربعة اسابيع وتشوفون الفقع في مناطق ( الحفر والدبيه والصداوي والشيط والنعيريه )
متفائل777
18/01/2006, 02:12 PM
السلام عليكم
بشــــــــــــــــــــــــــــــــــــركه اللـــــــــــــــــــــــــــــــــــه بالخيـــــــــــــــــــــــــــــــــــــــــــــ ـــــــــــــــــــــــــــــــــــــــر
فارس القبيلة
18/01/2006, 02:17 PM
جعلها الله امطار خير وبركه,,
المستطلع
18/01/2006, 07:58 PM
وابشركم كنت يوم السبت في الععطليه شمال شويه وانطلقت باتجاه ام رقيبه مرورا بالعاذريه واللهابه والفياض كلها سيل حتى ام رقيبه
وانشاء الله مع الدفا ينبت العشب