ياأهل الباترول .... لا هنتوا [الأرشيف]

مشاهدة النسخة كاملة : ياأهل الباترول .... لا هنتوا

الوزير2

06/08/2011, 03:04 AM

السلام عليكم ورحمة الله وبركاتة .

مساكم الله بالخير ...... صبحكم الله بالخير ............

فزعتكم ياأهل الباترول زميل لي يريد شراء باترول سفاري
الموديل/ 2008
اللون / ابيض لؤلؤي
القير / توماتيك = + _
رقم / 2
مثبت سرعة - تحكم بالدركسون للمسجل
الداخلي / بيج
الممشى /111000 كم
الموتر البودي نظيف ماعدا رشة بالصدام الأمامي
المحركات / نظيفة
والموتر باسم راعية فاكه وكالة ومعروف وليس راعي بر ومحافظ عليه

وزميلي يريد استعمال للموتر
كم يسوى ؟؟؟؟؟؟
راعية يطري 115 الف ريال وحولهن .

هل يسوى بهالوقت ..
آمل الإجابة من إخواننا في منتدى مكشات الرائع :r:rوخاصة ملاك الباترول ..

شحبار

06/08/2011, 03:20 AM

بالكويت تقريبا هذا سعره

الوزير2

06/08/2011, 03:31 AM

أخي شحبار :
قصدك بالكويت حاليآ يباع بما يعادل 115 الف ريال ..

الوزير2

06/08/2011, 06:40 PM

ياشباب مكشات !!!!!!!!!!!!!!
للرفع .............

الوزير2

07/08/2011, 03:37 AM

واخزيااااااااااااااااااااااااااااه
بس !!!!!!!!!!!!!!!!!!!!!!
فشلتونا مع الرجال
طاقن صدري قلتله أجيبلك العلم من الرجاجيل حقين مكشات الذيابه ..
بس خاب الظن .......

برق دوسر

07/08/2011, 05:14 AM

اخوي انا اشوف ان سعره مقبول لاني شاري واحد 2008 سوبر سفاري ب125
ماشي 90 وفيه دقه فالصدام الخلفي
اسعار الفتك الحين غاليه مرررره

برق الشمال A

07/08/2011, 06:42 AM

الله يرزقك من واسع فضلة

رااعي الفزعات

07/08/2011, 06:49 AM

السعر غويلي شوي بس اذا كااان مضمون راعيه والموتر يستاهل فأتوقع مهي خساره زياده 5 الاف فيه . .
والله يكتبلك اللي فيه الخير انت وزميلك . .
تقبل مروري . .

الوزير2

07/08/2011, 06:41 PM

برق دوسر - راعي الفزعات -برق الشمال
الشكر لكم جميعآ والله يكتب اللي فيه الخير ....

محمدالعريني

07/08/2011, 08:10 PM

انا اعطيه بالكثير 110 الاف

سفاري959

07/08/2011, 08:23 PM

انا اعطيه بالكثير 110 الاف

كلام اخوي محمد صحيح بس زياده 5000 ماهي حسافه على موتر نظيف وراعيه معروف واستخدامه زين

الوزير2

08/08/2011, 02:29 AM

محمد العريني - سفاري 959

تحية طيبة والشكر لكم ولمن شاركنا برأيه ومشورته ..

بفضل الله تم شراء الموتر بعد المكاسر والمشاورة بـ 110 الآف
الله يبارك لأبي محمد المشتري ويطعمه خيره ويكفيه شره
قولوا آمين ..

ومرة أخرى الشكر لله ثم لمن شاركنا الرأي ,,
ودمتم بخير ,,,,,