@@@ما رأيكم في الماثل أمامكم ؟؟؟@@@

[ديزب]

http://www.mekshat.com/pix/upload05/images224/mk61919_20110728489.jpg
هذا وجدته عند السنيدي وسعره رخيص حوالي 340 ريال فما أدري اللي جربه أو سمع أن أحد جربه فلا يبخل علينا بالمشورة لأنه في المثل ( نص عقلك مع صاحبك ) والا المثل الثاني ( إسأل مجرب ولا تنسى الطبيب ) والا المثل الثالث ( قال أكلت لحم قال نعم قال مصيت عظم قال لا قال ما أكلت لحم )
وش دخل ها المثل بالمولد لالالا امزح بس قرب وقت السحور واشتهيت اللحم ...

[صحن قلابة]

خذ قصتي المحزنه
في سالف الزمان , وفي موسم الربيع قرر محاسيك إنه يخيم في أحد الشعبان ,,, مر على كارفور وشرى منهم ماطور صيني قريب من سعرك ونفس اللون , في اليوم الأول تماااام شغلته أربع ساعات , ويوم جا من الغد , جاه جنيه وعطى كهرب زياده حرق رسيفر كان معنا , عقبها تندمت على البخل اللي مايجيب الا الخساير

[جغرافي2000]

والله ما اقدر أفيدك يا اخوك ..!!
والمثل يقول :
الي ما يعرف الصقر يشويه ..!!



.

[نديم الحيا]

توافيق يالغالي

يعني واحد يجي مضبوط وواحد لا وانت وحظك

شريت اخوه في البداية ولا احلى وبعدها يتناوبون الربع يهندلون ويالله يشتغل

لاتصير مثلي على قول المثل

ياشاري الدون بالدون تحسبك غابن وانت مغبون

[محمد أبو حمد]

الصيني أنواع , وفي الغالب التجربة خير برهان

أتوقع يستحق ( بهالسعر ) المجازفة ..

[جيبي جايزلي]

ما ينفع ولا بريال استخر بس ودورلك شي عليه الكلام مثل هوندا من واقع تجربه ولا يوجد له قطع غيار وان وجد قطع غياره اسعاره خياليه وارقام فلكيه

[FORD1969]

عندي اخوه تجمل معي اسبوع في المخيم كنت مشغل عليه انوار المطبخ +البوابه =عقبها ماشغلته

يلهم الزيت لهوووووووووووم =يدخن واجد الله يهديه

يعمل على زيت وبنزين خلط

حليل يفك أزمه لكن لا يعتمد عليه أبداً

بعدين كان سعره اقل من السندي يوم كان معروض في كارفور ما اذكر والله

اللي اعرفه ان الماطور صافه مــع الحطب من مبطي ..>يجي له يوم

وشكرا

[العيون99]

عندي نفس الشكل صيني شاريه من ساكو مشاكلة كثيرة
1- لازم خلط زيت وبنزين
2- يعطيك كهرباء زيادة بحيث تحرق الاجهزة
3- مدة التشغيل لاتزيد عن 5 ساعات
4- مزعج
5 - خله يمين ولف يسار
بالتوفيق

[الوانيت1]

مايسوى حتى أنك تفكر فيه
تصدق بقيمته فى هالشهر الفضيل
ولاااااااااااا يسوى نقلة معك بالسيارة
تعييس جدا جدا يخذلك فى وقت اللزوم
وأن أشتغل يحرق الاجهزه الكهربائية
من لمبات وتلفزون وماشبهها من تجربة
..................... ......../////.

[رسيس نجد]

نصيحه حبيبنا ( صحن قلابه) وحدها توزن بالذهب
الرخيص مخيس
تقبل الله منا الصلاة والصيام وكل عام وانتم بخير

[جاذبية]

انا اشوف ان الواحد يشتريله ماطور اصلي مهما كان سعره ويتحمل التشغيل الى 10 ساعات متواصل وعلى بنزين . حتى لو كان حجمة كبير شوي .
الكهرباء من اهم الاشياء التي نحتاجها ولا نستغني عنها ابداً . ليش ندور الرخيص الصيني الي يشغلنا معه في كل طلعه هذا اذا ماخرب علينا من اول طلعه .
وش المانع أنك تشتري ماطور ياباني او من اي ماركة يكون اصلي 2000 ريال او 3000 ريال ويجلس عندك (سنين ودنين) 2000 ريال او 3000 ليس مبلغ صعب توفيرة اذا كان يبي يسد حاجتنا لسنوات قادمة كثيرة ...
انت تشتري لمرة واحده فقط . ولو قارنتها ببعض المشتريات العارضه او الدائمة لنظرت ان المبلغ معقول جداً . ( لو يجيك ضيف وتذبحله كلف عليك 1500 الى 2000 ريال بيوم واحد) .
عد ان الماطور ضيف عليك هههههههه < أسلوب اقناع فقط :)

موفق اخوي .

[شنطة عده]

هذا لو ما تشغله في اليوم الا ساعه
خربان خربان الله لا يعوق بشر
عمره الافتراضي اسبوع الى عشرة ايام

[(( ابو نادر ))]

عليك بالنوع اللي يبيض الوجه ويعيش معاك عمر

أخذت لي مشوار على المواقع ولقيت اللي يطرب السمع
من هوندا
موديل GENSET HONDA SGB7001HASS
لكن السعر الله المستعان

[عيشه قشرا]

اخوي الكريم فيه مثله عند العليان لمستلزمات السيارات طريق خريص بس ياماها يباني اصلي حول الالف ريال ويمكن اقل واسمع واحد من الشباب يقول لي انه اقل ازعاج بعد
انصحك بالياباني سعره فيه ويطول معك وترى ماعرف لجونا الا اليابانيين
http://t0.gstatic.com/images?q=tbn:ANd9GcQncIsMRV-pa8Z7fd6LRcB-fEwgPijAAF5e1880v6y3RYtafBijfQ

[مطر وسم]

:director::director::director:
يامدور الرخيص :no2::no2::no2:

ترى الغالي احلى :good2::good2::good2:

[وحيد الليل404]

ماعندي علم

[ديزب]

تقبل الله منا ومنكم الصيام والقيام وصالح الأعمال ...

أشكر لكم تفضلكم بالمشورة ( ما خاب من استشار ) وها الحين لوالقاه طايح بالطريق ما أخذته الا على سبيل إماطة الأذى عن

الطريق . أكرر شكري للجميع وعسى الله يكتب اللي فيه الخير

[FORD1969]

ردك حكيم

اجل شف لك هوندا 2000 شمعه مستعمل افضل لك واوفر حتى لو موظب مايضر بل يزيد من عمره الافتراضي جعل عمرك طويل

[ياما نسيت]

شراه الوالد يشبهه من بنده اتوقع

خلال ساعة حرق كل اللمبات الموجودة في العقد وقعدنا في ضوء القمر


واحد من الشباب عنده هوندا صغير ممتاز ماشاء الله شراه مستعمل 1500 ريال هادي جدا ويشتغل فترة طويلة وخفيف

[ديزب]

ممكن توضحوا اين يوجد المستعمل الله لا يهينكم ؟؟

[عبد الله 99]

المستعمل تلقاه في حراج بن قاسم و الجديد تلقى عليه تخفيضات عند العليان الي على خريص سعره زي ما ذكر اخوي حول الألف و الصناعه ياباني
و الله يكتب الي فيه الخير

[انوور2]

ابعد عن الشر وغني له
من واقع تجربة
يخذلك وقت المهمات
واذا تبيه ذاك هو بكرتونة اخذه ببلاش
ولك شكري وتقديري

[البيضاني]

مثال حبيته كثيرا جداً وأعمل به دائماً وهو مثل سوري(شامي)
-(يامسترخص اللحمة عند المرق تذوق)-

[أبوفهد19]

اخوي ازودك الي انت تبي بس تكفى لا والف لالالالالالالالا
شريته من جيان الي بطريق خريص عليه عرض 189 ريال واخذت منهم حوالي 35 ماطور وبعتها على اقاربي وجماعتي وزملائي وكلهم رجعوها ماكملو اسبوع وتوهقت بهن وهذا هن عندي بالمستودع مغبرات والله والي مايحلف باعز منه انه مايشتغل فيهن ولا واحد.....