صوت تماتيك مروحة الـVXR

[من انت]

السلام عليكم ورحمة الله وبركاته

ومبروك عليكم الشهر وكل عام وانتم بخير

تعرفون صوت الحنه في الجيب الفكس آر موديل 2004 وهذي طبيعيه تجي في الفكس آر الثمانيه سلندر ولكن صوتها مزعج جداً ومسببه ثقل

وش الحل

اركب مراوح كهرب واذا بركب وش افضل شي للجيب والاغراض اللي تحتاجها وايجابياتها وسلبياتها

والا افك التماتيك واغير الزيت حقه الى زيت اخف لاني قد شفت موضوع عن ذلك

أبي اللي جرب ياشباب ولقى الحل يفيدني

ننتظر إفادتكم بفارغ الصبر

وبالمره حصلت جنوط لكزس مقاس 20 اصليه ومعها كفراتها جديده وتاريخها جديد بعد 2011 كم تسوى لان ناوي عليها فتره وببيعها


في رعاية الله وحفظه

[طير شلوى نجد]

والله وان اخوك ما انصحك بالمراوح الكهرب لو موترك 6 سلندر قلت يمكن ومغامر لاكن موترك ما مثله شد بلد وبالنسبة صوت الحنه تأكد من اتوماتيك المروحه هي تطلع الحنه تقدر تكشف عليه بنفسك شف المروحه تدور معك ولا مجيمه

[من انت]

^^

انا غيرت المورحه والتماتيك جديده وكاله

وهو شغال تمام واحيانا يفصل وماتسمع صوت بس اذا شبك اعوذ بالله ازعاج

[مركز حراره]

خل تماتيكه على بلده اقل شي خلال الفتره شديد الحر لان

[من انت]

^^

بس مزعج وثقيل مره

[remth]

واحد من الشباب مركب تماتيك مروحة جيب لكزس على في اكس ار ويقول اقل صوت بكثير

[صروووف]

والله يالصوت ياهو مزعج صحيح ومسبب ثقل
الله لايجزى من صممه خير
والله انك تستحي لامريت على ناس جالسه ثم حن أعوذبالله
وزود على كذا الدفع الرباعي مثقل ولا له داعي ويقولون تويوتا وبس وسعر غالي وإذا سقت الموتر تعوذت منه ياخي دنيا عجيبه
وانا مثلك ودي اعدل بس خايف اني ابلش

[صروووف]

والله يالصوت ياهو مزعج صحيح ومسبب ثقل
الله لايجزى من صممه خير
والله انك تستحي لامريت على ناس جالسه ثم حن أعوذبالله
وزود على كذا الدفع الرباعي مثقل ولا له داعي ويقولون تويوتا وبس وسعر غالي وإذا سقت الموتر تعوذت منه ياخي دنيا عجيبه
انا مثلك بلشان وخايف اعدل شي ثم ابلش

[من انت]

اللكزس له تماتيك مروحه والا يجي مراوح كهرب