لاند كروزر 2010

[الفن الأصيل]

السلام عليكم ورحمة الله وبركاته .. كل عام وأنتم بخير
الحمدلله على كل حال ، قدر الله وما شاء فعل ..
مع بداية الشهر الفضيل .. أستيقظ على صوت اصطدام قوي مسبوق بتفحيط متواصل .. وإذا بالمفحط يصطدم باللاند ويعدم جانبه الأيسر وكفرات السيارة ويدفع السيارة مسافة لا تقل عن نصف متر .. ويهرب !
لكن الله يمهل ولا يهمل ، وقد شاهده عدة أشخاص من الحارة وتعرفوا على السيارة تماما ..
بعد توثيق حادثة الاصطدام والهروب في المرور وإحضار الشخص طالبت بإصلاح السيارة في الوكالة فهل يحق لي ذلك ؟
السيارة جديدة والعداد تحت الثلاثين ألف !
فهل منكم بارك الله فيكم من يعرف النظام المعمول به في مثل هذه الحالة ؟
هل تعرض للوكالة أم الورش أم شيخ المعارض أو الدلالين ؟
وقاني الله وإياكم ومن نحب من صدوف الدنيا وظروفها ..

[ابو عبدالاله]

صباح الخير اخوي

ألأمر واضح والمعاوض في الإسلام موجود وأطلب الإصلاح في الشركه وراسك طويل

أما من قال ما في العوض خير

فما دليلك

والله ييسر أمرك

[الفن الأصيل]

هل من حقي أن أطالب بإصلاح السيارة في الوكالة ؟

[رفيع المقآم]

يالغالي
اول شي الحديد ينعوض اهم شي سلامتك
والله يعينك ويكتب لك الاجر بالاخره
المهم انا والله اني انغبنت موتر جديد لكن الشكوى لله
وانا لله وانا اليه راجعون
نظام المرور اخر 3 موديلات يحق لك الاصلاح في الوكاله
غصبن عن الراضي والزعلان
حقك ولا تنازل عنه
الا بطيب خاطر
بالقوه يبطون
والله يعوضك خير

[قدر مكتوب]

اخوي اول حاجة الحمد لله على كل حال وبالحديد ولا فيك ولا واحد من عيالك او اهلك والحمد اولا واخيرا

ثانيا: بالنسبة للتصليح والتعويض موترك يعتبر من السيارات الفارهه فقيمة سيارتك ماشاء الله تبارك الله عاليه جدا مقارنه بغيره

اذكر احد الزملاء معاه بانورما وصدم عليها عند الدوام وراح يبي يقيم الموتر والموتر موديلة 2007 وراح يبي يقيم موتره وكانت الصدمة بسيطة جدا شمعه وركن وصدام وطرف الكبوت , المهم طالب بالتعويض وخصوصا قبيله سوري وتبع شركة والشركة مامنه له راح للمعارض وقالو له لابد تجي بالسياره يوم ثاني عشان تجي لجنة تقييم السيارات الفارهه اعتقد كان يوم سبت او اثنين وراح وقيمو السياره بس قطع بـ 20 الف غير شغل اليد ودخلها الوكاله وتصليح بالوكاله

فاعتقد انت بموترك نفس الفئه بنظري وانت تاكد من المرور طبعا كلامي اعلاه بالرياض فلا اعلم بالمناطق الثانية كيف؟

[الفن الأصيل]

اللهم أجرني في مصيبتي واخلف لي خيراً منها وحسبي الله ونعم الوكيل وجزاكم الله خيراً

[الفن الأصيل]

السلام عليكم ورحمة الله وبركاته
أتمنى أن الجميع بخير وعافية ..
أحببت أن أضيف تجربتي لعلها تفيد غيري وهي أن المرور لا يعتمد تقدير الوكالة بل فيه خيارين أمامك : الأول تقدير ثلاث ورش ويؤخذ بالأقل وإن رفض خصمك تذهب لشيخ المعارض في النسيم والشفا ويؤخذ كذلك بالتقدير الأقل وإن رفض الطرف الثاني تحول شرعا والله المستعان ..

[الصارم 444]

اللي اعرفه ومتعارف عليه ان اخر 3 موديلات تصليح وكااااااااااااااااااالة

[ابراهيم 2003]

السلام عليكم ورحمة الله وبركاته
أتمنى أن الجميع بخير وعافية ..
أحببت أن أضيف تجربتي لعلها تفيد غيري وهي أن المرور لا يعتمد تقدير الوكالة بل فيه خيارين أمامك : الأول تقدير ثلاث ورش ويؤخذ بالأقل وإن رفض خصمك تذهب لشيخ المعارض في النسيم والشفا ويؤخذ كذلك بالتقدير الأقل وإن رفض الطرف الثاني تحول شرعا والله المستعان ..

هلا اخوي ما فهمت وش قصدك هل قصدك انك سيارك الاند قالك المرروررر ما تصلح عند الوكاله
اذا كان هذا قصدك تارهم يلعبون عليك وانت انتبه الموتر الجديد 2010 يصلح في الوكاله ممايصلح في اي جه

[اشهب .]

وعليكم السلام رحمة الله وبركاته
بما أن سيارتك جديده أتوقع تقدر عند شيخ المعارض يقدرها قبل الصدمه وبعد الصدمه ويعطيك الفرق خصمك
أو يحولك على الوكاله وتقدره عندهم وهذا حاصل مع أخوي
والله يخلف عليك في مصيبك

[الفن الأصيل]

أستغفر الله وأتوب إليه ..