المساعد الشخصي الرقمي

مشاهدة النسخة كاملة : رد لبعض الناس (جديد) .............................. حله ( ابو ماجد ) .. الحل ( طرجم )


الحناوي
07/08/2011, 04:11 AM
السلام عليكم ورحمة الله وبركاته

يسعد صباحكم،،

أهديكم هذا اللغز

لغز غزل غزايله = يشدي لقاف لمنشدي

علم عمل عمايله = وابهر بها كل اجودي

اول حروفه حايله = معناه حلق وابعدي

واخر حروفه سايله =معناه واجد يابعدي

قدره كبير وشايله=عندي ولاهو في يدي

دمتم بود،،،
ابو ماجد 2
07/08/2011, 04:18 AM
قبل ماننسبق والصلاة اتت
هقوتي فيه
طرجم
صاحب الذئب
07/08/2011, 04:20 AM
صح لسانك ياالغالي

نسحب الرمعه
مابعد ابو ماجد دخول
الحناوي
07/08/2011, 04:25 AM
قبل ماننسبق والصلاة اتت
هقوتي فيه
طرجم




كفو كفو كفو

صح لسانك ملايين يافارس الالغاز!

احسنت

اوله "حلق" بمعنى "طر" واخره "واجد" بمعنى "جم"

تقبل الله منا ومنك صالح الأعمال
الحناوي
07/08/2011, 04:29 AM
صح لسانك ياالغالي

نسحب الرمعه
مابعد ابو ماجد دخول



كفو يابو فراس،،،

ادري ان لو ابو ماجد ما سبقك كان الحل تجيبه ماهي غريبة عليك!

تروح وتجي بالسلامة يابعدي، لاتنسانا من الدعاء الله يتقبل عمرتك ونيتك!

ننتظرك باحر من الجمر،،
ابو ماجد 2
07/08/2011, 04:55 AM
كفو كفو كفو



صح لسانك ملايين يافارس الالغاز!


احسنت


اوله "حلق" بمعنى "طر" واخره "واجد" بمعنى "جم"


تقبل الله منا ومنك صالح الأعمال


ماعليش يالغالي
اتت الرمعه على عجل فرحت اني لقيت المرماع وكان وقد الصلاة قد حان
ولم نقل لك صح لسانك
ولكن ولو انها متأخره
صح لسانك ملايين
وهذا نمونه لالغاز قادمه سوف تسعدنا بها ان شاء الله تعالى
ابو ماجد 2
07/08/2011, 04:56 AM
صح لسانك ياالغالي

نسحب الرمعه
مابعد ابو ماجد دخول

هلا بك يالغالي
انت البركه يالغلا
الحناوي
07/08/2011, 05:01 AM
صح بدنك طال عمرك،،

مايلحقك شك فديتك يافارس الالغاز،،

وكلامك الطيب دافع ومحفز لي ولغيري من المستجدين في الالغاز!

بوركت
torrjom
07/08/2011, 08:19 PM
صح السانك


اخوي الحناوي

كفيت ووفيت


وماعليك زود


وانت بعد غالي


واسف لعدم الحضور


عند طرحك اللغز


لنشغالي لكن الاخوان ماقصرو


ولاتقول انك في بداياتك


لغزك هذا يدل عن تمكن صاحبه


فلا تبخل على اخوانك


مع فائق الود والاحترام


لشخصك الكريم