الناقه به ورام

[الكينه]

السلام عليكم ورحمة الله وبركاته
عندي ناقه ياجمعة ورمت رجلينه ويدينه و الخف وارم حتى الساق
رحت لكم بيطري قالو إن الي فيها هيام مع انه مابه ورم بالنحر وأكله طبيعي
عطيته ابرة الهيام ولا تغير به شي
الي عنده علم يا شباب يفيدنا أكونله من الشاكرين

[ابومحمد88]

شف تبي تكشف عليها اربط رجل الناقه بركها علي يدينها ورجولها اللي ورا واقفه ادا صارت الناقه ترتجف يعني رعشه اعرف ان فيها هيام والاورام ما تبين

[ابو زنعاف]

رعشة من الذيبه ياخي العزيز هذ وورم من قل الممشاها ياخي فكها تمشي واجد خصوصا الناقة كبيرة سن (فاطر)

[متعب الاقدام]

يمكن فيها احد ها الاشياء
1-في حوش ضيق ولا تمشي
2-التهاب مفاصل
3-هيام في مراحله الاخيره و لاينفع معه علاج

[محمدالزبيدي]

الله يشفي حلالك ويبارك لك فيه

[راع الريمة]

الظاهر انها مشبووووكة....صححح؟

اذنها مشبوكة ....خلها تسسسسرح تتطلق رجلاتها...أما اذنها مهي مشبوكة مدري عن علتها..

ان شاء الله تطيب....ووريم الهيام مايجي بالرجول ...يجي مع جوانب الناقة...من تحت السنام..يرججج

[الكينه]

الله يجزاكم خير
الناقه مهب مشبوكه تطلع وتمد مع الحلال
وصغيره سنه رباع

[بازار شريف]

شوف طال عمرك
الناقه ماعليها خلاف انشالله خذلك كم جوزة ثوم الله يعزكم وليه يعزكم الثوم نعمه من نعم الله علينا واطحنها
بعصار العصير وحط عليها مقدار بيالة شاي نخوه في ناس يسميها نخه بتلقاها عند العطار دقها زين بالطاحون
وبتلقى عند الصيدليه ملح يسمى ملح انجليزي اكياس صغيره خذ كيسين صغيره حجم 20جم واخلط الجميع
وضعها في دبه ببس عايلي والا راني طبعا بلاستيك وفي الصباح احقن الناقه بثمها بالمخلوط طبعا اقل شي
2لتر ماء وابشر بالعافيه ولا تستعجل قد يتطلب منك مرتين او ثلاث اهم شي على الريق الناقه مشكلتها
بالمعده وانشالله مابها خلاف وعلاجها بسيط والله يشفي الاوادم وحلالهم وسلامة الجميع

[الكينه]

الله يجزاكم خير

[راعي ضياع]

الله يسلمك هاذي الناقه لسعنها زنبور وعلاجها ابره زنبور حاااره (وانت والخير واحد)

بس عطها الابره المغرب او الصباح والجوو بارد وسبحها بماي لنه الابره حاره

[خالد الرشيدي9]

مابها اخلاف سرها ومع المشي تروح اكيد في حوس او شبك اذا طولت في الحوش دائم تسوي كذا

[ابو الشبرميات]

اخي الكريم الورم فيها لحالها والا معها غيرها ؟؟؟

وهل فيه ورم في الديد والا لا ؟؟؟

تأكد من الاعلاف اللي تعطيها للحلال ...

اذا الورم في يديها ورجولها واخفافها وديدها

فالناقة عندها زيادة في الاملاح من الاعلاف المركزة او الرمث او شي حولكم

او الناقة مهيومة والله يعينك على العلاج وحظك نصيبك

,,,

[جبل حبشي]

اخي الكريم الورم فيها لحالها والا معها غيرها ؟؟؟



وهل فيه ورم في الديد والا لا ؟؟؟


تأكد من الاعلاف اللي تعطيها للحلال ...


اذا الورم في يديها ورجولها واخفافها وديدها


فالناقة عندها زيادة في الاملاح من الاعلاف المركزة او الرمث او شي حولكم


او الناقة مهيومة والله يعينك على العلاج وحظك نصيبك


,,,





أبو الشبرميات
السلام عليكم ورحمة الله وبركاته
عندي ناقة يتورم أحد شطور ديدها ونرشها بالماء البارد أيام ويعود ورجلها اللي من جهة هذا الديد اللي يورم أشوف فيها تورم خفيف مع العلم أنها تسرح ومخفف عنها البرسيم
لاحظت عليها تأكل من الملح بكثرة وأرضنا فيها رمث تسرح الصبح و العصر

[سليمان1111]

السلام عليكم عقل الناقع على تراب بي عز الحر يعني الشمس حاره وانشاء الله يروح هذى تدليك

[الووووحيد1990]

اشكركم على هالموضوع الرائع
يالربع انا عندي ناقه جاها بلى
برجلها اليسرى ورم الاوله حصلته
فيها جرح بطرف الخف ونظفت الجرح
وزانة امورها وجلست فتره الناقه طيبه
وهاليومين رجع الورم مره ثانيه وصارت الناقه يالله
تقوى تاطى على رجلها .. مع العلم انها تسرح مع الابل
والحين صارت معد تعلف زين
وش شوركم يالربع بالعلاج

[btt]

يعطيك العافية