جير حرار

[راعي الحرارر]

يالربع سلام عليكم وكل عام وانتم بخير عندي فرخ حرار جير من مزارع المانيا يالربع بقرنسه عندي رابطه وباقي فيه الموس والنايفه لكن سؤالي لكم هل في طريقه لقرنسة الجير اللي عنده طريقه لا يبخل علينا لان طيري الين الحين ما حدف من النجير ولا شي هل ازكه بالعلف ولا اقصر عليه لاني اول مره اربط الجير ولكم تحياتي

[ربع خالي]

وعليك السلام ورحمة الله وبركاته

وتقبل الله منا ومنك صالح الاعمال ووفقنا وياك في صيامه وقيامه
اخوي إن كان مقيض طيرك طلق ؟ فهو متأخر شي بسيط
وان كان ربط فهو معتدل في توحة الريش ، وأما النجير فبعض الطيور لم يحن وقت توح النجير الا الشي البسيط !
فلا تستعجل وأكرم الطير ، وتقصير العلف على الطير في هذا الوقت ليس في صالحه ، بحيث انه محتاج للعف ليبني الريش ، وكل اللي عليك تنويع العلف للطير وخاصه العلف الطازج .

تحياتي

[راعي الحرارر]

اخوي ربع خالي اشكرك على ردك وبالنسبه للطير انا طالقه طلق

[هاوي صقاره]

كل عام وانتم بالف خير
وتقبل الله منا ومنك صالح الاعمال وجعلنا الله واياكم واهلنا من العيدين
اما بالنسبه لطيرك ياخوي راعي الحرار تاكد من مدهنته اولا" وثانيا" الطير يمكن يكون محتاج لبعض العناصر مثل الكالسيوم والاملاح والفيتامين
يمكن تاخذها من اي صيدليه بيطريه
ولك تحياتي

[شليويح511]

اخوي يمكن طيرك فيه مدهنه وانكانها مدهنه بسيطه عطه فيتامين A بالصيدليه البشريه تراه جيد وانا مجربه شخصيا وكرتونه لونه اصفر وبني والله يشفي طيرك