افيدوني يالغوالي - رئيكم يهمني

[FJ 9]

السلام عليكم ورحمة الله وبركاته

صباح الجوري

حبيت استشيركم

بغير الكفرات لسيارة اف جي
وبغير الجنوط الى 17

وش رايكم بجنوط الفتك نسثيسان موديل 2006 وطالع

وش نوع الكفرات
اخوي معه سفاري مركب دانلوي اتوقع اسمها تسذا
75/275.
ابي شي رفيع وشي مريح بالخط والبر
لاني راعي خطوط
اداوم بالشرقيه وكل شوي رايح لاهلي كل اسبوع
700 كيلو

قلت مالي يالاجاويد الطيبين اللي اخبر مني وعندهم خبره بالجيب
انا اول مره استخدم جيب مالي الا يومين بس


وتحيه طيبه للجميع

[~EmPeRor~]

نصيحتي لاتغيرها

لان لو ركبتها < راح يكون فيه فراغ بين العكس والجنط < وكذا راح يحمل وزن السيارة على المسامير ومعا مطب قوي بيكسر المسامير وبيصير مالايحمد عقباة

[FJ 9]

طيب
يالغالي
جنط 16. زينه نفس الفتك
لان الوكاله اف جي 16 جنطه

الجنط ماهضمته

خل هالجنط على جنب

الكفر اي نوع وش افضل من ناحية الين و الراحه والبر

اللي عليها الحين. مقاسها 70/265

[You Like Me]

وعليكم السلام والرحمه


انا اشوف ان جنوطه مو شينه ويكفي انها اصليه
اذا بتغير اكيد بتركب حقات الغرابي وانت راعي خطوط وبتبلش نفسك بالرجة والحوسه


بالنسبة للكفرات الـ اف جي يجي شد بلد dunlop
وبصراحه حلوه في الخط وفي البر وبتريحك
لكن إحرص على الياباني الاصلي وارد بن زقر
والرأي الاول والاخير لك
الله يبارك لك في حلالك والله يعطيك خيرها ويكفيك والمسلمين شرها
بس إحرص على حزام الامان صلحه لا تخليه :D
بالتوفيق لك يالغالي

[ابوتاصر]

وعليكم السلام
اول شي زي ما قالو الشباب لا تقرب من الجنوط تراك بتتحسف لن اكثر الجنوط الاصليه افضل يعني تجيك سياره من الوكاله وتتكسر جنوطها كيف عاد لا جت من ذا التجاريه والرجه والحوسه فك نفسك خذ نصيحه مجرب

وبنسبه للكفرات عندك خيرات
اول شي عندك مشلان فرنسي يعني ركب وانت مغمض لنك راعي سفر والضمان مفتوح بس اتوقع سعر الواحد 750 ريال بس يعيش معك
الدنلوب حلو بس مشكلته قاسي علي الموتر ومطبه
البرجستون حلو بس نفس المشكله قاسي
سومتومو حلوه ولينه وسعرها مره حلو
الماكسس نفي ما سبق
اتمناء اني اوضحت لك