المساعد الشخصي الرقمي

مشاهدة النسخة كاملة : احد يخبر لنا مكات لتصليح الـGPS الصيني


smart911
08/08/2011, 04:27 AM
السلام عليكم
كيف الشباب
في عندي جهاز صيني اشتريته من موقع سوق كوم
ورفض البائع انه يرده بعد ما اكتشفنا انه خربان
وابتلشنا فيه بالعربي ^^:D
ولفيت الدمام كلها ما حصلت محل يصلحه
كل واحد يدلني على محل واحد يقول شارع سيكو
والثاني يقول شارع تويوتا
كنك تراجع حكومة الله يهديهم:D
هذي صورة الجهاز مع الكرتون
http://img1.imagehousing.com/39/86d2c5445a04de3884d9eb075a6570c4.jpg

ومشكلته انه لما تشحنه ترتفع حرارة الجهاز حدددددها لدرجة انه يحرق يدك:eek:
ولما تفصله تلقاه معبى فللل بس حده نص دقيقة ويفضي:eek:
قالو لي مشكلته البطارية بس مو لاقي احد يرضى يصلحه بالدمام
فأذا تخبرو لنا احد لو محل يصلح اجهزة GPS اسعفونا فيه يا جماعة الخير:(

ومشكورين مقدمممماً :good2:
sameer_1798
08/08/2011, 06:03 AM
وعليكم السلام ورحمة الله وبركاته
الله يعوض عليك ياخوي لو كان جهازك جارمن كان قلنا لك روح للوكيل وغير بطاريته وتنحل المشكلة لكن هذا من وين تجيب بطاريته الله يعينك تبحث في النت لعلك تجد مطلوبك بإذن الله .
اسطورة الصمت
08/08/2011, 06:12 AM
الرخيص بخيص وانا اخوك
انا عندي واحد مثله روح عند نفس واحد من الزملاء الله يسامحه وانكسرت الشاشة ولا لقيت من يصلحة
الله يعوض علينا
smart911
09/08/2011, 05:30 PM
والله عندي جهاز صيني ثاني
بس الشكل يختلف شوي
راميه بالشمس تحت حرارة 50 درجة خخخ :D
صار له 6 شهور ووقت ما احتاجه اطلعه من الدرج واشغله
اخو الجديد ما صار فيه شي كأني شاريه بـ2500 ريال وهو بـ650 ريال خخخ :good2:

بس هذا الثاني خربان من قبل
وودي لو اشوف لي كهربائي يلفق له اي بطارية نفس الفولت
لانه مو جهاز وكالة الواحد ما يخاف عليه صح...!! ;)

الظاهر اني بدور في هالكهربائيين اللي بالدمام يمكن احصل لي باكستاني شاطر يتكتك عليه
وتسلمون ورحم الله والديكم واذا عرفتو لنا خبر عن اي واحد علمونا جزاكم الله ألف خير :)
abum
10/08/2011, 06:39 PM
اخوي انت مانت بحاجه للبطارية لانك الجهاز تستخدمه وانت بالسيارة فلما تريد استخدامه اشبكه على الولاعة وخلاص مايحتاج تشحنه ولا شي .
عموما غالب من يمتلك جهاز قارمن تكون بطاريته خربان لانه يجيه وقت مايستعمله فتخرب فيعتمد على التشغيل المباشر من الولاعة .
فما بالك بجهاز صيني .
لا تحرص على تغيير البطارية
smart911
10/08/2011, 08:15 PM
المشكلة اخوي انه حتى لما اشبكه بالولاعة او الكهرباء الاحظ تقطيع غريب بالشاشة
وغير موضوع الحرارة العالية يعني اشبكه بالولاعة بس حرارة الجهاز عالية بشكل فظيع
ياليت لو تشوفو لي محل او كهربائي يظبط الجهاز يا شباب
abum
17/08/2011, 03:37 AM
اخوي لو تفكه انت بنفسك
لانه مكبوس كبس بكلبسات يعني مافيه مسامير بعدين رح لمحل صيانة محمول ( عشان عندهم خبرة بالشواحن للاب توب ) واعرضه عليه .
اهم شي فكه قبل لا تروح