أبن روق
08/08/2011, 07:05 AM
أخواني الأعزاء صباح الخير ؛ مساء الخير
هذي قصه والله حقيقيه
هذا واحد يقالة سعيد من اصحاب البشرة السوداء كانت حالته المادية مره زفت يعني أمورة المادية ماهي الي انت تبي . المهم سعيد هذا متزوج وله ثلاثه اولاد طبعاَ هو معيش اولادة بالقوة لانه كان رجل مكافح بمعنى الكلمة. كان سعيد يملك باص ديزل و ينقل معلمات الصباح وزوجته كانت محرم معه . وفي فترة العصر كان يبيع في الأثاث المستعمل علشان يوفر لقمة العيش لأولادة .في يوم من الأيام تعطل الباص الي كان ينقل فيه المعلمات وعلى طول شاله بسطحه للصناعيه لاصلاح العطل الي بالسيارة . كشف المكيانيكي على سيارت سعيد وقاله فيه قطعه عطلانه ولازم تجيبها من الرياض لأنه ماهي موجودة هنا . سعيد اخذ القطعه العطلانه وتصل على واحد من ربعه قال تكفى افزعلي ابي السيارة حقتك ابي اروح للرياض سيارتي متعطلة وانا مرتبط في نقل معلمات . قاله صاحبه ابشر . المهم صاحبه عطاه سيارته وعلى طول مسك خط الرياض. يوم اقبل على الرياض ويكلم صديق له في الرياض من زمان عنه .المهم يوم كلم صاحبه وعرف صاحبه الي في الرياض ان سعيد جاي للرياض قاله صاحبه دامك جيت للرياض ياسعيد تعال اخذلك فنجال قهوة لين يبرد الجو بعدها اطلع للصناعيه واخذ غرضك . قاله سعيد طيب جايك
المهم سعيد وقف عند شقة صديقة وكان صديقة ساكن في الدور الثاني بشقة بعد ما وقف سيارته طلع للشقة وستقبله صاحبه وجاب القهوة وخذ يا سواليف بينهم المهم يوم جاء يبي يقوم سعيد علشان يروح للصناعيه علشان يشتري قطع الغيار مسك يد سعيد ودار بينهم الحديث هذا
صاحبة . اسمع انا ابوي توفى قبل فترة
سعيد . الله يرحمه ويرحم اموات المسلمين
صاحبة. وترك لي اختي امانه برقبتي وانا ما رايح احصل رجل افضل منك ازوجه اختي
سعيد . يعني كيف
صاحبة. ابي ازوجك أختي
سعيد. من جدك انت ولا تمزح
صاحبة . والله اني صادق
سعيد . قال قسم بالله لو تفتشني تفتيش ما تحصل بجيبي الا فلوس القطع غيار وفلوس البنزين الي يرجعني لأولادي
صاحبة. يا اخي حنا ما نبي فلوس نبي مثل ما قالو البدو ريال وشيمه رجال
سعيد . طيب وبعدين؟
صاحبة . سعيد فيه شي يردك غير الفلوس
سعيد. لا والله مافيه شي يردني بس ماعندي فلوس
صاحبة. قال البنت اخذه ورث من ابوي وعندها محلات صغيرة تبي تساعدك. وانت لك حق تشوفها شوفة شرعية اذا ناسبت لك اخذها ما ناسبت الزواج قسمه ونصيب.المهم سعيد كنه هز راسه بالموافقة . بعد هزت الراس هذي :D قام خويه ودخل على اخته وقال تكشخي فيه رجال جاي يخطبك ويبي يشوفك شوفة شرعية
المهم بعد نص ساعه ولا صديقة يقول يا سعيد تفضل . قام سعيد ودخل داخل البيت وحصل البنت جالسه في الصالة على جلسة عربية والبنت مستحيه ومنزله راسها وتلعب بأصابعها من الحياء :D بعدها رجعو للمجلس مره ثانيه سعيد وصاحبة هذا قال هاه وش رايك
قال سعيد ماعندي مانع . قال صاحبة اجل خلاص بكره الصبح نروح للمحكمة علشان عقد النكاح وفي الليل نسوي زواج عائلي
المهم نام سعيد في المجلس يقول يوم قمت الصباح واثر الحرمه ما قصرت مسوية القهوة والفطور والحليب :D بعد ما افطرو الصبح ركب سعيد وخويه واخته وراحو للمحكمة
المهم ما خلصو من المحكمة الا بعد الظهر بعد ما ركبو السيارة جلس يبارك لهم أخو العروسه. وقال اخو العروسة ترا العرس الليله ابي اعزم أثنين من عمانها الشيبان يحضرون العرس والزواج عائلي . يوم وصلو للبيت نزلت العروسه وااخوها وقال اخوها لسعيد تفضل قال سعيد لا خلاص ابي اجيكم الليلة ابي اخلص اشغالي وجيكم في الليل
سعيد جلس يفرفر بالسيارة ووقف عند مسجد يصلي العصر . بعد ماطلع من المسجد راح يغسل سيارته وبعد ما غسل السيارة راح لحلاق يحلق . وبعد ما ضبط عمره :D دخل مغسلة ملابس وفسخ ملابسه داخل المغسلة وطلب من العامل يغسل ملابسة لانه ما جاب ملابس معاه وعرسة في الليل :D المهم بعد صلاة العشاء راح للبيت صاحبة ويوم خلصو من عشاء العرس طلع اخو البنت شنطه العروسة وقال هذي شنطتها . اخذ سعيد الشنطنه ونزل مع الدرج والعروسة واخوها ينزلون معاه . ويوم ركب سعيد وزجته السيارة جاء اخوها لم سعيد وقال البنت تراها امانه برقبتك. قال سعيد لاتوصيني عليها
المهم مسك سعيد خط السريع وبعد ما قطع ربع المسافة وقف عند محطة ساسكو وستأجر غرفة لمدة ساعتين .الساعة بـ 35 ريال :D وصارت لليلة الدخلة في غرفة ساسكو :D
للقصة بقية لا احد يرد حتى أكمل القصة:p
هذي قصه والله حقيقيه
هذا واحد يقالة سعيد من اصحاب البشرة السوداء كانت حالته المادية مره زفت يعني أمورة المادية ماهي الي انت تبي . المهم سعيد هذا متزوج وله ثلاثه اولاد طبعاَ هو معيش اولادة بالقوة لانه كان رجل مكافح بمعنى الكلمة. كان سعيد يملك باص ديزل و ينقل معلمات الصباح وزوجته كانت محرم معه . وفي فترة العصر كان يبيع في الأثاث المستعمل علشان يوفر لقمة العيش لأولادة .في يوم من الأيام تعطل الباص الي كان ينقل فيه المعلمات وعلى طول شاله بسطحه للصناعيه لاصلاح العطل الي بالسيارة . كشف المكيانيكي على سيارت سعيد وقاله فيه قطعه عطلانه ولازم تجيبها من الرياض لأنه ماهي موجودة هنا . سعيد اخذ القطعه العطلانه وتصل على واحد من ربعه قال تكفى افزعلي ابي السيارة حقتك ابي اروح للرياض سيارتي متعطلة وانا مرتبط في نقل معلمات . قاله صاحبه ابشر . المهم صاحبه عطاه سيارته وعلى طول مسك خط الرياض. يوم اقبل على الرياض ويكلم صديق له في الرياض من زمان عنه .المهم يوم كلم صاحبه وعرف صاحبه الي في الرياض ان سعيد جاي للرياض قاله صاحبه دامك جيت للرياض ياسعيد تعال اخذلك فنجال قهوة لين يبرد الجو بعدها اطلع للصناعيه واخذ غرضك . قاله سعيد طيب جايك
المهم سعيد وقف عند شقة صديقة وكان صديقة ساكن في الدور الثاني بشقة بعد ما وقف سيارته طلع للشقة وستقبله صاحبه وجاب القهوة وخذ يا سواليف بينهم المهم يوم جاء يبي يقوم سعيد علشان يروح للصناعيه علشان يشتري قطع الغيار مسك يد سعيد ودار بينهم الحديث هذا
صاحبة . اسمع انا ابوي توفى قبل فترة
سعيد . الله يرحمه ويرحم اموات المسلمين
صاحبة. وترك لي اختي امانه برقبتي وانا ما رايح احصل رجل افضل منك ازوجه اختي
سعيد . يعني كيف
صاحبة. ابي ازوجك أختي
سعيد. من جدك انت ولا تمزح
صاحبة . والله اني صادق
سعيد . قال قسم بالله لو تفتشني تفتيش ما تحصل بجيبي الا فلوس القطع غيار وفلوس البنزين الي يرجعني لأولادي
صاحبة. يا اخي حنا ما نبي فلوس نبي مثل ما قالو البدو ريال وشيمه رجال
سعيد . طيب وبعدين؟
صاحبة . سعيد فيه شي يردك غير الفلوس
سعيد. لا والله مافيه شي يردني بس ماعندي فلوس
صاحبة. قال البنت اخذه ورث من ابوي وعندها محلات صغيرة تبي تساعدك. وانت لك حق تشوفها شوفة شرعية اذا ناسبت لك اخذها ما ناسبت الزواج قسمه ونصيب.المهم سعيد كنه هز راسه بالموافقة . بعد هزت الراس هذي :D قام خويه ودخل على اخته وقال تكشخي فيه رجال جاي يخطبك ويبي يشوفك شوفة شرعية
المهم بعد نص ساعه ولا صديقة يقول يا سعيد تفضل . قام سعيد ودخل داخل البيت وحصل البنت جالسه في الصالة على جلسة عربية والبنت مستحيه ومنزله راسها وتلعب بأصابعها من الحياء :D بعدها رجعو للمجلس مره ثانيه سعيد وصاحبة هذا قال هاه وش رايك
قال سعيد ماعندي مانع . قال صاحبة اجل خلاص بكره الصبح نروح للمحكمة علشان عقد النكاح وفي الليل نسوي زواج عائلي
المهم نام سعيد في المجلس يقول يوم قمت الصباح واثر الحرمه ما قصرت مسوية القهوة والفطور والحليب :D بعد ما افطرو الصبح ركب سعيد وخويه واخته وراحو للمحكمة
المهم ما خلصو من المحكمة الا بعد الظهر بعد ما ركبو السيارة جلس يبارك لهم أخو العروسه. وقال اخو العروسة ترا العرس الليله ابي اعزم أثنين من عمانها الشيبان يحضرون العرس والزواج عائلي . يوم وصلو للبيت نزلت العروسه وااخوها وقال اخوها لسعيد تفضل قال سعيد لا خلاص ابي اجيكم الليلة ابي اخلص اشغالي وجيكم في الليل
سعيد جلس يفرفر بالسيارة ووقف عند مسجد يصلي العصر . بعد ماطلع من المسجد راح يغسل سيارته وبعد ما غسل السيارة راح لحلاق يحلق . وبعد ما ضبط عمره :D دخل مغسلة ملابس وفسخ ملابسه داخل المغسلة وطلب من العامل يغسل ملابسة لانه ما جاب ملابس معاه وعرسة في الليل :D المهم بعد صلاة العشاء راح للبيت صاحبة ويوم خلصو من عشاء العرس طلع اخو البنت شنطه العروسة وقال هذي شنطتها . اخذ سعيد الشنطنه ونزل مع الدرج والعروسة واخوها ينزلون معاه . ويوم ركب سعيد وزجته السيارة جاء اخوها لم سعيد وقال البنت تراها امانه برقبتك. قال سعيد لاتوصيني عليها
المهم مسك سعيد خط السريع وبعد ما قطع ربع المسافة وقف عند محطة ساسكو وستأجر غرفة لمدة ساعتين .الساعة بـ 35 ريال :D وصارت لليلة الدخلة في غرفة ساسكو :D
للقصة بقية لا احد يرد حتى أكمل القصة:p