ماحصل معي في محطة طريق القصيم من استغلال

[ولد وايل]

السلام عليكم ورحمة الله


اخواني

لحظت ان في محطة طريق القصيم وغيرها استغلال في بيع ادوات الرحلات بشكل جنوني

ما حصل معي والله على ما اقوله شهيد وانا صائم

كان بالشتاء الماضي اوزع فرش الرحلات ((سليب باق)) حقات البر باتفاق مع محل بالغرابي

مريت المحطه سألتهم كم سعر الفراش هذا قال 110ريال قلت شنوع قماشه قال تنزاني

قلت له عزيز هذا صيني وداخله فرو
قالي لا تنزاني
قلت معي بالسيار 15 حبه تاخذها مني جمله الحبه 45 ريال قالي المصري سعرك غالي احنا ناخذها باقل من كذا

قلت له مو حرام تكذب تقول تنزاني وهي صينيه قال الموزع بيقول تنزاني

بعدها تركت المحطات وحطيت الفرش عند السوريين اللي بعد معبر جمال

وحدد لهم السعر وريحت راسي من الغش والاستغلال


اتمنى من القائيمين على هذا المنتدى العظيم ان يفتح لنا مكان عن الغش والاستغلال لكي نقاطع الجشعين


تقبلو تحياتي


ابوفي

[wafi4sa]

يبض الله وجهك ياولد ويل
اغلب المحطات مبالغيين بالأسعار بشكل جنوني
وللأسف ما فيه عند اصحابها رادع لا ديني ولا اخلاقي ابدا
ويجي واحد مسكين لا يعرف شي لكن يعجبه يشتر بأغلى الأسعار
شكرا لك على التنبيه وارجوا من اخواني الأيستعجلوا بالشراء بشكل اندفاعي
كاسر وطيحوا من القيمة اكثر من النصف إذا رضي وإلا فأتركه له
تقبل الله منكم صيامكم وقيامكم

[سليم بن عزوز]

جزاك الله خير على التنبيه حنا بايدين اجانب الكثير منهم مايخاف الله ولايرجيه من ناحية البيع والشراء
بس لاتقول الا الله يرحم الحال

[ابن هويشل]

وكم سعره المحدد للتفريد؟

[بن حران]

جزاك الله خير على التنبيه ......

[ولد وايل]

السعر المحدد للتفريد العادي 45 والفرو 55

اذكره الشتاء الماضي طبعا مع الربح الجيد



المحطات فيها اصحابها السعوديين بالذات طريق القصيم مع ذلك استغلال

[ابن هويشل]

تمة المقاطعه والحمد لله المحطات واجد قبل وبعد
واشكرك اخي الكريم على التنبيه
يد واحده في مقاطعة الجشع والطمع

[storm way]

عزيزي بما انك وصلت محطة بنزين اعرف انك مغلوب على امرك

مهم كان السعر راح تشتري لحجتك لها وهم عرفين ذالك فا يرفعون الاسعار

وخاصه المحاط البعيده عن البلد

ولكن لو كل واحد شاف ان السعر مبالغ فيه واستخار عنه

مثلي ومثلك وكذا واحد مثلنا صدقني راح يحسون بان امرهم مكشوف

ولكن مشكلتنا ان اكثر السعودين يشتري ولا عليه

[ابوصالح77]

تقبل الله منا ومنكم الصيام والقيام
بارك الله فيك
أخي الفاضل
المحطات كلها غالية
وما فيه أغلى من محطة ............... الععععتتتتتتتتش - الحمدلله عطست -
وإذا كنت محتد على الشيء بتاخذه
أجل البنزين تسعيرته تختلف في محطات خط الرياض على إيش ؟
وتسيعرتها كتسعيرة المناطق النائية
وخير شاهد محطات الوسط اللي متقابلات بالمرية عندهم هلال أحمر
تقبلوا تحياتي

[شنطة عده]

الظاهر الدعوى معاد دون الحلق الا الايدين
اي غرض سعره معروف حاسب بالقيمة المتعارف عليها
ولا عليك منه ........ يعين بيستغلني علشاني مسافر
يعني شيل الغرض وعطه الحساب اذا قال الباقي
قل هذا سعره في كل مكان بكذا عندك اعتراض كلم الشرطه وامشي واتركه
ما فيه الا هذي الطريقة لان الحكومة لا حياة لمن تنادي


عماله حرامية كذابين
اخر الافلام البارح
مريت محل اتصالات ابشتري شاحن جوال للسياره
ولقيت شاحن اصلي بكم يا ابو بنقل 50
اخر كم 40
كم اخر 30
صديق تبيع بعشرين
والله انا اشتري جمله 25
هذا والله اصلي
طيب تبيع بـــ 20
كيف صديق!!! انا والله اشتري جمله 25 انا بيع 20 فيه خساره
قلت انا بشوف المحلات الثانية
ويوم اني عطيته اظهري
ناداني قال خلاص 20
لاحظ معي انه يحلف من اليوم انه شارية جمله 25
والان باعني بـــــ 20
وفي البداية قايل لي بـــ 50

[نـجم الـشمال]

جزاك الله خير وصدق لو كل من مر عليهم مارضى بالاستغلال ولا شرى منهم كان تبدلت احوالهم .........

[شاعر وحساس]

اشهد بالله انك صادق المحطات اللي على طريق القصيم فيهم استغلال وجشع بشكل مايتصور وخاصه اللي مكتوب عليها الصيعري

ياخوي المفروض انك تاخذ اغراضك من داخل المدينه وتريح راسك ولاتشتري منه الا الماء والعصير لان سعرهم معروف ولايقدر يتلاعب فيه

[ابو عزيززز]

اعتقد ان سياسة بقالات المحطات الانتهازيه هي السبب في هذا الجشع لانهم يعتقدون ان لن يشتري منهم الا محتاج وسيدفع اي مبلغ

هم يعلمون ان الزبون مظطر ومحتاج عندما يشتري من عندهم لذالك يستغلون تلك الحاجه الماسه

المقاطعه هي افضل مانلجاء اليه لمحاربه جشع المحطات

ومن المفروض ان اي واحد يمسك خط ان ياخذ قبل السفر مايحتاجه حتى لايكون فريسه في يد تلك البقالات الجشعه


ولايؤخذ منهم الا اشياء ذات اسعار معروفه وثابته مثل العصيرات والماء واللبن والخبز والاشياء ذات السعر الثابت

في بلدنا المقاطعه هي السلاح الوحيد ضد الغش والجشع والانتهازيه

[ابو ريآن]

لاحول ولا قوه إلابالله

[a7la1]

http://www.mekshat.com/vb/showthread.php?t=426048

[a7la1]

http://www.mekshat.com/vb/showthread.php?t=426048

[تناهيت]

يالله حيه

هلا بولد وايل بشرنا عنكم والشهر مبارك

اخي الفاضل لاتلوم ابو يمن اذا كانو ابخص مني ومنك بنظامنا المكتوب على الورق ولايخافون الله في المسلمين

اعني بكلامي أنهم يعرفون جيداً ان ماعندك احد لاحمايه مستهلك ولارقابه من وزارة التجارة

لذلك المفروض الواحد ما ينحد للشراء منهم ويحاول بقدر الامكان شراء حاجته من وسط البلد ومن اماكن معروفه ومحدده اسعارها

المحطات خلها للبنزين والبارد وخلافه من الأغراض المتعارف على أسعارها

موضوع جدير بالنقاش أسأل الله ان يصل صوتكم للمسؤلين ويصحيهم من غفوتهم المتعمده


تحيـــــــــاتي

[صاحب وفى]

الله يجزاك خير ولك كل الشكر على التنبيه

واتمنى من الاخوه الكشاته ان يحرصوان دائماً على الجوده لك ولزمان لان الفرق بسيط والجوده اعلى بكثير

[ولد وايل]

اذا وجد الزبون المغفل فلابد من زيادة الاسعار


الاسهم كثير منا كان مغفل

العقار

حركه موسميه ثم ترجع للانهيار



فلا تتشره برفعهم للاسعار

[بن.حسن]

حي الله اخي ولد وايل

للاسف اصحاب المحلات الى في المحطات

يبالغون في السعر بشك عجيب جدا

والسبب عدم وجود حسيب ولا رقيب

وما نقول الى الله المستعان

---------

[ابو حمد2007]

اخي
أسبوعيا أتعامل مع هذه المحطه
بتعبئة الوقود وشراء مشروبات
ولم يسبق ان اشتريت منها لوازم رحلات
واعتقد من الخطأ لأي شخص شراء اللوازم الخاصه بالرحلات من المحطات
لأنها بالتأكيد ستكون أغلى
ولا يشتري إلا الشخص المضطر

وبالنسبه للمقاطعه

فلن أقاطع هذه المحطه لسببين
1/ عدم بيعهم دخان
2/ عدم بيعهم أشرطه غنائية

بينما كل المحطات في هذا الطريق تبيعها فيما أعلم

[بلحارث]

ياخي هناك جنسية خبيثة طبعا عارفينها من يوم قامت تمسك المحلات وخاصة اللي على ا لطريق والامور مدحدره لكن اعطهم القاز ولاعليك من اطلق شنب فيهم وخذ بالسعر اللي تبي وخله يبلغ عنك خله هو اللي يشتكي ويتعب ارم الفلوس في وجهه اذا انت عارف القيمة صح وماعليك منه

[fahd1401]

تقبل الله منا ومنكم الصيام والقيام




بارك الله فيك
أخي الفاضل
المحطات كلها غالية
وما فيه أغلى من محطة ............... الععععتتتتتتتتش - الحمدلله عطست -
وإذا كنت محتد على الشيء بتاخذه
أجل البنزين تسعيرته تختلف في محطات خط الرياض على إيش ؟
وتسيعرتها كتسعيرة المناطق النائية
وخير شاهد محطات الوسط اللي متقابلات بالمرية عندهم هلال أحمر
تقبلوا تحياتي



يرحمك الله


محطة العتش من اكثر الناس تشتكي عليه


وهو مشهور بسالفته بالبنزين


تحاسبه على البنزين تعطيه 500 يرجعلك الباقي ناقص يا 100 او 50


وله مقطع في يوتيوب عن واحد يحاسبه ورجعله باقي ناقص

[مخاوي دابذريع]

الله يعافيك اخوي ولد وايل واظم صوتي لك كفانا الله الغش والنفوس المريضه .....

[ولد وايل]

شباب تكفون نبي قسم خاص للمغالين لكي نقاطعم

ويتادبون

[أبومحمد1771]

والله انك صادق.......
فيه واحد من الشباب كان طالع ومامعه الاعزبت الشاهي وقدر الكاتم وطرا عليه هو ورفيقه يذوقون الدخل حمس يوم راحو لمحطات احد الديار على طريق حائل القديم سألو عن سعر الصاجة المقعرة ودارو 5محطات الي ب25والي30والي 50 والمشكلة انهن اردى نوع تاخذه بالديره على 18وعلى20
مانقول الاحسبنا الله ونعم الوكيل

[مكشاتي رحال]

المحطات مؤجرة بأسعااااااااااااااار فلكية ويبون يطلعو الاجار من بؤبؤ عيني وعينك
يعني تشري اذا صرت مضطر وانت تشوف بعينك الغبينة وانت بعد ما تشوف الدررررررررررررب