إستشاره لخبراء الدرابيل

[الرقم]

السلام عليكم ورحمة الله وبركاته

لي فتره يا اخوان وانا افرفر فهالمواقع ادور لي دربيل زين بسعر زين

لقيت كثير من الخواجات يمدحون النيكون والستاينر

ولقيت كم واحد
وابي رايكم وش ازينها
انا استخدامي بتاع كلوو بر بحرصيد استكشاف
وش المقاس الزين فيها

الاولnikon10x42
اخذ جائزه مدري حقت ايش

http://i1088.photobucket.com/albums/i332/nasser-abo-mrwan/6b6358bf.jpg

والثاني ستاينر 12x40
وهذي صورته
http://i1088.photobucket.com/albums/i332/nasser-abo-mrwan/32c3e991.jpg

والثالث nikon12x42
وهذي صورته
http://i1088.photobucket.com/albums/i332/nasser-abo-mrwan/88f758eb.jpg

والرابع nikon 12x56مورنش
هذا بصراحه ارتحت له احس ان مقاسه زين
وهذي صورته
http://i1088.photobucket.com/albums/i332/nasser-abo-mrwan/b0c087f0.jpg

http://i1088.photobucket.com/albums/i332/nasser-abo-mrwan/465dbb3b.jpg

يا اخون انا ماعمري اشتريت دربيل ومالي اي خبره وناوي اطلبه من برا
يادوب لي يومين ابحث فالنت ومحتار مدري وش اختار
تكفون يالنشامى عطوني العلم

[باسل نجد]

الله يوفقك لمافيه خير

والله اني زيك أدور لي على دربيل

وانشاء الله ماراح يقصرون الأخوان اللي بالمنتدى

بس لو برضه يدلونا على افضل لمكان بيع الدرابيل بالرياض كان أفضل طبعا حتى من ناحية الاسعار
لأن بعض المحلات الفخمه تبالغ في الاسعار وهو موجود بسعر اقل بس الظاهر انهم ياخذون حق الديكور من الزبون

[بحيران]

الدرابيل الي ذكرتو زينه لكن افضلها السورافسكي والايكا والزايس بالترتيب واذا علا القوله تبي بر وبحر يعني ماتبي لمقناص الضلعان خذ المقاس ١٠*٤٠ او١٠*٥٠ ووكيل السوار الهدف اما الزايس الرمايه ولايكا مااعلم منهو وكيله بالطبع الدرابيل هاذي اقيامها فيها اذا بغيت تبيع ×

[الرقم]

الله يجزاك خير يابحيران لكن هذي اللي تقول اسعارها خياليه
انا ابحث عن شي طيب بسعر معقووول

مشكور بارك الله فيك

[الرقم]

انا ناوي اطلبها من برا عن طريق النت

[DeltaMax]

والله حلوه الله يعافيك

[الساهر2003]

هلابك اخوي
الدربيل على حسب احتياجك وقناعتك واستخدامك
اغلب ماذكرت يتميز بقوة تكبير الصورة لكن بإطار ضيق وصورة محدودة
ومن سلبياته غالي جداً لبعض الماركات مثل النمساوي وحار على العين يادوبك تناظر به ثلاث دقايق متواصله غير فترة الظهر حار جداً على العين لكن يقرب بشكل كبير
ويوجد درابيل مقاس اصغر مثل 8/30 او 8/40 كلاسيكي بارد على العين رؤية اوسع محيط الصورة اكبر
وكنت مثلك محتار بينهن لكن بعد ما مريت معرض فكسن اعجبني كثير وعندهم درابيل وتلسكوبات طيبة واسعارهم ممتازة مقارنة بغيرهم من الماركات والان لي استخدمه 6 شهور ممتاز ولله الحمد لكن استخدام حشمة
موقعهم طريق الملك عبدالله اول ما تمشي معه مع الدائري الشرقي يجيك على اليمين بعد كيلو تقريباً
الشركة يابانية ونقاء الصورة مقارب لنمساوي والفرق كبير
وهذا رئيي كمستخدم ومجرب بين الاثنين
يطلع لي واحد ويقول ويقول لان المقارنة يجب ان تكون بين دربيلين بنفس الرقم والنوع مثال نوع كلاسيكي 8/30

[اكسجيين]

بحثت من قبلك اخي الفاضل عن دربيل ذو جوده وبارد على العين وسعره معقول

توصلت من خلال بحثي الى دربيل ليبولد 42 * 10 الأمريكي .. الكثير من مجربين هذا الدربيل بالنت يثنون عليه والله اعلم

سعره من النت قرابة 1100 ريال

[ساهر حايل]

وعليك السلام ورحمة الله وبركاته وكل عام وانت الف خير ..


حسب حاجتك ولكن السعر هو المهم مع الشوف الزين , عن نفسي جربت الكثير وماجربت الطيات بالحيل زي الزايز وغيره من اللي لاكلام عليهن لكن جربنا الرخيصات الطيبات .. وماسفت افضل من نيكون صفاوه وبارد على العين وصلب يتحمل .. مقاسه 35/7 مناسب جداً .. وسعره حول ال 400 ريال ..

والله يكتب لك الخير فيما اختار

[الرقم]

الله يبيض وجيهكم جميعاً
ماقصرتو