راعي العجراء
09/08/2011, 05:57 AM
السلام علاكم ورحمة الله وبركاته
هذه سالفه اخذتها من عمتي منيفه وحبيت انزلها لكم بهذا الموقع
فيه رجال متزوج وعنده بنت فيها من الدلع اللي يكفي حمولة (حموله يعني عائله كامله)
ماهي حمولة دينا والاتريلا
المهم كانوا يسكنون في بيت طين ماغار هي وامها وابوها يعني علاها من الدلع و الدلال الكثير
كبرت البنت واصبحت على وشك الزواج وفي يوم من الايام اراد الله لها نصيب من رجال كفوا اجودي بالحيل وطلب يدها وفاق ابوها عليه وتزوجها
ويم قعدوا لهم 20 يوم يوم جت البنت زعللانه هه وش فيك عودتي قالت ازعلني زوجي
جاء زوجها هه ليه البنت زعلانه قال الزوج اسألها والله مدري عنها ماذكر اني ازعلتها بشي قال ابوها يابنت الحلال ليه ماتروحين مع زوجك قالت ماني رايحه رجع الرجال والبنت
عند اهلها اخذ اسبوع رجع يم اهلها وتعذر للجميع واخذ زوجته وراحوا للبيت
بعد كم يوم مادروا اهلها الا البنت الدلوعه راجعه لهم تبكي هه يابنت الحلال زش فيك زعلانه جاء زوجها لم ابوها هه وش فيك على البنت قال الزوج والله يعم اني ما اذكر اني ازعلتها بشي واللي تبي حاضر النت والله اني اغليها بالحيل واحبها بس ياعم كثير ٍ زعلها على غير سبب
نادا الرجل بنته وقال هذا فلان جاي يرضيك ويستسمح منك ويقول اني غطان وانا اشوف يبنيتي انك تروحين معه وافقت البنت على الروحعه ورجعوا للبيت ماعندهم خلاف
اخذوا لهم كم يوم زعلت البنت ورجعت لهلها والزوج يجي ويرضيها وياخذها معه
طالت السالفه يومين عند زوجها واسبوع عند اهلها بدون سبب
وفي يوم جاء الزوج على العاده يبي يرد البنت لبيتها
قال ابوها للزوج ياكثر زعلكم والسالفه اشوفه طولت كل يوم وهي زعلانه وانت تجي وترضيها
قال الزوج والله ياعم بنتكم هذي مدلعينها بالحيل وانا انسان مادور على زعلها وانا ماتزوجت الا ابي استقر في حياتي مادور الزعل والله اني احبها واداريها ومحقق كل طلبتها بس الزعل وارد منها في كل لحظه
قال الوالد وانت بعد اليا منها زعلت اسبوع وتجي ترضيها على طول قال ياعم وش تبيني اسوي احبها
قال الوالد اسمع ياوليدي ابيك تروح ولاعاد اشوف وجهك الا بعد شهرين لاتجين بعد اسبوع
مثل العاده تبي ترضيها رح واليا انتهت الشهرين تعال وخل الباقي علي
قال الزوج سم ياعم ابشر راح الزوج مارضاها مثل العاده البنت اشتغل خاطره ليه هذه المره مارضاها
الرجال وصى زوجته قال لزوجته شوف اكرفيه كرف خلي شغل البيت علاها انتي ارقدي بفراشك لو مافيك نومي تغصبي النوم واتركي البيت والشغل كله علاها
قالت الزوجه هذي بنيتي ماودي اتعبها وانت عارف ماعندنا غارها قال الزوج اتعبيها قبل ماتتعبنا بزعلها باكر تتطلق وتقعد بالبيت
قالت ابشر الام اشغلت البنت تركت البيت علاها حتى تعبت البنت من الشغل
قالت البنت يالله نصبر اسبوع ويجي ياخذني مر اسبوع اسبوعين والرجال ماجا ء البنت اشغلها التفكير زود على شغل البيت
مر شهر شهر ونصف حتى البنت تضايقت بالحيل راحت البنت الى امها وقالت ماهي عادة فلان طول ماجا ياخذني مثل العاده قالت الام مدري بس اني اسمع ابوك يقول ان فلان مسافر يدور على حرمة ثانيه يبي يتزوج
البنت انهبلت ماغير تفكر حتى ان صحتها ضعفت وعودها نحيل بالحيل من الهم
المهم انتهت الشهرين جاء الزوج وفرحت البنت بس ماتدري وش رجعته هو يبي ياخذها والا لا
المهم الرجال دخل وتعشى وقال الوالد للزوج انت جاي من السفر ولاتروح البيتك الحين اليوم انت تبا تنام عندنا الليله قال ياعم مايحتاج قال الشايب يابن الحلال اسمع كلامي والبنت تتسمع وهي بالداخل وهو يشر له قال سم خلاص ابغى انام
دخل الشايب للبنت وقال ترى فلان يبي ينام الليله عندنا افرشي له في الغرفه اللي بجنب المجلس
فرحت البنت وفرشت هاك الفراش السنع وطيبته والظاهر انها خلصت طيب امها كله على هالفراش
قال يافلان كان تبي تنام ترى فراشك بالغرفه قال بيض الله وجهك ياعم
يوم جاء الزوج يبا يدخل للفراش قال الشايب وين تبي قال ابدخل انام قال الشايب توكل على الله نم في بيتك بس لاتقفل الباب خله مفتوح قال ليش قال اسمع الكلام
البنت راحت لغرفتها والشايب يدخل لغرفته شوي وهو يطلع ويروح ينام بفراش زوجها
ويطفي اللمبه وهو ينام ويوم اخذ له ساعه او ساعه ونصف الا البنت تدخل عليه وتجي بجنبه واللمبه مطفيه مستحيه لاتولعها ولا تبا اهلها يدرون لو يطلع ابوها والا امها يشفون اللمبه مولعه ويدخلون علاها
يافلان يافلان قم يابعد طوايفي قم يبعد اهلي قم ياخلفهم والله اني احبك بالحيل ومشتاقه لك
والا اصبر بدونك واخذ تحكك راس الشايب والشايب مسكت ولا كلمه يردها قم ياحبيبي قم ياعيوني
انت الى الحين زعل علي والله ماعاد اتعودها اسفه اسفه تراي مليت من بيت اهلي
ماغر افكر فيك وانت طولت علي قم ياحبيبي وماغير تحكك شعر العود ومره كتفه وهي تاخذ
لها شوي وتقوم وتحب الشايب مع خده يوم شاف العود ان البنت جابت من الاعذار وهو يقعد على حيله قال ولعي النور حتى تشوفين زوجك وهو يطمر العود ويلع اللمبه
وهي تطمر ماتدري وين الطريق وهي تاخذ عباتها وركضه وحده الى بيت زوجها عاد البيوت من اول متقاربه وهي تفتح الباب وتدخل
اخذت لها شهر والزوج يابنت الحلال مبطين ماشفنا اهلك خلينا نروح نسلم عليهم قالت تبي تروح رح انا ماطلع من هالبيت يابنت مشينا قالت يفتح الله اطلع هذا بيتي وماني تاركته انت رح سلم علاهم وانا انتظرك هنيا
انتهت السالفه وارجوا ان اكون ماطولت علاكم بهذه السالفه
واعذروني على التقصير او الخطا بالاملاء او ردأت التعبير
وتسلم علاكم عمت منيفه
وتقول كل عام وانتم بخير
هذه سالفه اخذتها من عمتي منيفه وحبيت انزلها لكم بهذا الموقع
فيه رجال متزوج وعنده بنت فيها من الدلع اللي يكفي حمولة (حموله يعني عائله كامله)
ماهي حمولة دينا والاتريلا
المهم كانوا يسكنون في بيت طين ماغار هي وامها وابوها يعني علاها من الدلع و الدلال الكثير
كبرت البنت واصبحت على وشك الزواج وفي يوم من الايام اراد الله لها نصيب من رجال كفوا اجودي بالحيل وطلب يدها وفاق ابوها عليه وتزوجها
ويم قعدوا لهم 20 يوم يوم جت البنت زعللانه هه وش فيك عودتي قالت ازعلني زوجي
جاء زوجها هه ليه البنت زعلانه قال الزوج اسألها والله مدري عنها ماذكر اني ازعلتها بشي قال ابوها يابنت الحلال ليه ماتروحين مع زوجك قالت ماني رايحه رجع الرجال والبنت
عند اهلها اخذ اسبوع رجع يم اهلها وتعذر للجميع واخذ زوجته وراحوا للبيت
بعد كم يوم مادروا اهلها الا البنت الدلوعه راجعه لهم تبكي هه يابنت الحلال زش فيك زعلانه جاء زوجها لم ابوها هه وش فيك على البنت قال الزوج والله يعم اني ما اذكر اني ازعلتها بشي واللي تبي حاضر النت والله اني اغليها بالحيل واحبها بس ياعم كثير ٍ زعلها على غير سبب
نادا الرجل بنته وقال هذا فلان جاي يرضيك ويستسمح منك ويقول اني غطان وانا اشوف يبنيتي انك تروحين معه وافقت البنت على الروحعه ورجعوا للبيت ماعندهم خلاف
اخذوا لهم كم يوم زعلت البنت ورجعت لهلها والزوج يجي ويرضيها وياخذها معه
طالت السالفه يومين عند زوجها واسبوع عند اهلها بدون سبب
وفي يوم جاء الزوج على العاده يبي يرد البنت لبيتها
قال ابوها للزوج ياكثر زعلكم والسالفه اشوفه طولت كل يوم وهي زعلانه وانت تجي وترضيها
قال الزوج والله ياعم بنتكم هذي مدلعينها بالحيل وانا انسان مادور على زعلها وانا ماتزوجت الا ابي استقر في حياتي مادور الزعل والله اني احبها واداريها ومحقق كل طلبتها بس الزعل وارد منها في كل لحظه
قال الوالد وانت بعد اليا منها زعلت اسبوع وتجي ترضيها على طول قال ياعم وش تبيني اسوي احبها
قال الوالد اسمع ياوليدي ابيك تروح ولاعاد اشوف وجهك الا بعد شهرين لاتجين بعد اسبوع
مثل العاده تبي ترضيها رح واليا انتهت الشهرين تعال وخل الباقي علي
قال الزوج سم ياعم ابشر راح الزوج مارضاها مثل العاده البنت اشتغل خاطره ليه هذه المره مارضاها
الرجال وصى زوجته قال لزوجته شوف اكرفيه كرف خلي شغل البيت علاها انتي ارقدي بفراشك لو مافيك نومي تغصبي النوم واتركي البيت والشغل كله علاها
قالت الزوجه هذي بنيتي ماودي اتعبها وانت عارف ماعندنا غارها قال الزوج اتعبيها قبل ماتتعبنا بزعلها باكر تتطلق وتقعد بالبيت
قالت ابشر الام اشغلت البنت تركت البيت علاها حتى تعبت البنت من الشغل
قالت البنت يالله نصبر اسبوع ويجي ياخذني مر اسبوع اسبوعين والرجال ماجا ء البنت اشغلها التفكير زود على شغل البيت
مر شهر شهر ونصف حتى البنت تضايقت بالحيل راحت البنت الى امها وقالت ماهي عادة فلان طول ماجا ياخذني مثل العاده قالت الام مدري بس اني اسمع ابوك يقول ان فلان مسافر يدور على حرمة ثانيه يبي يتزوج
البنت انهبلت ماغير تفكر حتى ان صحتها ضعفت وعودها نحيل بالحيل من الهم
المهم انتهت الشهرين جاء الزوج وفرحت البنت بس ماتدري وش رجعته هو يبي ياخذها والا لا
المهم الرجال دخل وتعشى وقال الوالد للزوج انت جاي من السفر ولاتروح البيتك الحين اليوم انت تبا تنام عندنا الليله قال ياعم مايحتاج قال الشايب يابن الحلال اسمع كلامي والبنت تتسمع وهي بالداخل وهو يشر له قال سم خلاص ابغى انام
دخل الشايب للبنت وقال ترى فلان يبي ينام الليله عندنا افرشي له في الغرفه اللي بجنب المجلس
فرحت البنت وفرشت هاك الفراش السنع وطيبته والظاهر انها خلصت طيب امها كله على هالفراش
قال يافلان كان تبي تنام ترى فراشك بالغرفه قال بيض الله وجهك ياعم
يوم جاء الزوج يبا يدخل للفراش قال الشايب وين تبي قال ابدخل انام قال الشايب توكل على الله نم في بيتك بس لاتقفل الباب خله مفتوح قال ليش قال اسمع الكلام
البنت راحت لغرفتها والشايب يدخل لغرفته شوي وهو يطلع ويروح ينام بفراش زوجها
ويطفي اللمبه وهو ينام ويوم اخذ له ساعه او ساعه ونصف الا البنت تدخل عليه وتجي بجنبه واللمبه مطفيه مستحيه لاتولعها ولا تبا اهلها يدرون لو يطلع ابوها والا امها يشفون اللمبه مولعه ويدخلون علاها
يافلان يافلان قم يابعد طوايفي قم يبعد اهلي قم ياخلفهم والله اني احبك بالحيل ومشتاقه لك
والا اصبر بدونك واخذ تحكك راس الشايب والشايب مسكت ولا كلمه يردها قم ياحبيبي قم ياعيوني
انت الى الحين زعل علي والله ماعاد اتعودها اسفه اسفه تراي مليت من بيت اهلي
ماغر افكر فيك وانت طولت علي قم ياحبيبي وماغير تحكك شعر العود ومره كتفه وهي تاخذ
لها شوي وتقوم وتحب الشايب مع خده يوم شاف العود ان البنت جابت من الاعذار وهو يقعد على حيله قال ولعي النور حتى تشوفين زوجك وهو يطمر العود ويلع اللمبه
وهي تطمر ماتدري وين الطريق وهي تاخذ عباتها وركضه وحده الى بيت زوجها عاد البيوت من اول متقاربه وهي تفتح الباب وتدخل
اخذت لها شهر والزوج يابنت الحلال مبطين ماشفنا اهلك خلينا نروح نسلم عليهم قالت تبي تروح رح انا ماطلع من هالبيت يابنت مشينا قالت يفتح الله اطلع هذا بيتي وماني تاركته انت رح سلم علاهم وانا انتظرك هنيا
انتهت السالفه وارجوا ان اكون ماطولت علاكم بهذه السالفه
واعذروني على التقصير او الخطا بالاملاء او ردأت التعبير
وتسلم علاكم عمت منيفه
وتقول كل عام وانتم بخير