المساعد الشخصي الرقمي

مشاهدة النسخة كاملة : في البر وبرد يقص المسمار وياكلك الحر ..كيف تسويها


دسم الشوارب
16/01/2006, 10:57 AM
بسم الله
خير الكلام ماقل ودل
الله الله بالطحينيه
تدفي وانا اللي مجرب
انتهى
ناصر ابوحمد
16/01/2006, 12:00 PM
اخوي دسم الشوارب
وش طحينيته جعلك في الجنه اللي بتنفع مع البرد
ماادري عن اي منطقه تتكلم
بس ابعلمك عن نجد
ان شاء الله
بجامتين صوف وثوب صوف وفروه ثقيله "وانس شي اسمه بشت وبر تراه ماينفع" وشراريب جلد الباكسانيه مع بوت رياضي ودسوس محترمه وصوف يغطي الراس كامل مع شبة نار وتكون في ذرى وبعدها مرحبا بالطحينيه
يااخوي البرد مافيه حيله
واسال اللي جلس الشتاء كله في البر بيعلمك عن البرد في صحراء نجد وشدته وان مافيه حيله ولاتحكم بطلعة يومين اوثلاثه جعلك تسلم
يااخوي مره في البر بليل جاء مطر وهواء وبرد شديدين في البر طارت معه الخيمه رغم انها من افضل انواع الخيام ومثبته صح وطفت النار والحال صار الله به عليم وما نفع الا الله برحمته ثم اللي قلت لك فوق وكيس نايلون كبير حمى من المطر
في مثل هالحاله جعلك تسلم ماتنفع لا الطحينيه ولا حتى سبانخ بباي
انتبه تتساهل بالامر ممكن يكلفك حياتك والكلام للجميع وانقلوها عني
الله يحفظك ويحفظنا
اسلم لاخيك
دسم الشوارب
16/01/2006, 12:21 PM
ناصر ابوحمد !؟!؟!؟
:mad: اقول لك مجرب وتقول ماينفع ! :mad:
الا اذا كانت تركيبة الجسم وتفاعله مع المؤثرات الخارجيه تختلف من شخص لآخر
سبحان الله
عزيز وغالي :good2: :good2:
واشكرك على المرور والاهتمام والطرح
وهل من مزيد ؟
أبو ثا بـت
16/01/2006, 02:16 PM
.. شيء غريب !!


سؤال دار في راسي ؟!!

هل تنفع مع برد السوط !!
البرد الي إذا جيت تصب مويه لازم تكسر الثلج في اللي عشان تطلع الموية !!


(( ماودي أجرب )) مجرد فكرت كلاني البرد !!
دسم الشوارب
16/01/2006, 04:48 PM
شكلكم ما صدقتو
جربت و( كلاني الحر قمت اصبصب عرقان )
لكني لا أنصح بها للمصابين بالسكر
كما لايخفاك انها حلوه كثيراً وهذه هي المشكله
ودمتم
غيّام
16/01/2006, 06:03 PM
المشكله وانا اخوك ان الطحينيه تخلي الواحد اذا قام يظطر انه يغتسل لأسباب خارجه عن إرادته قد لاتخفى على كثير من المعانين
المهمة الصعبة
16/01/2006, 09:59 PM
الله يعطيك العافية
سنجرب ونشوف
دسم الشوارب
22/01/2006, 11:10 PM
اخوي غيام : الله يحييك المشكله اللي انت تقول عادي شباب في جلسه
يعني تقدر تسميها فاصل إعلاني :D
وبالنسبه للتغسيل احتسبه من باب اسباغ الوضوء على المكاره
وتشرفت بمرورك
اخوي المهمه الصعبه : جرب وادعيلي ويا هلا فيك
الرقيبه
23/01/2006, 11:06 PM
السلام عليكم ورحمة الله وبركاته ..



ماتصير يالغالي::........
ما سلمنا نبي الفكه من البرد تقول ترويشه على الريق الله يحفظك

يعني صخونه بشيك مصدق ..

وش رايك بطريقتي اخذ من تراب المله ((تكرمون )) واحط تحت فراشي

وانسا البرد ............... جرب وادع لي انت وغيرك
دسم الشوارب
24/01/2006, 02:26 AM
ياهلابك يالرقيبه : اذا كانت تسوي لك مشكله جرب تدهن بها تراها ممتازه
امزح لاتسويها وتبلشني بذنبك
وبالنسبه لتراب المله اجرب واشوف
ياهلا فيك عزيز وغالي وحياك الله ولا تحرمنا من طلتك
عاشق البران99
24/01/2006, 02:50 AM
طحينية بالفستق ولا سادة؟
معليش يا جماعة ترا دسم الشوارب يحب حجم الخط يكون كبير ، مايشوف .:D
دسم الشوارب
24/01/2006, 02:51 PM
اللي تبي يا عاشق البران
اهم شي لاتكثر لأن العواقب وخيمه
حياك الله ياخوي ولا تحرمنا من طلتك
دسم الشوارب
25/01/2006, 05:02 AM
الا تعال في شي توني منتبه له



معليش يا جماعة ترا دسم الشوارب يحب حجم الخط يكون كبير ، مايشوف .:D
قصدك اني


http://www.mekshat.com/pix/upload/images14/mk21568_24_11co.jpg

الله يسامحك
مقبوله منك
أبو ثا بـت
25/01/2006, 02:03 PM
يادسم الشوارب رجاءً لاتحط صورتك بالمنتدى .. (( رفقاً بالقوارير )) تبي تعلمنا انك مزيون الله يهديك ..!!



إذا هذي صورتك مالوم الطحينية تدفيك انت لوتلحف بمنديل كلاك الحر ..؟
محب النياق
25/01/2006, 02:27 PM
لا وراعي سمك بعد
nahham
25/01/2006, 04:24 PM
تبدون دوا البرد من جد بعد اذن دسم الشوارب لاني دخلت عرض في موضوعه
احسن شي يدفي هو :

الحليب بالفلفل الاسود

وعلى ضمانتي اذا ما تصبصبون عرق
مجربه ولا منها مشاكل - والكلام لك ياغيام ههههه -

شكرا لكم
أبو ثا بـت
25/01/2006, 05:39 PM
أخوي محب النياق .. الله يهديك إنت مصدق إن الصورة الي وراه بحر .. هههههه .. هذي حركات 1700وحطبه ميلادي .. هذا المصور معفط القماش اللي ورى على باله بيلعب علينا

:confused: متكي على البحر كني بالمسحاة ماسكها بيده ..


وبعدين أكتب بخط كبير ومفرق كل حرف لحال وبعد يومين انشاء الله بيقدر يجمعها وبعد يومين إضافية بينتهي من الكتابة وبعد شهر بيضغط إنتر . .



ههههههههههههههههههه دسم الشوارب مالاحظت خذيت عليك شوي .. والله أحس إننا فليناها .. إثقلوا شوي عاد .. خلاص لايطب علينا إلي في بالي وكل واحد قرموعين .. ثمن يقول لاعاد تعودونها . .



الزبدة .. أنا بامشي الحين إنشاء الله لمكة .. تكفووووون يا إخوان حللوني إذا غلطت على أحد . أو أسأت إليه ماندري نرجع وإلا لا ... والله يجمعنا في جنات النعيم .. قولوا امين ..
دسم الشوارب
25/01/2006, 09:19 PM
اخوي محب النياق : فيه موضوع راح أطرحه قريبأً في خيمة الحياة الفطريه يتعلق بالابل وأرجو أن تفيدنا فيه
اخوي nahham: أشكرك على إقتراحك وخذ راحتك
بس لأنك مؤدب
اخوي فص فص : ياهلابك وخذ راحتك بالقول والذب والله يحللك ويبيحك
القضاع
28/01/2006, 12:49 PM
والله انا ماعندي مشاركه بس مريت على حارتكم ولقيت صورة دسم الشوارب واعجبتني اناقته فعلا وابتسامته المشرقه واجذبتني فعلا وبغيت اسال عن القميص الداخلي فعلا فعلا عاجبني فيه شي غريب .
والسؤال هل هو راس وطلع له جسم والا جسم وطلع له راس والا جاي سوى لكن فعلا عاجبتني اناقته. ( شكلي خربتها) اسف جدا
أبو ثا بـت
28/01/2006, 10:16 PM
لقد عدنا ولله الحمد والمنة
طشي وامطري
29/01/2006, 11:45 AM
غيّام

شكلك واحد من الربع اللي أطلع معهم ؟؟!!
معنا واحد من الشباب موذينا عند هالطحينية ويحتلم بالطلعة أكثر من مرّة ، ونبلش الفجر نسنعه علشان يغتسل.
وأخير قررنا منع الطحينية وهو معنا
والله يالربع إني مازدت عليكم بشيء ولا بالغت عن هالرجال.
الله يقومه بالعافية لأنه مرقد بالمستشفى هاليومين.
دسم الشوارب
30/01/2006, 10:01 PM
اخوي القضاع يا هلا بك وقل ماشاءالله ترا انتم اول ناس اوريهم صوري وما تنضلوني
وبعدين من اللي مسربها لأني اشوف الشباب ذاليومين يتناقلونها على الجوالات البلوتوث . الله يستر ما يخطفوني.
اخوي فص فص يا هلا وغلا ومرحبم بم
اخوي طشي وامطري هلا بك و شكراً لمرورك والله يقومه بالسلامه
ولو انك ماحاتسيتني
ذيب سواج
30/01/2006, 10:13 PM
الظــــــاهر يادسم الشوارب أن الطحينية بـــادي فيك مفـعولها من زمــــــــــــــــــــان كان هالصوره لك........!!!!!
ابو خطاب
30/01/2006, 10:58 PM
المله......وكان ربعك من الي يدفنون النار لا ناموا......فحط فراشط فوقها.....بس لاتعرض للهواء مباشره بعد ماتقوم ....بالتدريج لانك تبي تدفى قووووووه اشد من الطحينية....وخبري انه من اعراض ارتفاع السكر زيادة التعرق .
دسم الشوارب
31/01/2006, 07:51 AM
اخوي ذيب سواج حياك الله .ليش ؟شكلي غلط؟ طيب انت مب اول واحد يقول هالكلام غيرك كثير قالوه .ابيك تنزل صورك والباقين بعد ينزلون صورهم علشان اشوف انا ولا انتم احلى
امزححححححححححح :D :D
حياك الله وشكراً لمرورك
اخوي ابوخطاب كأنك جاد .تبوني احترق واذا قامو ربعي الصبح يلقون الفطور جاهز اللي هو انا
الله يكفينا شرك .شكرا لمرورك