مساعده يااهل الخبره

[اسلي نفسي]

السلام عليكم وبعد
طيري وكري فيه مشكله يكره البرقع يصيح لما نحاول نبرقعه واذا رحت من عنده فك البرقع والمشكله الثانيه يخاف من ايدي ما يبي احد يلمسه ابد لا صدره ولا جناحه ويوم ينقز ويوم ما ينقز رغم اني احيانا اطقه جوعان ل3ايام وما فيه فايده فما ادري وش السوات الطير فرخ ولي شهرين ومافي اي فايده

[فهد الدقباسي]

الطير وحش واظاهر فيه شبيجه (سبيكه) وعطه شناذره بس بالاول افحصه لايكون فيه مرض مايخليه ياكل

[أنا داري]

ربب الطير علفه على يدك دهله امسح ع صدر الطير حط العلف في البرقع وعطه من البرقه اقطع نسر وعلفه من ايدك وانشالله الامور بخير هقوتي الطير مطروح قريب وفيه خوف ولابد منها ..

[وكري الشمال]

انقل الطير واجد معك يعني اغلب وقتك معه وحاول انك تعلفة دايم على ايدك واهم شي لا تبرقعه بالقوه و لا تكثر عليه بالعلف

[راعي الدويمع]

الطير خايف منك لكن كثر عليه بنقل في وسط المجلس ولا تخلى احد يجي وراه لئن اغلب خوفه انك تجيه من الخلف ونسر له في البرقع وخل معك دايم نسر في المجلس وكل ربع ساعه نسر له نسر صغير مره مره مره ولا تشبعه مره وخلك على ها الحاله مدة عشر ليال وشف النتيجه ولانتنسى تشربه ماء في فنجال كل ما نقلته تراه زين لتدهيل مره مره يرب معه الطير

[قناص الهمله]

افادوك الاخوان

[ابوعزيز2007]

الطير خايف منك لكن كثر عليه بنقل في وسط المجلس ولا تخلى احد يجي وراه لئن اغلب خوفه انك تجيه من الخلف ونسر له في البرقع وخل معك دايم نسر في المجلس وكل ربع ساعه نسر له نسر صغير مره مره مره ولا تشبعه مره وخلك على ها الحاله مدة عشر ليال وشف النتيجه ولانتنسى تشربه ماء في فنجال كل ما نقلته تراه زين لتدهيل مره مره يرب معه الطير

ماقصر اخوي ولاكن ازيد عليه يمكن الطير يبغا شناذر

[اسلي نفسي]

الله لا يهينكم شباب وشكرا للمساعده