ثلاجة البيت ( الغرفة ) للسيارة !!

[عااشق الدهناء]

السلام عليكم


اخواني المكشاتيه تحياتي لكم


وعندي استفسار بخصوص ثلاجة البيت الصغيرة ( 110لتر) حقت الغرف


هل تصلح اني اخذها معي بالسيارة ولا لا ..؟؟


طبعاً اكيد راح اشبكها على محول لكن هل راح تتحمل الحراره بموسم الصيد ...!!


اقدر بدل ما هي بالطول اسدحها بالموتر ولا يأثر عليها ..!!


يا ليت يا اخوان اللي عنده خلفيه يفيدنا ونتشارك الآراء بالموضوع


بصراحه الثلاجات الخاصة مثل الطمره وغيرها غاااااليه حيل واعتبر اسعارها خياليه خصوصا ان استخدامها يكون فتره بسيطه بموسم الصيد


صحيح بعضها كد ومد لكن اللي اعرفه ان الثلاجات الحديثه ومن خلال تجارب اصدقاء لي وما اشوفه ببعض المنتديات من مشاكل الثلاجات يخلي الواحد يوقف الف مره قبل ما يدفع له 4500 ريال في ثلاجه او 3000 ريال حتى


بانتظار آرائكم .. تحياتي , ,,



ــ

[لاتكب البيالة]

السلام عليكم
الثلاجة حقت البيت ممكن تاخذه لكن ما تخليه واقفه ولا تشغلة والسيارة تحرك لازم بعد ما تاقف بشوي تشغله ويبيلك محول قدرته قوية يتحمل الثلاجة ما ادري 1000 واط يكفي ولا لا حسب حجم الكمبرسر لكن فيه 2000 واط
ايضا بتسحب كهرب البطارية
وانا اذكر واحد مركب فريزر حق بيت بالصندوق وشابكه على محول ومثبته ولا يشغله بالردمية انما اذا صار واقف او على الزفلت وماشي معه

[ادليلة]

يااخي العزيز اولا ثلاجت البيت تبي كهرب واجد وكذالك مثل ماتفضل اخونا لاتكب البياله ماتشغلها في المطبات ولاتسدحها خليها على طبيعتها انا اقول والراي لك مالك ووجع الراس تبي محول كبير وتشبيك زد على ذلك قيمت الثالجه ولا الخساره هي --اشترثلاجه صينيه رخيصه اوتافي بالغرض موجوده عند محلات الرحلات طب وتخير0 هذا مجرد راي000 تقبل تحياتي ولاتنسانا من الصيد

[عيشه قشرا]

طيب اشتر ثلاجة مثل هذي
http://t0.gstatic.com/images?q=tbn:ANd9GcQzVXbiMh0cPz_gN0A5LFA_MQx93Dr35 P1f7csPYHPzRc5o-e79
عبها قوالب ثلج وفصل لها جراب تنزاني مبطن اسفنج وريح مخك انا اضمنها لك 5 ايام بثلجها

[ابولولو]

اخوى اذا سدحت الثلاجه ومال الكمبرسروالزيت الى فيه يخرب ولا يعيش معك فتره طويله
اذكر كم مره شريت ثلاجه بيت ويقولى راعى المحل والمهندس اذا حطيت الثلاجه باالبيت لاتشغله على طول خله 5 دقائق علشان زيت الكمبرسر يركد وياخذ مجراه الطبيعى وتعيش الثلاجه اطول

[mt11]

ياخوي مالك وجع الراس تشبيك ومحولات ويمكن تلتمس اختصر الموضوع بثلاجة السيارة وانصحك بثلاجة الثميري رخيصة وطيبة ماتتجاوز ٢٠٠٠ ريال

[عااشق الدهناء]

بيض الله وجهيكم جميعاً ما قصرتوا وما لنا غنات عن آرائكم

بصراحه انا كنت ناسي نقطة ان ثلاجة البيت لام تكون ثابته وما تتحرك

واشكركم على التنبيه

وشكلها بتصفي على الحافظات والثلج


اشكر الجميع , ,,

[باسم40]

بالنبه للثلاجه الصغيره تحتاج 600 واط ليما تقوم وبعدها تكون صرفيتها من 100 الى 80 حسب الفولت 110او 220
مشكلة الاهتزاز ممكن تثبت الكمبريسور بدل الربر وكذلك مواسير الغاز لانها مجهزه انها تكون ثابته ما هيب لللهزيز بالسياره

[ابوامال1]

لاعادي تنفع ميه بالميه ولكن لاتسدحا خلها الكمبروسور للاعلى
انا مسالة الحركه عادي لان الزيت يجري مع الفريون عشان ماتتصلب
البلوف دورلك فريزر صغيره او ررهم الثلاجه العاديه فريزر
طبعا الشغله بسيطه ولكن وين بتحصل الي يشتغلك فيها وعلى كيفك العمال فسقانه ممن كثر الفلوس اول ماجا بيقولك اي سي يسوي بعد مايجبر عظظمه مافي فاضي
مايصير
اهم شي الغاز اصلي والزيت اصلي
الله يوفقك ان شاء الله تعالى

[رسيس نجد]

ما اتوقع انهافكره عمليه 000000 لكن يمكن اهل الاختصاص يكون لهم راي اخر 0

[أبوعابد 22]

أخوي خذ لك ثلاجات الطمره وريح بالك صح أنه غاليه
بس أحسن من البربسه وبعدين الطمره مخصصه لسيارات

[فلان بن عفتان]

السلام عليكم
كمبروسر الثلاجة المنزليه مصمم للعمل بشكل ثابت وكمبروسر ثلاجة السيارات يستطيع تحمل الاهتزازات والميلان .
المهم أن الثلاجة المنزليه يتعطل الكمبروسر بالمطاب والميلان

[SHEDET36.GM]

السلام عليكم ورحمة الله وبركاته .. أخوي عاشق الدهناء شهرك مبارك والله يتقبل منك صالح الاعمال
بالنسبة لسؤالك انا من ناحيتي ولا اجزم في ما اقول وهو يا اخوي العزيز ان الثلاجات من هذا النوع مصممة بحيث تكون ثابته اي غير متحركة يعني الكمبروسر مصمم على كذا ما ضنتي راح تنفع ولا كان تشوف اغلب الناس ما شرو ثلاجات الطمرة وغيرها بالاسعار الي انت عارف. لأن هذا النوع من الثلاجات يفرق في تصميم الكمبروسر بس الي انا سمعة عنه انه فيه نوع من الكمبروسرات الماني يباع في السوق تقول لي وين والله ما ادري اذا تقدر ترهمه على هذي الثلاجة ممكن ؟؟؟؟ تجي ليش لا واللي سمع عن النوع هذا يفيدنا بمكان بيعه علشان نشوف اذا قدرنا نرهمه ههههههه ولا لا
واسف على الاطالة ومو شرط كل اللي قلته لازم يكون صح انا اجتهدت فقط على حسب علمي

[اصيل نجد]

ياخوي خذ شوري مع شور الاخوه الاعضاء وخلى عنك شغل المصلقه وترى مايصح غير الصحيح محول كبير ومحل بالسياره واربط الثلاجه لاتطيح والبطاريه خلصت والله الىقعدنابها اترك هالامور وانا اخوك انت بين امرين اما تخذ ثلاجه صينيه من هالرخيصات او انك تاخذ حافظه وتحط فيها ثلج وتفصل لها شراع تنزاني ممبطن والله لك وللزمن ربي يدلك للاصلح