وليد46
09/08/2011, 05:49 PM
السلام عليكم ورحمة الله وبركاتة
اخواني اعضاء ومشرفين ورزوار مكشات اهلاا وسهلاا بكم مع قصة مثل
مشهور وهو ضيف جــديــع وهذا المثل كثير منا يقوله ولا يعرف قصتة
فلذلك تلقى كثير يقولونه في مكان خطاء يعني في موقف مايناسب المثل لانه
مايعرف سالفة او قصة هذا المثل الي صراحة اعتبره من افضل قصص الامثال
الي مرت علينا ارجو ان اوفق في سردها على الوجه المطلوب واتمنى امتاعكم.
قصة المثل كان فيه شاب يعيش بقرية من القرى وكان هذا الشاب مكافح صراحة .
والدليل انه شاب مكافح شغله في ذاك الوقت كانت شغلته من اصعب الشغلات
وهي ان القريه سلمكم الله ماكان فيها الا قليب (بـئـر) واحد بالقرية كلها وكانت هالقليب
مليانه بالماء ودايم تجم يعني ماه ماينتهي بس كان فيها مشكلة وهي انها عميقه مره
فشغلت الولد الشاب الوسيم هذا انه ينزل من اول الصبح في وسط هالبير العميقة لين
ياصل الماء وبعدين طبعا الناس الي بالقريه واجد وكانوا يجون مجموعات على القليب
علشان يرون قربهم وطبعا معروف كل واحد معه دلـو وكلنا نعرف الدلو وشو زي الاناء
بس يمسكه حبل او نسميه حنا ارشا وله عراوي يمسكبه الحبل طبعا الناس ينزلون
الدلي كلها في وقت واحد شغلت خوينا هذا الي تحت بالقليب تسمى مــيــااح يعني اذا نزل
عليه دلو من هالدلي ياخذه ويعبيه ماء ويجره جره وحده علشان يفهم راعيه انه امتلى
وهكذا طبعا ليش ؟ ؟ علشان ماتشابك الدلي مع بعضه في وصط البير العميقه
فكانت هذي شغلته من الصبح لين تغاب الشمس الظاهر الحين عرفتوا ليش اقولكم انه
مكــااااافح هالولد .
في يوم من الايــااااام وهو في وسط البير يعني في شغـله
نزل عليه دلو بطريقة غريــية جدااا وشلون غريبه كان الدلو الي نزل عليه مثــني
الحبل او الرشا مثل مانسميه كان مثني على عراوي الدلو طبعا العراوي كانت تسمى
(عرادزي) كان بهالشكل نزل عليه طبعا هو اول ماشافه قال يمكن راعيه مادرى انه
الحبل مثني بهالطريقة قام فكه وملاه ماء وجره وسحب راعيه الدلو وراح
من بكــــرى نزل عليه الدلو بنفس الطريـــقة الغريــبه هذي
طبعا هو يوم شاف الدلو رفع راسه يبي يشوف منهو راعي الدلو طبعا مثل ماقلتلكم
البير كانت قعيره ويالله يميز شكل راعي الدلو او بعد مايميزه المهم يوم رفع راسه
يبي يشوف شاف بنت جماله ماشاف مثله بحياته كله يوم شاف البنت
قامت البنت وطلعت له طرف جديلته من تحت الشيلة بس طرف الجديله وبعدين
ملى هو دلو البنت وجرته البنت وراحت هو طبعا يحتري بس تغيب الشمس علشان
يطلع من القليب ويشوف البنت منهي غابت الشمس وطلع دور دور دور مالقى احد
بعد كم يوم جدته البنت ونزلت الدلو عليه بنفس الطريقة وشافه وطلعت طرف الجديله
وطلع بعد غياب الشمس ولا لقى احد هو زاد حبه وشوقه للبنت والبنت صارت تسوي
معه هالحركه اكثر من اسبوعين كل يوم ورى يوم تجي وتسوي هالحركة طبعا هي
جايزله الولد لانه وسيم مثل ماقلت ومكافح وصبور وهو على مانقول الحب من اول نظره
شافه وداخ عليه بس مابيده حيله كل ماطلع مالقه المهم ..
البنت شدوا اهله لديره بعيده عنهم .. الولد اخذ يحتري البنت يوم يومين يحتري هالدلو
ماجاه اخذ اكثر من اسبوعين ماجاه قامت حالته تردى شوي شوي وحب الاولين ماهوب
مثل حب التالين الي بعضهم يشوفه ويطلع معه ويصير اعوذ بالله شي ثاني وهو ماخطب ولا تملك..
لا حب الاولين ماله الى شوفه ومن بعيد وبسس المهم تردت حالته واخذ اكثر من شهرين
والبنت ماجته ترك الشغل كله لانه صار مايقوى على الاشغل من شدت التعب .
راح لم عجوز عندهم بالفريق وشرح له كل السالفه وكل القصة طبعا العجز او الشيبان
اكيد مرت عليهم مواقف وغرابيل ويعرفون الدنيا زين من طول العمر والمثل يقول الي
اكبر منك بيوم اعلم منك بسنه المهم قاله السالفة كله قامت العجوز وهاوشتــه
قالت انت ماتفهم شي ابــوك هذي علمتك كل شي علمتك اسم ابوه وعلمتك فريقهم وشو
بس انت ماتفهم ؟ ؟ ؟ قال وشلون علمتن والله ماكلمته ولا كلمتن ؟
قالت هي يوم تثني الحبل على الدلو تقولك ترا ابوي اسمه ثاني وفريقنا اسمه ابو العرادزي لانه كانت حاطه الحبل او ثانيه الحبل على عرادزي الدلو
ويوم تطلع لك طرف الجديله تقولك ان ابوي شيخ والشيخ معروف بيته يصير على طرف
بيوت القبيله لانه كريم ومنصا لرجال لازم يصير بطرف الفريق
قالت له الحين رح دور عليه دور على الشيخ ثاني وفرق ابو العرادزي
راح الولد وهو ميت من الشووق راح يسال كل مامر فريق قال هذا فرق الشيخ ثاني
قالوله لاءء
لين وصل فريق الشيخ ثاني وسال قالوا هالله هالله هذا فرق الشيخ ثاني وهذاك بيته
الكبير الي بطرف الفريق طبعا الولد كان ناوي نيه راح عند واحد اسمه جديع بيته كان قريب من
بيت الشيخ ثاني وضاف عنده يعني صار ضيف عنده طبيعا منول الضيف ماينشده معزبه
يعني راعي البيت ماينشد الضيف عن اي شي لا اسمه ولا منين جاي ولا منهم اهله ولا
وش جابه الا بعد ثــــلات ايـــاام هذي اسلومهم والشاعر يقول .
حنـا مانبلش ضيفــنا بالتناشيد ياكــود هــو ينشــد حــديــنا
شـيمة عرب مانرددالهرج ترديد والعـلم نفهمه لو حنا ماحكينا
المهم صار اذا جاء مسيان طلع الولد من بيت جديع معزبه وراح لم مشراف او مرقاب
حولهم واخذ الدربيل وجلس يدربل وده يشوف بس البنت ويتاكد هل هي بنت الشيخ وهل
كلام العجوز صحيح ولا لا طبعا هذي عاده ماهب زينه اكيد بس مثل ماقلنا الحب والشوق
اكل قلبه اكل عجز لا يصبر وصار على هالحاله يومين يطلع فوق هالمشراف ويشوف
بالدربيل ولا يشوفه طبعا مرت جديع كانت خايفه من هالولد هذا وكانت تقول لجديع رجله
ياجديع انشدك ضيفك وش جايبه ووش عنده انا اشوفه قبل فوق هالمشراف
لا يصير عليه دم ولا هاج من دم وحنا ماندري قال يامره ماقدر انشده عن شي الا بعد
ثالث يوم بكرى ان شاءالله اذا اصبحنا وفك ريقه يعني افطر سألناه اما اليوم ماقدر
شوفوا وشلون الحفاظ على اسلومهم وعوايدهم ..
يوم جاء بليل الي هو ثاني يوم يعني بكرى يبي ينشده جديع وش عندك ووش جابك .
قام الولد هذا بليل وتسلل لم بيت الشيخ لين جا عند رواق بيت الشيخ ثاني
ورفع رواق البيت وشاف البنت انهبلت البنت من تصرف الولد وهاوشته قالت ماهقيته منك
قال والله يابنت اني عجزت اصبر بس جيت ابيك تقولين لي انك تبينن على سنة الله ورسوله
بس وبرجع لفراشي قالت والله لن مارجعت لفراشك اني لاصوت وجمع العرب
كله عليك انت مانتب رجل وانت وانت وانت وقامت تهاوشه هي طبعا ميته من الحب عليه
وتبيه وماصدقت انه شافته جاي يبي يخطبه بس هذا من التربية والادب وخوف الله بالبنت
فوق كل شي المهم الولد رجع لم بيت جديع معزبه ونام بفراشه يوم اصبحوا جاء جديع
يبي يقوم الضيف خلاص اليوم يبي يفطره وينشده من انت ووش عندك ووش جايبك ؟ المهم
جاء يبي يصحيه الفجر ولد ولد قم قم الولد مــــــــــااااات من الحـــــب ماتحمل المسكين
جديع انالله وانا اليه راجعون مات الضيف قال جديع لولده الصغير يوم اصبحوا رح رح
يم جراننا قلهم عطونا مسحــاات الضيف مــاات راح يركض الولد يقول ابوي عطونا مسحات
الضيف مات ويصير صوت الولد بذن البنت وتسمعه وهي تطيح من طوله وتموت ..
ويصير مثل معروف ومشهور ضيف جديع
ارجوا ان اكون وفقت في سرد قصة المثل على اكمل وجه
فإن اصبت فمن الله وإن اخطأت فمن نفسي والشيطان
معــلومـة / المثل اخذته سماعا من الراوي نــاصــر المسـيــمــيري
اخواني اعضاء ومشرفين ورزوار مكشات اهلاا وسهلاا بكم مع قصة مثل
مشهور وهو ضيف جــديــع وهذا المثل كثير منا يقوله ولا يعرف قصتة
فلذلك تلقى كثير يقولونه في مكان خطاء يعني في موقف مايناسب المثل لانه
مايعرف سالفة او قصة هذا المثل الي صراحة اعتبره من افضل قصص الامثال
الي مرت علينا ارجو ان اوفق في سردها على الوجه المطلوب واتمنى امتاعكم.
قصة المثل كان فيه شاب يعيش بقرية من القرى وكان هذا الشاب مكافح صراحة .
والدليل انه شاب مكافح شغله في ذاك الوقت كانت شغلته من اصعب الشغلات
وهي ان القريه سلمكم الله ماكان فيها الا قليب (بـئـر) واحد بالقرية كلها وكانت هالقليب
مليانه بالماء ودايم تجم يعني ماه ماينتهي بس كان فيها مشكلة وهي انها عميقه مره
فشغلت الولد الشاب الوسيم هذا انه ينزل من اول الصبح في وسط هالبير العميقة لين
ياصل الماء وبعدين طبعا الناس الي بالقريه واجد وكانوا يجون مجموعات على القليب
علشان يرون قربهم وطبعا معروف كل واحد معه دلـو وكلنا نعرف الدلو وشو زي الاناء
بس يمسكه حبل او نسميه حنا ارشا وله عراوي يمسكبه الحبل طبعا الناس ينزلون
الدلي كلها في وقت واحد شغلت خوينا هذا الي تحت بالقليب تسمى مــيــااح يعني اذا نزل
عليه دلو من هالدلي ياخذه ويعبيه ماء ويجره جره وحده علشان يفهم راعيه انه امتلى
وهكذا طبعا ليش ؟ ؟ علشان ماتشابك الدلي مع بعضه في وصط البير العميقه
فكانت هذي شغلته من الصبح لين تغاب الشمس الظاهر الحين عرفتوا ليش اقولكم انه
مكــااااافح هالولد .
في يوم من الايــااااام وهو في وسط البير يعني في شغـله
نزل عليه دلو بطريقة غريــية جدااا وشلون غريبه كان الدلو الي نزل عليه مثــني
الحبل او الرشا مثل مانسميه كان مثني على عراوي الدلو طبعا العراوي كانت تسمى
(عرادزي) كان بهالشكل نزل عليه طبعا هو اول ماشافه قال يمكن راعيه مادرى انه
الحبل مثني بهالطريقة قام فكه وملاه ماء وجره وسحب راعيه الدلو وراح
من بكــــرى نزل عليه الدلو بنفس الطريـــقة الغريــبه هذي
طبعا هو يوم شاف الدلو رفع راسه يبي يشوف منهو راعي الدلو طبعا مثل ماقلتلكم
البير كانت قعيره ويالله يميز شكل راعي الدلو او بعد مايميزه المهم يوم رفع راسه
يبي يشوف شاف بنت جماله ماشاف مثله بحياته كله يوم شاف البنت
قامت البنت وطلعت له طرف جديلته من تحت الشيلة بس طرف الجديله وبعدين
ملى هو دلو البنت وجرته البنت وراحت هو طبعا يحتري بس تغيب الشمس علشان
يطلع من القليب ويشوف البنت منهي غابت الشمس وطلع دور دور دور مالقى احد
بعد كم يوم جدته البنت ونزلت الدلو عليه بنفس الطريقة وشافه وطلعت طرف الجديله
وطلع بعد غياب الشمس ولا لقى احد هو زاد حبه وشوقه للبنت والبنت صارت تسوي
معه هالحركه اكثر من اسبوعين كل يوم ورى يوم تجي وتسوي هالحركة طبعا هي
جايزله الولد لانه وسيم مثل ماقلت ومكافح وصبور وهو على مانقول الحب من اول نظره
شافه وداخ عليه بس مابيده حيله كل ماطلع مالقه المهم ..
البنت شدوا اهله لديره بعيده عنهم .. الولد اخذ يحتري البنت يوم يومين يحتري هالدلو
ماجاه اخذ اكثر من اسبوعين ماجاه قامت حالته تردى شوي شوي وحب الاولين ماهوب
مثل حب التالين الي بعضهم يشوفه ويطلع معه ويصير اعوذ بالله شي ثاني وهو ماخطب ولا تملك..
لا حب الاولين ماله الى شوفه ومن بعيد وبسس المهم تردت حالته واخذ اكثر من شهرين
والبنت ماجته ترك الشغل كله لانه صار مايقوى على الاشغل من شدت التعب .
راح لم عجوز عندهم بالفريق وشرح له كل السالفه وكل القصة طبعا العجز او الشيبان
اكيد مرت عليهم مواقف وغرابيل ويعرفون الدنيا زين من طول العمر والمثل يقول الي
اكبر منك بيوم اعلم منك بسنه المهم قاله السالفة كله قامت العجوز وهاوشتــه
قالت انت ماتفهم شي ابــوك هذي علمتك كل شي علمتك اسم ابوه وعلمتك فريقهم وشو
بس انت ماتفهم ؟ ؟ ؟ قال وشلون علمتن والله ماكلمته ولا كلمتن ؟
قالت هي يوم تثني الحبل على الدلو تقولك ترا ابوي اسمه ثاني وفريقنا اسمه ابو العرادزي لانه كانت حاطه الحبل او ثانيه الحبل على عرادزي الدلو
ويوم تطلع لك طرف الجديله تقولك ان ابوي شيخ والشيخ معروف بيته يصير على طرف
بيوت القبيله لانه كريم ومنصا لرجال لازم يصير بطرف الفريق
قالت له الحين رح دور عليه دور على الشيخ ثاني وفرق ابو العرادزي
راح الولد وهو ميت من الشووق راح يسال كل مامر فريق قال هذا فرق الشيخ ثاني
قالوله لاءء
لين وصل فريق الشيخ ثاني وسال قالوا هالله هالله هذا فرق الشيخ ثاني وهذاك بيته
الكبير الي بطرف الفريق طبعا الولد كان ناوي نيه راح عند واحد اسمه جديع بيته كان قريب من
بيت الشيخ ثاني وضاف عنده يعني صار ضيف عنده طبيعا منول الضيف ماينشده معزبه
يعني راعي البيت ماينشد الضيف عن اي شي لا اسمه ولا منين جاي ولا منهم اهله ولا
وش جابه الا بعد ثــــلات ايـــاام هذي اسلومهم والشاعر يقول .
حنـا مانبلش ضيفــنا بالتناشيد ياكــود هــو ينشــد حــديــنا
شـيمة عرب مانرددالهرج ترديد والعـلم نفهمه لو حنا ماحكينا
المهم صار اذا جاء مسيان طلع الولد من بيت جديع معزبه وراح لم مشراف او مرقاب
حولهم واخذ الدربيل وجلس يدربل وده يشوف بس البنت ويتاكد هل هي بنت الشيخ وهل
كلام العجوز صحيح ولا لا طبعا هذي عاده ماهب زينه اكيد بس مثل ماقلنا الحب والشوق
اكل قلبه اكل عجز لا يصبر وصار على هالحاله يومين يطلع فوق هالمشراف ويشوف
بالدربيل ولا يشوفه طبعا مرت جديع كانت خايفه من هالولد هذا وكانت تقول لجديع رجله
ياجديع انشدك ضيفك وش جايبه ووش عنده انا اشوفه قبل فوق هالمشراف
لا يصير عليه دم ولا هاج من دم وحنا ماندري قال يامره ماقدر انشده عن شي الا بعد
ثالث يوم بكرى ان شاءالله اذا اصبحنا وفك ريقه يعني افطر سألناه اما اليوم ماقدر
شوفوا وشلون الحفاظ على اسلومهم وعوايدهم ..
يوم جاء بليل الي هو ثاني يوم يعني بكرى يبي ينشده جديع وش عندك ووش جابك .
قام الولد هذا بليل وتسلل لم بيت الشيخ لين جا عند رواق بيت الشيخ ثاني
ورفع رواق البيت وشاف البنت انهبلت البنت من تصرف الولد وهاوشته قالت ماهقيته منك
قال والله يابنت اني عجزت اصبر بس جيت ابيك تقولين لي انك تبينن على سنة الله ورسوله
بس وبرجع لفراشي قالت والله لن مارجعت لفراشك اني لاصوت وجمع العرب
كله عليك انت مانتب رجل وانت وانت وانت وقامت تهاوشه هي طبعا ميته من الحب عليه
وتبيه وماصدقت انه شافته جاي يبي يخطبه بس هذا من التربية والادب وخوف الله بالبنت
فوق كل شي المهم الولد رجع لم بيت جديع معزبه ونام بفراشه يوم اصبحوا جاء جديع
يبي يقوم الضيف خلاص اليوم يبي يفطره وينشده من انت ووش عندك ووش جايبك ؟ المهم
جاء يبي يصحيه الفجر ولد ولد قم قم الولد مــــــــــااااات من الحـــــب ماتحمل المسكين
جديع انالله وانا اليه راجعون مات الضيف قال جديع لولده الصغير يوم اصبحوا رح رح
يم جراننا قلهم عطونا مسحــاات الضيف مــاات راح يركض الولد يقول ابوي عطونا مسحات
الضيف مات ويصير صوت الولد بذن البنت وتسمعه وهي تطيح من طوله وتموت ..
ويصير مثل معروف ومشهور ضيف جديع
ارجوا ان اكون وفقت في سرد قصة المثل على اكمل وجه
فإن اصبت فمن الله وإن اخطأت فمن نفسي والشيطان
معــلومـة / المثل اخذته سماعا من الراوي نــاصــر المسـيــمــيري