حريب الياس
09/08/2011, 10:17 PM
ابيات و صلنتي من احد الاصدقاء
لا ضاق صدري قمت للجيب عجلان = و نصيت لي جوٍ من الناس خالي
و شبيت ناري فيه حزّت مسيان = لحظة غروب الشمس جالس لحالي
و سويت فنجالٍ على الكيف شفقان = للبن الاشقر كان همي طرالي
قمت اتذكر طلعت سهيل لا بان = راع الولع لسهيل فكره خيالي
و قمنا ندهل صافي الريش (شقران) = وافي كفوف مسرول الريش غالي
يا حلو هده في شغايا رويضان = بأول خضار الارض ماهو بتالي
لامن شبح في ناظره طير حوران = طلعه على البرقا بعيد المدالي
واقفى على الحروه بدقه و ميزان = وهوى على جولٍ غشاه اجتوالي
و ادلى على الحفال ساطي و غضبان = داسه وخلا الريش بالروض جالي
هذي طرات العمر و الرزق يا اخوان = بيد الكريم اللي على الخلق عالي
......................
ردي .......
الجيب للمقناص جاهز من الأن = و انا على المقناص اعد الليالي
اذا طرى لي ما مضى كن ما كان = شيٍ من الذكرى على ما مضى لي
على (سحاب) الثوب بالدمع غرقان = الوافي اللي فيه يرخص حلالي
ان طار كنّه اسفل الغيم ربان = ابيض و خالط لون ريشه شعالي
يطري علي يوم انقله بين ريضان = خضراء وفكري من صدى الهم سالي
انا معه شاعر وهو صار فنان = اطرب له ان نجم و اطوّح عقالي
لا تبحث الخافي ترا القلب تعبان = احاول انسى يا عمر ما جرى لي
وهذي هي الدنيا على مر الأزمان = و مدري متى منها تروّح رحالي ؟
لا ضاق صدري قمت للجيب عجلان = و نصيت لي جوٍ من الناس خالي
و شبيت ناري فيه حزّت مسيان = لحظة غروب الشمس جالس لحالي
و سويت فنجالٍ على الكيف شفقان = للبن الاشقر كان همي طرالي
قمت اتذكر طلعت سهيل لا بان = راع الولع لسهيل فكره خيالي
و قمنا ندهل صافي الريش (شقران) = وافي كفوف مسرول الريش غالي
يا حلو هده في شغايا رويضان = بأول خضار الارض ماهو بتالي
لامن شبح في ناظره طير حوران = طلعه على البرقا بعيد المدالي
واقفى على الحروه بدقه و ميزان = وهوى على جولٍ غشاه اجتوالي
و ادلى على الحفال ساطي و غضبان = داسه وخلا الريش بالروض جالي
هذي طرات العمر و الرزق يا اخوان = بيد الكريم اللي على الخلق عالي
......................
ردي .......
الجيب للمقناص جاهز من الأن = و انا على المقناص اعد الليالي
اذا طرى لي ما مضى كن ما كان = شيٍ من الذكرى على ما مضى لي
على (سحاب) الثوب بالدمع غرقان = الوافي اللي فيه يرخص حلالي
ان طار كنّه اسفل الغيم ربان = ابيض و خالط لون ريشه شعالي
يطري علي يوم انقله بين ريضان = خضراء وفكري من صدى الهم سالي
انا معه شاعر وهو صار فنان = اطرب له ان نجم و اطوّح عقالي
لا تبحث الخافي ترا القلب تعبان = احاول انسى يا عمر ما جرى لي
وهذي هي الدنيا على مر الأزمان = و مدري متى منها تروّح رحالي ؟