مقناص 1431 هـ (جديد الحنيني) الجزء الثاني ........... حامد الحنيني

[حامد الحنيني]

السلام عليكم ورحمة الله وبركاته
صباح الخير ومساء الخير للجميع
حياكم الله في الجزء الثاني من (جديد الحنيني)
اشكر كل من شارك وشاهد وأتحفني برده على الجزء الأول
وها أنا اعرض الجزء الثاني وكله سبب تشجيعكم وردودكم الطيبة
ونبدأ مع الصور مع تمنياتي لكم بمشاهده ممتعه .
ــــــــــــــــــــــــــــــــــــــــــــــــــ ــــــــــــــــــــــــــــ
هذا المقناص بعد ما رجعنا من مقناص الشمال بكم يوم
و حنا بالمدعى ذكرلنا رجال اثر حباري قريبة من الديرة
ويقول دورهون قنوص ولا حصلوهن الأرض ماتقص قاع وتركهون
المهم قال واحد من الربع أنا أبا أروح الصبح للموقع يمكن أحصلهن مدامني فاضي
قلنا تم ويوم أصبحت الصبح كان عندي شغل مادريت إلى الرجال يدق علي سلام وعليكم
السلام بشر عسا جرتها جديدة .. قلتها والله بس كذا... قال أي والله أثرها عندي
وأنا لحالي كانك فاضي الفزعة قلت والله أنا مشغول لاكن أول ما اطلع أكون عندك
ويوم جت الساعة 12 يومه دق علي بشر وش العلوم؟؟؟؟ قال أبشرك بالخرج
مشاء الله مبروك مبروك وشلون لقيتها!!! وشلون الهدد وجاته مجموعه من الأسئلة؟؟؟؟؟؟؟؟؟؟؟؟؟؟
قال أبشرك أبو محمد جاني بدري وقصينها ويوم وصلت الساعه 11 حولها وأنا أقص رجليه وأبو محمد يقطع بموتره
قلت لبو محمد أنا فكيت سبوق الطير من الصبح الظاهر أبا اربطه قال اربطه يقول يوم قربة يدي أبي امسك سبقه
وهو يتل ويروح الطير مع الأرض و أنا ارفع نظري إلى هي طيار من فوق الرمث ويوم شافت الطير
وهي ترتفع لاكن مشاء الله على جهام لحقها وحولبها قلت عساك صورة
قال لا ماصورت لاكن الحبارى مخلاص وتجي تشوف الربع يبون يعلمون الطيور عليها قلت جايك بأذن الله
يوم طلعت على طول وأنا أروح يمه أنا واحد من العيال ويوم جينا ونتغدى ونتفرج على المزيونه بالقفص
وأتفرج على جرتها قال أبو نادر يالربع قبل شوي طحتلي بجرة لها أول مالها تالي و90%أنهن ثنتين
لان اللي أقصه خرب حليل ماهو كبير ولاصغير واللي خطمت علي دجاجه والذكر اللي جاني أنهن ثنتين
قلنا مشينا المهم وناصل الموقع لو الأرض اللي تطربك تقول بباكستان من الجره ماتدري وش تقص وش تخلي
وكل موتر يقصله جره يوم اختلطت علينا الجرر القديمة والجديدة قلنا خلها بكره كان به شئ جديد
نبي نلقاه ونخليها لبكره وهاذي صورة الخرب اللي طرحه أبو نادر بطيره جهام :


http://hh7.net/Aug/10/hh7.net_13129471651.jpg (http://hh7.net/)


http://hh7.net/Aug/10/hh7.net_13129471652.jpg (http://hh7.net/)



http://hh7.net/Aug/10/hh7.net_13129471653.jpg (http://hh7.net/)




http://hh7.net/Aug/10/hh7.net_13129464141.jpg (http://hh7.net/)






وهذا المثلوث لبو شجاع عزالله طير موقف سبوووق وصامل وطلع على حباري الشمال الثنتين
الله يبارك لراعيه فيه ماناقصه الى حبارى الروض وبيذبحها بأذن واحد أحد :


http://hh7.net/Aug/10/hh7.net_13129464152.jpg (http://hh7.net/)


http://hh7.net/Aug/10/hh7.net_13129464153.jpg (http://hh7.net/)


http://hh7.net/Aug/10/hh7.net_13129464154.jpg (http://hh7.net/)


وهذا حر جير لبو محمد وكان من الطيور اللي علمناها على المخلاص:





http://hh7.net/Aug/10/hh7.net_13129529261.jpg (http://hh7.net/)



ويوم جاء اليوم الثاني يوم طلعنا من الدوامات وحنا نروح للموقع كل المجموعه يوم وصلنا الا نفس
أمس الجرر واجد واغلبها جديد شكينا أنهن ثنتين بعد.... المهم نتفرق وكل موتر مع جره يوم أذن العصر
إلى يوم صوت واحد من العيال قال الحبارى جرتها عندي جددددددديده هالحين
لأني قبل شوي مقطع مع هالخط ولا لقيتاها والحين جرتها جديدة تحبري وناطحة الشمس المهم الأرض ماتقص غير مع درب القلابيات
و نتوطى الرمث يوم قمزت من تحت المواتر وهي تطير ويهد أبو محمد حبيب الله يستر عليه وتطير وتوقع يوم شافت الطير
و يازينها للطير اللي يبي التعليم دجاجه ... وأبو محمد يسوق عليها بالموتر وهو يطيرها
ياسبقها سبقاه لاكن حبيب الله يستر عليه يقول وين أنت رايحه خلاص مافيه هجره وهو يرددها علينا التفرجه على كيف كيوفك ...المهم وترديد يطرب اللي مايعرف الصقاره ويأخذ منها ريش ثلاث مرات بالجو
واهي تنزل تبي الأرض وقبل لاتطب الأرض إلى الطير معها وهو يطرحها مشاء الله عليه
وهاذي صورها ويبين إن أبو محمد يوضي نبي نصلي العصر :
http://hh7.net/Aug/10/hh7.net_13129471654.jpg (http://hh7.net/)



http://hh7.net/Aug/10/hh7.net_13129471655.jpg (http://hh7.net/)




http://hh7.net/Aug/10/hh7.net_13129475841.jpg (http://hh7.net/)



http://hh7.net/Aug/10/hh7.net_13129475842.jpg (http://hh7.net/)



http://hh7.net/Aug/10/hh7.net_13129475843.jpg (http://hh7.net/)


وهالصورة تبين طبيعة الأرض اللي صدنا الحباري بها صعبه جدا بالقصص :


http://hh7.net/Aug/10/hh7.net_13129475844.jpg (http://hh7.net/)




وبعد الصلاه تفرقنا ندوج عسا الله يرزقنا بشئ ومع المغيب طلع دهام لاكنه ماتل
باتجاه الشمس ولا وكد طلعه قلنا أكيد إن فيه شئ لا كن أبعدنا عن الموقع ونبي ندعي الطيور
والصباح رباح وهذا سرهيد يشلويله راعيه :


http://hh7.net/Aug/10/hh7.net_13129475845.jpg (http://hh7.net/)
يتبع

[حامد الحنيني]

http://hh7.net/Aug/10/hh7.net_13129504011.jpg (http://hh7.net/)



http://hh7.net/Aug/10/hh7.net_13129504012.jpg (http://hh7.net/)



ويوم أصبح الصبح إلى حنا بالموقع
ونمر طلع الطير إلى هاذي جرتها ناطحة الشمس
ومروحة وحنى نقتصها لين ملينا منها الأرض قاع ماتقص غير مع قوع الرمث المهم
ونقطعلها يوم طبينا مكان دكاك من السيل لهاذي جرتها حايسة بالمكان ونصوت للربع
ونجتمع عليها و اشتكينا بها أحيان نقول جديدة هالساعه وأحيان نقول جرتها أول الليل
ونقصها لما دخنى ونمشي ونخليها ايسنا منها وهاذي الجره :


http://hh7.net/Aug/10/hh7.net_13129514781.jpg (http://hh7.net/)



بعد هالمقناص صارت عندي ظروف ماطلعة الا طلعتين وقت الكراوين وبهالوقت
كان الجو ما شاء الله تبارك الرحمن أمطار وخير وبعض خوينا شرو فروخ وهاذي
صور الأمطار وصور فروخ الربع :





http://hh7.net/Aug/10/hh7.net_13129504014.jpg (http://hh7.net/)



http://hh7.net/Aug/10/hh7.net_13129504015.jpg (http://hh7.net/)


http://hh7.net/Aug/10/hh7.net_13129514792.jpg (http://hh7.net/)


شقران طير أبو نادر الله يبارك فيه .


http://hh7.net/Aug/10/hh7.net_13129514793.jpg (http://hh7.net/)


http://hh7.net/Aug/10/hh7.net_13129514794.jpg (http://hh7.net/)





ريمان طير أبو محمد تفريخ وسرته طيبه وصافي .


http://hh7.net/Aug/10/hh7.net_13129518481.jpg (http://hh7.net/)


http://hh7.net/Aug/10/hh7.net_13129518482.jpg (http://hh7.net/)







وهذا طير أبو علي يوم نشريه فاكيله خضاريه
سلم ولحقها بالخيال وعلقها سبوووووق بمعنى الكلمة باعه الله يرزق راعيه :


http://hh7.net/Aug/10/hh7.net_13129518485.jpg (http://hh7.net/)




وهذا سرهيد ودهام مبرقعين دهام على التكية وسرهيد على مرتبة المعاون مبرقع
واثر الحبيب طش برقعه ونقز عن دهام يتطلع وانتبهناله قلت اصبر خلني اخذله صوره :


http://hh7.net/Aug/10/hh7.net_13129521611.jpg (http://hh7.net/)


ووقت الكراوين قنصنا يم الجلعب وعنز الجميد والجهرا وهكالديار والله من الوناسه بهالديار والربيع
لاكنها بعيده اخذلنا تقريبا أسبوع وعينا أربع كراوين اعذروني لأني ماصورت المقناص بتفاصيله
لاكن عسا الصور الباقية تعوض عن النقص وهذا صوره تبين اختراع من اختراعاتي الكروان طحنابه
بدون جره وننتظر الربع يكتملون
وودي أصوره وبين انه خريش ماودنا نقرب ولامعي كاميرا زومها قوي أصور من جوال فكرت فكرت لقيت الحل أخذة الدربيل السايز وقربة عدسة الجوال من عين الدربيل وطلع الكروان واضح (الحاجة أم الاختراع )


http://hh7.net/Aug/10/hh7.net_13129521612.jpg (http://hh7.net/)


وهاذي صور لريمان وهو على الكروان :




http://hh7.net/Aug/10/hh7.net_13129521614.jpg (http://hh7.net/)


وهذا طيري حماد ذابح الكروان والله يجيبله الحبارى لاكن ماله صور مع الكراوين للأسف.
http://hh7.net/Aug/10/hh7.net_13129521615.jpg (http://hh7.net/)


وفي الختام أتمنى من الولي القدير أني وفقت في عرض الموضوع وأتمنى أن يرتقي إلى المستوى المطلوب
ونلتقي في مواضيع أخرى
والسلام عليكم ورحمة الله وبركاته

[الحركساب]

بيض الله وجهك على السرد الانييييييق
وماشاء الله تكبير الدربيل صح
صيد وخيرات يالله من فضلك
عشت وتحياتى لتالقك

[ذراع الذيب]

السلام عليكم ورحمة الله وبركاته,,
صبحت بالخير ياحامد,,


الله .. الله .. الله .. ياحامد وش هالزين عزالله انك شرحت صدري بهالموضوع,,
والله وبعيد عن المجاملات ان هالموضوع من اجمل ماقرأت عن مقانيص الحباري ومن دون قصور بأحد ماشالله عليك,,
عندك موهبه بسرد القصص عزالله وكني قانص حباري:) البحث عن الجره وقصها وطلع الطيور,,
والهداد والديره والامطار الله يجعلها دوم يارب ماهيب يوم والله انك مكسب كبير لمكشات,,


http://hh7.net/Aug/10/hh7.net_13129518485.jpg (http://hh7.net/)


ماشالله تبارك الله ياحي هالوسره وعلى انفهاق هالجناح,,
عزالله ماخاب سبق كل طير هذي وصوفه وانشهد والله يبارك لراعيه,,


والمثلوث حليلاه لو فيه واحد مثله بالساحل


عزالله الطواريح مايستفزعون الا به,,
الله يبارك لراعيه اذهلتنا ياحامد بهالمواضيع روح ياحامد فالابداع انت راعيه,,
وتستاهل التقييم الاعلىhttp://www.mekshat.com/vb/images/rating/rating_5.gifتحياتي لك,,

[بدرالدجا]

بسم الله الرحمن الرحيم
اخوي حامد الحنيني
مقنااص طيب الله يعوده عليك كل سنه

[اجااا]

ماشاء الله تبارك الله وين انت ياشيخ
والله انك وسعت خاطري وعشت الجو معكم
وحركت شيئ بين الضلوع مدري وشو
لاكن الله يجزاك خير

[بن محجن]

بسم الله الرحمن الرحيم
عليكم السلام ورحمة الله وبركاته


مبارك عليك الشهر الفضيل أخوي
حامد الحنيني


مقــناص وجـــواء وســــرد رائع وشيق جداّ
تشكر على المجهود
واعادها الله لكم سنين بالخير والمسرات


وتقبل تحياتي ومروري


ودمت ســـــــالم


بن محجن
10/9/1432ه

[نسيم المطر]

الله لايغير عليكم ونستنا الله يونسك بطاعته عاد ابونادر فاضي ماشاء الله مقاانيص رائعه
بس ابي اسئلك ابونادر معه الى هالحين صرخه والمارد والا ضيعهن

[ربع خالي]

وعليك السلام ورحمة الله وبركاته

أبدعت ياخوي في السرد الكايف واللي خلانا بينكم في هدادكم وخططكم لدورة الحبر
وأكملتها بالصور الطيبه .
تقبل مروري
تحياتي

[راعى شاهين]

صراحه التعليق على كل صوره ادخلنا جو الله يونسك ونستنا

[البرًي]

تقرير ممتاز
وعليكم بالعافية
وصايدين وفايدين يالغالي
وطيور طيبه الله يبارك فيها

[@السيف@]

يامال الجنه ياحامد يامال الجنه ياحامد يامال الجنه ياحامد
اطربتني واتحفتني مقناص نوماس انت ركزت علي شي هو المقناص عندي اللي هي الجره
يازينها زيناه والله هي حلا المقناص واسال الله ان يبارك لك في عمرك وطيورك
ودي انشدك بالله جاك نوم وطيرك مطلع ياقو قلب قواه الله يحرسك
لوني مكانك تلقي جرتي في كل مكان حول فراشي تقول منقرص
اييييييه الله يفرجها ويرزقنا بالنوماس

[رعد البوادي]

ماشاء الله صايد وفايد

[شمالي 30]

وعليكم السلام ورحمه الله وبركاته
بيض الله وجهك اخوي حامد الحنيني
ماقصرت عز الله انه مقناص يطرب

[ابو سلطان العتيبي]

صايد وفايد

ما شاء الله عليك
اخوي حامد
سرد قصصي ولا اروع
الله يعيده عليكم بالصحة والعافية
-

[أبـوالبـــراء]

ماشاء الله مقناص وأمطار الله يعيده ولايحرمنا وياكم كل خير
http://hh7.net/Aug/10/hh7.net_13129514792.jpg

[صقار أبوظبي]

وعليكم السلام ورحمه الله وبركاته
بيض الله وجهك اخوي حامد الحنيني
ماقصرت تقرير ممتاز وســــرد رائع

وتقبل تحياتي

[مفتووون]

ماشالله عليكم صيد طيب وطيور طيبه الله يعيدها عليكم بخير وسلامه

[عسااااف]

ما شاء الله تبارك الله
امتعتنا الله يعطيك العافيه على التقرير الرائع والطيور الطيبه الله يبارك لكم فيها ويعيد المقناص عليكم كل سنه وتقبل تحياتي

[alrshedi]

وعليكم السلام ورحمة الله وبركاته
يامرحبا ياخوي حامد
الله يبيض وجهك علي التقرير الوافي مثلك وشرواك
ماتقصر عزالله موضوع طيبه منك وسرد رائع
لاهنت وتستاهل الخمس نجوم عزالله
بنتظار جديد يالغالي

[فهد الحنيني]

ماشاء الله تبارك الله عليكم ... الله يستر عليكم ويوفقكم

بصراااحه تقرير روعه والطيور ماشاء الله عليها وترتيب وصور كلش تمام

أستأذنك بهذه الصوره لروعتها وجمالها

http://hh7.net/Aug/10/hh7.net_13129514792.jpg (http://hh7.net/)

سلم على الربع وبالتوفيق ان شاء الله

[الحمش1]

مشاء الله تبارك الله

دخلتنا جو ياحامد وهيضتنا

الله يعطيك العافيه والله يعيد هالمقانيص


تحياتي

[الحربي أبوذيب]

ماشاء الله تبارك الله قد تابع الجزء الاول وتمنيت انه منتهى واكملته بها الجزء

واقول لعل وعسى يكون فيه جزء ثالث

الله يعطيك العافيه ومقناص يشرح الصدر والله يعيده عليكم وانتم بصحه وعافيه

والله يجيب الوسم والربيع والخيرات وتكون سنة خير على الجميع

تقبل مروري وتعليقي

[wwmfs]

ماشاء الله

صايد وفايد

الله يوفقك

[طيرالحمــــاد]

ماشاء الله تبارك الله
بيض الله وجهكــــ وماقصرت طرح مميز وسرد وتصوير رائع جدا .
الفرخ السبوق ماشاء الله عليه مشري من الشمال ولا انا غلطان (كان طير واحد من خويانا برفحاء)
وباعه على واحد من منطقة القصيم اذا ماني واهم انه هوالفرخ ذا.

تقبل تحياتي ننتظر جديدكــــ

[SOMAN]

يعطيك العافية ياحامد على هذا التقرير المتميز:f

gsrPE8A-a9c

[@قرناص@]

ماشاء الله تبارك الله ،،

الله يعطيك العآفيه على الموضوع الطيب ،،

مقنااص السـعد الله يعيده عليكم سنين وسنين ،،

لاهنـت يآحآمد

[عبدالرحمن بن ذياب]

صايدين وفايدين
عز الله انك كفيت و وفيت بالسرد

[مذخور]

ماشاء الله تبارك الله
بيض الله وجهك ماقصرت طرح مميز وسرد جميل
امتعتنا الله يعطيك العافيه والصحه على التقرير الرائع
والطيور الطيبه واهلها اطيب
بارك الله فيك ,,

[حامد الحنيني]

ياهلا ومرحبا وحياك الله
يالله حي الحر كساب
اتحفتني بردك الله يعطيك العافيه والله يجزاك خير
وشكرا لك .
ــــــــــــــــــــــــــــــــــــــــــــــــــ ــــــــــــــــــــــــــــــــــــ
ياهلا ومرحبا وحياك الله
يالله حي ابو ناصر
وش علومك وش الاخبار ؟؟ان شاء الله انك في اتم الصحه والعافيه
والله شرف لي طال عمرك اتحافي بردك على موضوعي الله لايهينك
واعجابك بالموضوع وسام على صدري والمكسب ياطويل العمر
لمكشات هو انت وشرواك من الرجال الطيبه
لاهنت لاهنت لاهنت
تحياتي لك.
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
ياهلا ومرحبا وحياك الله
يالله حي بدر الدجا
الله يجزاك خير يالغالي والله يعطيك العافيه
تحياتي لك.
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
ياهلا ومرحبا وحياك الله
يالله حي اجااا
انا والله اسعد بردك واني هيضتك للمقانيص طال عمرك
وانا احمد الله يوم الموضوع اعجبك اللي بين الضلوع
اتحفتني بمرورك الله يعطيك العافيه
تحياتي لك.
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
ياهلا ومرحبا وحياك الله
يالله حي بن محجن
الله يبارك بأيامك ويجعلنا من صوامه وقوامه ويجعلنا
من العتقاء من النار الحمدلله ان الموضوع اعجبك
وهذا وسام على صدري بارك الله فيك واتحفتني في مرورك الله
يعافيك
تحياتي لك.

[مكرم الضيف]

تقرير مابعده. بيض الله وجيهكم يالنشاما

[أبو أمين]

صايد وفايد

وفالك الخرب اللي يدق زوره بالقاع ويفرق القشع .

تحياتي .

[ولد حرب 2011]

السلام عليكم ورحمة الله وبركاته امابعد...
مقناص بغايةالرووووعه تسلم ياخي حامد واعاده الله عيكم بالخير والصحه والعافيه والامطار:r

[هاوي بر و صيد]

ماشاء الله صايد وفايد

[حامد الحنيني]

السلام عليكم ورحمة الله وبركاته
ياهلا ومرحبا اخوي نسيم المطر
الله يجزاك خير الله الله ابو نادر فاضي ويدور المشاوير
واللي تنشد عنه مامعه شئ منهن
وتراه يسلم عليك وهو ماعرفك
لاكن يومك نشدت عنه قال سلمني عليه
تحياتي لك.
ــــــــــــــــــــــــــــــــــــــــــــــــــ ــــــــــــــــــــــــــ
السلام عليكم ورحمة الله وبركاته
ياهلا ومرحبا بمشرفنا الغالي ابو سيف
الله يعطيك العافيه شهادتك اعتز بها ووسام على صدري
تحياتي لك.
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
السلام عليكم ورحمة الله وبركاته
ياهلا ومرحبا اخوي راعي شاهين
الله يجزاك خير ويعطيك الف عافيه
تحياتي لك.
ــــــــــــــــــــــــــــــــــــــــــــــــــ ــــــــــــــــــــــ
السلام عليكم ورحمة الله وبركاته
ياهلا ومرحبا اخوي البري
حياك الله يالغالي
الله يجزاك خير ويعطيك العافيه
والتميز من ردودكم وتشجيعكم طال عمرك
تحياتي لك .
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
السلام عليكم ورحمة الله وبركاته
ياهلا ومرحبا بأخوي السيف
حياك الله يالغالي
الله يجزاك خير ويعطيك الف عافيه
الله يعيدها علينا وياكم سنسن ودنين عزالله ان الجره هي اللي
نص المقناص ان ماحصل قصص تقل ماقنصة
وانا مثلك ياخوك اشفق على الجره بالحيل والقصص بغاية المتعه
اما النوم والله انه شلافيح هكالليله حلوم وهدد ههههههه
الله يهكالايام عساها تعود
تحياتي لك.
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
السلام عليكم ورحمة الله وبركاته
ياهلا بأخوي رعد البوادي
شرفني مرورك لاعدمناك
تحياتي لك.
ــــــــــــــــــــــــــــــــــــــــــــــــــ ـــــــــ
السلام عليكم ورحمة الله وبركاته
ياهلا بأخوي شمالي 30
ووجهك ابيض طال عمرك
الله يجزاك الف خير
تحياتي لك.
ــــــــــــــــــــــــــــــــــــــــــــــــــ ــــــــــــــــــــــــــــ

السلام عليكم ورحمة الله وبركاته
ياهلا وغلا بأخوي عقاب
حياك الله
والله وانا اخوك هذا وسام على صدري يوم الموضوع اعجبك
والله يعطيك العافيه
تحياتي لك .

[اقدم صقار]

ماشاء الله تبارك الرحمن
الله يبارك لكم فيما عطاكم ويدوم المحبه
اشهد بالله انك وسعت صدري الله يوسع صدرك
الله يعيد ايام المقناص بالخير لاكن باقي في خاطري يوم خليتو الحبارى يوم تقول وراي اشغال والله لوه انا لو اغيب عن الدوام ههههههه ... اقول ما كتبت لكم وعسى الله يعوضكم انشاء الله
تقبل مروري

[حامد الحنيني]

السلام عليكم ورحمة الله وبركاته
اخوي ابو البراء
صقار ابو ظبي
مقتوون
وعسااف
والرشيدي
فهد الحنيني
الحمش 1
ابو ذيب خالد
wwmfs
طير الحماد
soman
قرناص
وصقار الجنوب
مذخور

اشكركم جزيل الشكر على اتحافكم لي بموضوعي وردودكم الطيبه
واعتبرها وسام على صدري واتمنى من الولي القدير ان يوفقكم جميعا
لما يحب ويرضى ونلتقي في مواضيع قادمه
وشكرا لكم .

[حامد الحنيني]

السلام عليكم ورحمة الله وبركاته
اخواني
مكرم الضيف
ابو امين
ولد حرب
وهاوي بر وصيد
اقدم صقار
اشكركم جزيل الشكر على ردودكم الطيبه والله يعطيكم العافيه والصحة والسلامه
اخوي اقدم صقار والله يلولى شغلي ماهو ضروري ولي
ايام وانا مأجله كان سحبت على كل شئ ورحت
لاكن مالك عن المقسوم
تحياتي لكم .

[falcon 1]

ما شاء الله تبارك الرحمن
صايد وفايد ان شاء الله
والله يباركلكم في طيوركم ويستر عليه
وعسى هالصيد والفيد والوناسه دوم

تقبل مروري
اخوك
فالكن 1

[حامد الحنيني]

ما شاء الله تبارك الرحمن

صايد وفايد ان شاء الله
والله يباركلكم في طيوركم ويستر عليه
وعسى هالصيد والفيد والوناسه دوم


تقبل مروري
اخوك

فالكن 1


ياهلا يابو حمد
حياك الله
شرفت الموضوع الله يعطيك العافيه
ويجزاك خير
تحياتي لك.

[راعي - عديم]

وعليكم السلام والرحمه
ماشاءالله تبارك الرحمن اخوي حامد
هالسنه وكل سنه

[حامد الحنيني]

وعليكم السلام والرحمه

ماشاءالله تبارك الرحمن اخوي حامد

هالسنه وكل سنه


ياهلا ومرحبا اخوي راعي عديم
جزاك الله خير
والله يرزقق الجميع
تحياتي لك.