ما أفضل طريقه لتطويع البكر عند الحليب؟

[راعي العريف]

السلام عليكم ورحمة الله وبركاته , والشهر مبارك للجميع
مثل ماهو في العنوان بودي استشير أهل الخبره في الابل في كيفية أفضل طريقه لعسف أو تطبيع أو تطويع الخلفه البكر ؟

بنسبه لي في العاده أطقها بل القياد وأبدا, بس يالربع مثل ماهو معروف لدى الجميع القياد يغثها من جميع النواحي , لذلك أتمنى من كان لديه طريقه مجربه لعسف الناقه عند الحلب بحيث لايستخدم القياد وتكون النتيجه أنها ماتحترك ولاترغي عند الحلب سواء يحلبها واحد او تكنف وفي فتره وجيزه .

تقبلو تحياتي

[ابو زنعاف]

يالغالي ما فيه شي يجي غصب

انا مجربه اكثر من 15 سنه خذ معك حبل ثم احو الناقه الي (اربط رجلينها من فوق الوروك ) ثم خذ معك خبز يابس كل ما دارة راسه يمك عطها حبه خبز مع المناده بسم الناقة ثم كل يوم يخف من ربط الحبل حتا ازالته مره

[ابو زنعاف]

يالغالي على فكرة خل مع خبز عطه وانت تشمله او سارح معها او يذ دخلة الشبك حاول تلينها الي تصير هديه

[مالقيت إسم]

مثل ماقالوا الأخوان تقريباً هذا هو الحل الوحيد ويمكن فيه طرق أخرى
تحيآتي ...

[شامخ الشيـبان]

من يوم هي حواره اعطيها خبز وتمر

واحكها واشيل القردان عنها والاعبها

ولا تبعد عني

لاكن ابلي شوية والى الان لم تلد عندي بكر

فياليت الاخوان يفيدوننا اكثر

[alajmi110]

افضل طررريقه بالسياسه

سايسها ولا تجفلها فالحلاب ,, الحقها في مفلاها وعطها خبز وشخب منها

حط لها علف وشخب منها ,, شوي شوي لي توثن على الحلاب

والبكر مثل الجاهل ما يعرف شي ,, لكن يعلم ويتعلم

بعض الناس هو الي يطير الناقه بالرباط والقيد في رجيلها وهذا خطأ ,

كل شي يبي له صبر وطولت بال

والله يكتب لك الخير

[راع الريمة]

اهم شي لاتضربها...ماتستاهل ...بنت حلااال

كلللللللللل يوم احلبها وثبتها بزندك....وحتى لو "غارت"يعني وقفت الدرة...احلب ومسح ديوسها عشان تعود على مسكته وماتخاف....

ان كنت همام وراع عزيمة...صدقني ماتاخذ اسبوع الا وهي مثل البقرة..تقطعها ولاتحرك......الله يعز الناقة

[omar911]

فل معهآ في مرعاها وامسح عليهآ وكرمهآ من الخبز والتمر..
واول الحلب القيد من وروكهآ من فوق ومع الكرم والصبر تبا تصبح سمحتن هآديه..

[بازار شريف]

عندي ناقه الان منيب ماقد ذقنا لبنها لا انا ولا راعيها اللي هي من عنده
وهي لقحه ماتحترك وتتبعك في كل مكان ولما انتجت ياهملالي ماحد يقدر يقرب يمها تعض وتهبد وتتجنن
ربطنا وقيدنا وجبنا سودانيين تقول مسكونه وقمت عليها وخليتها انتاج المشكله لاترضع حوارها ولا تبي
احد يقربه قالوا اهل الخبره خلهاروحوارها بتحن عليه وخليناها ومات الحوار من الجوع تقول شيطان
المنايح هدايا من الله لاتقول تطبيع والله فيه اباكير تحن ورحوم من اول يوم

[تركي البقيلي]

شوف وانا اخوك قبل ماتلد عطها خبز ومسح له خلفها قبل الولادة بكم شهر وبعدين يوم تحلبها اول ماتلد عطها عيش وان شاء الله ماتخلف عليك

[مسيطر]

افضل طررريقه بالسياسه

سايسها ولا تجفلها فالحلاب ,, الحقها في مفلاها وعطها خبز وشخب منها

حط لها علف وشخب منها ,, شوي شوي لي توثن على الحلاب

والبكر مثل الجاهل ما يعرف شي ,, لكن يعلم ويتعلم

بعض الناس هو الي يطير الناقه بالرباط والقيد في رجيلها وهذا خطأ ,

كل شي يبي له صبر وطولت بال

والله يكتب لك الخير


هذا الكلام الصح

[سيف الاشراف]

عندي ناقه الان منيب ماقد ذقنا لبنها لا انا ولا راعيها اللي هي من عنده
وهي لقحه ماتحترك وتتبعك في كل مكان ولما انتجت ياهملالي ماحد يقدر يقرب يمها تعض وتهبد وتتجنن
ربطنا وقيدنا وجبنا سودانيين تقول مسكونه وقمت عليها وخليتها انتاج المشكله لاترضع حوارها ولا تبي
احد يقربه قالوا اهل الخبره خلهاروحوارها بتحن عليه وخليناها ومات الحوار من الجوع تقول شيطان
المنايح هدايا من الله لاتقول تطبيع والله فيه اباكير تحن ورحوم من اول يوم


ناقتك يا اخ بازار عندي علاجها :

ابعد الناقه وحاشيها المولود عن البل حتى ما تشوفها ابد

واذا اظلم الليل خل تخبوا عن الناقه وانت والا الراعي البس ملابس لونها غامق وغافل الناقه على ولدها بالظلام واسدحه وخله يرغي وانت لاتخليها تشوف زولك خلها تظن انه ذيب على ولدها ..

بتجيك الناقه فازعه لولدها اذا قربت منك انحش وهوبل كنك ذيب لا تمشي مثل مشيتك عشان لا تعرفك .. وانتبه لا تهبدك

رح البس ملابسك العاديه وتعال للناقه من قدام وجهها وخلها تعرفك تلقاها مفجحه على ولدها وكل ما منها يرجف .. هادها حتى تطمن على نفسها وولدها وارفع راس الحاشي لديد الناقه وخله يرضع .. صدقني ماتخليك الناقه تطلعه من تحتها

وان رضع مره خلاص ترومه وتخاف عليه

اهم شي في الموضوع ان الناقه تتأكد انه ذيب اللي هجم على حاشيها
اذا ما نجحت من مره عيدها حتى تنجح

[الذيب الصويب]

اخوي اهم شئ إنت لا تجفل منها إذا قامت تخابط وحاول لا تفك ديدها ولو تحلبه بالتراب ماعندك مشكله لأنه احياناً لاحقها اللبن وهذا يسبب لها ورم وإذا جيت تحلبها يسبب وجع لها بس ماعليك احلب على الهون واهم شئ لا تضربها وطول بالك عليها وإن شاء الله ترويك حليب وإذا عجزت منها مره مره فيه طريقه نسميها العصابه لو راكبها مليون جني تحلبها وهي تعتبر اخر حل