ماطور ابوجمل ليش يحتر

[صقرالعارض]

السلام عليكم اخواني والشهر مبارك عليكم بعد الزحمه سؤالي هو ان ماطور الهواء ابوجمل راس واحد يحتر من عند مشبك الهوز بالماطور مع العلم اني ما اعبي اكثر من كفر واحد ثم اخليه يبرد او اضع قطعة قماش مبلوله بالماء عشان ماينفجر الهوز من الحراره لانه حصل وانفجر قبل كذا فهل هذا عيب في الماطور ام ماذا افيدونا الله يجزاكم خير .

[ابوصالح77]

هلا بك يالغالي
الحرارة عادية
لكن لا تحمل على الماطور بالحيل
إذا وصل ضغط الهواء بالكفر 20-25 كافي عشان ماينفجر اللي (الهوز )
عندي ماطور ابو مواصير ما باقي إلا أشوي عليه

تقبل تحياتي

[لاتكب البيالة]

السلام عليكم
اذا ابو جمل الاصلي حنا نعبي به سيارتين مرة وحدة ويحتر لكن ما ضره

[محلات الكشاتة]

إذا وصل ضغط الهواء بالكفر 20-25 كافي عشان ماينفجر اللي (الهوز )




اوافق عمي بما قاله
وهو أنه يكفيك لكي تصل ألى أقرب محطة

[راعي هدد 2007]

ليش انا عندى واحد بس من القدام
يحتر بس ماانفجر اعبى الكفرات الين خمسين الاربع
زين انكم نبهتوتى شكرااااااااااااااااااااااااااااا

[sultan911]

اخذت واحد من صديق لي وكنت مبسوط فيه وبعد طلعه رحت اعبي اكفرات ويوم وصلت عند الكفر الاخير شوي الا ينزل صوته ولا صار يعبي وطلت ريحه منه وارجع على ماطوري الاول والله اني كرفه ولاعمره قال لا ياحليله وهو الي يجي في شنطه وفيه علم بريطانيا وبوجمل راسين ولاكن انا اشوف انه اضعف بعد تجرتي له

[جيبي جايزلي]

طبيعي حراره الماطور انا اعبي اربع كفرات بوقت واحد صح انه يحتر بس ما تاصل انه ينفجر او يخرب اللي

ومن قوه حرارته حاط قطعه لي على مكبس لي الماطور المتحركه طول 3 سم تفك اللي بسهوله

[wafian]

الحرارة طبيعية

[صقرالعارض]

الله يبارك فيكم جميعا والله اني بغيت اغيره احسب انه خربان وقلت هذا بيوهقني وانا قبل مااشتريه استشرت الاخوان بالمنتدى ونصحوني فيه لاكن هالحراره كنت خايف منها وطالما انها طبيعيه طول الهوز وكل ما انفجر قصه وركبه ثانيه والكمادات البارده موجوده وكلها من5-10 دقائق بيعينا الله وماراح كل يوم نعبي الله يجزاكم خير على مروركم وشوركم .

[قازان]

مثل ما قالو الإخوان إذا هو أبو جمل أصلي يعبي أربعة كفرات ولا يضره

لكن رأيي مو أكثر من سيارة في المرة الواحدة

كان عندي أبو جمل أصلي كنا نعبي فيه سيارتين وأحياناً أكثر لكن ما عمر معانا حده سنة وحدة

لكن إذا التزمت ما تعبي فيه إلا سيارة وحدة كل طلعة بر تراه يعمر سنين

بس المشكلة إذا طالعين معاك شباب ما عندهم ماطور تضطر تعبي لهم كفراتهم

بس طبعاً تضحي فيه وكل سنة تغيره أحسن من تزعل الشباب وتخرب الطلعة

[الساهر2003]

هلا بالجميع
بصراحة الاصلي معي من 8سنوات صحيح انه يحتر لاكن نتفخ اكثر من ثلاث سيارات وماشي تمام
اهم شي لا ترفع ضغط الكفر الى اكثر من 30
لان اللي حار ولا يتحمل الضغط الزايد ولو تعطل اللي بالامكان تقصه وترجع تركبه
او تمر شارع الريل وتنق اي نوع من الليات
انواع واشكال فيع اصلي ايطالي ب90 ريال ممتاز جداً

[أبوعابد 22]

والله نعبي باأبوجمل الأصلي سيارتين ورا بعض ولا جه شي

[صقرالعارض]

يااخوان انا مااعيب على الماطور الاالحراره والماطور مافيه كلام ولكن انا يوم اسأل عن حرارته خفت انه يوهقني وطالما ان هذا طبيعي مافيه اي مشكله والماطور الموجود عندي راس واحد وعليه صورة جمل ومغير الهوز ايطالي لونه احمر هل يوجد لي افضل دلوني عليه بارك الله فيكم جميعا.