ارجو من كل الاعضاء الدخول الرجاء ثم الرجاء دقيقتين بس تكفوون

[Yazeed الصيد]

السلام عليكم

بسم الله الرحمن الرحيم

انا توني مسجل اليوم


عضو جديد

اسمي يزيد


عمري 14


ساكن بالرياض



يا اعضاء منتدى مكشات الرائع



هل تنصحووني اشتري ساكتون

والله اني احب الصيد

لاكن ما عندي شيء اقنص به

و ودي بساكتون يصيد قمري و دخل .. الخ


والله اني منقهر كل الاولاد اللي اعرفهم وعلا كبري واللي اكبر مني بسنة او سنتين
عندهم ساكتونات



فهل تنصحوني :(

[Yazeed الصيد]

[QUOTE=Yazeed الصيد;7109600]السلام عليكم

بسم الله الرحمن الرحيم

انا توني مسجل اليوم


عضو جديد

اسمي يزيد


عمري 14


ساكن بالرياض



يا اعضاء منتدى مكشات الرائع



هل تنصحووني اشتري ساكتون

والله اني احب الصيد

لاكن ما عندي شيء اقنص به

و ودي بساكتون يصيد قمري و دخل .. الخ


والله اني منقهر كل الاولاد اللي اعرفهم وعلا كبري واللي اكبر مني بسنة او سنتين
عندهم ساكتونات



فهل تنصحوني :(



والعذر والسمحوه كان الموضوع بالقسم الغلط

[Yazeed الصيد]

احتري ردودكم باحر من الجمر

[الوجاج]

اشتر ساكتون وانا رايي انك تاخذ ساكتون فايروخ 35 زينه للقميري والدخل ..ويفيدونك الشباب
تقبل مروري اخوك الوجاج

[Yazeed الصيد]

تكفون عجلو اليوم الفجر ابمشيء للديره شقراء

[Yazeed الصيد]

الله يعطيك الف عافيه ما قصرت اخوي الوجاج

[Yazeed الصيد]

طيب تنصحني بــ 27 ديانا المانيه

[Yazeed الصيد]

؟؟؟؟؟؟؟؟؟؟؟

[عطيب ومايغيب]

هلا وسهلاً بك اخي ضيف كريم علينأ في منتديات مكشات

انا اقول لاتشتري سكتون رح لبنده والا العثيم وشتر منه طيور مبرده سمان ههههههههههههه

تراي امزح مثل ماقال الي قبلي خذ ديانا 27 تناسبك

[نيشان502]

اسمع اخوي Yazeed الصيد (http://www.mekshat.com/vb/member.php?u=219021)
35فايرخ حلوه مره وقويه بس غاليه وال27 بعد جيده وللدخل مممتازه
بس ال35افضل بواجد

[511القناص511]

يزيد اول شي اهلا وسهل بك بين اخوانك

انا انصحك بــ ديانا 27 او فايروخ 35


بس احسن شي من وجهة نظري الديانا 27

وتقبل مروري اخوك:511القناص511

[مغرم بالفتك]

,, عَطَر قٌدٌومكِ المنتدى .. وَ تَزيّنتْ ,,
,, مَسَاحَاته بِأعذَب عِبَارَات الوِد وَ الترحِيبْ ,,
,, وَ مَشَاعِر الأخٌوَة وَ الإخلاص .. كٌفٌوفِنا مَمدٌودَة ,,
,, لِكِفٌوفِـك لِنخضِبَها جَميعاً بَالتَكاتٌف فِي سَبِيـل زَرع بٌذورْ ,,
,, الأخلاقِيـَات الرَاقِيـَة وَلا نَلبـث أن نَجنِي مِنهَـا ,,
,, إن شَاءَ الله ثَمراً صَالحاً .. وَنٌتشَـارِكَ ,,
,, كَالأسرَة الوَاحِدَة لِتثقِيف بَعضِناَ ,,
,, البَعضْ فِي كٌل المَجَالاتْ ,,
/
\
,, أتَمنَى لَك أوقَاتْ مٌمتِعَه وَ مٌفَيدَة ..
:
,, عَسَـاَك عَالـقٌوةَ وَ مَاَ ننـحِرم مِن تَواَصِلكـ مَعنَـاَ ,,
:
,, وَنحن فِيْ إنتِظاَرْ مَاَ يَفِيضٌ بِه قَلَمٌكْ مِنْ جَدِيدْ وَ مٌفِيدْ ,,
:
,, و لَكَمْ مِنيْ كٌلْ الْوِدْ وَ الأحْتِـرَاَمْ ,,
رائيي انك تاخذ ام صتمه35
ونرجوا منك انك تتحفنا
بالصيد الزين وعدم
الاسرررراف
تقبل مرور اخوك
مغرم بالفتك

[نيشان502]

:eek: ماااااااااااشاءالله عليك اخوي مغرم بالفتك وش هل الكلام الحلو
وانا مسجل قبل ايام ورا ماقلتلي كذا :D :D

[((القناص))]

ماشاء الله تبارك الله الله يوفقك ياخوي ويجعلك تصيد وتفيد
بالنسبه للساكتون انصحك ديانا 27

[راعي البلجيكي]

الــــــ 27 حلووووه للقميري والدخل وموفق

[azzah]

انا عندي 27 ديآنآ ومآهي قوويه ابد والـ 35 فآيروخ مآجربتهآ بسس الـ 27 مآآشش

[راعي البيكاال]

فايروخ 35
بس انتبه اذا ماتعرف لاتصوب احد
وفالك الشحم
تقبل مروري

[جنو الشرق]

هلابك اخوي يزيد
وياهلابك بين اخوانك
انا انصحك 35 فآيروخ
وانتبه وانا اخوك لا تعطي خوايك لن اخوي الصغير الله يصلحه يعطي خوياه
والدعوه كرم ويمزحون لين واحد من اخوياه صاب الثاني بضهره بس الحمد لله ماهي خطيره
بس انسجنت لن السكتون بأسمي وانسجن اخوي فلأحداث سبوعين وتبهذلنا
خلك ذيب وانا اخوك واذا بغيت تعطيهم خلك جاد وشد عليه انه مايمزح معكم فيها
والله يطعمك منها وعقبال الوعل اللي بتعزمنا عليه
فالك الخير
اخوك الشمري

[ابو 440]

فايروخ 35

[DeltaMax]

حياك الله اخوي

[مفتووون]

افادوك الاخواااان شكرا

[وليد 5]

افادوك الاخوان

[أبوعابد 22]

شف وانا واخوك خلك على الديانه

[اجااا]

هج عن الاسباني ولا تقربه ابد
الاماني احسن دينا ولا فايروخ

[Yazeed الصيد]

الله يعطيكم الف عافيه ما قصرتو وفيتو الله يوفقكم


طيب المسدس قامو الاسباني p-800 عمي عطاني اياه هديه قبل شوي


وش تتوقعون يصيد

[هاوي الطيار]

حياك الله بين اخوانك
ان شاء الله تناسبك ديانا 27 وانت طالع تجدها عند مركز صاب موجود عندكم

[مركز الثقل]

الفايروخ 27 مناسبه وسعرها مو غالي عليك

[aserkm]

ليتك يا يزيد الخير ما تولعت بالصيد من قلته والناس واجد كلن يبي يصيد والأمور أمور

تولع بطلعة البر والربيع وشبة النار ودن النجر وادن الدلال واحمس وبهر وقرب البراد من الجميرات


بالله خذ نصيحتي وخفف من الولع بالصيد وإلا تبي تبلش ,,, القنوص أكثر من الصيد


هذه نصيحة رجل يعتبرك من عياله ,,, وعيالي مثلك بس صرفتهم ابشرك عن هالهواية ,,,,


اسمع كلامي ولك الشكر

[رسيس نجد]

اهلا بك في المنتدى
الافضل للي في سنك 27ديانا0

[راعي مرزوقه]

خذلك 45 ديانا وماجاك عندي ياولدي انت بتكبر وعمرك مهوب ثابت على ال14 السنين تركض

[هاوي الديار]

الاسباااني حلوووو وانا مجرب وعيااره تمااام
والله انه يخليك تحب الصيد وتحب ترمي فيه
بس يقهر في خرباته يعني اهتم فيه وان شاء الله يعجبك
بس اسباني مقاس كم؟

[قرناس الحماد1]

ديانا 27 هي الأنسب لك بالوقت الحالي

اتمنى لك التوفيق والسداد ونراك من القوانيص الكبار

للجميع التقدير والاحترام

[ابوصالح3]

فايروخ 30 مناسبه لك حيل وسعرها مناسب

وفالك الشحم

[صياد عن بعد]

انصحك بالالماني مجربها انا وانشاء الله ماتندم والراي رايك

[العارض 511]

انصحك بالجلسه بالبيت ومقابله التلفزيون مالك ومال الخطوط المعلقه

[جب هآت ود عط]

الفايروخ 35 ممتازه جدأ لاكنها تبي تتعبك وانت شايلها وتمشي مسافات طويله لاكن عندك ال27 حلوه وطيبه بالحيل وأخف من ال35

[السلق عشق]

يمدحون البلايستيشن هالوقت

وخل الصيد بعد سنتين

[نيشان502]

:D :confused: :Dهههههههههه الرجال سافر وانتم تقرقوون

[ذيب.]

السلام عليكم اخوي انصحك بي فايروخ 35 يوم كنت بعمرك الوالد الله يحفضه شراها لي وخدمتني خدمه ما هي صاحيه صدت قمري والله القمري المهاجر اني اخذه بهاا عشانه مو مذعر مايخاف مثل الشيطانه ام طوق وذي نصيحتي لك تقبل مروري اخوك ذيب.

[سويرعلي]

الرجال بشقرا عدلها على نبيطه وريح مخه...

[مطنوخ عبس]

انصحك بديانا27
تحصلها عند الرميح حلوه ومناسبه لك
وفالك الصيد

[الباشاء]

انا اذكر فيه ام صتمة ـــــ عند الرميح الـ 38 ممتازه مرره للقميري والدخل ــ لاكن مادري موجودة او انقطعة وافضل من ال 35

[ذيب الفاو]

اسمع ياولدي انت توك صغير ونصيحتي لك لاتناظر هالأولاد ترى ماورى الصيد والمطامر الا العنا فالصيف يصير وجهك اسود من الاهوب وفالشتاء يصير وجهك ازرق من البرد فنصيحتي لك اترك الصيد وانتبه لدراستك الله يرضى عليك ياولدي تراك صغير مره وبالتوفيق ..

[نيشان502]

مااقول الا القنص بالركاده والتسرع جهاله

[الولهان807]

30 فايرخ ممتازة جداً وسعر مناسب

[شاخوف الشمال]

انشد ابوك احسن لك

[مراسل العيينة]

يزيد شف وانا اخوك أنا معي فايروخ 27 وحلوه لكن نصيحتي لك فايروخ 35 وراح تدعيلي

[نيشان502]

:D:heart:اقوول خذ امخمس وريح بااالك

[وحيد الليل404]

الله يحييك بالمنتدى
افادوك الاخوان فيهم الخير والبركة

[قصيمي عالمي]

منور المنتدى
وانصحك انتبه تقررب للاسباني او الصيني
الماني وبس ديانا او فايروخ
واذا تبي ام صتمه وتعرف احد يجي للقصيم من اقرباك عندي ديانا وفايروخ

[Yazeed الصيد]

الله يعطيكم الف عافيه ما قصرتوا لا انا اجلت روحتي للسبت ابروح السبت ان شاء الله


والله احسن منتدى في العالم


وان شاء الله ابنزل الصور بالمنتدى :)

[Yazeed الصيد]

اليوم رحت للرمايه والرميح اللي جنب بعض في شارع التخصصي


مالقيت عندهم 27 ولا 35 :(:(:confused: وش السواة يقولون بتجي في 20 رمضان

[ابو الوليد جد]

احسن لك انتظرها

تقبل مروري

[Yazeed الصيد]

اجل والله شكل وجهي مهوب وجه ساكتونات ولا صيد :(:(:(:(:(:(:(:(:(:(:(:(

[الصقري2000]

يقطع ابوها من حاله
معليك منهم يا يزيد اطلع وصد وانبسط وانت منت ورع انت شباب ودامك شباب فالصيد زين لك
واذا ما لقيت احد يطلعك ارسل رساله علا الخاص وابشر بالي يطلعك
........
وانتم يالي تقولون لا تطلع للصيد
ان جلس بالبيت عند التلفزيون والبلايستيش قلتوله يا بزر
و ان راح للصيد قلتوله توك صغير
....
والله انك كفو ورجال بس عليك بالفايروخ٣٥ لا تتعداها
وانتضر الين تنزل عند الرميح

[Yazeed الصيد]

تسلم اخوي الصقر الاشقر


الله يوفقك ويعطيك كل ما تتمناه




انا ودي بــ 27 او 35

[Yazeed الصيد]

والله يجيب اللي فيه الخير والبركه



والله المستعااااان . . :(

[هاوي بر و صيد]

ليتك يا يزيد الخير ما تولعت بالصيد من قلته والناس واجد كلن يبي يصيد والأمور أمور

تولع بطلعة البر والربيع وشبة النار ودن النجر وادن الدلال واحمس وبهر وقرب البراد من الجميرات


بالله خذ نصيحتي وخفف من الولع بالصيد وإلا تبي تبلش ,,, القنوص أكثر من الصيد


هذه نصيحة رجل يعتبرك من عياله ,,, وعيالي مثلك بس صرفتهم ابشرك عن هالهواية ,,,,


اسمع كلامي ولك الشكر



اوافق اخوي الراي

[عتيبة]

نصيحه مني خذ لك 27

والله حلووووووووووهـ للدخل ...... الخ

[مدى الحرمان]

السلام عليكم ورحمة الله وبركاته
انا انصحك تاخذ ساكتون ناريه مهي هوائيه
والله تقنص لك القمريه قنص بس خذها قبل الموسم عشان السلاح يغلى مع الموسم
خذ لك ناريه افضل من السوجن
لاقنصة قمري واجد لاتنساني
يله لكم تحياتي جميع قناص
الشمال