أدخل ولاتبخل علينا بشورك للضرورة يارجال

[مهوووي]

سلام عليكم ورحمة الله وبركاته مبارك عليكم الشهر جميعا الموضوع ياخواني انا حصلتلي جيب 2007 الون لؤلؤي gxrلمتد فل الفل دفي دي فتحه اسبير علاق شاشه مخشب وللممشى 76000 عييوبه جايته صدمه على الرفرف اليمين وراعيه يقول شرط المحركات والبدي ..... انا ابي اعرف كم يسوى الرجال حاده بسعر وانا بعرف هو يستاهل ولا اصرف النظر

[abo_saleh]

اذا الممشى حقيقي والايرباقات سليمه

انا اشوف انه يسوى بحدود من 95 الى 100 الف

وشوف راي الاخوان بعد يمكن اني مخطي

[شايل جروحي]

مرحبا
الموتر ممشاه قليل هذا اولاَ ومواصفاته كامله ماعدا الونش ولونه مرغوووووب جداً وقيمته بدون عيوب تقريباً اقل شي 125 الف لكن السوال عن الصدمه بس رفرف فقط يعني خارجي وما وصلة للابواب ولا مقدمة السيارة تنزل من قيمته 20 الف مثلاً اذا كان سمكرتها او تغيير الرفرف شغل نظيف يعني 100 أو 105وفي النهاية هذي معلوماتي والشباب كلهم خير وبركة ويمكن معلوماتهم احسن مني وبالتوفيق لك

[أبوعابد 22]

أفادوك الشباب ماقصروا

[مهوووي]

الموتر ممشاه قليل هذا اولاَ ومواصفاته كامله ماعدا الونش ولونه مرغوووووب جداً وقيمته بدون عيوب تقريباً اقل شي 125 الف لكن السوال عن الصدمه بس رفرف فقط يعني خارجي وما وصلة للابواب ولا مقدمة السيارة تنزل من قيمته 20 الف مثلاً اذا كان سمكرتها او تغيير الرفرف شغل نظيف يعني 100 أو 105وفي النهاية هذي معلوماتي والشباب كلهم خير وبركة ويمكن معلوماتهم احسن مني وبالتوفيق لك






ببيض الله وجهك وبانسبة لصدمه بس الرفرف وشغل السمكره جيده جدا والباقي ابد تمام وياربع تكفون عطونا العلم والكااااد تكفووووون

[مهوووي]

وبانسبه للونش ونش موجود اسف ماذكرته

[مهوووي]

وينكم يارياجيل يااخوان ترى مكشات عودنا على الردود الي تبري العله عجلووو عليناااا تكفون

[مهوووي]

فيه مشاهدين ولااحد يبي يرد وش سااالفة يااخوان

[الليزر....]

اخوي الموتر 6 سرندل او8
وان شاء الله اقدر افيدك

[شايل جروحي]

بالتوفيق باذن الله

[راعي مرزوقه]

مابين 113و122

[جي اكس ار2000]

اذا السمكرة ماضرت الشاص والعكس والبدي الداخلي ومواصفاته حساسات 4 ورشاشات فالقيمه 112 تقريبا-118

الاسبير علاق غير مرغوب

[الشريف سلطان]

جي اكس ار 2000
نفس الكلام وترى اللي بيركب مو زي الشريطي
+1

[البيضاني]

تحذير يأخوان هنالك بعض الشريطية هداهم الله يغير ويعدل بالعداد وفيه محل متعارف عليه عندهم يعدل بأي سيارة أكترونية ولا غيرها خذوا حذركم من ذلك أذا وجدت سيارة الممشى قليل ضع 20؟

[جي اكس ار2000]

كيف اعرف ذلك يالبيضاني؟؟؟؟؟؟؟؟؟؟؟

[مهوووي]

اخواني الموتر 6 سلندر قير عايدي واخو البيضاني كيف اعرف اذا هو لاعب بالعداد ولا لا الموتر انا شايفه بلمعارض وبانسبة للسمكره ماضرت شي الهم الرفرف وراعي الموتر شريطي وانا محتار يارياجيل وقاااالي سعرره 145 الف

[البيضاني]

التلاعب بالعداد ماحداً يكشفه أحد حتى الوكالة وعلى العموم شراء الليل أنتبه منه

[abo_saleh]

145 الف والله غالي جدا جدا

وعني أنا الموتر مايسوى هذا السعر بحسب خبرتي اكثر من 15 سنه في المعارض

لا تستعجل وبتتعب شوي بس في الاخير بتاخذ موتر زين

[مهوووي]

طيب اخوي البيضاني وش تقول يستاهل قيمتة

[مهوووي]

يابو صلااح بيض الله وجهك على النصيحه بس ياخوي العالم رمضان وخير وكلن يبي الاجر وبعض اخوانا اشريطية يكذبون على خلق الله

[abo_saleh]

مافهمت قصدك كيف يكذبون ؟؟ بأي شي بالضبط وان شاء الله اني افيدك

[V 8]

145000 اسعار 2009 V6

بالنسبة للعداد الا لكتروني ما فيه أسهل من فصلته وترجيعه

أنا شخصيا ما أعرف لكن أشوف بعض الشباب اللي أعرفهم الله يهديهم

[مهوووي]

بالاسعار وسيارات وكلامهم على العموم بيض الله وجهك

[abo_saleh]

عموما تأكد من مقعده السواق اذا هي مكدوده أو الطاره اذا هي ممسوحه او لمعتها زايده معنها الممشى غير صحيح هذي الشغلتين ممكن تساعدك

والله يوفقك