حصلت جيب لكزس 98 ولكن مدري عن السعر ارجو الدخول تكفون

[madmad99]

حصلت جيب لكزس 470 موديل 98
ماشي 237000
طبعا صاحبه فك الهيدروليك وركب مساعدات
ويقول فيه دقه في الرفرف الايمن بجنب الاسطب وتم سمكرته ،وفيه ايضا دقه بسيطه في الرفرف الايسر وتم سمكرته .
بس لما جيت اشيك حصلت التنده من فوق فيها زي الدقوق شكيت لا يكون مقلوب .
وقال موعدنا على الفحص افحصه من صدامه الى صدامه اذا ما جاز لك فلوسك عندك وسيارتي عندي.
لونه اسود.
السؤال كم يسوى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ افزعو يا شباب

[عقيدالخيل]

صباح الخير

انا اقول خمسين الف

[مقطع العروق]

مو غريبه علي السيارة كأني شفتها
اذا هي فهي يبيلها تلقيطات واجد في الداخليه اذا هو اللي ملبس المراتب مخمل فهو كان قايلي 67

والفتحه عنده عطلانه اذا هو ,,, فانا والله ما صلح لي

اما على كلامك فاسعارها في السوق مغلينها اصحابها بالحيل بس ما قلت راعيها كم قالك ...
وهل هو سيم قبل

والله يوفقك ويسهل عليك

[madmad99]

مقطع العروق .. هو قال مسيوم 67000 بس وش رايك فيه .؟؟؟
السيارة في الرياض ملبس المراتب جلد الماني ؟

[مقطع العروق]

شكلك اللي انا شفته

وهو موجود حول مستشفى التأمينات اذا هو والله بنظري واجده عليه بالحيل
لا تنسى مديل 98

انا اول ما شفته غرني ممشاه ولكن والله بنظري الموتر يبيله تلقيطات ولا تنسى اي سيارة مستخدمه بتخسر فيها لانك لزوم تغير القطع الاستهلاكيه حفاظا على السيارة لانك ما تدري صاحبها الاول يغير اصلي ولالا

ولا تنسى قطع غياره غالي مثل ال vxr واغلى اذا بتركب قطع اللكزس

[مقطع العروق]

واكيد الاخوان الباقين يفيدونك لان خبرتي قليله ولكن باذن الله ماراح نقصر معاك باللي اعرفه

انا لي شهر واسبوعين ادور موتر ولا حصلت لا جيب لكزس ولا لاندكرزر ولا فتك بسعر معقول وان زادو بالسعر رحت افحص القاه كلام غير اللي اشوفه

والله يوفقك واي خدمات انا حاضر

[madmad99]

مقطع العروق :: ياخوك الي شفته انت لونه اسود؟؟؟؟ والله مدري بس انت تقول انه منجد المراتب مخمل
الي شفته مراتبه جلد الماني ...عموما انا استخرت وشكلي هونت وش لي والتصليح كل شوي ...باشوف لي سيارة موديلها حديث وبلى مهايط ههههههه الله يرزقنا واياكم يا رب

[أبوكنداسه]

أبوضح لك قطع غياره نار نار نار
كل شيء فيه غالي

[مقطع العروق]

عفوا منجد جلد تو سألت اخوي لانه كان طالع معي نشوف السيارة وكان يقول مراتب الوكالة متقطعه او فيها شيء وعشان كذا نجدوها

اللي انا شفته لونه اسود ونفس الاشياء اللي انت تقولها انا شفتها واتوقع انه هو وهو يقول 67 لو تقوله باتشري بسومته بيقولك تم


وعموما الله يرزقك اللي خاطرك فيه وانا والله ادور جيب والظاهر بخربها وباخذ بي ام 2005 لقيتها بقيمة جيوب متهالكة بالسوق

طيب عندي سؤال لك وشرايك بالاكسبلورر مدري انا قريت لك موضوع انك ناوي تشتري وانا حدودي في 65 ونازل ودي اخلي الباقي عندي صيانه

يعني مديل 2007-2006 والله اني متخوف منه حيل حيل خصوصا انه فورد

وانت وشرايك به او بالفتك واللاندكروزر والجيب لكزس وانت اكيد شفتها كلها

والله ولي التوفيق

[madmad99]

مقطع العروق :: والله اني دورت الين قولت بس في الاكسبلورا ولو احصل اكسبلورا باشتري بس المشكلة كل ما نزلت المعارض حصلتها كلها امريكي ولا جايه من الامارات وحالتها حاله وان جيت ادور لي سعودي حصلته بذاك الكلام فتحطمت نفسيا بس فيه اكسبلورات 2007 في حدود 65الف بس المشكلة كلها مباعة وهذا الي حصلته في موقع حراج.. نزلت المعارض مافيه نادر ما تحصل وان كان ودك بامريكي ولا جاي من الامارات فبتحصلها بالدرزن في المعارض .......عموما الله يكتب الي فيه خير
الاكسبلورا ممتاز وودي اليوم قبل بكره احصل لي واحد نظيف بس طفح الكيل وكل يوم تقل الدراهم

[مقطع العروق]

مقطع العروق :: والله اني دورت الين قولت بس في الاكسبلورا ولو احصل اكسبلورا باشتري بس المشكلة كل ما نزلت المعارض حصلتها كلها امريكي ولا جايه من الامارات وحالتها حاله وان جيت ادور لي سعودي حصلته بذاك الكلام فتحطمت نفسيا بس فيه اكسبلورات 2007 في حدود 65الف بس المشكلة كلها مباعة وهذا الي حصلته في موقع حراج.. نزلت المعارض مافيه نادر ما تحصل وان كان ودك بامريكي ولا جاي من الامارات فبتحصلها بالدرزن في المعارض .......عموما الله يكتب الي فيه خير
الاكسبلورا ممتاز وودي اليوم قبل بكره احصل لي واحد نظيف بس طفح الكيل وكل يوم تقل الدراهم

ياليل الليل انا باقيلي كم يوم واكمل الشهرين بدون سيارة وحالتي حالة مع اجارات واخذ سيارة اخوي مرات

لدرجة اني كرهت القيادة والسيارات لاني ما حصلت طلبي

والله يعين الجميع يارب

[عبدالله7777]

55 إلى 60 والاخوان مايقصرون