أي من ألوان المغاتير تفضل

[خشف.]

السلام عليكم ورحمة الله وبركاته


الشهر عليكم مبارك
وبعد
أي من ألوان الحرار المغاتير تفضل ؟
1 - الأشقر
2- الأشعل
3- الأحمر

وإذا خيرت بحمر صافي او أشقر أرقط ؟؟؟
أيما تختار

[الحمش1]

يعطيك العافيه موضوع طيب

ياويلي على الاشعل راسه ابيييييييض

تحياتي

[بو هاشم]

يعطيك العافية على الطرح
واحب من المغاتير الاشعل
واذا خيرت بين الحمر الصافي والاشقر الارقط
بختار الحمر الصافي اذا كانو نفس الفعل

[ابوبندر2012]

صصصصصصصصصصصافي احمر

[عاافك الخاطر]

صبحتوبالخير جميعآ..اعضاء ومشرفين.
مايبيلها انا اخوووك الاشعل افضله بالنسبه لي..وبخصوص الاختيار بين الاحمر الصاافي ولا الاشقر الارقط افضل الاحمر الصاافي بالنسبه لي وكلٍ له هوى.
على قولت قولت ابن عون ولا احمرٍلونه لهب كير.
وسلامتكم..

[ربع نت]

يقولون الأولين
اسودها أسودها
واحمرها فهودها
واشقرها نمورها
وبالنسبه لي انا افضل اححمر راسه زبده
واذا خيرت بالصافي أو الاشعل
الارقط اختار الاحمرالصافي تقبل مروري

[هاوي هدد 11]

أشعل
أوحمر صافي

[مكرم الضيف]

شكرا لك على الموضوع

وافضل اللون الاشقر




قال الاميرمحمد السديري برده على قصيدة الشراري




طيرك غدا بالصيف شاف التناكير .... حدنة العقبان لين اقلعنه



والطير وقت القيظ شر بلا خير .... تتعب وكل أيديك ما يشبعنه



عندي عوض طيرك ليالي المخاضير .... فرخ قرانيس الهوى علمنه



تحير في وصفة جميع الصقاقير.... سود عيونه نظم بحجور هنه



أشقر عديم يصخر الخرب تصخير .... يدية شكات الغلب ينثرنه



وإن صرت قدام السلف والمظاهير .... بمخافق الاجوال يعجبك فنه



طير يعوضك يا صبي المخاسير .... وخل الصياح ونة الصدر كنه



قبلك بكينا الطير هو والغنادير .... قد عذبن القلب ثم اوجعنه

[شليويح511]

انا لو يخيروني باختار الاطيب مثايل واطيب وسره بغض النظر عن لون الطير حتى لوكان خضر اما من ناحية الالوان انا اشوف الاشعل بالمرتبه الاولى والاشقر بالمرتبه الثانيه

[راعي الدويمع]

الاشعل بغير منازع يا كثر جمهوره

[خشف.]

مساكم الله بالخير جميع
ويعطيكم العافيه على التفاعل مع الموضوع

[هاوي بر و صيد]

أشقر عديم يصخر الخرب تصخير .... يدية شكات الغلب ينثرنه

[رامى السيد]

الاشقر ولو خيرت احمر صافى والامر لله

[alrshedi]

وعليكم السلام ورحمة الله وبركاته
والله يتقبل منا ومنك صالح الاعمال ان شاء الله
المغاتير نقول بيت الشاعر مسلم البحيري
اشقر غتر كن الذهب بظهر بان ..
ورش (ن) كما اللؤلو يحلي غواطيه ..
والثاني اختار حمر صافي
والله يرزقك ان شاءالله بنادر الي تمناه انت ومن يقرا ان شاء الله

[جـرح الشمـال]

احمر صافي مبي غيره

[جرناس دبي]

مشكور على الموضوع
بنسبه لي :

الاشقر كاشف الراس.
ولا الأشعل كاشف الراس .

تحياتي لك

[wwmfs]

اشقر مثل الذهب

ثم الاحمر الصافي

[طيرالحمــــاد]

الاشـــــــــــقر

[العازمي q8]

السلام عليكم
الله يعطيك العافيه على الموضوع
افضل الاشقر
واذا اتخيرني بين احمر صافي ولا اشقر ارقط طبعن الاحمر الصافي
وعلى قولة الشاعر بن عون هالقصيده ..

ياخو رجا عفت الحرار الصواريم

اللـي نـوادر فعلهنّـه يشـافـي

واخترت من فعله خراص وتواهيم

وصابك عليه من المحبه هرافـي

خليت عوق المقفيـات المخاريـم

عطب اليمين الي لحق بالكتافـي

إليا قلب للي تعلـت ورى الغيـم

كنه حول لـو مابعينـه خلافـي

ياعاشق المغتر تحـد المجاهيـم

الفعل خله لشقر اللـون صافـي

باقٍ عليك لطيرك الزيـن تعليـم

اما فعل ولى عن الفعـل هافـي

كم مغترٍ قبله يهـاوي المراجيـم

وإن كوبر الحفـال كبـه عيافـي

وتقبل مروري ولاهنت

[خشف.]

يعطيكم العافيه على الردود والقصايد الزينه
ويقول حمود العازمي
ومعنا أشقراًَ بالطلع ماهوب عله === شره على الخرب المصقر ليا بان

[متوكل على ربي]

احمر صافي وسيع المناخير كن دق صدره دقت شماغ بسام

[راشد حسين]

اخوي اكيد الاشقر الفارسي

[خلف الفار]

الاشعل ماعليه غبار
لاكن الحمر الصافي الوق من الارقط

[اقدم صقار]

السلام عليكم
ومشكور اخوي على الموظوع
اما المغاتير... الاشقر لو كان ماهوب صافي
اما الاحمر الصافي دوا غليص وخاصة ان جاك راشه كاشف ومافيه مدامع
وهذي رأيي وكلن حسب كيفه ومزاجه
طبعاً كلامي للوحوووووووووش
وتقبل مروري