الموضوع عن طير فرخ حمر صافي .. بنتظار الصقارين

[عيد العازمي]

السلام عليكم ورحمة الله وبركاته

ومبارك عليكم باقي الشهر الكريم

شباب الموضوع ومافيه طير اصلي فرخ حمر صافي اربطه راعيه وقت المقيض

وبعدها قرنس الطير راعيه وطلع الطير بكر ارقط .........

وربطه السنه اللي بعدها اللي هي وقت المقيض

وقرنسه ثنو ......وتغير الطير من ارقط غسل من جديد ريشه ورد حمر صافي ...

هل مستحيل اللي اقوله او صارت مع احد فيكم

ويشهد الله اني سمعت

ان هذا اللي صار مع طير الرجال اللي يعرفونه الشباب .....

بنتظار ردودكم .

[ربع نت]

عليكم السلام ورحمة الله وبركاته
يشرفني اني اول من رد
هذي وانا اخوك شي طبيعي تصير باكثر الفروخ ولا تهتم
يعني شي عادي تقبل مروري

[خط المقناص]

0000000000000000

[عيد العازمي]

عليكم السلام ورحمة الله وبركاته
يشرفني اني اول من رد
هذي وانا اخوك شي طبيعي تصير باكثر الفروخ ولا تهتم
يعني شي عادي تقبل مروري


جزاك الله خير ولاهنت على الرد السريع

بس اللي اقصده وانا اخوك الفرخ لا قرنس بكر بانت ريشته بس اللي محيرني وانا اخوك

من بكر ارقط يرد صافي يوم صار ثنو رد على ريشته يومه فرخ ؟

بنتظار ردك ورد الجميع يالغالي :)

[عيد العازمي]

kjjkjjkjkjkjjj


اشكرك على المشاركه ههههههههههههههه الاخ شايفني امريكي :D

[ربع نت]

شي طبيعي جدا بس وهذي حكمة الله فيهن قد صارت معي كذا بس يوم قرنس ثنووو طلع ريشه صافي
اولا حسب مكان المقيظ لان له دور فالقرنسه من نظافه وتعقيم واهتمام وعلف عال العال
ارجو اني افدتك واذا مخطي يصححون لي اللي لهم خبره اكثر مني

[شليويح511]

والله يالحبيب هذي غريبه وما عمري سمعت عنها اما الفرخ اذا كان صافي يمكن ليا قرنس يصير ارقط لاكن بكر ارقط ويصير اليا قرنس صافي اول مره تصير

[خط المقناص]

السلام عليكم ،،،

الطير بكر ارقط ويقرنس ارقط ،، لا يمكن يكون صافي
احتمال انه مغشوش بطير ثاني :D
تحياتي

[طربق طربق]

العازمي يا مرحبا ومبروك عليك الشهر الكريم ومن يدخل الموضوع

انا الى اعرفه من يكون فرخ لونه صافي يمكن يتم كما هو او يصير في دق ولا رقاط طبيعي وتصير اغلبها

في طيور منغوليا يجيك صافي ويوم يصير بكر يصير فيه دق بس النقطه الى انت تبيها هو من بكره الى ثنو

يرد صافي والله شي غريب واعتقد صعبه حيل ولا عمر الحالة مرت على بس يمكن من بكر الا ثنو يقل الدق انا

اكون معاك لان ثنو هو اغلب الطيور تثب على ماهو على من الريشه

واكيد اني طولت عليكم الموضوع

[طيرالحمــــاد]

المعروف تثبت ريشة الطير على البكر اما تبدل من ارقط الى صافي بعمر ثنو غريبه جدا جدا .

[أبو أمين]

شي طبيعي جدا بس وهذي حكمة الله فيهن قد صارت معي كذا بس يوم قرنس ثنووو طلع ريشه صافي
اولا حسب مكان المقيظ لان له دور فالقرنسه من نظافه وتعقيم واهتمام وعلف عال العال
ارجو اني افدتك واذا مخطي يصححون لي اللي لهم خبره اكثر مني

السلام عليكم

الشهر مبارك عليك أخي الكريم

اتمنى وأنا اخوك ان تتحرى الدقه فيما تنقل او تكتب من معلومات

لأن فيه من اخوانك المبتدئين منهو يقرا ردك وياخذ به ويمكن تصير عنده قناعه ويمشي على خطأ

وهو يحسب ان معلوماته صحيحه

ما علمته باللون الأحمر اعتبره مجانب للصواب ومصيبه كبرى !!!

اذا كان المقيض الزين والعلف الطازج والنظافه بترد الأرقط صافي فأنا اقول لا حول ولا قوه الا بالله !!!

يا اخي لو ان المسأله كذا ما بقا أرقط على وجه الأرض !!! كلن يبغى الصافي .

راعي الموضوع حالتك اول مره اسمع بها ,,, طيرك والله اعلم به خلل فالجينات .

[ابن الاصيل]

والله يخوي قصتك غريبه اول مره تمر علي وقلت لبوي اسالفه وضحك وقالي انقلع وراك ههههههههه ياليت الاخوان يفيدونا

[راعي الدويمع]

والله نسمع عن اطيور تغير لونها بعد القرنسه لكن ما مرت عندنا

[ابو فهاد0]

والله ياخوي اول مرة اسمع ان طير بكر ارقط قرنس ثنو واصبح صافي
والمعروف بان الطير تثبت ريشته من يوم انه بكر

اعتقد ان الكلام فيه شكه

[ربع نت]

ابو امين لاهنت انا ماقلت شي خالي من الصحه
انا قلت صارت معي وثبت بعد الثنووو على صفاوت ريشه لين وصل سادس ومات
وانا ماقلت ان نظافة المربط ترد الارقط للصافي قلت له دور في تزيين القرنسه
وللمعلوميه اسال راعي الموضوع كيف قرنس فرخ وكيف قرنس بكر
ياليت انك انت اللي تتحرا قرائت الموضوع بشكل جيد... تقبل مروري

[هاوي بر و صيد]

بالتوفيق للجميع
ويارب يتقبل طاعاتنا جميع
امين

[alajmi110]

السلام عليكم

احتمال يكون الطير صافي وهو فرخ

ويقرنس ويجي فيه نمش او دقه او دقتين على حزام الريش من النص

ويقرنس ثنو ويطلع صافي مافيه ولا شي

هذا طبيعي لان بعض الدقوق وبعض النمش غير ثابت سراي مابين فتره وفتره يختفي

اما اذا كان الطير ارقط الرقاط الي حنا نعرفه فهذا شي غريب جداً !!!!! واتمنى منك يالغالي اذا كانت عندك له صور

ان تنزلها في الموضوع لنرى عجائب الله في خلقه

نبي له صوره وهو بكر ونبي له صوره وهو ثنو لاهنت

تقبل مروري

[أبو أمين]

ابو امين لاهنت انا ماقلت شي خالي من الصحه
انا قلت صارت معي وثبت بعد الثنووو على صفاوت ريشه لين وصل سادس ومات
وانا ماقلت ان نظافة المربط ترد الارقط للصافي قلت له دور في تزيين القرنسه
وللمعلوميه اسال راعي الموضوع كيف قرنس فرخ وكيف قرنس بكر
ياليت انك انت اللي تتحرا قرائت الموضوع بشكل جيد... تقبل مروري

يا مرحبا يا اخوي

اول شئ اعلم وانا اخوك اني ماني جاي اكذبك يمكن انها حصلت معك لكن

المسأله نقاش فقط وامل انها ما تجي في خاطرك لكن انا باخذ ردك ونت اقراه زين واحكم :

(شي طبيعي جدا بس وهذي حكمة الله فيهن قد صارت معي كذا بس يوم قرنس ثنووو طلع ريشه صافي
اولا حسب مكان المقيظ لان له دور فالقرنسه من نظافه وتعقيم واهتمام وعلف عال العال
ارجو اني افدتك واذا مخطي يصححون لي اللي لهم خبره اكثر مني)

1- انت تقول انها طبيعيه جداً وانا اقول انها ما قد حصلت لي وتعتبر نادره .

2- انت تقول حسب مكان المقيظ لان له دور في القرنسه وحنا قاعدين نتكلم عن الأرقط

يرجع صافي وانت ذكرت الفقره هذي وش تبيني افهمها وانا اخوك ؟؟؟ ولا اغلب الناس يعرفون

ان المربط الطيب يساعد على القرنسه الطيبه !!! .

3- انت تقول واذا مخطي يصححون لي ,,, دامك منت مخطي ليه تكتبها ؟؟؟

[ابوبندر2012]

انا اقول انه يعرف طيرك في المربط وبدله

[راعي مرعوب]

اتفق مع ابو امين ولاقصور بالجميع
الموضوع يعتبر نادر وانا صارلي اقني فروخ
8 سنين واكثر ماعمري شفته نفس هل الموضوع والله اعلم
كل شي يجوز

[ربع نت]

لا عادي ابو امين الدعوه نقاش
بس احب اوضح لك اكثر هذي الحاله تصير فالتفريخ اكثر شي
وانا اتوقع ان طير الرجال انه تفريخ من غير ما اشوفه تصير كذا لان مافيه توافق بالجينات
يقرنس ياخذ من جينات امه يقرنس بعد ياخذ من جينات جده او ابوه وهكذا تقبل مرري الله يعطيك العافيه

[شقردي الجبيل]

وعليكم السلام اخي عيد انا اول مره اسمع طير ارقط يصير صافي وانا اعتقد انه صاحب المربط مغلط في طيرك
اذا انت صقار متمكن من نفسك روح المربط وظهر طيرك بنفسك صدقني الموضوع فيه خطا وهذا راي والله يوفقك

[مهوووي]

ياربع صلوووا على النبي علية الصلاة والسلام انا اقول لراعي الموضوع ان كانك متأكد من طيرك ! فهاذي حالة وحده من مليوووون \.!!! ويجوووز لان الطير الله الي خالقه والي الي يصرفه والصقاره وطيوور بحر ومحد يقدر يحكم عليك بكلمة ثاابتة واتمنى اني افدتك وشهر مبارك عليك

[حارس المناره]

ممكن كل شي جايز او يمكن يوم قرنس بكر كان مريظ وبين على الريش امرضه ويوم قرنس ثنو عودعلى طبيعته ولونه الصحيح

[دعاس]

الله يعطيك العافيه اذا انت شفت الحاله فانت ابخص
اما بحياتي ماعاد سمعت ان حدث مثل كذا.
الطيور التفاريخ تنقل من صافي الى ارقط احيانا
اما يكون هالطير نجيرة البكر صار فيها رش او نقص
فيتامين او الطير تعرض لكورسات قويه يمكن تقلب ريشته
ويوم قرنس بكر رجع لحالته’’كل شي جايز(اختلط الحابل بالنابل)

[مسعورر]

مستحيل تصيرولا عمرها صارات ها السالفه ابد مره صافي ومره ارقط ابد ما تصير ابد؟؟؟؟؟:no2:

[جـرح الشمـال]

[QUOTE=دعاس;7124144]الله يعطيك العافيه اذا انت شفت الحاله فانت ابخص
اما بحياتي ماعاد سمعت ان حدث مثل كذا.
الطيور التفاريخ تنقل من صافي الى ارقط احيانا
اما يكون هالطير نجيرة البكر صار فيها رش او نقص
فيتامين او الطير تعرض لكورسات قويه يمكن تقلب ريشته
ويوم قرنس بكر رجع لحالته’’كل شي جايز(اختلط الحابل بالنابل)[/

اتفق مع اخوي دعاس:good::good::good:

[النـادر]

مستحيل البكر الارقط يعود صافي مستحيل الا في حالة وحدة فقط وقد صارت معي

كان عندي قرناس ثالث صافي فارسي من الطيبات اللي انقطعت وكان فيه مشكلة يتأخر فالقرنسة قلت ابيه يبكر واعطيته كورس ورجع فيه رش واجد في اسفل ظهره لكن السنه اللي بعدها تركته على طبيعته ورجع ريشه عادي

اسأل خويك يوم قرنس من فرخ الى بكر اعطاه كورس والا ادوية هرمونات تساعد على الحذف لانه هي الاحتماليه الوحيده وغيرها مستحيل

[الصاعقة33]

بالنسبه للفرخ يقلب من صافى الى ارقط اذا قرنس هذى طيور منغوليا انا كان عندى فرخ صافى منغولى وقرنس وطلع ارقط وطيرك قرنس ارقط وبعدها قرنس وطلع صافى هذا مستحيل ولاكد صارت نهائيا

[ABU HAIBAH]

انا انصحك تروح لطبيب عيون ترى العتب على النظر

[ابوفهدعبدالله]

الطير على ريشة البكر ولله اعلم

[فهد الحنيني]

حياك الله اخوي انا ياواحد ماشفت ولاسمعت عن هالحاله هذي

ولا فيه شي مستحيل أبد كل شي جايز .. قدرة الله فوق كل شي سبحانه وتعالى

(اذا فيه صور ياليت يالغالي تكلم صاحب الطير وتنزلهم بالموضوع )

[ركن برزان]

مرحبا يالغالي

بس لا يكون قلطان في طيره يكون توه رايح المربط وشايف له طير صافي ويحسب طيره

والله ان سالفتك غريب ولا سمعت فيها ابد .. بس يمكن صاحب المربط معطيه كورس

وصارت عنده لخبطه في الهرمونات .. او انه تفريخ ويمكن تصير مع التفاريخ كذا واهل التفاريخ اعرف..

وبعدين ياليتك تنزل صور له فرخ وبكر وثنو..

[عاشق التوام]

السلام عليكم ورحمة الله وبركاته
صبحكم الله بالخير جميع

يا إخوان ما أزيد عليكم وأنتم تعلمون ولكن موضوع زيادة أو نقص الفيتامينات بالطير هو السبب الأول في إختفاء أو ظهور الرقاط ولاتحدد بسن معين وخل العلمي علمي والشعبي شعبي

أستدل على ما أقول من ناحية علمية ومشابهه في الإنسان بالبياض اللي يطلع على الأظافر ظهوره بسبب زيادة أو نقص الفيتامينات وإختفاءه بأخذ القدر اللازم من الفيتامينات لأن الزيادة فيها ضرر أيضاً على طبيعة الإنسان وقس على ذلك الطير

أما الربط بالسن من ناحية علمية ما أعتقد فأتوقع إن هالحالة جائزة ولو إنها نادرة فعلاً



وتفضلوا بقبول وافر الإحترام والتقدير،،،

[Wahash]

Any body intrested in highquality saker falcons call me on my number or send ur email adress for pictures.... call me 00436764651110

[عيد العازمي]

مستحيل البكر الارقط يعود صافي مستحيل الا في حالة وحدة فقط وقد صارت معي

كان عندي قرناس ثالث صافي فارسي من الطيبات اللي انقطعت وكان فيه مشكلة يتأخر فالقرنسة قلت ابيه يبكر واعطيته كورس ورجع فيه رش واجد في اسفل ظهره لكن السنه اللي بعدها تركته على طبيعته ورجع ريشه عادي

اسأل خويك يوم قرنس من فرخ الى بكر اعطاه كورس والا ادوية هرمونات تساعد على الحذف لانه هي الاحتماليه الوحيده وغيرها مستحيل


اللي صار مع الرجال نفس ما صار مع اخونا النادر


اللي غيره من فرخ صافي الى بكر ارقط ومن بكر ارقط ورد صافي

سببه اللي سمعته نفس ما صار مع اخوي النادر



وبيض الله وجيهكم الجميع على مشاركاتكم الحلوه

واشكر اللي بعد النادر حلووه بعد بس اللي اشوفه حل وعرف سبب الطير اللي اقول عنه النادر اول من رد وجاب الحل بسرعه قبل اللكل ولاهنت انت والجميع

والسموحه على الرد المتاخر يا اخواني

[.تقوى الهجر.]

هذا الالتفآآآآريخ سبحان الله فرق الوحش اول مره اسمع بها التفاريخ ..

[بواحمد2008]

السلام عليكم ورحمه الله
اما بخصوص الموضوع يالعازمي انا مر علي طير فرخ صافي وهو طيري انا وقيضته عندي وبعد ماقرنس بكر صار ارقط من اول ظهره الي الاخر وظهرت له مدامع وصارت ريشته مهي زينه ولما كان فرخ كان اشعل وصافي ,وضل على لونه ثنو وبعته اما بخصوص ان الطير فرخ صافي وبكر ارقط وثنو صافي والله هذي مامرت على ابدا ,اما بخصوص الاخ اللي يقول ان مكان المقيظ والتعقيم والعلف له دور هذا كلام غييييييييييير صحيح ابدا ابدا ابدا يعني لون الريش والدق اللي بالطير ماله علاقه بالنظافه ممكن يكون له علاقه في صحة الطير واشياء كثيره بس الدق واللون لا ولا كان شفت الطيور كلها مميزه بالريشه الزينه على العموم هذي سلالات في الطيور والله سبحانه هو اللي خلقها على هالشكل .

[مقناص الكويت]

اخوي طيرك يمكن من اطيور منغوليا من صافي تقلب ريشه رقط

بس مدام علي كلامك تقول تغير بكر صار ارقط ويوم صار ثنو رد صافي صعبه حييييل اول شي ياتغير طيرك بالمربط

مو طيرك ...بال(العربي)

او يوم صار ثنو قل الدق الفيه