مساعدة في القوارب و معلوماتها..تكفون

[حداقة سيهات]

السلام عليكم

هلا بالنواخذة ..

يا شباب لو أحد يعلمني على أنواع الطراريد

و أسعارها

من حيث الحجم وعدد الركاب

وانواع المكاين

و أسعارها

وشو انواع المكاين المناسبة اللي تركب على الطراد

و وشو الفرق بين تراخيصها (نزهة/صيد)

و وشوه يتطلب حق تملكه رخصه تفويض

وما أكثر الطراريد اقتصادا

و اكثرها استخادما مع العلم اني ابيه للصيد

وما ابيه فخم ولا شي



واسمحوا لي اني طولت عليكم في الكلام لكني ناوي لي على طراد

و اسألكم يا أهل الخبرة

ووفقنا الله واياكم

تحياتي..

[خادم الإسلام]

السلام عليكم

عليكم السلام ورحمة الله وبركاته



هلا بالنواخذة ..

حياك الباري


يا شباب لو أحد يعلمني على أنواع الطراريد

ابشر باللي نعرفه
الأنواع كثيرة منها :
- الضاعن
-الفارس
-رويال كرافت
-قلف كرافت
- الدرازي
-كيلو

هذه المنتشرة عندنا


و أسعارها

لا علم لي بالسعر الحالي ولكن
الفارس 29 قدم انا اعرف انه بـ37000 تقريباً

الضاعن الـ27 قدم بـ 57000 تقريبا

والباقي يفيدونك الأخوان



من حيث الحجم وعدد الركاب
كلما كبر القارب اعطاك عدد اكثر ركاب ولكن يحتاج محركات اقوى


وانواع المكاين
فور استروك / وتو استروك
يامها
سوزوكي
هي اكثر المحركات انتشار


و أسعارها

تختلف على قوة المحرك


وشو انواع المكاين المناسبة اللي تركب على الطراد

الجواب في الأعلى


و وشو الفرق بين تراخيصها (نزهة/صيد)

النزهة خاص والصيد ممكن تستقدم عليه عماله


و وشوه يتطلب حق تملكه رخصه تفويض

منيب فاهم السؤال
وما أكثر الطراريد اقتصادا

الطراد ماله دخل الكلام على المحرك
وبالطبع البخاخ اقتصادي أكثر من الكلبريتر
والفور استروك ( رباعية الأشواط ) اقتصادية
أكثر من التو ستروك (ثنائية الأشواط )
والفرق التو ستروك يخلط معها زيت والرباعية مثل السيارة يعني كل فترة تغير الزيت .


و اكثرها استخادما مع العلم اني ابيه للصيد

كل وعلى قد قروشة


وما ابيه فخم ولا شي




واسمحوا لي اني طولت عليكم في الكلام لكني ناوي لي على طراد
و اسألكم يا أهل الخبرة


ووفقنا الله واياكم


تحياتي..

حياك الله أخ وحبيب وهذا اللي اعرفه ولعل من الأخوة من يزيد

[حداقة سيهات]

تسلم أخوي على المعلومات القيمة

فعلا استفدت منك بس انا ابي أعرف

حق امتلك الطراد شنو باحتاج ؟

رخصة مثلا ؟

[خادم الإسلام]

رخصة قيادة فقط

[حداقة سيهات]

رخصة قيادة فقط
اهاه

تسلم اخوي وتعبناك معانا