سؤال لاخواني الطواريح

[مفتووون]

بسم الله الرحمن الرحيم
السلام عليكم ورحمه الله وبركاته
مبرك عليكم الشهر الفضيل والله يعيده علينا وعليكم

حبيت اسال عن طريقه شبك الطيور وهجرتها من عند منطقه تبوك وانا هاوي او متولع بهالشغله لاكن مالقينا الي يوجهنا وان شالله كلكم خير وبركه وياليت تفيدوني ووش تنصحوني فيه وترا مالنا غنا عن نصايحكم ولكم جزيل الشكر

[عبدالرحمن بن ذياب]

صبحك الله بالخير
بالنسبة ل الطرح او الشبك فهناك طرق كثير ابتكلم عنها بسرعة و بإيجاز
و بالنسبة للصقاقير عندك بالشمال عدد لا يحصى من الصقارة خاو لك كم صقار يعلمك الصقارة من .... إلى
قبل الطرح وقبل توفير أدوات للطرح
الطرح توفيق وقسمة ونصيب وأسأل بو ناصر
شبكة الطرح
http://t1.gstatic.com/images?q=tbn:ANd9GcS1mEuJLIzp1v0DNLTkKiIeZDMJNyhLH ZYk8wixItf6K2M3KFHL
طرق طرح الطيور :
1- الثقالة : هي عبارة عن حديده مصنوعة بشكل بيضاوي يربط بطرفها حبل طويل
و الحبل الثاني يربط ب رجل السمانه أو
الحمامه اللي بتشبك بها ويكون على ظهر الحمامه شبكة الطرح
و تطلق و إذا هد عليها الطير مسكته الشبكة ونقول لك متبوع
2- الطراد : انك تستخدم طير طراد ( يكون صقر مدرب ل هـ الشغلة ) و تشبك حمامه ولما تصيد الشبكة
الطير المطروح( الوحش ) ويشلها تهد طرادك
و من باب الغريز راح ينشب قتال طبيعي على العلف
و تمسك الاثنين :D
3- فيه طريقة ثالثة بس استخدامها لازم يكون بالليل وفي مكان يتواجد به الطير
اسمها المخدجة طريقتها انه يكون شخصين ماسكين المخدجة ومع شخص كشاف من نوع قوي
يسلط ضوئه على عيون الطير بحيث لا يشوف الصواريح و ما يشوف شئ يتقدموا له بشويش و بدون صوت
حتى يلقوا الشبكه عليه
4- طريقة النقل : هذي طريقة لابد من استخدام ( شرياص او شبوط فيها ) ان تبرقع الشرياص
و تربط ب رجله سمانه او حمامه و تشبكها من جميع الجهات و تطلق الشرياص بالجو وراح يكون مربوط
ب حبل طويل عندك طرفه ( لما يكون مبرقع من طبع الحيوان لما ما يشوف يقغد يحوم يلف حول نفسه )
و بهذي الطريقة يجيك الطير على العلف ويعلق بالشبك
فيه عدة طرق كثير و تختلف من مكان إلى آخر يا طويل العمر
ان شاء الله اني افدتك و دعواتك لي بالتوفيق و اي شئ تبغاه انا حاضر
وسلامتك
اخوك نصر الغامدي

[مفتووون]

الله يعطيك العافيه اخوي صقار الجنوب على مرورك وما قصرت على المعلومات المفيده ومالنا غناه عن نصايح باقي الاخوان

[راعي الدويمع]

سبحان الله وبحمده سبحان الله العظيم

[هاوي بر و صيد]

ما قصر اخونا صقار الجنوب
ويا رب بالتوفيق لك ان شاء الله

[العارض 511]

ياحضكم ياهل تبوك وقت الهجره الحرار تمركم علشان كثره المشاريع الزراعيه اللي تهد بها

[mohamed_mz]

الله يعطيك العافيه اخوي صقار الجنوب :)