المساعد الشخصي الرقمي

مشاهدة النسخة كاملة : حرارة البليزر طيرت عقلي يا جماعة ساعدووووووووووني


شعاع القطيف
12/08/2011, 02:05 PM
السلام عليكم ورحمة الله وبركاته

مبارك عليكم الشهر الكريم

حرارة سيارتي البلزر جننتني يا اجماعه سيارتي موديل 2003

اذا شغلت المكيف وهي واقفه تولع الحرارة مليووووون واذا مشيت تنزل الى النص

كل شي غيرته طربمة ماي كلش مرتين لديتر اصلي من الوكالة مدري ايش اسوي واخر شي قال لي ورشة بيعها احسن لك بعد كل الخساير ابيع !!

وناس قالت لي من الراس ؟؟؟

رغم اني رحت بها الرياض ومشغل المكيف والحرارة نص ما تغيرة

واذا ظفيت المكيف الحرارة في النص واقفه لو ماشيه

طبعا شلة الترمستات بعد وحطيت لي مروحتين تبريد يشتغلو مع المكيف والمشكله لا زالة في ورشة في الدمام او حواليها تشوف لي حل ؟؟؟

وكيف اعرف اذا كانت المشكله من الراس تراني شيبت ما اقدر اطلع حتى في اليل نفس المشكله

وفي رجال مكانيكي يقول في ترمستات اثنين واحد فوق والثاني تحت هل صحيح ؟؟؟


ارجو المساااااااااااااااعده



تحياتي لكم

شعاع القطيف
كموص
12/08/2011, 02:12 PM
غير وجه الرأس ... ممكن تكون فيه عيوب غير ظاهرة للعين وغالبا يكون محروق خفيف , وهذا يسبب الحرارة عند وقوف السيارة والمكيف شغال .
شعاع القطيف
12/08/2011, 03:50 PM
غير وجه الرأس ... ممكن تكون فيه عيوب غير ظاهرة للعين وغالبا يكون محروق خفيف , وهذا يسبب الحرارة عند وقوف السيارة والمكيف شغال .


تسلم يا غالي بس قصدك وجه الراس هل هو نفسه الراس؟

بس اعتقد انه غالي ومشواره طويل الله يعين اذا هو نفسه
trailblazer04
12/08/2011, 06:10 PM
تسلم يا غالي بس قصدك وجه الراس هل هو نفسه الراس؟

بس اعتقد انه غالي ومشواره طويل الله يعين اذا هو نفسه

اتوقع يقصد القازقيت

بس مو تقول انك رحت فيها الرياض والحراره عالنص طيب وين المشكله هذي طبيعيه في البليزر

ولا انت تتكلم عن حالتها قبل تخرب؟؟
Vortech
12/08/2011, 10:28 PM
افتح غطا الرديتر وشغل الموتر.... اذا قام الماي يطلع مع برى ومع كل دعسة بنزين يزيد المشكله 100% من الرآس... عاد انت وحظك... يا يكون قازقيت الرآس تعبان وتجي سهلات ان شاء الله أو الرآس يبغي له شغل ... والله لا يقول له.....

شئ ثآآآآني ... الهوزآت .... جديده ؟؟ بدلتها يعني...؟ والغطا حق الرديتر بدلته ولا نفس القديم...

وسلامتك وعفآآآك
شعاع القطيف
13/08/2011, 02:08 AM
اتوقع يقصد القازقيت

بس مو تقول انك رحت فيها الرياض والحراره عالنص طيب وين المشكله هذي طبيعيه في البليزر

ولا انت تتكلم عن حالتها قبل تخرب؟؟

هلا يا غالي انا رحت بها الرياض وهي ترفع بس على الخط حرارتها ما تزيد حدها النص السرعه طبعا كانت ثابته 120

بس اذا وقفت والمكيف شغال توصل حدها ابد ما توقف الحرارة ترتفع مليوووون

واذا طفيتها وخليتا دقايق بس ورشيت ماي على الديتر وشغلتها تنزل لنص على طول


لي نية افك الراس واشوف بس باشوف اول الحلول الا تعطوني وياها واخر شي باشوف موضوع الراس


تسلم يا غالي
شعاع القطيف
13/08/2011, 02:12 AM
افتح غطا الرديتر وشغل الموتر.... اذا قام الماي يطلع مع برى ومع كل دعسة بنزين يزيد المشكله 100% من الرآس... عاد انت وحظك... يا يكون قازقيت الرآس تعبان وتجي سهلات ان شاء الله أو الرآس يبغي له شغل ... والله لا يقول له.....

شئ ثآآآآني ... الهوزآت .... جديده ؟؟ بدلتها يعني...؟ والغطا حق الرديتر بدلته ولا نفس القديم...

وسلامتك وعفآآآك



تسلم يا غالي على مجهودك الطيب

باشبك بكره الصباح الاهواز بدلتها بس الغطا لا ما بدلته بس كان جديد ما صار له 5 شهور يمكن واجد عليه 5 شهور ؟

باشيك على الشغلات الا قلتها وباشوف اخرتها معاها

ناس قالو لي نظيف مواصير التكيف ايش رايك ؟؟؟ يقوولون يمكن فيهم اوصاخ


في انتظار تجاوبكم وشاكر للجميع تجاوبكم ومجهودكم معاي


تحياتي لكم
قناص الوهط
13/08/2011, 02:25 AM
هذا الراس يا خوي خذها من مجرب
واذا تبي نصيحة اخو بعها ترى البليزر مشاكله تعور الراس
والله بيغنيك ويعطيك احسن منها بإذنه تعالى
شعاع القطيف
13/08/2011, 12:48 PM
هذا الراس يا خوي خذها من مجرب
واذا تبي نصيحة اخو بعها ترى البليزر مشاكله تعور الراس
والله بيغنيك ويعطيك احسن منها بإذنه تعالى


تسلم لي يا غالي على الرد

والله ياخوك الا ظايقني شغلت الورش بدل وبدل وبدل وفي النهايه تطلع سوالف من الراس الله يعين بس شكلي هذا الا باسويه والله مليت وانا اغير حتى زوجتي تقول نصرف على السياره حنا ؟؟؟ هههههههههههه

بس شكلي بعد العيد بابيع لاني اذا بعت لازم باشتري سياره بسرعه ما تقدر تعيش من غير سياره الله يعين


شاكرين مرور الجميع وتجاوب الشباب


تحياتي لكم
escape_man
13/08/2011, 01:22 PM
اذا ماعندك تهريب فالمشكلة احتمال تكون من التالي:

- ضعف بطرمبة المويه
- مشكلة بالرديتر
- بلف فاتح
- ضعف بمروحة التبريد وهذي سبق وصارت لي بالانفوي.

شف لك مكنيكي يشيك هالكم شغلة وان شاء الله يكون السبب منها

اذا في نقص بالموية فالسيناريو راح يختلف.
GMC4Ever
13/08/2011, 04:34 PM
حياك الله

سويت فحص كمبيوتر؟
GMC4Ever
13/08/2011, 04:37 PM
اذا ماعندك تهريب فالمشكلة احتمال تكون من التالي:

- ضعف بطرمبة المويه
- مشكلة بالرديتر
- بلف فاتح
- ضعف بمروحة التبريد وهذي سبق وصارت لي بالانفوي.

شف لك مكنيكي يشيك هالكم شغلة وان شاء الله يكون السبب منها

اذا في نقص بالموية فالسيناريو راح يختلف.

للمعلومية كان عندي نفس المشكلة في الـ BMW وكنت في إجازة في الأردن وطلعت المشكلة في البلف اللي داخل الطرمبه يعلق ولا يفك التعليق الا بعد ما أطفي السيارة وأرجع أشغلها. وكان فيه هواء في الرديتر وضعف في كلتش المروحة. غيرت البلف والكلتش وسيخت الرديتر وانحلت المشكلة بحمد الله.
شعاع القطيف
13/08/2011, 11:50 PM
اذا ماعندك تهريب فالمشكلة احتمال تكون من التالي:

- ضعف بطرمبة المويه
- مشكلة بالرديتر
- بلف فاتح
- ضعف بمروحة التبريد وهذي سبق وصارت لي بالانفوي.

شف لك مكنيكي يشيك هالكم شغلة وان شاء الله يكون السبب منها

اذا في نقص بالموية فالسيناريو راح يختلف.

الطمبة جديدة

الديتر اصلي من الوكاله اخ يا قلبي قيمته 1650 ريال ههههههه
بلف فاتح ؟؟؟ ما شيكت

ضعف المروحه هل المقصود الكلش ؟؟؟ تراه جديد واصلي من الوكالة

باشيك قبل لا استعجل


شكرا لك يا غالي ولتجاوبك
شعاع القطيف
13/08/2011, 11:51 PM
حياك الله

سويت فحص كمبيوتر؟


سويت فحص وقالو لي ما في عندك مشكله

ونصحني الفلبيني اني اركب مروحه وركبت ثنتين ؟؟؟ ولا تغير شي


شاكر لك جهووودك اخي الكريم
GMC4Ever
14/08/2011, 04:22 AM
^^^

إذا مالك إلا الوكالة يفحصونها ويعطونك تقرير بالمشكلة وتريح راسك من دوخة الورش
شعاع القطيف
15/08/2011, 12:10 PM
^^^

إذا مالك إلا الوكالة يفحصونها ويعطونك تقرير بالمشكلة وتريح راسك من دوخة الورش


تسلم يا غالي على الرد

بس انا سمعت انا السياره اذا كانت وارد امريكا ما يفحصونها الوكالة ؟؟؟
GMC4Ever
15/08/2011, 12:40 PM
^^^

ما في سبب علشان ما يفحصونها؟ بالعكس الفحص بفلوس وهم ماخذين أجرتهم عليها.

ودها للتوكيلات العالمية أو مركز صيانة AcDelco

وبالتوفيق،،،
شعاع القطيف
03/09/2011, 07:36 PM
السلام عليكم ورحمة الله وبركاته

اخي الكريم شاكر لك ومتأسف لعدم الرد بسبب العيد وسوالف العيد وكل عام والجميع بخير


وين مركز ايسي دلكو في الدمام ؟؟؟ او الخبر


شكرا لك وللجميع على الاهتمام


تحياتي لكم

شعاع القطيف
ابوعبدالله 22
08/01/2012, 09:00 AM
بعه وافتك ..

الموتر هذا بتقعد تصلح فيه الى بكره ولا هوب نافع فيه
aboaody
08/01/2012, 12:33 PM
اولا السلام عليكم ورحمة الله وبركاته


ثاني شي :: لاتبيع ولا تستعجل

انا معي نفس موترك بليزر 2003 امريكي مستعمل مشتريه ذاك الوقت

ومتعذب مثلك بالحراره لين كرهت الموتر كره


بس قلت هدي وخلنا نبدا شوي شوي

كانت الحراره مع المكيف والوقوف تاصل قبل الاتش بشرطتين او ثلاث وبدون المكيف على النص

جيت سيخت الديتر وغيرت البلف الخارجي وركبت مويه اصليه نزلت شوي الحراره يمكن درجه وحده نزلت بس مع ذالك فيه حراره مع المكيف فوق النص بشرطتين او ثلاث


غيرت الغطا ماتغير شي

جيت طال عمرك وغيرت طرمبة المويه وغيرت ليات الديتر نزلت برضو شوي الحراره ومع ذلك لسا باقي حراره

بعدها بوقت فكرة اغير كذا شغله الي وهي (( رحت لمحل فك لي دبة التلوث ونظفها كانت مسدوده مرره + غيرت سير المكينه + غيرت زيت القير مع الفلتر لان القير اذا تبديله موب مضبوط وارتفعت حرارته بترتفع حرارة الموتر + كنت استخدم زيت جي تي 20-50 جيت وغيرته وصرت استخدم زي سوبر جي تي 10-30 ابو علبه بضاء + موية لديتر اصلي + وركبة مروحتين صغار حقات رنج ))

والحمد لله الحين الحراره ثابته على النص باسوأ الظروف مع السرعه او وقوف مع المكيف او غير والموتر خف عزمه اول مكتوم لان الدبه مسدوده


والحين برضو انا ودي انزل درجة الحرار وقاعد اتساعد انا وعضو هنا بالمنتدى على ايجاد حل اني انزلها


ان شاءالله بغير تماتيك المروحه

طبعا الاسعار الحين اقولك فك الدبه وتنظيفها ب 100 ريال مع الملاحظه بتولع معك لمبة الصيانه بالطبلون بعد التنظيف

سير ب 90 ريال

زيت المكينه 6 علب ونص الوحده ب 15 ريال

زيت القير اذا ماني واهم 6 علب استخدمت اسي ديلكو مع انهم مايمدحونه مادري ليش .. العلبه ب 10 ريال

فلتر القير ب 90 ريال شغل اليد اخذ مني والله 40 ريال لتغيره وتنظيف الصاجه حقته وتركيب الزيت


المراوح شريتها ب 150 من التشليح وركبتها ب 100

المويه عاد حسب الشركه الي تستخدمها واسأل الشباب عن اجود نوع يتوافق مع لديتر البليزر

ماشاءالله تبارك الرحمن

واذا تبي تعرف الراس فيه مشكله او لا فيه طريقة ذكرها احد الاخوان هنا بالمنتدى جب النيله السائله الزرقاء الي تنحط مع الملاب البيضاء تلقاها عند اية بقاله او ابو ريالين وحطه بالديتر ترا مجرد قطرات ميزته يغير لون المويه بسرعه

حطه والسياره بارده

شغل السياره وحط على طول قطعة قماش ابيض عند فتحة الشكمان وشف اذا القماش جاه للون ازرق اعرف ان الراس يبيله مسح

هذا والله اعلم واسف على الاطاله ,.. ولاتستعجل بالبيعه
شعاع القطيف
09/01/2012, 07:11 PM
السلام عليكم ورحمة الله وبركاته

متأسف انقطعت عن المنتدى بسبب عملي وانشغالي بالعمل والسياره هههههههه
الله يعينا يا مخالفات يا تصليح سيارات يا مصاريف البيت هههههههههههههه

مصاريف البيت عادي بعد قلنا ما يخالف بس غيره مشكله

والله يا خوك فكيت المكينه وعدلتها كها كلفتني 6000 ريال وهذا الاسبوع باعبي فريون وباشيك بس بيني وبينك لي نيه اغير اخذ تاهو لكن مش الحين اشويا قدام علشان اجهز لي مبلغ التاهو كبير وفيه 3 اسيات احتاجه لم نطلع مشوار بعيد ويا الاهل يعني مجرد تفكير

على فكره للأسف قطع الوكاله غير قطع الموجوده في السوق لاحط هذا الشي والعتب على غرفة التجارة او وزارة التجاره الله المعين

الا رايح فيها المستهلك

تحياتي لكم واشكر كل من تجاوب وساعدني وبعد الفحص رايح اقوليكم ظبط ولا لا والله المعين


تحيه طيبه لكم جميعا
the back
09/01/2012, 07:40 PM
عسى الله يوفقك ان شاءالله

ننتظر تجربتك بعد التصليح

ولو تعلمنا وش عدلت بالمكينه بالضبط
Avalanche
10/01/2012, 08:57 AM
ينقل للقسم الصحيح ...
خنشلية
23/01/2012, 08:39 PM
طيب احب اشارككم بالهم اللي اسمه بليزر. عندي الحرارة تحت النص بشرطة والوضع اوكى داخل البلد بمكيف ولا بدون. حتى اذا مسكت خط برضوا مافيه مشاكل. المشكله ان الحرارة تولع اذا مسكت خط وتوقفت فجأة لاي سبب تولع الحرارة وتبدأ القربة تفور. الطرمبه جديد والمويه جديده ومسيخ الاديتر ومنظفه . ماادري وش بقى عشان نرتاح؟ الظاهر فعلا البليزر الحل الوحيد هو تبيعه بكلب سرق اهله الله يكرمكم ههههههه